انا وزوجي الدكتور دخلوعسى ربي يدخل الفرح بقلب كل من تدش

[بعدالعسريسرين]

السلام عليكم
عزيزاتي المشرفات الله يرضى عليكم لاتنقلون الموضوع لقسم الحمل حطيته بهالقسم
لاني ابي استفيدمن البنات اللي حملو رجيتكم لاتنقلونه ونزلوه باقربرررررررررب وقت لانه مايتحمل انتظاركلش الله يسعدكم

بنااااااااااااااااااااااااااااااااااااااااااااااااااااااااااااااااااااااااااااااااااااات
انالاليلي ليل ولانهاري نهار احاتي اختي المسجينه كلمتني امس وصوتها مخنوووق ومتغيروقالت لي ادعي لي بكل سجده اناضايقه فيني الدنيا زوجي يلمح انه يبي يتزوج علي وانه اليوم سرحااان وفجاه قالي شخبار منال كم عمرها تزوجت ولا
منال هذي بنت رفيجه واختي باول زواجها راحت لبيت رفيجه وكانت منال ياهل عمرها5سنين والحين صارت عروس ام20
بفهمكم قصتها
هذي اكبرخواتي عمرها37سنه قلبهامثل القشطه اجتمااعيه فرفوشه كريمه اهي اللي صرفت علي اناواخواتي بحكم ان ابوي شبه متوفي امي موموظفه راتبهاتصرفه عليناللحين ماشرت لابيت ولاحتى ارض ولاعندهارصيدبالبنك وزوجها40 تزوجت وهي صغيره ومتفاهمين ويحبون بعض الله رزقهم ب5بنات اكبرهم 16سنه واصغرهم8سنين
زوج اختي دكتور توهم رادين من امريكا مثقف وريال عاقل ويعزونه جماعته حييل
اختي مدرسه حلوه المهم راحولامريكا سنه وانا حدي متشوقه اشوفهاقلت اكيد بتزين بشرتها ع الجو والراحه يوم جفتها انصدممممت الويه كله كلف ونمش وشاااحب وشعرها تعبان وصارت تسرح وااايد ماتمزح وتسولف مثل قبل تقول ريلي تغيرمايتحمل مني شي كله يزف ومعصب حتى ع بناته اناماعمري فاتحتهابموضوع الحمل ابدمابي احرجها اعرف ان صارلهامده تسوي عمليات انابيب وكله تفشل لاول مره من8 سنوات تشكي لي من هالموضوع تقول تعبت وراح عمري وراحت فلوسي ع هالعلاجات والعمليات وماكوفايده قالت لي ان ريلها قالها بعطيج فرصه اخيره تسوين العمليه اذا ماحملتي بتزوج ابي ولد ((واهو لانه دكتور الكل يتمناه لدرجة ان بعض الرياييل يخطبونه حق بناتهم الله لايوفقهم واهولويبي ياخذبنت ام15 موبس20الكل وده ياخذبنته)) مابقى شي
عمليتهاب1رمضان نفسيتهاتحت الصفر
عمليات سوتها فوق ال9مرات تفشل المشكله الطبيبه تقول مادري كيف تفشل كل شي سليييم حجمت كم مره قرت عندمشايخه وماصارشي
المشكله تقولي لويتزوج وين اروح مالي بيت وبيت اهلي اللي احنا ساكنين فيه لاختي باجربكبرون عيالهالازم نطلع من البيت وكا الناس مسافرين بالصيفيه واحنامارحنا ولامكان كل معاشتنا وهم بعناذهبنا وعطيناه اختي لانها تجمع فلوس حق العمليه اهي مقطوع راتبهامن سنه لانها مسافره
بقى اقولكم انها طبعها تمزح وتحلي المكان اللي هي فيه والناااس عيونهم مفتوووحه عليها اهي وريلها وبناتهاهذي مرت الدكتور رايحه لامريكا ولوتبي القمرريلهايحطه بين ايديها ماخذين فكره انهم مبسوطين وفلوسهم وايد ودايم يوصلناحجي موطبيعي لدرجة انه وصلت فيهم يروحون حق ريل اختي بمحله بس لقافه المحل كله ملابس رجاليه شكوتدخلون
واختي تقول اني حلمت ب2من بنات عماتي يدخلون غرفة نومي بالحلم وبنبشووون فيهاويطلعون
حسبي الله عليهم

