خريجات كلية العلوم الادارية-جامعة الكويت(قسم المحاسبة)

[leolady31]

leolady 3lbrkaaaaaaa elgboool

mshllaah wayd zen elkpc allah ywfgch o lay`6eg 5lgch n6ry shwy o ra7 ygron zyadatkm bt9eron a7sn mn dewan elm7asba eb mlyo0o0o0on mra oho m3ash + momyzat ra7 t9kon 3lehm o b3den btgolen mabekm ;p

goodluck

ام كشة منصجج اذا زادوهم اصلا بقول
انا اصلا ما كنت ابي ديوان المحاسبة كنت ابي النفط منزمان لوووووووووووووول:krkrkr:
بس صج بنات انا اقعد اتشرط ما توقعت ان اللي قابلينهم بس اشويه قمت اقول الف الحمدالله والشكر له ان هم ما ضاع دعائي و ان الله حطني بمكان زين و انشالله اتحصلون اماكن زينة لكم شوفوا اعلان التأمينات نزل ترى قدموا عليهم مكانهم حلو حيل و الله يوفقكم

 

[q8ia_cutaa]

مبروووووووووووووك ليو ليدي

الحمدلله الله حطج بالمكان الي انتي ودج فيه ..

والله يرزق كل بنية بالمكان الي اهيا تبيه ان شاء الله

:***

 

[frawlah_83]

هلووو بناااااااات نزل اعلان توظيف من معهد الكويت للابحاث العلميه حديثي تخرج وخبرات بس للاسف مايبون خبرات محاسبه


نونوش روحي قدمي يبوون تمويل

انا نزلت الاعلان اهني بالمنتدى

وموفقين جميعا والله يرزق الجمييع

 

[frawlah_83]

روز وحق اي احد يعرف شنو احسن كتاب حق الجيمات اليوم رحت مكتبه اهني وفي وايد كتب حق جيمات منهاتن وكابلن وغيره وغيره

ايهو الاحسن الاوفشال رفيو الي موجود في سايت mba ولا منهاتن ؟ انا سالت مالت المكتبه قالت محد يشتري منهاتن الا نادرا اكثر شي ياخذون كابلن وواحد ثاني نسيت اسمه بس ماكان عندهم الاوفشال ؟

وهم شفت كتب توفل اشكال والوان وماعرفت شنو اشتري

 

[pink banana]

فراولة دوامهم من ٨ لي ٣ او ٣:٣٠ بس تهمة يقعدون مرات لي بالليل بس عشان يخلصون شغلهم

 

[^^ROSE^^]

لا لا فراوله بالعكس
مانهاتن+الاوفيشال رفيو العنابي هذولي احسن شي

اخذي الاوفيشال العنابي و الست مال مانهاتن اللي كل الكتب مع مادري جم موك تست
رفيجتي بس درست منهم مادرست غيرهم و مع دوره قست يابت فوق 700 ماشاء الله لا اله الا الله
هي صج شاطره بس تقول اللي يجابل هالكتب صج و يعطي من نفسه اييب
اصلا شجعتني اييب اكثر من 500 انا كنت حاطه ببالي ابي بس 500 تقولي تيبين 600 و فوق وانتي مرتاحه اذا درستي منهم

تقول ان مانهاتن شوي اصعب من الجيمات الاصلي
فاللي يسوي زين بالموك مال مانهاتن يسوي احسن بالجيمات الاصلي

 

[^^ROSE^^]

اي و دشي امازون اقري الرفيو ملوتهم
واحد كاتب انه بس درس 8 ساعات بالاسبوع من كتب مانهاتن ياب 700
والكل يمدحهم وايد

بس كابلن كاتبين ان فيه اغلاط و مايعلمج عدل مثل باقي الكتب

 

[frawlah_83]

روز مافهمت يعني ادرس من نوعين كتب ?????

