,,,,,,,,تجمع دفعه 35 للي مسجلين بالديوان ,,,,,,,,

[honey lust]

قوووه بنات


طبعا بما اني من اول ما تخرجت و انا مرابطه بهالقسم و ما بقى موضوع ما رديت فيه لوووول


:ggdw:


قلت ليش ما افتح هالتجمع حق اللي توهم متخرجين بما ان طموحاتنا وحده اهيه الوظيفه السنعه


و لان اغلب اذا مو كل اللي تخرجوا سجلوا بالديوان حتى لو ما يبونه يعني المهم يجربون حظهم


يالله يا حلوين كل وحده تدش تقولنا شنو تخصصها و شنو ترتيبها و رغباتها و نسوووولف عن


ديواننا الحلووو اللي يوظفنا باحسن الاماكن لوول اي خير ان شاء الله :ch12:


و طبعا انا راح ابدي


تخصصي بكالوريوس تمويل


رغباتي ما اذكر منهم الا الماليه و الباجي من متى مسجله نسيييييت


وو ترتيبي 45/25


:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):يالله بنوتات الكل يشارك :eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[عبث طفله]

مبرووووووووووووك التجمع


انا بكالريوس علم نفس

وترتيبي 45 / 53

وان شاء الله مثل ما قلتي لي يقبلوني مدرسه ثانوي يااااااااااااااااااااااااااااااارب

ابي اصير مدرسه حلممي

انا الحين حامل بالشهر السادس .. يعني لو مثلا رشحوني الخميس يااااااااااارب تهقين عادي اسوي اوراقي ويعطوني مباشره عمل للعام الدراسي الجديد !!!

 

[honey lust]

ايي ان شاء الله ليش لأ

بس عسى ما تصير ولادتج مع السنه الدراسيه اليايه؟؟

 

[frawlah_83]

اهلا اهلا هووني انزين اصير انا اشارك انا موحديثه تخرج عندي خبره خمس سنين بالخاص بس صارتلي مشكله واستقلت وتوني قدمت الديوان طبعا رغباتي حاطه الماليه وحاطه الباجي هيئات بس نسيت شنو

واي احد انزل اعلان قاعده اقدم سواء كان حكومه او خاص اهم شي بالنسبه لي المكان والناس الي المعاي وطبيعه الشغل واهم شي انه في شغل وكراااف متعوده على اجواء الخاص ماحب اداوم بدون شغل ماعندي مشكله اشتغل من اول ماداوم لي نهايه الداوم

وابدا ماافضل اشتغل مع قروب بناات وايد

وماني مستعيله كل شي رزق ونصيب ومايندرا وين رزقي ووين نصيبي ومتى

 

[عاشقة هواك]

انا بكالوريوس علم الاجتماع جامعة الكويت

ترى حتى انا نفسج من اول ما تخرجت مطيحه بالقسم

لوووووووووووووول مو فاهمه شي بس اقرا مادري شسالفه

بس ماعرف ترتيبي من زمان سجلت

الله يوفقنا ان شاء الله يطلع اسامينا بأحسن مكان الله كريم

 

[frawlah_83]

اي نسيت اقول تخصصي محاسبه وترتيبي ٥٠ / ١٢٦

 

[honey lust]

فراوله حيااااااااااااج اكيد يصير

يالله ان شاء الله طلعتج من دوامج خيره و تتعينين بمكان احسن منه

انزين قوليلنا شنو مزايا و عيوب القطاع الخاص؟؟


فوشيه حيااااج ترا طلع الترتيب

لووول تصدقين انا قبل ما اعرف شي بسوالف الوظايف بس الحين عشتو صرت خبيره

وصج ما قلتي وين ودج تشتغلين؟

 

[عاشقة هواك]

اي نسيت اقول تخصصي محاسبه وترتيبي ٥٠ / ١٢٦

الله يوفقج حبيبتي :eh_s(17)::eh_s(17)::eh_s(17):

 

[hhateek]

هلا حبيبتى .. مبروك التجمع .. وان شا الله نبارك يوم الخميس بنزول اسامينا يارب ...

انا بياناتى فى موضوعى تجمع اللى سجلوا فى الديوان ...

