الجزء الثاني: منتج الاسبوع المفضل ... مدمنات المكياج هذا الموضوع لكم حياكم الله

[Mrs_Orchidia]

ماكو منتج مفضل يديد؟

انا احس كل اللي عندي حطيته من زمان ما استعملت شي يديد !!

 

[M!$$_BLinG]

وينها عليا !!
ابدا مالها حس
ان شاء الله المانع خير

 

[um khaled]

مررحبا​

اول مره اشارك بالموضوع​

هالشهر منتجاتي المفضله كلها من clarins​

وكانت كلها اختيارات موفقه وتهبل وشريتهم في خلال شهر​

سيلف تان

كريم اساس ليمتد اديشن للصيف حق التان​

بودره برونز

لمعه ليمتد اديشن حليوه

اساس تغطيه حلوه لوني بالضبط بدون التان طبعا​

بودره

اضاءه اخلطها مع الاساس عجيبه​

حمره وحده حمرا عجيبه و وحده فوشيه جنه حاطه فوقهم غلوس​

شدو من 4 الوان اللي تشتغل ببيضون قالت لي سويه هايلايتر والله
الكل يسألني شنو حاطه حوالين عينج​

بلشر يهبل يهبل لونه برونز على برتقالي خفيف​

وبس تعبت وانا احمل
والبقيه قريبا​

:eh_s(8)::eh_s(8)::eh_s(8):​

 

[BaiTotia]

أم خالد عليج بالعافية

صج كلارينس وايد حلوه هالماركة خصوصا الليبستيك ملوتهم

 

[um khaled]

أم خالد عليج بالعافية

صج كلارينس وايد حلوه هالماركة خصوصا الليبستيك ملوتهم

تسلميين

والله ينولج اللي ببالج

 

[ماني من الناس]

امبيه حدكم شوقتوني على الشدوهات تبع ميك اب فور افر اللي تلمع خخخخ


عاد انا توي عليميه بالميك اب ما استخدم الا كحل بث احسه كفايه علي لووووووووووول

ومافهم بسوالف ماركات الميك اب بس الموضوع مفيد حيل

خذيت لي علبه من مكياجي رفيجتي كانت تمدحها بس ما جربتها شرايكم انا قلت استخدمها للأيام العاديه احب النعومه ههه<< عشتوا

وخذيت لي اساس لوريال سائل مع بودره مضغوط جاي على وردي شرايكم فيه ؟؟؟

ماسكارا استخدم ماكس فاكتور حلوه معاي بس مادري شنو تنصحوني


وشكلي باخذ لي بلشر ديور وشدوهات ميك اب فور ايفر

من كل قطر اغنيه خخخخ

حابه تنصحوني توي جديده بعالم الميك اب

 

[ماني من الناس]

ايه ومره جربت شدوهات لوريال صراحه ابداع وطبيعيين حيل

 

[Mrs_Orchidia]

امبيه حدكم شوقتوني على الشدوهات تبع ميك اب فور افر اللي تلمع خخخخ


عاد انا توي عليميه بالميك اب ما استخدم الا كحل بث احسه كفايه علي لووووووووووول

ومافهم بسوالف ماركات الميك اب بس الموضوع مفيد حيل

خذيت لي علبه من مكياجي رفيجتي كانت تمدحها بس ما جربتها شرايكم انا قلت استخدمها للأيام العاديه احب النعومه ههه<< عشتوا

وخذيت لي اساس لوريال سائل مع بودره مضغوط جاي على وردي شرايكم فيه ؟؟؟

ماسكارا استخدم ماكس فاكتور حلوه معاي بس مادري شنو تنصحوني


وشكلي باخذ لي بلشر ديور وشدوهات ميك اب فور ايفر

من كل قطر اغنيه خخخخ

حابه تنصحوني توي جديده بعالم الميك اب

اهليين

بدابتج حلوة بالمكياج
اذا كنتي عليمية ماله داعي تطبين بالماركات الكبيرة لانها اغلبها بروفشنال .. فمكياجي حلوة و مناسبة لج و صح كلامج شدوات مكياجي وايد ناعمة و اللون يطلع خفيف شوي
و يبيلها بيس او شي يثبت الشدو .. اشتريه من دييغو دالا بالما حلو و يثبت عدل
و هالماركة موجودة ببيضون ترى

