اللهم بلغنا رمضان واعنا على صيامه وقيامه على الوجه الذي يرضيك عنا

[رنين الغربه]

أيام وليالي قادمة إلينا
بين ثناياها إشراقات ونفحات
فأيامه بركات
ولياليه ركعات
وساعاته قرآن و دعوات
وصيام وصلوات
إنه "رمـضان"
اللهم بلغنا رمضان و تقبله منا

* * *

المنيو :
قوزي دجاج
دجاج بالخردل
بطاطس مقرمش
صينيه البيض بالبطاطس
دونات
,*******
كيكه التمر
كيكة التفاح بالبسكويت
السينابون الكاذب
بسبوسه الاوريو
الخنفروش
قرص عمر
Japanese cotton cheesecake


بّربّ . . . ​

 

[رنين الغربه]

قوزي دجآج

المقادير

[ دجاجه صحيحه منظفه .. ارز مغسول ومنقوع ] ..

[ 1 بصله كبيره مفروم مربعات .. ثوم مهروس ]..

[ جزر مبشور .. 3 طماطم متوسطه مطحونه ]..

[ فليفله مبشوره .. كزبره مفرومه ] ..

[ زيت نباتي .. 4 ملاعق سمن ]

[ 2 مكعب ماجي .. ملح ]..

بهارات صحيحه :

[ 3 حبات هيل .. عود قرفه .. 1 ليمون اسود .. ورق غار ]..

بهارات مطحونه :

[ 1/2 ملعقه صغيره فلفل اسود .. 1 ملعقه صغيره بهار مشكل ]..

[ 1/4 ملعقه صغيره ليمون اسود .. رشة قرفه .. رشة هيل ]..

[ 1/2 ملعقه صغيره كركم .. 1/4 ملعقه صغيره زنجبيل ]..

الحشوه :

[ زيت .. 1/2 كوب مكرونه صغيره ]..

[2 ملعقه معجون طماطم .. 1 طماطم مطحونه ]..

[ فلفل اسود .. كركم .. ملح ]..

[ زبيب .. حمص ]..


الزينه :

[ زيت .. 1/4 كيس اسبيكتي ]..

[ 1/4 علبة معجون طماطم .. 1 طماطم كبيره مطحونه ]..

[ فلفل اسود .. كركم .. ملح ]..

صبغ الدجاجه :

[ صفار زعفران .. زيت ]..

[ بهارات .. ملح ]..


الطريقه /

1- نضع 8 ملاعق زيت تقريباً و4 ملاعق سمن ونضيف إليه البهارات الصحيحه ..

نتركها دقيقه تقريباً حتى تخرج رائحتها دون ان تحترق ..

2- نضيف البصل ونتركه يتحمر ثم نضيف إليه الثوم ونقلب قليلاً ..

3- نضع الدجاجه ونقلبها على الجهتين ثم نضيف البهارات المطحونه ..

نقلب الدجاجه ثم نضيف الطماطم والجزر والفليفله والماجي والملح .. ونتركه قليلاً ..

اذا احتاج زيت نضيف ..

4- نظيف الماء الساخن حتى تتغطى الدجاجه ونتركه حتى ينضج ..

5- ترفع الدجاجه وتصبغ بصفار الزعفران مع زيت وقليل من الملح والبهارات ..

وتدخل الفرن تتحمر ..

6- تكشين ماء الدجاج نضيف إليه الارز ونرفع الزائد من الماء بوضع ملعقه

اذا ظلت ثابته اذاً الماء لايحتاج اي زياده .. ونتركه على نار متوسطه حتى يبدأ بالجفاف

ويترك على نار هادئه حتى يتصاعد البخار وينضج ..

7- نجهز الزينه : نسلق السبيكتي ونصفيها ..

في مقلاه نضع الزيت والطماطم والفلفل الاسود وكركم وملح

ومعجون الطماطم ونتركه حتى يتسبك ثم نضيف السبيكتي ونقلبه ..
8- نقوم بعمل الحشوه : نسلق المكرونه ونصفيها ..

في مقلاه نضع الزيت والطماطم والفلفل الاسود وكركم وملح

ومعجون الطماطم ونتركه حتى يتسبك ثم نضيف المكرونه ونقلبه

واخيراً نضيف الزبيب والحمص ..

9- بعد ان تتحمر الدجاجه نحشوها بالحشوه ..

10- في طبق التقديم نضع الارز ثم السبيكتي ثم الدجاجه

ونزينه بقليل من مكرونة الحشوة والفليفله و البيض المسلوق .