انا تخصص تصميم داخلى واثاث

سجلت فترة 34

ترتيبى 1-1

حاولت اليوم اييب كتاب ترشيح من المالية ما نفع ...
وقدمت فى الهيئة العامة للاسكان بالعافية لانهم طالبين مهندسين فقط الحين ... قلت للموظف ما يخالف تونى ما اعرف شنو مسماى يمكن مهندس ...ههههههههههههه

يارب ان شا الله اسامينا كلنا يوم الخميس .. ادعوا وايد يا بنات للكل ​

 

[honey lust]

hhateek يارب تنزل اسامينا بالمكان اللي نبيه

يعني انتي الحين ودج بالاسكان؟؟

عاد انا قاريه ان معاشاتهم حلوة يارب يقبلونج عندهم

 

[الجوريات]

مرحباااا صبايا مبروك التجمع انا تخصص يرمجه حاسب الي ورغباتي الاوقاف والماليه وبيت الزكاه اما ترتيبي شكلي مطوله٢٦٥/٥٠٧ يعني سالفه مطوله بس عندي احساس اسمي يوم الجمعه بالجريده حدي مرتاحه خخخخخ يارب اسامينا تنزل يوم الجمعه يارب

 

[frawlah_83]

ثانكس فوشيه الدلوعه

امم مييزات الخاص الراتب والمميزات شي طبيعي احسن من الوزارات بس بما اني تخصص محاسبه في اماكن بالحكومه راتب المحاسب وايد عالي بس هالاماكن الواحد مايضمن يتوظف فيها المهم الراتب يصعد اعلى مو مثل الحكومه ١٠ دنانير لا كل واحد على تقيمه ياخذه نسبه بس اذا كنتي مسويه شي واااو تحصلين اكثر طبعا غير البونص والمميزات الثانيه كل شي تاخذينه ابمجهودج يعني في تقدير للموظف المجتهد بس طبعا عقب الازمه الماليه كل شي قل البونص قل والمميزات وحتى الزيادات السنويه

بالنسبه للشغل انا احسه وايد متعه وبيئه العمل حلوه مافي سوالف حش ولا سوالف الوزارات

عيوبه دوام طوويييل وماكو استقرار وظيفي وشغل وكراف والتزام ومسؤوليه وماكو تزرق هالنقطه بالنسبه لي ابدا مو سلبيه

 

[honey lust]

الجوريات هلا فيج حبيبتي ماشاء الله وااايد بنات تخصصهم حاسب الي

بس صح كلامج تفائلي

لان حسب ما قالوا مرشحين 4000 شخص و هذا خبر حلو

ان شاء الله اسامينا معاهم

 

[honey lust]

فراوله تدرين اغلب اذا مو كل اللي اعرفهم يعانون من سوالف البنات اللي اهيه الحش و خزيني و اخزج و المشاكل اللي مالها

داعي كله بسبة قلة الشغل

و مع الاسف اغلب الكويتين يبون تزرق و معاش عالي و اهمه مكبرين المخده

بس قاعده الاحظ ان الشباب الحين صار اوعى و وايد اتجهوا للقطاع الخاص و هذا شي حلوو

 

[frawlah_83]

ونسيت اقول شغله فرص الترقيه احسن وبسرعه الواحد يترقى

 

[frawlah_83]

صح هوني الناس بدت اتوجهه للخاص بس اللحين عقب الازمه بلشو يطلعون شوي من الخاص المميزات قلت والحكومه عطت كوادر ورفعت معاشات الحكومه

 

[honey lust]

والله الحكومه لو يتسنعون شوي و يساوون معاشات كل الوزارات و يقيمون الموظفين حسب جهدهم مو على الواسطه و التحيلق و

يجددون مجمع الوزارات هالداثر جان محد فكر بالخاص

يالله الله كريم

 

[اخت اخوانها]

انا خريجة كليةالتربية جااامعة الكويت

ماحطيت بالرغبات الا التربية واحنا اوريدي مرشحينا للتربية
بس ........ مااعرف اطلع ترتيبي

 

[frawlah_83]

روحي على متابعه نتايج الترشيح وحطي رقمج المدني واختاري تالي شي مكتوب لمعرفه نتايج الترشيح

 

[الكبيرة]

السلام عليكم ورحمة الله وبركاتة صباح الخير00
اختي فراولة انتي متي قدمتي على الديوان؟ لان اخوي قدم بالفترة35 وطلع ترتيبة 217/246
ونفس تخصصج محاسبة تقديرة جيد وصج فية دفعة راح تنزل يوم الجمعة 22/7/2011