الاوفشال في ثلاث احمر ازرق وجنه اصفر مادري اخضر ملطري شالفرق او يمكن كل واحد سبجكت

وجم شهر يبيبه دراسه ؟

 

[^^ROSE^^]

سألت رفيجتي
تقولج اذا تبين تيبين سكور وايد وايد عالي درسي مانهاتن+الاوفيشال

اذا تبين عادي لي 500 الاوفيشال كافي يعني ماراح يكون اصعب من اللي حاطينه بهالكتاب
العنابي فيه كل اقسام الامتحان
اما الاخضر والثاني كل واحد حق قسم
فاشتريهم كلهم الاوفيشال قصدي العنابي اللي فيه كل شي
واذا احتجتي حق الانجلش اشتري الاوفيشال مال الانجلش لان تقول الانجلش يخربط شوي يبيله مجابل
وتقولج الماث بالجيمات سهل
تقول مانهاتن اصعب لان فيه اسئله تتطلب خطوات حل اكثر
والجيمات الصجي مافيه خطوات وايد
وحتى من غير كالكوليتر تحلين
بس على قولتها اللي يبي 650 و فوق يدرس مانهاتن و اوفيشال

بس دام تبين اقل خلج عالاوفيشال تقول كل شي فيه مايحتاي شي ثاني كلش

 

[^^ROSE^^]

http://www.amazon.com/Official-Guid...9748/ref=sr_1_1?ie=UTF8&qid=1309979731&sr=8-1

هذا اهم كتاب اللي قالت فيه كل شي


http://www.amazon.com/Official-Guid...9764/ref=sr_1_2?ie=UTF8&qid=1309979731&sr=8-2
هذا حاطينه بس حق الماث

http://www.amazon.com/Official-Guid...9756/ref=sr_1_3?ie=UTF8&qid=1309979731&sr=8-3
وهذا بس حق الانجلش


بأمازون حاطينهم ثلاثتهم ب 44 دولار فدام رخاص جذي اخذيهم ثلاثتهم
لاتاخذين مانهاتن مو الا


ترى بسيات mba حاطين ان تقدرين تشترينهم e-book حق الاي باد اذا تبين

 

[q8ia_cutaa]

مساء الخير يا حلوات

شلونكم

...

اليوم قدمت على الهيئة العامة للاستثمار والله كريم


...

فوفو و روز ذكرتوني بايام قبل لوووول

بس انا ماشريت كتب :q

خذيت دورة توفل انترناشيونال بنيو هورايززون ...

ودورة جيمات بجامعة الكويت ...

بس ^_^

جنه التوفل كان لونه اصفر شي جذي !!

والجيمات .. اوراق مصوره ...


ماتدرون اذا فجوا القبول بماستر الكويت حق الي معدلهم اقل من 2.67 ؟ :$

 

[nonosha]

موفقيييين جمييييعااااااااااا
اليوم وايد حست باجر ان شاء الله اتابع اخباركم
وثانكس فوفو الحين بجيك عليه قبل ماانام

 

[Rawan-]

بنات تكفون ساعدوني ما قدمت على ولا مكان

 

[frawlah_83]

رووز بعد عمري ماتقصرين تعبتج واي لا ويييي بعد ادرس من مرجعيين ماحتاج ايب ٦٥٠ انا حاطه ابالي ٥٠٠ وفوق شكلي بدرس الاوفشال واذا مافلحت نحول على منهاتن لا ماحتاج حق الاي باد ماعرف ادرس جذي اذا ماقضب الكتاب والمس الصفحه وشخبط فيه وخطط وهايلات واسمع صوت الصفحات ماعرف ادرس لووووووول

انزين عفيه ساليها جم شهر احتاج دراسه يعني شهر كافي ولا اكثر ؟؟؟

انا الي فهمته انه العنابي شامل ومختصر والتفاصيل بالثانين يعني اقدر ادرس من الازرق والاخضر وخلي العنابي ؟ انزين وهم ساليه ادري اذيتج بس ماعليه تحمليني شوي الكتب اي معا امتحانات تجريبيه ولا لاء

 

[frawlah_83]

يله كيووت زين عشان نتابع اخبار الهيئه مع بعض بس جنه مالي نصيب عيزت وانا اعبي الابلكيشن اون لاين وادزه بس يقولون ماوصلنا معنه يطلع تم ارسال البيانات بنجاح !!!! مادري شسوي احس ببجي اوراقي عندهم بس ناقص الابلكيشن قلت حق خالتي تمر باجر تشوف شسالفه ليش مايوصل اكيد في شي غلط عندهم وقتلها تشوف شنو في حل ثاني ادعولي