الماسكاراو و الفاونديشن احنا ما نقدر نحكم .. لان ما شفناج لووول و لا شفناهم عليج

بس بشكل عام الماركتين حلوين و انا حاليًا استعمل ماسكارا ماكس فاكتور الذهبية .. حدها تينن
لوريال مو مجربة منها شي من قبل
انتي قولي شرايج بالاساس و البودرة؟ من ناحية التغطية و الثبات و اللون

و بما اني من عشاق ماك .. اقول اخذي من بلاشراتهم احس الوانهم احلى من ديور و منوعة اكثر
ميك أب فور ايفير حلوين .. من رايي الشخصي اخذي عالمكياج العادي اول و تدربي عليه
و بعدين لما تتعلمين و تتعودين اشتري لج ماركات
انا هذا رايي و انتي كيفج عاد

 

[ماني من الناس]

اهليين

بدابتج حلوة بالمكياج
اذا كنتي عليمية ماله داعي تطبين بالماركات الكبيرة لانها اغلبها بروفشنال .. فمكياجي حلوة و مناسبة لج و صح كلامج شدوات مكياجي وايد ناعمة و اللون يطلع خفيف شوي
و يبيلها بيس او شي يثبت الشدو .. اشتريه من دييغو دالا بالما حلو و يثبت عدل
و هالماركة موجودة ببيضون ترى

الماسكاراو و الفاونديشن احنا ما نقدر نحكم .. لان ما شفناج لووول و لا شفناهم عليج

بس بشكل عام الماركتين حلوين و انا حاليًا استعمل ماسكارا ماكس فاكتور الذهبية .. حدها تينن
لوريال مو مجربة منها شي من قبل
انتي قولي شرايج بالاساس و البودرة؟ من ناحية التغطية و الثبات و اللون

و بما اني من عشاق ماك .. اقول اخذي من بلاشراتهم احس الوانهم احلى من ديور و منوعة اكثر
ميك أب فور ايفير حلوين .. من رايي الشخصي اخذي عالمكياج العادي اول و تدربي عليه
و بعدين لما تتعلمين و تتعودين اشتري لج ماركات
انا هذا رايي و انتي كيفج عاد

اممم الفاونديشين ان شاء الله قريب اجربه وجربت من قبل فاونديشن نيفيا حده خفيف وحلو يبين طبيعي يعني حق الايام العاديه خفيف

وان شاء الله بجرب بلاشرات ماك تحمست من كلامج عنهم


وانا جربت شدوهات لوريال اللي فيهم لمعه امبيه مو صج خخخخخخخخخخ ابداع


ودي اجرب كل الماركات لوووول صج مدمنات مكياج وشكله بتنقلون لي العدوى قريب


ثانكس حبوبه ما قصرتي

 

[BaiTotia]

منج اليوم

chanel summer collection 2011

bronze rose

أمبيه يهببببببببببببل عندي الكورال بعد

بس حاليا قاعدة استخدم الروز

واااااااااااايد حلو يعطي لوك برونزي وردي ولمعة ذربة وخفيفة حيل بالإضاءة أو الشمس تصير واضحة

بس عيبة السعر ب22 دينار:eh_s(16):

 

[Mrs_Orchidia]

اممم الفاونديشين ان شاء الله قريب اجربه وجربت من قبل فاونديشن نيفيا حده خفيف وحلو يبين طبيعي يعني حق الايام العاديه خفيف

وان شاء الله بجرب بلاشرات ماك تحمست من كلامج عنهم


وانا جربت شدوهات لوريال اللي فيهم لمعه امبيه مو صج خخخخخخخخخخ ابداع


ودي اجرب كل الماركات لوووول صج مدمنات مكياج وشكله بتنقلون لي العدوى قريب


ثانكس حبوبه ما قصرتي

حبيبتي ما سويت شي
:eh_s(22):
و صج ان شاءالله تستفيدين من كلامنا و نصايحنا
صدقيني نصيحة لا تدمنين ترى بتتعبين و بتفلسين لوول :krkrkr: خليج عالخفيف و اشتري على قد حالتج "انا جذي الحين عشتو" لوول
ادعيلي استمر .. و ان شاءالله تشترين اللي يعجبج و يناسبج
:eh_s(17):