لحد يرد , ,
بربّ , ,
​

 

[رنين الغربه]

دجآج بِ الخردل

المقادير و الطريقه ..

2 بطاطا مقشره ومقطعه بالطول
2 جزر مقشر ومقطع
2 بصل مقشر ومقطع ارباع
فلفل بارد شرايح
تخلط جميعا ويضاف لها 1/4 كوب زيت زيتون
رشه ملح - ورشه فلفل اسود مجروش او مطحون وتخلط

ضعي الخضار في طبق بايركس وادخليها الفرن على درجه 350 لمده نص ساعه بدون ماتغطينها...مكشوفه...
ثم في فتره انتهاء نضج الخضار..
صدور الدجاج..اغسليها ثم نشفيها بالورق النشاف..
ثم حمريها في الزين مجرد تحمير من الجهات...لا تخلينها تنضج مجرد تحمير وترفع

اعدي الصلصه..
تحتاجين
بصل شرايح
ثوم مفروم
1/4 كوب خل ابيض
2 ملعقه طعام حبوب الخردل
بعد ما تجهز الخضار صفي الدجاج فوقها ودخليها الفرن على درجه 180 الى ان ينضج الدجاج تقريبا 20 دقيقه
(الدجاج لا تضيفين له اي شي من غير اي ملح او بهار خالي دجاج فقط)

ابدي في عمل الصلصه
حمري البصل والثوم الى ان يذبل ثم اضيفي لهم الخل
اضيفي الخل بحذر...وقلبيه الى ان تتبخر نص الكميه..
ولا تستنشقي البخار..

اضيفي الخردل وقلبيه...ورشه من الملح والفلفل الاسود والبابريكا

اضيفي الكريمه (كريمه الخفق - ويبنج كريم) تقريبا 2 كوب
قلبي الكريمه...
اضفت لها الكزبره المفرومه
وجهزت الصلصه..

بعد مرور الثلث ساعه الخاصه بالدجاج اخرجيه من الفرن
صبيت الصلصه عليه..
ودخلته الفرن الى ان يحمر الوجه قليلا...
وقدميها مع الرز الابيض


هذي صورته وهو بالصينيه .


يقدم مع الارز .






لحد يرد . . \
برب . .
​

 

[رنين الغربه]

بطآطس مقرمش


نآخذ بطاس و نقشره و نغسله كويس .
ناخذا هذا الشيء يكون تبع المكينه .



و نسوي البطاطس شرائح مثل كذا .




بتكون كذا رقيقه مره .



نضع شرائح البطاطس بطاسه كبيره شوي و نحط عليه كميه من الثلج بحيث اتغطي كل الشرائح



و صب عليه ماء بارد .



و نتكره اللين ما تحسين ان الشرائح صارت قاسيه شوي .



انكون محمين زيت غزير .
ناخذ كميه بسيطه من الشرائح من الماء المثلج و نترك الباقي بالماء و ننثر عليها قليل الملح و نحط شريحه شريحه و بسرعه في الزيت ( السبب انه نحط شريحه شريحه عشان لا يلتصق الشرائح على بعض )
انقلبه في الزيت بسرعه راح يستوي انكون مجهزين مشخال و ورق







لحد يرد . .

برب . .
​

 

[رنين الغربه]

صينيه البيض بِ البطآطس . .


المقادير على حسب الرغبه
بيض , بطاطس مقطع مكعبات و مقلي , كزبره مقطعه ناعمه ,بقل مقطع ناعم ,
ملعقه صغيره بكنج بودر و القلبل من الفانيلا
يخلط كلو مع بعض و ندخله الفرن على حراره متوسطه نحمره كذالك من الاعلى











لحد يرد . .

برب .
​

 

[رنين الغربه]

