الاخ مسافر..وتدري حق شنو مسافر@@ انزين شلــــون !

[om MaRyooM]

السلام


بدا موسم الصيييف و السفـــر حان طاريه:eh_s(7):


المهم


اكييد اغلب الرياييل يسافرون الحين من غير حريمهم

اوكي ماقلنا شي ..

لأن المرة ماتقدر تعارض زوجها .. ليش؟؟؟ لأن اللي براسه بيسوييه بيسويه لو انتحرت جدامه

حلو ؟

وفي بعضهم يثقون برياييلهم فحاطة ايدها وريلها بماي باردة وتستودعه الله

همن ماقلنا شي

وفي بعضهم مستسلمة وكل يوم تاكل بنفسها المسكينة وتحرق اعصابها مليون مرة باليوم

همن ماقلنا شي ..


بس ...........

في شي محيرني


في حريم فعلا يدرون رياييلهم وين بيسافرون وشنو رايحين يسوون واهيا عادي !!!

لاهي من فئة الواثقين

ولاهي من فئة المستسلمين المحبطين

اهيا من فئة يديدة وغريبة @@

مستانسة وراظية وواثقة انه رايح يخربط ويرجعلها :eh_s(1):

والله انا استغرب واااااايد من هالعقلية !!!!!!!!

اعرف 3 للحين جذي

والمصيبة !

تلاقون يحترمون رياييلهم ويموتون في دباديبهم واهيا تدري نايم مع مليون غيرها وشارب السم الهاري وراجعلها

والاخت تحتار شتسويله مفاجاة وليلة حمرة بعد لما يرجع من السفر @@

:rgewrg:

شنو هالعقلية .. وباي منطق ؟؟؟ وباي دين هالشي ؟؟

انا اتكلم عن اللي عارفة وراظية ومستانسة الاخت وتحبه ولاترظه عليه الزلة !!!

معقوووووووووول في حريم ماعندهم لاكرامة ولامشاعر ولاغيرة ؟؟؟؟؟؟؟؟؟؟

انزين شلون اجابل ويهه واهو راد من السفر ؟؟؟ ماتشوف الزنا بعيونه ؟؟؟ وشلون لها نفس ..... معاه ؟؟؟


صج صج انا مستغربة وايد من هالفئة

:eh_s(10):

قولولي شنو تحليل نفسيات هالحريم ..


قمت احس نفسي غلط وسط هالعقليات !!!

لان الاغلبية صار عندهم كل شي عادي .. ريلي يزني يشرب يطقني يهيني وانا اموت فيه !!
شلون:eh_s(4):

 

[مناير ...!]

من تعافى فليحمد الله

 

[dectora 7elwa]

الحمد لله والشكر
راضيه بالمعصيه وعاجبتها
يا اما ماكو دين
او عبوديه للزوج

 

[Al-RoRo77]

وعليكم السلام ورحمة الله وبركاته
نو كومنت
لاني انا بعد مستغربه من هالنوعيه !!

 

[om MaRyooM]

مشكورين حبايبي


مناير

مع اني مافهمت ليش هالتعليق .. بس شكرا

 

[الأميرة جوري]

فعلا مريومه اعرف وحده جذيه وعاااااااادي...سالتها قالت شسوي اهد البيت واهدم بيتي وعيالي يضيعون مرده بيمل والله يهديه<<انصدمت وماشيه حياتها يسفرها ومن غير الهدايا بمبلغ وقدره....؟ ماشاء الله عليها....يمكن هم العقيل والفئات الثانيه ميانين ههههه

 

[كادى الحب]

كل وحدة لها ظروف والبيوت اسرار

 

[noo7a]

استغفر الله شلون لها قلب ترضا ريلها يسوي جذي
ابسط شيييي ماتخاف من الامراض ؟؟؟

 

[Tom ♥ Jerry]

.



إن الله لايغير مابقوم حتى يغيروا مابأنفسهم

يعني اذا اهيه مسكينه عيزت و مآ تبي تتطلق عشان عيالها
و ريلها شكبره قد البغل " سوري "
شلون رآح تغيره قوليلي ! اذا آهوة بنفسه مآ يي يغير نفسه !
ترا و الله الآنسان الضآل صعب هدآيته .، بس مو مستحيله ،
لأزم تقوي الوآزع الديني عنده قد مآ تقدر .،
عشان آهوة بنفسه يخلي هالـ سوالف ! صدقيني يمكن انتي تتحجين
مآ تدرين الوضع ! لانج مآ عشتيه و اسمالله عليج آن شاء الله مآ تعيشينه (= !

