كثير من العنا فيني ..! وأقول أخفيه وأكابر .. بقلمي : ρeαrℓ

[Føzöø]

ناطرينج حبيبتي ! 
ممكن اعرف ع الساعه جم !!

 

[sweet.sanfoora]

ناطرة البارت حبيبتي

 

[ρeαrℓ]

الحين أنا قاعده أكتبه .. واذا خلص راح أنزله ان شاء الله

على فكره اليوم فيه بارتين مو واحد .. : )

 

[dreamy_83]

يعني انطر والا اروح اناااااام؟؟؟

 

[ρeαrℓ]

لوول .. لانطري شوي الساعه وحده تقريبا يكون خالصص

 

[NO TEKANA]

ناطريــــــنــــــــج حبيبتي تصدقين مابي الروايه تخلص ابي اعرف كل شي راح يسونه عجييييييييييييبه الروايه بس ها توعديني تسوين روايه 2 اسفه اذا متعبتج بس والله مشالله علبج تعرفين تكتبين

 

[dreamy_83]

يعطيج العافيه حبيبتي ناطرينج

 

[Føzöø]

ناطرينج يا قلبي 

 

[ρeαrℓ]

البارت السابع عشر ​

...​

خالد قعد بالصاله ودق على مشعل​

...​

مشعل كان قاعد بالصاله مع أبرار & سارة
مشعل : تو الناس توه يدق الأخ ويرد << ألوو
أبرار تطالع سارة وكانت متوترة
سارة حطت ايديها على أبرار : لاتخافين حبيبتي
خالد : هلا مشعل ثلاث مكالمات عسى مافيكم شي
مشعل : مافينا شي .. بس أنت شفيك من مساع وأنا أدق
خالد : ماكو .. بس انشغلت شوي
مشعل : آنا بكلمك بخصوص أبرار
خالد تنرفز : شفيها بعد
مشعل : ترى أنت فاهم الموضوع غلط
خالد يقاطعها : أنا سامعها بأذوني .. مو تقص عليك بجم كلمة وتصدقها
مشعل : خالد .. أنت افهم الموضوع بالأول بعدين احكم
خالد بعصبيه : قول ​

...​

أم ناصر : شريتي نفنوف لعرس أبرار
دلال : أوف ماصارت العروس .. لا ماشريت مالي خلق بلبس نفنوف عرس ساره بنت خالتي مريم
أم ناصر : أحسن بعد توفرين .. أنتي بعد وراج تجهيز
دلال : ويع عاد الله والمعرس
أم ناصر : دلال ترى الزواج مو غصب ومايصير تتزوجين وأنتي مو مقتنعه أنا الحين بدق على أم علي وأقولها ماكو نصيب وكل واحد يشوف طريجه
دلال : لا يمه من صجج
أم ناصر : اي من صجي
دلال : يمه كنت أدلع عليج .. لادقين عليها ولا شي
أم ناصر : صج انتي متناقضه كل شوي لج راي​

...​

خالد : لا صدقت
مشعل عصب : شوف خالد ترى مصختها .. بتصدق صدق منت مصدق كيفك .. البنت مظلومه المفروض نوقف معاها مو نعاتبها على شي اهي مالها ذنب فيه ولا انت مو واثق بأختك
خالد وصل حده : أي مو واثق فيها .. ومره ثانية لاتطول لسانك لا أقصه << وصكه
بويهه​