دونات


المقادير
4 ك دقيق
2ك ماء
4 م ك حليب بودرة
1 إصبع زبدة سايحة
فنجال سكر
رشة ملح
4 م ص خميرة
2 م ص باكينج بودر
2 بيضة + فانيلا
ينخل الدقيق والباكينج .. وتوضع باقي المقادير في الخلاط ثم تصب على الدقيق وتعجن
تجي العجينة وسط انتبهي تكون قاسية ولا لينة مرة يعني أنتي وشطارتك
غطيها ببلاستيك وخليها تتخمر 40 دقيقة ,, أدهني يدك بالزيت ثم أبدي كوريها كبر البيضة الكبيرة تقريبا أو أكبر
أظغطيها شوي بحيث إنها تكون سميكة شوي وأفتحيها من الوسط بأي حاجة متوفرة عندك
أنا جبت ملعقة حليب الأطفال وقصيت اليد وبديت اشتغل بها
لأني جربت ألة الدونات مااعجبتني أبدا
تكونين مجهزة صينية وماسحتها بالزيت وأجمعي الدونات فيها وغطيها ببلاستيك وخليها ربع ساعة تتخمر
سخني الزيت متوسط الحرارة
أرفعي الدونات بطرف يدك ثم تكون معك الملعقة المسطحة وماسحتها بالزيت
وشيليها بها بلطف حطيها بالزيت ( يعني دليليها وانتي تشيلينها )
وأبدي بأول وحده كورتيها لأنها راح تكون خمرت أكثر
أقلبيها بالزيت على طول عشان تنفش معك أرفعي على النار حتى تتحمر
طلعيها وحطيها على ورق النشاف وأمسحيها بالمنديل عشان مايثبت الزيت بها .. والدفعه الثانية طفي الزيت وحطيها بعدين ولعي عليه وسوي زي ماقلت قبل ..
طريقة تجميلها أنتي ورغبتك إذا حابه شيرة أو سكر مطحون
أاو شوكولاتة ..
بالنسبه لي احبها بالسكر المطحون أحطه بكيس بلاستيك وأحط الدونات
وحده وحده وأمسكه من فوق وأرجه حتى تتلبس كلها
هي متعبه شوي لكنها والله لذيذة جدا وهشه
وآحبها بسكرالمطحون + قليل من الحليب السائل ( واضيف ليها لون طعام )









​

 

[رنين الغربه]

*******

المقادير :
ثلاث ارباع كاس سكر بني
ثلاث أرباع كاس سكر ابيض
ثلاث أرباع كاس زبده
بيضتين
كاسين وربع دقيق أبيض
ملعقه صغيره بكنج بودر
وذرة فانيليا
-
كوبين شوكولا هرشي
والي يفضل المكسرات مثل الفستق او شي زي كذا يضيف كاس مافيش مشاكل
الطريقه ..
بالخلاط أو مو شرط خلاط ممكن مضرب يدوي أو حتى ملعقه
نحط السكر البني والسكر الابيض مع الزبده
نستمر بالخلط لين مايصيرون كتله وحده
نضيف البيض والفانيليا للخليط السابق
ونخلط زييين مره
نضيف البكنج بودر لـلدقيق وبعد كذا بالتدريج نضيفهم للخليط السابق
هذي المرحله صعب نستخدم فيها المضرب العادي ..ياخلاط تكون خلاطته حقت عجن يا ملعقه
عشان الخليط ما يتلبك داخل المضرب
نضيف الشوكولا الهرشي للخليط
والي يبي مكسرات
لما يكون الخليط جاهز
ناخذ بملعقه اكل جزء ونحطه بصينيه مدهونه بزيت عشان ما يلزق
اهم شي ما نضغطه على الصينيه نخليه كانه كوره
عاد كل واحد وكورته كبيره صغيره لكن كل ماصغر المقدار طلع احسن
ومع حرارة الفرن هو بيتشكل وبيكون على شكل دائرة
ندخله الفرن لمدة 10 دقايق

نطلعه لين ما يبرد وبعد كذا نرصه في صحن
وبالعافيه على قلوبكم

ملاحظه /
ممكن تستخدمون بودرة شوكولا وتصير الخلطه بنيه
ويكون عندكم لونين كوكيز









لحد يرد . .


برب . .
​

 

[رنين الغربه]

كيكه التمر

جبت لكم كيكة تمـرٌ ، متأكده إنكم بتدمنونها مثلي
طريقة تحضيرها سهله وسريعة ومقدارها مناسب لكم
نحتاج إلى :

_ بيضتين .
_ رشة فانيلاَ .
_ ثلاث أرباع كأس ماء .
_ نصف كأس زيت .
_ 15 حبة تمرة " أستخدمت نوع خلاصٌ مره ألذّ "
_ فنجانين قهوه سُكرَ .
_ كأس طحين بُرَ .
_ ملعقة طعام باكينج باودر .
_ ملعقة صغيره سِنمون " قرفة مطحونه " .
_ ملعقة صغيره كربونات الصوديوم " أحياناً ما أضيفه " .