بناات الله يسعدكم اللي تعرف اي دواء شعبي
او اي وحد مرت بنفس التجربه تساعدنا الله يساعدها
واسالكم بالله ادعووولهاوقولولامهاتكم ويداتكم يدعون لهادعاء المسلم لاخوه المسلم بظهرالغيب تامن عليه الملائكه مستوعبين الملائكه تدعي معكم
عسى الله لايخيب رجاكم وللعلم اهي موبالكويت

بنات مابقى الا14يوم ع الفرصه الاخيره
ياتفرح بالعيد والحمل

ولاالناس يعيدون واهي مقطوطه ببيت اهلها
وريلهامتزوج

​

 

[غـرامـي أنـت]

الله يرزقهااا ان شاءالله

بس حتى اذا ماحملت وتزووج عليها ليه يقطهاا ببيت اهلها ؟؟ّ!

تبقى ببيتهاا والثانيه يحطهاا ببيت ثاني

 

[كويتيه شماليه]

الله يرزقها بتوأم صبيان يملون عليها حياتها ويسخر لها زوجها يارب ويخليهم لبعض ويهديهم مالها الا قراء سورة البقرة يومياً تختمها عن تجربه راح تشوف الخير باذن الله الكريم
الله يسعدها يارب

 

[ثريا الكون]

هذا مو مثقف مع احترامي له كل واحد صار دكتور يعني مثقف لو عنده ذرة ثقافه جان عرف ان مو بيدهاا مره ماتييب ولد وفي شئ اسمه قسمه ونصيب خل ينقع شهادته بالماي احسن

 

[ام الدرر]

ياقلبي
اولا عسى ربي يرزقها الحمل الصحيح بالذكر الصالح
لكن عندي تعليق
ليش مسوينها مسألة حياة او موت
العايلة كلها متحاططين عشان العملية
حبوبة المفروض تخخففون عنها وتحسسونها
ان الله مقسم الارزاق
واللي كاتبه لها هو الخير
يعني افرضي ماحملت والبنات هم ذريتها
تموت
توقف الدنيا
ياحياتي
ساعدي اختج تتقبل الحالتين
زوجها للحين عندها
والواحد مايعلم الغيب ​

 

[كنووووور]

عسى ربي يرزقها وخليها تقرا البقره في الثلث الاخير من الليل وتتصدق لوجه الله

 

[@البتووول@]

الله يرزقها بالولد

وزوجها سخيف وتافه شخلى حق الجهله اذا هذا منطقه حمدلله والشكر الله يكمله بعقله ويعينها عليه واذا تزوج ترى مو نهاية العالم بتتعب بالبدايه بس

 

[Om_Ksha]

انا توقعت زوجته عقييييييم وصبر عليها هالسنييييييييين بس ماشالله عندها عيااااال وغيره .. بس العقليه ماتتغير لو راااح الصين .. لازم الولد .. بدونه جنا ما ياب عيال .. صدقيني كل شي قسمه نصييييييييييييييب خل تفرش سيادتها وتشكي لرب العالمين بجوووف الليل وتستغفر بنيه الانجاب وتتصدق وتبذل الاسباب اتشوف منو الدكتوره الزينه في طرق يستخدمونها البنات بقسم الولاده ..

والله يكون بعونها ,,

 

[طموحه بزياده]

@@@



الله يهداكم محسسينها المسأله مسألة حياة او موت!!!



هذا قدر مكتوب اذا صار حمل الحمدلله وان ما صار قدر الله وما شاء فعل

وانتي شدراج لو جابت ولد مرح يتزوج عليها.؟


كبروا عقولكم يا الحريم




@@@

 

[موج-البحر]

الله يرزقها بالولد ان شاءالله وبعدين اهيا شكو يحط الحرة فيها هذا واهوا دكتور طل بعينه دكتور استغفر الله يارب

مايخاف الله مايدري ان كل شي بسبب جيناته اهوا وشكله

وهذا اهوا ماتزوج يزف ويعصب باجر لاتزوج شنو بيسوي ؟؟؟؟؟

حسبي الله ونعم الوكيل الله يعينها

 

[سنااااي]

الله يرزقها بالولد الصالح ولايفرح عليها عدو وبعدين ليش يقطها في بيت اهلها وين قاعدين حتى لو يتزوج تقعد اهيا في بيتها معززه مكرمه الناس مو ملزومين في زوجته وبنات حتى لو هم اهلها..... وشلون يخليهم عند خوالهم بنته احلين 16 مو صغيره اكيد خوالها عندهم عيال كبار..... انا لو اني منها اقعد على جبده اهو وياها..... وانا عندي خله للحمل خذيتها من المنتدى وان شاء الله يصير حمل... وخليها تشرب حلبه اتقوي الارحام......