...​

مشعل قام يطالع التلفون واهو منصدم
ساره : شفيك شقال
مشعل : أستغفر الله .. هذا واحد معقد .. أبرار خلاص أنا معاج لاتهتمين بالموضوع
ساره : زين شقال
أبرار خايفه : شفيك
مشعل : أنتو الحين من شنو خايفين
ساره : من أخوك
مشعل : قلت لكم واحد معقد مايفهم خلاص يعني المفروض احنا الي نصدقه مو أهو الي يصدقنا
أبرار : والحين شلون
مشعل : مثل ماقلت لج ماعليج منه .. أنا مصدقج
أبرار راحت لغرفتها
ساره : مشعل ريحني وقولي شنو قال
مشعل : ماقال شي بس ماصدقني
ساره : خلاص مع الايام راح يصدق
مشعل : أنا بفهم أنتي ليش كله توقفين معاه .. يعني تعجبج تصرفاته
ساره : أنا ماوقفت معاه .. وتصرفاته تدل على انه خايف علينا ويبي مصلحتنا
مشعل : زين أنا رايح تبين شي
ساره : سلامتك
مشعل : أنتي بتروحين شقتج اليوم
ساره : أي أكيد
مشعل : هالحزه
ساره : عادي
مشعل : لا مو عادي قومي أوصلج .. وسيارتج خليها اهنيه اليوم
ساره : خلاص .. بس أخاف ست الحسن تزعل
مشعل رافع حاجبه : منو ست الحسن
ساره : منالوو
مشعل : حرام عليج البنت شسوتلج
ساره : أتغشمر .. ومنال أنا أعرفها زين وأعرف أخلاقها ولا ناسي أني آنا الي خطبتها لك​

...​

اليوم الثاني لندن .. الساعه خمس العصر
<< مطار هيثرو >>
خالد : يالله تردون بالسلامه ان شاء الله راح اشتاق لكم
أم عبدالله : واحنا بعد
خالد : أمي ومشعل راح ييون الشهر الياي وأنا برد الديره قلت لهم ان عندي شغل .. وراح نتزوج << ويبتسم
أم عبدالله : ان شاء الله ​

...​

مشعل : منولة حياتي .. آنا بسافر الشهر الياي مع أمي بنروح لحنان بتيين معانا
منال : لا جان زين .. بس دراستي ما أقدر
مشعل : خلاص .. ولايهمج نروح بالعطله مره ثانيه سياحه
منال : حياتي .. ماتقصر الله يخليك لي ​

...​

بعد شهر .. يوم عرس أبرار
بصالون
ياسمين : مبروك أبرار
أبرار : هلا ياسمين .. الله يبارك فيج
ياسمين : ماأقدر أيي العرس قلت أبارك لج بالصالون
أبرار : حياتي ماتقصرين فيج الخير
ياسمين بتردد : أبرار ممكن أكلمج بموضوع .. بصراحه أنا بالأول كنت ما أبي أقولج بس صراحه ضميري قام يأنبني وايد
أبرار بخوف : شسالفة ياسمين خوفتيني
مدام داليا : أبرار يالله اجى دورك
أبرار : آسفة ياسمين مضطرة أروح .. صار دوري
ياسمين : خلاص أنا ناطرتج هنيه
أبرار : أوكي​

...​

خالد : أمي بتيي الاسبوع الياي .. لأنهم الحين مشغولين بعرس أختي
أم عبدالله : مبروك .. الله يهنيها ان شاء الله
خالد : الله يبارك فيج​

...​

بعد ساعة ونص بالصالون
أبرار خلصت من المكياج وباجي لها التسريحه .. كانت تدور ياسمين
كانت ياسمين قاعدة بالكراسي الي يم الباب
أبرار : حبيبتي طول الوقت وأنا أفكر فيج
ياسمين : بقولج بس أبيج توعديني أنج ماتتضايقين مني
أبرار : ياسمين قولي
ياسمين : أول أوعديني .. وصدقيني ترى آنا مالي ذنب بأي شي​

...​

أنتهى البارت بانتظار آرائكم وأنتقاداتكم .. ونطروني بالبارت الثامن عشر اليوم

​

 

[ρeαrℓ]

صفحات البارتات

1- 2 - 4 - 5 - 8 - 10 - 13 - 17 - 21 - 22 - 24 - 30 - 34 - 39 - 40 - 43 - 48


​

 

[Føzöø]

مشكوره ع البارت واايد حلوو
اتوقع ان ياسمين راح تقول حق ابرار ان اهيا كانت اتكلم الي راح تتزوجه او تقولها ان اهو مو زين و جذي من هالكلام
و خالد شنو باط جبدي ودي امصع رقبته المليق
و مشعل يا حياتي كسر خاطري ياليت اهوو زوح حنان
و منال يحليله خوش مره الله يخليها حق ريلها وبس
اتوقع في البارت الياي راح يتكنسل و يلتغى عرس ابرار و هذا الي كان يدز لها مسجات راح يتقدم لها و بس

 

[بنوتة رياضية]

يعطيج العافيه حبيبتي

البارت وايد حلو بس حيييييل قصير وما في احداث

ومتى البارت ؟

 

[Føzöø]

امم ناطرينج حبيبتي مو اطولين علينا 

 

[ρeαrℓ]

متى البارت قلبي !!!

