انا هذا سري..............وانتي شنو اسرارك؟؟؟؟

[دلال الكويتيه]

السلام عليكم
اخباركم بنات ويا هالعطله,,,,,,,,,,

لكل مره بالعالم شي يميزها سوا في عنايتها ..اهتمامها...اناقتها....طبخها....سنعها


خلونا يا بنات نستفيد ونفيد وناخذ افكار الموضوع عام يعني كتبي انتي شنو متميزه فيه والسر

وخاص البنات اللي مو مشتركين بحملات تعالي فيدينا بخبرتج واستفيدي

راح اكون اول وحده (تبيح اسرارها) ......

xxxx انا مميزه بشعري ولمعته وسري الاكل الصحي ودابرxxxxx

xxxx شفايفي طريه ورطبه وسري هو الفازلين العادي يومياxxxxx

xxxxرشيقه وسري امتناعي القاطع عن الدهون والرياضه وخاصه الجري مرتين بالاسبوع كل مره ساعهxxxxx

xxxxxسر مكياجي والمتميزه فيه بعد ماخلص مكياج احط عند زاويه العين الداخليه (عند فتحه الدموع) خط خفيف بالقلم الابيض يعطي نظره دااااااافيه للعينxxxxx

xxxxسر احترام الناس لي وحبهم لما اتعامل مع اي احد باي موقف احط نفسي بمكانه واحس احساسه وطبعا الابتسامهxxxxx

 

[دلال الكويتيه]

هذي اسراري والاشياء اللي متميزه فيها وانتي بشنو متميزه السر ----------باي شي --------


اول وحده تشارك لها جائزه--==--=-=--ناطره تفاعلكم وردودكم الطيبه=--00=--=-=-

 

[ashoag]

ماشاء الله عليج

امممممم رجولي حييييييييييل ناعمه والسر اني احط فازلين والبس شراب ثقيل واذا مشيت لازم شبشب وصارت رجولي ناعمه حييييييييييل اذا تذكرت شيء ثاني جيتج

 

[ورد وعطر]

سر من اسراري بشره وجهي كانت معدومه حيل كلف وحبوب وكل شي

فيها ....استخدمت كل شي ومافادني والحمدالله الا كريم جولي او جوايلي

ومشاالله توحد لون بشرتي بنسبه 95 % مشالله تبارك الله وانا لسي ماخلصت

العلبه وبيضت بشرتي مررررررررررررررررررررررررررررره لااله الا الله

وكمان بالنسبه عندي سر بالنسبه للمتزوجات

تخلطين كاسه ماش مطحون وكاسه زنجبيل ونص كاسه فلفل ابيض وتحطينها

بعلبه تاخذين مقدار ملعقه وتغلينها بكوب ماء وتشربينها انا اسوي فيها حليب

حييييييييييييييييييييييييييييييييييييييييييييييل تضوق مشالله..

هاذا اللي علي بالي الحين وموضوعك مررره حلو

 

[الكيكه دندن]

انا حاليا ماعندي اسرار وايد لاني باديه من اول وجديد ادور شغلات حلوه وسهله
حاليا مبلشه بفازلين مع فيكس لكعب الرجل وماشاء الله ملاحظه فيه تحسن ونعومه خفيفه والبس جوارب ثقيله
***
للوجه
من سنه استخدمت كريم جولي ماشاء الله زال كل الحبوب من وجهي وكل الكلف وماشاء الله صرت قمر يعني يخلي ويهج منور ويزيل طبقه الجلد الباهته يقشرها وبفتره استخدامه ما تتعرضين للشمس وبالليل يترطب الويه بالفازلين والصبح ينغسل بغسول كريمي
بس لما تركته طلعلي شويه حبوب والحين رديت له مره ثانيه وماشي الحال مازلت بشرتي فيها شويه شوائب

وبالنسبه لشعري مبلشه بدابر املا برشوت وحنه وسدر
هم من 4 سنين كان شعري طويل ماشاء الله والسر بالحنه والسدر

وراح ابلش بخلطه قريتها للمنطقه الحساسه واعطيكم النتايج اذا اعجبتني

 

[د-سوسه]

