الشهر التاسع والنفسة الزفت والتعب ...حياكم نسولف ؟؟

[نور الدنيا 88]

مبروك ام احلى بيبي و الحمدلله على لسلامة
شنو هالتمرين ؟

 

[شيــوخه]

ام احلى بيبي حمد لله على سلامتج يا بعد قلبي

والف الف مبروووووك ويتربى بعزكم يارب

وان شاء الله دعيتي لنا مانسيتينا ههههههههههه

 

[~Rou7~]

الف مبروك ام احلى بيبي بس شلون انتي كاتبه
انج ولدتي 4 يوليو وانتي قبل 5 ايام داشة اذكر
اخاف قصدج 14 اليوووم الف مبرووووك ويتربى بعزج
البيبي والله يسهل علينا ان شاءالله تجمع مواليد شهر 7 وكل الحوامل
آمين

 

[om la6ofa]

ام احلى بيبي الحمدلله على سلامتج

 

[كوكي العسل]

الله يبارك فيكم بنات

امبيييه صج مطفيه انااا اقصد ولدت من 4 ايام تاريخ 10 يوليو

سامحوني ههههه للحين دااايخه وتعبان جسمي من الولاده بنات اللي متردده على ابرة الظهر

لازم تقررين من البدايه لان حظرتي كنت ناويه مااخذها قلت بس كمام بس من وصلت مفتوحة 7 سانتي خلااااااص

ماتحملت لان طلق حااااار ورحمي ماانفتح بسرعه فاخذتها على الاخير

وعلى الدعوات شيوخه حبيبتي دعيت من كل قلبي الله يسهل عليكم وعللى كل حامل ويرزق كل محرووومه يارب

والتمرين بدور صورته الحين

 

[f6oma 1991]

ام احلى بيبي بأي مستشفى ولدتي و اي دكتور 




اي و الحمد الله على سلامتج و سلامه البيبي ادري متاخر بس شسوي مصدووومه من اللي صار

 

[كوكي العسل]

هذا التمرين

طبعا وايد صعبببب مع الثقل والتعب انا سويته3 مرات على يومين ماتحملت اكثر

بس من سويته وانا والله بدا الطلق معاااي وحتى صرت احس شي يعووور من تحت

وثالث يوم طاحت علي السداده

 

[كوكي العسل]

فطومة انا حاليا مغتربه والاجانب ماتخلص اخطائهم الطبيه

فلا تحاتين ترى الاهتمام بالكويت احسن بالف مره من الدول الاجنبيه

كل شي هني عندهم عاااادي

 

[f6oma 1991]

المهم الحمد الله على سلامتج حياتي و حطي بالج على نفسج

 

[~Rou7~]

للرفع

 

[zntoosha]

حياتي وااايد احب تجمعكم
الله يسهل عليكم كلكم يااارب
والي ولدو الف الحمدلله عالسلامه ويتربوون بعزكم بيبياتكم

 

[zntoosha]

بنات انا بالشهر الثامن نصه وانا من متابعينكم الله يسهل عليكم بالولاده السهله اعتبروني ضيفه ان شاء الله خفيفه عليكم
بغيت اسئلكم انا اليوم موعدي مع الدكتور ولفلي راس البيبي بس احس بعوار مو طبيعي جنه طلوق يجي ويروح ماادري عادي ولا لا
طمنوني الله يخليكم

حبوبه منو دكتوورج لان ماشاءالله واايد شاطر ونادر ماتحصلين دكتور بهل شطااره
تكفيين قوليلنا اسمه
وفي وحده من البنات هني البيبي ليلحين مو لاف ودكتورها قالها اذا مالف اولدج قيصريه
ياريت تقولين منو هالدكتور وين في وتسلمين

 

[om la6ofa]

الله يسهل علينا اجمعين
يومين و ادخل التاسع

 

[pink-ice]

الله يسهل علينا ومبروك للي ولدو أنا اخر موعد ١٥-٨اليوم ثاني يوم من التاسع ولايعه جبدي وحايشني خوف الله كريم ويقر عينا بعيالنا

 

[Laymo0ona]

بنااااات عفيه سؤال جاوبوني للي عندها خبره
لازم يكون البطن نازل بعده ايي الطلق والا عادي ايي الطلق والبطن فوق??
امي تقول بطنج مرتفع لازم ينزل اول شكلج مطوله
شراااايكم

 

[ام حمد 85]

عسى الله يسهل عليكم ذكرتوني في معاناتي مع الشهر التاسع العام نفس هالوقت كنت حامل بالتاسع والحين بنتي 10 شهور ماشاء الله الايام تركض

 

[zntoosha]

بنااااات عفيه سؤال جاوبوني للي عندها خبره
لازم يكون البطن نازل بعده ايي الطلق والا عادي ايي الطلق والبطن فوق??
امي تقول بطنج مرتفع لازم ينزل اول شكلج مطوله
شراااايكم

حبوبه اعتقد ان كلام امج صح لان الحريم الكبار يحكمون على شكل البطن اذا نازله يعني مابقى شي واذا مرتفعه يعني ريض والله العالم

 

[om la6ofa]

بنات انا يوم الولادة اب بنتي نزل بطني

 

[كوكي العسل]

انا قبل الولادة بيومين نزلت بطني

 

[كوكي العسل]

مافي اخبار عن شيوخة وروح؟؟؟؟

الله يقومهم بالسلامة يارب