المقادير هي كالتالي:

3 فناجيل قهوة كمون مطحون

3 فناجيل قهوة قرنفل مطحون

3 فناجيل قهوة حبه سوداء

3 فناجيل قهوة فلفل أسود مطحون

3 فناجيل قهوة رشاد<<طبعا بدون طحن>>

3 ملاعق صغيرة حلبة

الطريـــــــــقه:

يطحن كل مقدار على حده ما عدا الرشاد لا يطحن وبعدين تخلط المقادير مع بعض..

طريقــــة الأكل:

تؤكل ثالث يوم من الدورة ملعقة كبيرة ويشرب <<يسف مو يخلط>>كأس ماء بعدها حتى
تنتهي معك الدورة..

ملاحــــــــــــظة::

- إذا نزل دم كثير أو قطع أو ماء كثير يكون لديها سدد..

- إذا توقف الدم ونشفت أثناء تناولها يكون عندها ضعف في المبايض وهذه الخلطة تنشطهن..

- إذا جاء وقت الدوره الثانية ولم تنزل الدورة يعمل تحليل لتأكد من وجود حمل أو عدمه..

وإذا لم يوجدحمل ويبدأ نزول الدورة الثانيه يعاد أكل هذه الخلطه مره أخرى في نفس التوقيت<<يوم ثالث من الدوره>> حتى يثبت وجود حمل بإذنه تعالى

- فيه أحد مايتحمله وينقطع من إستخدامه لانه مر و حار
لكن اللي تبغى حمل لازم تستحملأتمنى يكون شرحي واضح



منقول لعيونكم==ادعولي الله يسعدكم ان ربي يحقق اللي اتمناه ويارب كلكم تحملوان شاءالله

وانااعطيتهامجموعه كبيره في منتداي السابق وحملوولله الحمل 15وحده

منقووووووووووووووووول للفائده

الله يرزقق جميع المسلمين الذريه الصالحه\\\\\\\\\\\\\\\منقووووووووووووووووووووووووو وووووووووووووووول وابي دعووووووووووووووووه حلوه حقي وحق اللي ناقلته واللي حاطته

 

[سنااااي]

وهذا دعاء للـــــــــــــــــــــزوج

دعاء تسخير الزوج

اللهم إنى أسألك بأنى أشهد أنك أنت الله الذى لا إله إلا أنت الأحد الصمد الذى لم يلد ولم يولد ولم يكن له كفوا أحد
وأشهد أن سيدنا محمد عبدك ورسولك ولا رسول بعده صلى الله عليه وعلى أله وصحبه وسلم
اللهم يا مسخر القلوب القاسية والعباد العاصية والجبال الراسية سخر لى زوجى ( فلان بن فلان ) كما سخرت فرعون لموسى والنار لإبراهيم ولين لى قلبه كما لينت الحديد لداوود
اللهم لا تجعل لزوجى حظا فى النساء مع غيرى يا حى يا قيوم يارب العالمين
اللهم سخره لى وذلل لى صعوبته وأجعله يخضع لى من حيث لا أحتسب
اللهم إجعلنى فى عينى صغيره وفى أعينه كبيرة
اللهم إجعله أبا لى فى الحنان وأخا لى فى الطاعة وحبيبا لى فى الفراش وأجعلنى له أما فى الحنان وأختا فى الطاعة وحبيبة فى الفراش يا أرحم الراحمين
اللهم جملنى فى عينه وجمله فى عينى وأجعله لى كما أحب وأجعلنى له كما يحب وأجعلنا لك كما تحب
اللهم حسنى فى عين زوجى وحببنى إلى قلبه وأجعلنى الزوجة الصالحة له وأرزقنى ذرية صالحة منه
اللهم عظمنى فى قلب زوجى وأجعلنى ماء عينه ودم قلبه ودفىء حياته وأسعدنى ولا تشقنى معه يا أرحم الراحمين
اللهم زده حبا لى وصراحة معى وتعلقا بى وتفاهما معى وحبيبا معى يا الله يا كريم
اللهم إجعلنى درة فى عينه حبيبة الى قلبه جميلة فى نظره قريبة من فؤاده يا أرحم الراحمين
اللهم ألف بين قلبى وقلبه وأدم علينا المحبة فى الطاعة والايمان والتقوى
اللهم يا حنان يا منان يا ذا الجلال والإكرام يا بديع السموات والأرض يا حى يا قيوم حنن قلب زوجى على أنت ولى ذلك والقادر عليه
اللهم يا مؤلف القلوب ألف بين قلوبنا وسخره لى وطهرلى سمعه وبصره وفؤاده
اللهم ملكنى قلبه وأسلل سخيمة قلبه وأصلحه لى
اللهم ألبسنى حلة من حلل صفوك عند لقائك وأجعل غضب زوجى على بردا وسلاما كما جعلت النار بردا وسلاما على نبيك إبراهيم عليه السلام
اللهم حببنى إلى قلبه وجملنى فى عينه وأستر عيوبى عنه وأستر عيوبه عنى وألف بين قلوبنا على محبتك
اللهم آآآآآآآآآآمين