نونوش اجمعييين ان شاءالله ويعطيج العافيه

 

[frawlah_83]

روان قدمي على ديوان الخدمه ونطري وتابعي الاعلانات ونطري اعلان النفط لانهم يطلبوون اقل شي جيد وقدمي على بنوك اذا تبين قطاع خاص

 

[^^ROSE^^]

رووز بعد عمري ماتقصرين تعبتج واي لا ويييي بعد ادرس من مرجعيين ماحتاج ايب 650 انا حاطه ابالي 500 وفوق شكلي بدرس الاوفشال واذا مافلحت نحول على منهاتن لا ماحتاج حق الاي باد ماعرف ادرس جذي اذا ماقضب الكتاب والمس الصفحه وشخبط فيه وخطط وهايلات واسمع صوت الصفحات ماعرف ادرس لووووووول

انزين عفيه ساليها جم شهر احتاج دراسه يعني شهر كافي ولا اكثر ؟؟؟

انا الي فهمته انه العنابي شامل ومختصر والتفاصيل بالثانين يعني اقدر ادرس من الازرق والاخضر وخلي العنابي ؟ انزين وهم ساليه ادري اذيتج بس ماعليه تحمليني شوي الكتب اي معا امتحانات تجريبيه ولا لاء

لا افا عليج شدعوه
لووووووووووووووووووووووول انتي نفسي ما اعرف الا الكتاب بايدي واعفسه عفاس يالله احس اني درست هههههههه

شوفي اذا تدرسين يوميا ساعتين لى 3 ساعات وبالويك اند بريك تاخذين شهر هذا انتي دارسه عدل مدل
في ناس يخصصون بالاسبوع يومين يدرسون

هي خذت دورة قست من شهر 2 لي 5 وامتحنت شهر 6
بس تقول الدوره زينه حق اللي ميح بالماث هي زينه وايد ماشاء الله فمن جذي تقول لو مو ماخذه الدوره نفس الشي

وهي امس قالتلي ان الكتاب العنابي بروحه كافي
هي بس شرته من غير الاخضر والثاني وشاريته من قست ماكان معاه موك ولا شي
بس لما شرت مانهاتن كان معاه 5 جنه

انا اقول اشتريهم 3 الاوفيشال ودرسي منهم
والموك لما تسجلين حق الامتحان هم سايت mba بيعطونج موك
وتقدرين تشترين موك بعد اللي اعرفه مانهاتن فيه يبيعون الموك بروحه اون لاين

 

[^^ROSE^^]

تفضلوا اخر خبر

تقرر وقف العمل بالاستثناء من الشروط المقررة للتخصصات النادرة (بكالوريوس محاسبة، ليسانس حقوق، ليسانس شريعة، بكالوريوس الصحافة والاعلام، بكالوريوس نظم معلومات ادارية)، واعتبارها جميعا على خلاف مسمياتها تخصصات نظرية ونزع صفة الندرة عنها ولا ينطبق عليها شروط الاستثناء من الاجازة الدراسية التي تطبق على الراغبين في الحصول على التخصصات النادرة وذلك بسبب وفرة مخرجات التعليم من تلك التخصصات وعدم حاجة سوق العمل لها.

كله من خريجين مصر اللي حتى محاضرات مايداومونها ولا يدرون شالطبخه و عقب 4 سنين عندهم شهاده حالهم حالنا احنا اللي طحسنا و درسنا
ترسوا الديره لين صار اكتفاء وهم مايعرفون كوعهم من بوعهم

 

[leolady31]

روز هذا مو حقنا هذا حق اللي دشو التخصص توهم اهما قالوا اللي تخرجوا خلاص معاشهم في الزيادة مالت التخصص النادر هذا حق اليدد

 

[nonosha]

السلام عليييكم شلونكم ؟؟
امس رحت التامينات قدمت وقالي ان يبون وايد ناس لان بيفتحون فرعيين يدد
و قبل شوي قدمت بمعهد الابحاث
وان شاء الله الاسبوع الياي بمر اقدم بالوفرة .. و بنك الصناعي وغرفه التجارة

والله كريم