بس صدقيني صعب صعب صعب !

 

[Amera 7elwa]

هالفئه حبيبتي الله يعافيهم فيهم مرض نفسي
وعادي عندهم يصير فيهم امراض جنسيه نفس الايدز من زوجها يايبنه من برع بس حرام اتزعله وتمنعه

الله يعين مجتمعنا على هيك اباء وامهات وعالجيل القادم من وراهم

مشكوره على طرح موضوعج بس منو بيتعض

 

[شذى الحب]

ان شاءالله زوجي مو جذي يارب الله يرده لي سالم يارب يحن قلبه وروحه وجسده وعقله علي يارب

 

[ام الدرر]

حبوبة الحمدلله اللي عافانا
المثل يقول
اللي ايده بالماي مو مثل ايده بالنار
موشرط انها تضحك وتسولف
راضيه باللي يسويه
تلقينها شايفة الظيم بس تسوي روحها ولاهامها
شتبينها تفضحه
ابو عيالها الناس بيتشمتون فيها و بعيالها
والزمن ياقلبي مايرحم
تطلب الطلاق وين تروح اذا لا ام ولا ابو
واحيان يكون عندها نار الزوج ولا جنة الاهل
البيوت اسرار ياقلبي
لا تحكمين بالظاهر ​

 

[حربيه وبس]

واااااااااي ماره على النوعيات هذي واجد انا زوجي توه راد من السفر وربي عندي احساس ومتاكده انه ماخاني ابد بس غصبن علي احس كارهته ومااقدر حتى اطالع بوجهه وااااااااي وربي ممكن اتقبل اي شي الا انه الزوج يكون قذر ووصخ

 

[om MaRyooM]

بنات شفيكم مافهمتو المغزى !!


انا ماتكلم عاللي موبيدها قرار الانفصال وعندها ظروف ماتسمح

انا اقصد الزوجة اللي عندها الاختيارات وعيشة افضل من عيشة هالبني ادم ومع ذلك مستانسة وراظية

 

[el7ob Klah]

هذي انسانه خادعه روحها قبل لا تخدع ريلها

مستحيل تكون راضيه بدون سبب مستحييييل

يمكن صج تحبه بس ماتبي تعاشره وهذا حل لها

ياخذ حاجته من برا بس هااا يخربط اي لكن يتزوج عليها تذبحه

انسانه سخيفه وتعتقد انها بعينه مسكينه وغافله واهو متأكد انها السبب

لما ما تهتم بسفراته ولا تغار ولا تشك يكون متأكد انها راضيه وانها تساعده على الرذيله

 

[•Brown•Sugar•]

خلي كل هذااا بصوووب
بس اللي محيرني صج !!
ماتخاف اييب لها مرض ويبليها فيه؟

 

[G!RLooNa]

حتى هني بالمنتدى تشوفين من هالطقه جم مره قريت ردود خليه يخربط و يشبع و مرده لج اهم شي ان مو متزوج عليج

الحمدالله و الشكر يخربط و اييني قطيعه الله و اعلم شمخربط عاد اذا شارب شلون تشتهي تبوسه عوووع و الادهى و الامر اذا نام ويا بنات شوارع شلون تخلينه ينام وياج غير لوعه الجبد و الارف ما تفكر بالامراض و البلاوي السوده اللي يمكن ينقلها حقها

انا بس اللي يكلم تلوع جبدي يعني احط روحي مكان اللي تطيح على ريلها هذا و انا مو متزوجه و الله تلوع جبدي شلون اللي عارفه ان يشرب و ينام و الله اعلم النومه شنو غير ان زنا تلقينه هم بطرق شاذه لان مايقدر يسوي معاها

الله لا يبلينا

 

[كويتيه مذهله 87]

ماكو غيره لانها غبيه

 

[BiiShOoO]

الحمدالله عسى الله لا يبلينا

 

[فوفو22]

شوفي حبيبتي

الزوج والزوجه

وكل من ساءت نفسه على اثم او ذنب او احدى الكبائر

فالرب هو من يحاسب ويعاقب

ولكن الزوجات اللي تستهبل وهي عارفه كل شي

اسميها الزوجه الذكيه

ليش ؟؟؟؟ شرحه عاد بموضوع ثاني

فوفو