2011-تقرير سفرتنا الى تركيا(اسطنبول+بورصه)2011

[al7noona]

السلام عليكم

راح انزل لكم تقرير سفرتنا الى اسطنبول وبورصه
تاريخ سفرتنا من 18-6-2011 الى 30-6-2011



بصراحه بالبدايه انا ماكنت ناويه انزل تقرير فعلشان جذي اول صور خذيتهم من النت والي حاطه عليهم توقيعي من تصويري
لان في ناس امدحوا تركيا وايد وناس ذموها فعلشان جذي كنت حدي متخوفه منها وكنت حاسه اني ماراح استانس فيها

بس عقب جم يوم لما شفت تركيا واستانسنا حبيتها وايد وايد وايد وجوها وايد بااارد وطق علينا مطر ماشاءالله وعقبه صار الجو بارد وايد
وقررت انزل تقرير وقمت اصور صور حق التقرير :eh_s(7):

وانصح الكل يسافر تركيا صج ديره حلوه وكل شي فيها بس لازم تعرفين الاماكن علشان تفترين فيها عدل

واشكر كل البنات الي منزلين تقاريرهم عن تركيا لان وايد استفدت منهم وخذيت الاماكن منهم لان احنا مانعرف فيها ولا شي وهذي اول مره نروح لها وبالسفره ابوي استانس يقولي شلون ومن وين طلعتي هالاماكن شلون عرفتيهم لوووول اقوله من المنتدى ماقصروا

نبدي تقريرنا


رحنا على الطيران التركي



وصلنا مطار الكويت تقريبا الساعه 2 الفجر


وطيارتنا طارت الساعه 5 الفجر





مدته الرحله 3 ساعات وشوي
والحمدالله وصلنا مطار تركيا -اسطنبول تقريبا 8 او 9 مااذكر بالضبط واجرنا باص كبير ووصلنا الفندق

فندقنا اسمه grand oztanik hotel ويصير بشارع تقسيم ويمنا كله فنادق





موقعه وايد حلو يمه كله فنادق وتمشين شوي تروحين شارع تقسيم وكله مطاعم وتعبرين الشارع تروحين شارع الاستقلال

 

[وداعيه]

احبهااااااااا تركيااا


تسجيل حضور




وشكله التقرير يجنن

 

[كيت مرت وليم]

وااااااااااااي كملي الله يسعدج عاد انا بروح بالعيد انشالله وما عرف ولا شي فيها

 

[al7noona]

صور شارع تقسيم وشارع الاستقلال





ويم ساحة الحمام يبيعون ورد طبيعي حده يشوق ووايد حلوو



وهذا شارع الاستقلال في مطاعم ومحلات وبالنص يدور قطار صغير بس هالشارع معروف كله مزدحم







وين ماتمشين تلقين عربانات تبيع ذره وكستن وصمون







ويبيعون محار يفتحها ويرش عليها ليمون وياكلونها



هذا صوب فندق فيه كافيه وحاطين عربانه يسوي قهوه تركيه



وفي حديقه وايد حلوه بشارع تقسيم ورا ماكدونالدز تصعدين الدري وتروحين الحديقه وايد كبيره وحلووه الزرع والورد والنافوره والالعاب صج حلوه وفيها كافيه تقعدين تشربين جاي او قهوه









وشوارعهم وجمعياتهم كله مسوين دعايه ميرندا حق مهند هههههه

 

[لمسة الحنان]

كملي متابعين التقرير وياج

 

[وداعيه]

متااااااابعه


الحنونه ممكن اعرف السفره حق تركيا جم تكلف؟؟


حق شخصين

 

[al7noona]

ثاني يوم رحنا مجمع فورام اسطنبول
هالمجمع وايد حلو وكبير وفيه اكواريوم ومدينه المنحوتات الثلجيه وملازقه ايكيا
والمجمع اكبر واحد في اوربا وتم افتتاحه سنة 2009





صوره من الاكواريوم اسمها TurkuaZoo turkish aquarium



ودخلنا مدينة الثلج اسمها turkey magic ice

 

[اميرة القصر المهجور]

روووعه كملي

 

[al7noona]