بيتوتياا

ماشاءالله البلاشر وايد حلوو عليج بالعافية ياحياتي
و اذا صج عاجبج و تبين أكثر شوفي ماركة كارغو ترى عندهم نفسه و حده كيوت و اتوقع يطلع عليج ربع السعر لووول
و ان شاءالله يعجبج .. و ترى كارغو كواليتي عجيب ماشاءاللخ

 

[_zahra]

بلاشر كلارنس يننننننننننننننن مشكورة ام خالد

 

[BaiTotia]

مس أوركيديا

لوووووول كارغو عندي واحد تخيلي شاريته رديت البيت بطلته ولا مكسور

عاد عافك الخاطر للحين ماجربته

 

[ماني من الناس]

حبيبتي ما سويت شي
:eh_s(22):
و صج ان شاءالله تستفيدين من كلامنا و نصايحنا
صدقيني نصيحة لا تدمنين ترى بتتعبين و بتفلسين لوول :krkrkr: خليج عالخفيف و اشتري على قد حالتج "انا جذي الحين عشتو" لوول
ادعيلي استمر .. و ان شاءالله تشترين اللي يعجبج و يناسبج
:eh_s(17):



بيتوتياا

ماشاءالله البلاشر وايد حلوو عليج بالعافية ياحياتي
و اذا صج عاجبج و تبين أكثر شوفي ماركة كارغو ترى عندهم نفسه و حده كيوت و اتوقع يطلع عليج ربع السعر لووول
و ان شاءالله يعجبج .. و ترى كارغو كواليتي عجيب ماشاءاللخ

ثانكس حبوبه عاد ادمنت او لا ماعندي فكره خخخ

بس توقيعي يشهد علي خخخخ

 

[ام داااني]

عليا شلونج حيااتي

موضوعج يهببببببببببل

لو اعرف انزل صور جان حطيت واايد اشياء

المهم انا ابي اطلب فاونديشن من لورا مارسيه بس ماعرف درجة لوني شسوي ؟؟؟

انا لوني بماك nc25

وبميك اب فور ايفير الهاي ديفينيشين 120 او افتح

جربتو من لورا مارسييه ؟

تعرفون الالوان ؟

 

[BaiTotia]

أم داني

صعبة شوي نحدد لج الفاونديشن

ممكن للتنتد موسترايزر تاخذين الnude بيطلع زين عليج

لكن فاونديشن ماعرف

منتج اليوم

من الحبيييييييييييب بوبي براون

birch eyeshadow

وهذا اللينك إذا ماطلعت الصورة

http://karlasugar.net/wp-*******/uploads/2010/07/Bobbi-Brown-Shadow-4.jpg

أنا غرامي هالألوان خصوصا حق النهار والطلعات السريعة

والحين هابة فيه للحواجب وااااااااااااااايد حلو

 

[Mrs_Orchidia]

BaiTotia

الشدو ايننن .. بس مو جنه فاتح عالحواجب؟ و للا انتي شقرة؟ لوول

و بلاشر كرغو من صجج كان مكسور! ليش ما رديتيه عليهم؟ لازم يعطونج واحد مكانه

 

[BaiTotia]

مس أوركيدا

لا لوووووووووووووول لاشقرة ولا حمرة ههههههه

بس لونه حلو يبين طبيعي للحواجب أنا كنت استخدم مال كلارينس أفتح لون وخلص فاستخدمت هذا كبديل

وعلى فكرة من استخدمت هذا عبالهم مغيرة رسمتهم هههه

أو استخدم كورك من ماك

والبني الغامج قليل مااستخدمه لأن بالأساس ماشاالله عراض فيصير أوفر ويضحك

وبلش كارغو ماكنت ماخذته من هني كنت مسافرة فتعيزت أرده وكانت آخر حبة خخخخخخخخخخ

 

[Alia]

السلام عليكم شلونكم بنات حبابيبي اسفة جدا على الانقطاع .. مشكورين على الرد والمشاركة في الموضوع وانشالله قريب بيكون لي مشاركة للرد وبنزل منتجاتي اليديدة المفضلة تكودوا ههههههههههههههه

 

[BaiTotia]

حيااااااااااااااااااااااااااااتي علوشه

فقدنااااااااااااااااج من غير شر

وينج يابنية؟