_ ملاحظه مهمَه :

_ إستخدمت كأس عادي " جبنة بوك " ، لمَا جيت أقارن بينه وبين الكوب المعياريَ أكتشفت إنَ الفرق بينهم بسيط جداً " فكلها تنفع " .
_ كميَة هالمقدار نوعاً ما لاكثيره ولاقليلة ، فإذا حابين أنَ الكمية تكون كبيره ضاعفوها
_ نضع في الخلاَط مايلي : السكرَ ، الفانيلاَ ، البيض ، التمرٌ ، الزيت ، الماء .

_ نخلطهم كويس ، وإذا حابيَن قطع التمرٌ يبيَن طعمها أكثر بالكيك لاتطولون عليه بالخلاط حتى لاتتقطَع .
_ في وعاء نضع الطحين ، الباكينج باودر ، كربونات الصوديوم ، و ملعقة صغيره سِنمون .
_ نصبَ الخليط الليَ بالخلاط على الطحين ونحركه كويس .

_ نرشَ القالب بالسبري .
_ نكون مجهزين الفرن مسبقاً على درجة 350 فهرنهايت من الأسفل لمدة 30 دقيقة ،
أو حتى يخرج عود الأسنان نظيفاً بعد غرزه فيه .
_ بعد ماتنضج الكيكة نتركها وقت حتى تبرد ، ونقلبها .
الصوص :

_ ملعقة صغيره سِنمون .
_ علبة قشطة .
_ علبة كرامِل .
_ زبده .

طريقتها :

_ في قدر على النار نضع ملعقة صغيره زبده لمَا تذوب ، نضيف عليها ثلاث ملاعق طعام كرامِل
ونحركها كويَس لحدَ مايمتزجون بعدها نضيف نصف علبة قشطة والسنِمون
_ بمَا أن الكيكة كانت كميَتها بسيطه فنصفَت من مقادير الصوص ومع ذلك تبقى منه .
بجدَ صارت إدمان عندي ، خفيفة ، صحيَة ولذيذه






لحد يرد . .

برب . .
​

 

[رنين الغربه]

كيكه التفاح ..

المقآدير
نص كآس زيت
نص كآس موية
نص كآس سكر
2 بيض
فانيليآ
شويييييييية هيل

نخلطهم بالخلاط
وبعدين نضيف بيكنج بآودر و2 كآس بسكوت شآي اولكر مجروش

ندخلهآ الفرن مثل أي كيكة انا افضل اسويهآ ميني كب كيك
لمآ تستوي
و بعدين نحمرها من فوق شوية بس

الطبقة الثآنية
نص علبة حليب نستله
8 كيري نخلطهم ونحط فوق كل وحدة شوية من الخلطة
وندخلها الفرن على الحرارة بس مانشغله

لما تجمد الطبقة

وخلال هالوقت نسوي الطبقة الثآلث
نص كآس سكر
1 موية
ملعقة نشآ وومكن تزيد شوي
م ص قرفة
تفاح مقطع صغاااااااااااار

نحركهم عالنار لما يجمد السآيل
وبعدين بالملعقة الصغيرة وهو حآر نشيل ونحط عالكيك
وهذ شكلهآ النهائي













لحد يرد
برب . .
​

 

[رنين الغربه]

السينابون الكذاب


المقادير ..
كيس صامولي ( افضل دلتا او السلطان )
استكانه ماء
استكانه زيت
استكانه و نصف سكر
بيضتين
ملعقه صغيره فانيليا
ملعقتين كبار قرفه
علبه حليب مكثف نسله الكبيره
ثمان حبات جبن كيري
هيرشي .
الطريقه :
يقطع الصامولي الى 3 اجزاء توضع المقادير من الماء و الزيت و السكر و البيض و الفانيليا مع قطعتين جبن كيري في جيك العصير و نخلطه
نآخذ قطع الصامولي ونغمسها في الخليط السابق ثم نرصها بصينيه
نضع باقي الكيري ( 6 قطع ) مع الحليب الكثف , و نخلطهم مع بعض
نصب ثلاث ارباع الخليط السابق على الصامولي و ندخله الفرن لمدة تقريبا 20 دقيقه ثم نخرجه و يسكب عليه البافي من الخليط ( الربع ) و نزينه بالهيرشي السائل . .