 

[سنااااي]

واهم شي تبذل الاسباب..... وصدقيني الرجال اذا حط فكرة الزواج لو عنده 10 صبيان بتزوج اهم شي اختج طمنيها وفرفشيها.... وخل تهتم بنفسها لاتهمل نفسها اذا ماردلعت نفسها محد بيدلعها والله يوفقها ويفرج همها....

 

['طبق حنا]

بنت ولد المهم الصحه والعافيه

الله يرزقها

 

[بخـــارى]

اهوا مشتهي يتزوج
السالفه مو سالفة ولد
الظاهر شاف حاله قالوله انت دكتور ونفخوا فيه وحطوا الحجه في خلفة البنات

الي نملكه ندعيلها وبس

 

[الـــغـــلآ]

لحظه لحظه لحظه

مآدآم زوجهآ دكتور و مثقف ويييين عقله ؟؟

حبيبتي إذآ هو صج مثقف رآح يدري إن الرجل هو اللي يحدد جنس الولد من بعد الله سبحآنه و تعآلى

خل أفهمج

الرجل عندهـ ( س ) و ( ص )

المرهـ بس عندهآ ( ص )


إذآ الرجل أثنآء الجمآع عطآ المرأه س معنآتهآ رآح يكون ( س ص )

و هذآ يعني إنهآ بتحمل بـ ولد

أمآ إذآ عطآهآ ص معنآتهآ رآح يكون ( ص ص )

و هذآ معنآتهآ إنهآ بتحمل بـ بنت

يعني هي مآلهآ ذنب كلش و كل امرأه تعطي ( ص ) سوآء زوجته و لآ أي وحدهـ ثآنيه

يعني هو اللي يحدد مو هي عشآن يتزوج عليهآ !!

مآ أقول غير حسبي الله و نعم الوكيل !

 

[ابتسمامه]

الله يرزقها بالولد ويهدي زوجها لها ويسر امورها يارب

 

[Tom ♥ Jerry]

.،ـ



والله مآلت عليه حتى مآلت عليه !
دكتور و كبير وحآلته حآله مآ يدري حضره الدكتور انه الريال اهوة الي يحدد جنس الجنين ؟!
صج آنه دكتور بس للآسف دآم هآذا تفكيره يعني " جآهل " ××××

خل تخليه يتزوج .، هم رآح اييب بنات !
استغفر الله بس .، :|

 

[last-moon]

عورتي قلبي عليها حبيبتي

الله يرزقها كل ما اتمنى​

 

[ابتسمامه]

لحظه لحظه لحظه

مآدآم زوجهآ دكتور و مثقف ويييين عقله ؟؟

حبيبتي إذآ هو صج مثقف رآح يدري إن الرجل هو اللي يحدد جنس الولد من بعد الله سبحآنه و تعآلى

خل أفهمج

الرجل عندهـ ( س ) و ( ص )

المرهـ بس عندهآ ( ص )


إذآ الرجل أثنآء الجمآع عطآ المرأه س معنآتهآ رآح يكون ( س ص )

و هذآ يعني إنهآ بتحمل بـ ولد

أمآ إذآ عطآهآ ص معنآتهآ رآح يكون ( ص ص )

و هذآ معنآتهآ إنهآ بتحمل بـ بنت

يعني هي مآلهآ ذنب كلش و كل امرأه تعطي ( ص ) سوآء زوجته و لآ أي وحدهـ ثآنيه

يعني هو اللي يحدد مو هي عشآن يتزوج عليهآ !!

مآ أقول غير حسبي الله و نعم الوكيل !

المعلومه هذي صحيحه 100%
بس اللي مو معروف عند البعض ان بعض الحريم الحمض مالها قوي يعني (ص)فيقتل القلوي (س) قبل لايوصل فما يتكون عندها الا ص ص
فالحل انها تخلي جسمها قلوي ببرنامج اغذيه وغسولات
وبالاخير الرازق هو ربي سبحانه وتعاله