يعني على الساعه جم !?!! 
<< ادري طراره و تتشرط ><3

نزلت بارت حياتي .. ناطرة رايج

* رقم المشاركة : [685]
ρeαrℓ
كــويــتــيــة بــرونــزيــة

*


كويتيات رد: كثير من العنا فيني ..! وأقول أخفيه وأكابر .. بقلمي : ρeαrℓ

حبيت ابلغكم بشغله .. ان شاء الله كل يوم في بارت اذا الله قدرني هالاسبوع

أو الاسبوع الياي بتكون خالصه ..


مشكوره يا قلبي ع هالخبر الحلوو و هذا مو قريبه عليج 
و بالنسبه للبارت الياي ترا ناطرتج بأحر من الجمر  *

ولو .. تسسلمين على المتابعه ... نورتي .. لاتحرميني من مرورج

لوول أخذي راحتج حبيبتي الله يخليهم لج انشالله 

ماتقصرين .. ان شاء الله :eh_s(22):

ناطرينج حبيبتي ! 
ممكن اعرف ع الساعه جم !!

ناطرينج يا قلبي 

ناطرة رايج بالبارت .. ولاتحرميني من مرورج العسسل .. نورتي
:eh_s(17):

 

[ρeαrℓ]

نااااااااطرينج حبيبتي

تسسلمين حبيبتي على المتابعه .. لاتحرميني من مرورج الحلو

نورتي :eh_s(7):

 

[ρeαrℓ]

يلا ناطرينج حبيبتي اخذي راحتج بس انا يمكن اقطع جم يوم بالاسبوع الياي يعني 3ايام او يومين مشغوله فيهم حيل قواج الله على القصه و ناطرين البارت اليووم صبااحي

راح نشتاقلج حياتي .. وتسسلمين على المتابعه .. نورتي :eh_s(7):

 

[ρeαrℓ]

ناطريييييييييينج حبيبتي ​

تسسلمين على المتابعه حبيبتي .. نورتي .. لاتحرميني من مرورج
:eh_s(17):

 

[ρeαrℓ]

الله يخليهم لج حبيبتي و اخذي راحتج

تسسلمين ياقلبي ماتقصرين .. لاتحرميني من مرورج :eh_s(7):

 

[ρeαrℓ]

وييييييييع دلال مليغه حدهااااا حرااام ليش تضلمهااا

حقيررررررررررر حماااااااااار ليش جذي الله يعينج ياحنون ياقلبي حاسه انهااا بتموووووت ؟؟

واااااااااااااي احس حنون بتمووووووت كاسره خاطري وهذي السخيفه ام عبدالله الله ياخذهااااا كرهتااااااا موكفووووا احد يوقف معاهااا بظروفهااااا صج انها مو ويه نعمه ؟؟

حياااااااااتي متى تنزلين باااااااااااارت

؟؟؟؟؟؟؟؟؟؟

توني نزلت بارت .. ناطرة رايج .. وتسسلمين على المتابعه

لاتحرميني من مرورج .. نورتي :eh_s(7):

 

[ρeαrℓ]

هلا فيج حبيبتي ... دوم انشالله ..، الله يسلمج من كل شر يا عمري مشكوره ما قصرتي ...
حبيبتي بقعد عله ع جبدج ما راح اهدج خخخخخ لين تطرديني
و الله يعينج ع الإزعاج حاسه فيج لوووول
اللله يخليهم و يحفظهم و يزيدهم يارب ..!
نااااااطرينج

لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف ..~

حياتي ماتقصرين .. لوول ماعاش الي يطردج .. لاتحرميني من مرورج العسسل ياعسل
نورتي :eh_s(7):