لحد يرد

برب . .
​

 

[رنين الغربه]

بسبوسه الاوريو


المقادير "..
3\4 كاس زيت
3\4 كاس سكر
4 بيضات
كاس سميد
ملعقة صغيرة بيكنج باودر
شعيريه باكستانية
حليب مركز محلى
9 حبات اوريو (او على حسب كبر الصينية)
5 حبات بسكوت شاهي
الطريقه
نخلط بالمضرب الكهربائي
كل من الزيت والسكر والبيض والسميد والبكنج بودر
نكسر الاوريو والبسكويت
ونخلطهم مع بعض بالمضرب اليدوي
ثم نضع قليل من الزيت على صينية بايركس
ونصب الخليط فيها ..
ثم نكسر الشعيرية على وجهها
نقصدرها وندخلها الفرن بس نغطيها من فوق عشان ما تتحمر قبل لا تستوي
واذا طلعناها ,, من الفرن نصب فوقها الحليب المركز
وقطعهوها ,, وبالهنا والشفاء





لحد يرد . .

برب . .
​

 

[رنين الغربه]

خنفروش



المقادير
كاسين دقيق
كاس سميد نص كاس سكر
ملعقه كبيره خميره
ثلاث ارباع الكاس حليب سائل
بيصتين
ملعقه صغيره بيكنج بودر
منكهات ( هيل _ زعفران _ ماء الورد )
الطريقه :
تخلط جميع المقادير مع اضافه الحليب بالتدريج .
تترك لترتاح ساعه .
تقلى في زيت قليل على نار هادئه .





​

 

[رنين الغربه]

قرص عمر

المقادير ..
اربعه كاسات دقيق اسمر
كاس سكر
نصف كاس زيت
عصفر نص ملعقه صغيرونه
ملعقه صغيره من كل ( فلفل اسود , زنجبيل , فلفل آحمر , قرفه , حبه سوده , كركم , صلصه طماطم )
ماء للعجن .
نتركه ترتاح قليل
نكورها صغار . .



و انكون مجهزين الجهاز



و مخلينه يسخن مجرد ثواني و تستوي الاقراص







​

 

[رنين الغربه]

Japanese cotton cheesecake

المقادير :

12حبه جبن كيري
60غ زبده
نص كاس سكر
نص كاس حليب
بشر ليمون
نص ملعقه صغيره فانيلا
25غ دقيق منخول تقريبا ثلاث ملاعق
20غ نشاء منخول ملعقتين ونص
5بياض بيض
5صفار بيض

الطريقه :

نجيب زبديه ونحطها بحمام مائي ونضع فيها الجبن والزبده والحليب
نحرك لين ماتكون المقادير سلسه وناعمه

نحط صفار البيض عليها ونستمر بالتحريك وبسرعه وانتبهو يغلي المزيج
وبعدها نضيف بشر اليمون والفانيلا والدقيق والنشاء ونحرك بسرعه بتثقل معانا شويتين
نتركها على جنب ونطفي النار..,

ناخذ بياض البيض ونخفقه بالخلاط ونضيف معاه ربع كاس السكر ونخفق ونضيف الباقي من السكر

ونخفق لين ماتقول بس خخ قصدي لين ماتكون كريمه بيضاء
نخلط المزيجين مع بعض ونقلب بشويش مرره بملعقه بلاستك او ملعقه عاديه ونخلطها دائره بعدين نص دائره اهم شي ماتسرعون ويفش البيض المخفوق

دهن الصينيه بزيت وممكن نبطن القاع بقطعة قصير او ورق زبده ونصب المزيج ونجيب صينيه كبيره ونحط فيها ماء مغلي ونحط قالب الكيك جوا ونولع الفرن مسبقا على170فهرنهايت تاخذ من ساعه الى ساعه وعشر دقايق






الخطآء اللي آخطآئته اني حطيتها بصينيه كبيره فصارت ضعيفه المفروض تنحط في صينيه صغيره و حوافها رفيها . .


لحد يرد

برب . .
​

 

[رنين الغربه]

آخير . ,


بلغكم الله هـذا الـشهر الكريم
وأجرى فيه حـسناتكم مجرى النهر
وأسعدكم وفرج كربكم مدى الدهر

* * *

اذا اعجبكم الموضوع
لا تنسوني من دعائكم
وحيآكم الله على قل الكلافة​

 

[صمت اللـ ي ـالي]

يعطييج العافيهـ

 

[رنين الغربه]

الله يعافيش

تسلمي عَ المرور

 

[ام دليار]

يعطيكي العافية شغل مرتب

 

[ضحكة الدنيا]

اطباق حلوه ومميزه
تشكرين علي الموضوع
والله يبلغنا رمضان ويعينا علي صيامه
وقيامه امين*

 

[q8dvd2000]

ويعطيج الف عافيه على تعبج

يزاج الله خير