..الكل مستغرب ان جسمي صار لون واحد وعبالهم اروح عيادات تجميل وماقول السر بالترطييييييييب احط شويه زيت لوز بالاسكينول ليمون او بابايا واستخدمه دايما بعد الحمام..
ريحه جسمي مثل البييبي من مسك القرشي اخلطه مع لوشن جرجنز بالمسك او لوشن جونسن الوردي واحط معاه لوشن العنايه الفائقه من نيفيا حده ترطيب قوي -مااخلطهم بس احط بيدي من الاثنين وقتها واحطهم علي جسمي -.
كل يمعه اشيل جسمي كله بماكينه فيلبس واسوي صنفره واحط علي جسمي زيت لوز او جلسرين وكريم بين والبس بجامه قديمه واحط بشعري حمام زيت فاتيكا او دابر بالثوم -لاني صابغه مايصير احط زيت بشعري- ياخذ الجسم اللون ويتم لمده اسبوع ..
والحين صارلي فتره اوصي الخادمه اتحط ربع ليمونه بالحمام كل يوم بعد الشور افرك فيها جسمي كله بعد صنفره اليوكو -ملح الحليب-وصارت ركبي نفس لون جسمي ...ودمتي

 

[أوركيدااا]

يسلمووووووووووووووووووو

 

[قطبا مغناطيس]

الصرااااااااحة ماعندي اي سر مافي شي احس اني متميزة فيه
كان نفسي افيدكم ويسلمووووووووووووا على الموضوع الحلو
​

 

[وردة الخواطر]

احم احم يالله بابدي

( سر ايدي الناعمه)

احط ملح مع ليموون وافرك ايدي وبعدين اغسلهم ب الماي وبعدين احط كريم مرطب

( سر ريحتي الحلوه)

( زبدة الفراوله من محل بودي شوب روووعه)

(سر شفايفي الناعمه)

في سرين اول سر احط فازلين قبل لا انام والسر الثاني اجيب منديل واقعد افرك شفايفي بحركه دائريه وبعدين احط مرطب الشفايفي

(سر نعومة ارجولي )

احط فازلين وانا وشوفي النعومه كيف تصير)

يالله خلصو اسراري اذا لقيت وجربت باحط لكم

 

[&موناليزا&]

مشكورة حبيبتي

 

[برنسس أوراق]

سر طول ونعومة شعري دابر املا وفاشكول الثوم والفجل وزيت الزيتون مره بالشهر

سر نظارة ويهي وبشرتي وتوحد لونها خلطة ام شاهين بالليل والصبح غسول نيتروجينا مع مسحه بماي الورد وكريم جلسرين الاصلي

سر نعومة وطرواة ريولي فازلين وجلسرين الاحمر

سر جسمي الشاي الاخضر مرتين باليوم

وبسسسس هذا حاليا برنامجي لبعد العيد..
ويسلمو عالموضوووع الرووووووعه

 

[طأقتن تسبدي..!]

سر نعومة شفايفي فازلين بالليل قبل لا انام <<< جايبة شي جديد هههه
سر طول شعري دابر املا فالاسبوع مرة
سر رشاقتي اني كل يوم بعد صلاة العصر اتمشى لمدة 2 ساعتين
وبس لا تذكرت اسرار ثانية راح اكتبها
موضوع حلو مثلج ياالغلا
​

 

[Stunner]

من أسراري:

بعد الحفاف والمسامات مفتوحة أحط زيت زيتون وشوفي الشعر كيف يتأخر ويخف
بصراحة انا أول مرة أحط هالشهر واحين بيصير لي شهر من حفيت بالشيرة والله يشهد عليي
ان طلعوا لي كم شعرة بس

سر نعومة قدمي ويدي جيلسريد الأحمر


سر نعومة بشرة ويهي اني احط ماسك الروب كل يوم


سر رشاقتي: الامتناع عن المشروبات الغازية



حبيبتي صاحبة الموضوع ياليت تخبرني شنو الاكل الصحي الي تاكلينه حق شعرج


يزاكم الله الخير ​

 

[ورد وعطر]

للرفع

 

[خلاص سجلوني]

اب


بروح ادور فيني سر

 

[طووشه]

والله ماعندي اسرار

بس سر واحد :$

اذا بتحافظين علي بشرتج صافيه انج قبل لا تنامين تغسلينها ..حتي لو كنتي كسوله لازم لازم

بنات بغيت اسالكم عن كريم كريم جولي او جوايلي

اهوا زين ولالا؟ الي في بنت اهني قالت انه سبب لها حبوب بعد ما تركته!!

وانا ودي بشرتي ترد مثل قبل صافيه

 

[ma mo me]

سر ترطيب جسمي الخفيف من بعد ما كان ناشف +++زيت الزيتون+++
و حاليا أنا بفترة عناية و تجارب إذا نفع إن شاء الله ما أبخل على أحد

 

[bsk0ta]

اااب اااب

 

[Stunner]

up
up

 

[غزالهـ]

كريم ليفيان بالكولاجين يعبي الخطوط التعبيريه بشكل حلو...
بخاخ ماء الورد مع حبه فيتامين سي الفوار يعطي نضاره للبشره..