عقب ماخلصنا من المجمع ودانا التلفريك الي يسمونه تل العرائس

صعدنا بالتلفريك بس راح تلاحظون ان في وايد مقابر قديمه الله يرحمهم





ولما توصلون فوق راح تشوفون هالمناظر العجيبه واااااوو








وفوق في كافيه تقعدون تشربون جايكم وتشوفون هالمناظر الخلابه ( ويسمونها اولوس بارك ) تقدرون تصعدونها بتكسي اذا ماتبون تروحون بالتلفريك







وراح تشوفون عرايس اييون يتباركون علشان جذي سموها تل العرائس
وراح تلاحظون بعد في صبيان صغار لابسين لبسهم انا لما شفتهم اقول حق امي وناسه حلو شكله بس من وين شارينه ماشفت احد يبيعه اهني انا توقعت يبيعون هاللبس اهني والصبيان شروه وعلى طول لبسوه
اثاريهم هالصبيان يلبسون هاللبس واييون تل العرائس علشان يطهرونهم وعليه لووووووووووووول

 

[جكورة]

حمدلله على السلامــــة
تسجيل متابعــــــة

 

[al7noona]

مجمع جواهر







جراند بازار - السوق المسقوف

اهوا سوق قديم يبيعون فيه ذهب وفضه ولبسهم حق البنوتات واستكانات واطقم مواعين

 

[أسيرة_أحزاني]

الحمدالله على سلامتج وخوووووش صور متابعه

 

[al7noona]

رابع يوم رحنا بورصه 3 ايام ونرد اسطنبول

اجرنا سايق يودينا بورصه بالباص وهناك في بورصه اهوا يودينا ويردنا كل مكان وعقب يردنا فندقنا باسطنبول

علشان تروحين بورصه لازم تركبين العباره







لما وصلنا كملنا طريجنا بالباص لي فندقنا في بورصه
سكنا في فندق هوليدي ان اهوا حلو بس مكانه شوي بعيد







وثاني يوم صار عرس عند المسبح وناسه هههههههه

 

[al7noona]

عقب ماريحنا قلنا خل نروح ملاهي انا الي اسمع عنها لونا بارك بس يقولون وايد قديمه
وانا قلت له روح لونا بارك بس بطريجنا شفنا مدينه ملاهي حلوه ويديده بس حسافه ماصورت اسمها انصحكم تروحون لها في العاب حق الكبار وايد حلوه وفي العاب حق اليهال حلووين


بالصوره هذا اسمها بس مو مبين واضح وابي اقراه ماني قادره

 

[روزيتا]

انا فى بورصه والجو حلو بس الشمس حاره لكن بالظل الجو وايد حلوووو

متابعه كملي التقرير مبين عليه حلوو

 

[al7noona]

ثاني يوم في بورصه

لازم نروح التلفريك

على ماتصعدين التلفريك تنطرين يمكن ساعه بس واقفين من الزحمه :eh_s(16):







التلفريك محطتين

يوصل التلفريك الاول تنزلين تروحين تركبين الحصان وراعي الحصان يغني لنا اركب الحنطور واتحنطر لوووووول



عقب ماتخلصين تروحين التلفريك الثاني علشان تصعدين فوق وتتغدون


ولما توصلون راح تشوفون في باصات واقفه تقدرين تركبينهم ويودونج فوق الجبل عند الثلج بس احنا وقتنا ماكان في ثلج وايد مارحنا
كملنا نمشي كله محلات تبيع شالات حلوه واشياء حلوه وفي مطعم كبير تقعدين اييبون لج الشوايه وتقعدين تشوين وتاكلين









http://create-avatar.m5zn.com/

 

[al7noona]

عقب ماخلصنا رحنا حق الشجره العملاقه(المعمره) عمرها 600 سنه









وفي كافيه وقعدات عقب ماخلصنا من التصوير رحنا قعدنا بطاوله يابوا لنا صحن فواكه لذيذ



طلبنا فطاير جبن

 

[al7noona]

رحنا مجمع (كيت ميداني) امبين عليه يديد في بورصه وكبير وايد وحلوووو

داخل كله محلات حلوه ومطاعم

صورته من برا وفي العاب حق يهال برا

 

[al7noona]

بورصه بعد فيها مجمعين امدحوهم بس انا مارحت لهم ماكان عندنا وقت


مجمع زافر بلازا

مجمع اس مركز

 

[Katkota_46]

عليكم بالعافيه

وتسلمين على الصور والتقرير