حبيبتي زهرة النوير مشكورة ويعطيييج ألف عافية بس ما يصير نروح حق بازار فلوريا عن طريق تاكسي اذا كنا باسطنبول ؟
الله يعافيج يا رب
ممكن أكيد التاكسي يوديج أي مكان ..وكل شي بحسابه
انا حطيت الترام لأن رخيص التذكره ليره ونص بس
اما التاكسي بالعداد يفتح ليرتين وحسب المشوار اذا كانت المسافه قصيره يصير الحساب اقل اما اذا بعيده يتضاعف
مثلا من تقسيم الى امينونو 8 ليره
ومن تقسيم الى المطار 40 ليره تقريبا
وأحيانا ما يكون حساب التاكسي بالعداد مكن يتفق معاج على سعر ..
المهم سواقين التاكسي في اسطنبول قمه الاستغلال ديري بالج منهم .
بالعداد:
ممكن يلف فيج مسافه اكبر علشان يزيد العداد اذا اتفق معاج بالعداد
وممكن يتضاعف السعر تشوفين فجأه المبلغ ارتفع لأنه عنده زر اكسترا يضغط عليه ويضاعف السعر !
بالاتفاق :
واذا اتفق معاج بدون عداد يكون الاستغلال والنصب انه ممكن عادي يتفق معاج بالليره ولما توصلين يطالبج بالليره او الدولار
وترى صارت وايد قصص مابي أخرعج بس ديري بالج
يعني كتبي اسم المنطقه اللي تبينها وعطي اياه واتفقي معاه بالليره وكتبيها بالورقه بعد وأكدي عليها ..
لكن عموما التاكسي أسرع وأسهل اذا ما يهمج السعر وتبين تشترين راحتج .
في سفرتنا ما استخدمنا الاتكسي الا مره واحنا 8 اشخاص كنا نحتاج 2 تاكسي لذلك كنا نستخدم الباصات والمترو والترام
منها أرخص ومنها تشوفين الناس وجوله سياحيه
لكن طبعا مرات ما تلقين مكان وتظلين واقفه بس كانت تجربه حلوه استانسوا العيال
الله يوفقج
