تقرير رحلتي لماليزيا شهر 6 / 2011 (صور)

[موله الكويت]

بسم الله الرحمن الرحيم
:eh_s(17)::eh_s(17)::eh_s(17)::eh_s(17)::eh_s(17)::eh_s(17):​

مرحبا بنات اليوم بحطلكم ان شاء الله تقرير رحلتي لماليزيا وهذي ثاني مره ازورها وراح بيكون شاااامل كل شي المطاعم الي جربناها وجدول الرحلات اليوميه والمجمعات وبحاول انزل الصور بالترتيب علشان ماتضيعون معاي عاد الله يعينكم علي
وان شاء الله تستفيدون من تقريري لان والله حاولت ما اطوف شي هناك من غير ما اصوره او اسال عنه ​

بسم الله نبدي​

رحلتنا كانت عالخطوط الجويه القطريه وشهاده حق تنقال امانه الطيران روعه من مضيفات واكل وخدمه وماتقل مستوى عن الاماراتيه اذا مو احسن منها بعد
اول شي خلوني اسولفلكم عن اسعار التذاكر مع الفنادق الي حجزتها عن طريق مكتب سفريات والشخص كان بحدود 430 دينار واحنا كنا شخصين انا وزورجي طلعت علينا التذاكر مع الفنادق ب 860 دينار والتذكره كانت بحدود 210 للشخص عالقطريه .
الفنادق :
1- بينانج 3 ايام ( 53 الليله )
2- لنكاوي ليلتين ( 80 الليله )
3- كوالالمبور 5 أيام ( 35 الليله )​

وخط سير الرحله كان : كويت - قطر - بينانج - لنكاوي- كوالالمبور - قطر - كويت - بيتنا لووووووول​

سفرتنا كانت بتاريخ 1/6/2011 الساعه 4 العصر وعقب الطيران والترانزيت وصلنا ماليزيا الساعه 10 الصبح بتوقيت كوالالمبور 4 الفير بتوقيت الكويت وعلى اساس كنا بنطير لبينانج بطيران داخلي وودانا الباص الي موجود بالمطار مبنى اير اسيا ياخدله تقريبا 5 دقايق طريج ويوم وصلنا الا الصدمه زززززززززززززززحمه وعالم فوق بعض وقالتلنا الموظفه ان طيارتنا 1 الظهر وريلي عصب وقال لو اروح مشي بس ما انطر هالدور وبين هالعالم الي من كل الجنسيات عاد تعالو استنشفوا الروائح اللطيفه


واخذنا تاكسي طلع علينا مع الجناط لان يحسبون عليكم العدد والثقل الملاعين ب 609 رنجت والطريج 4 ساعات ​

بسي امانه ماحسيت اني تعبت لان قزرتها نوم ومسكين ريلي قاعد ​

ووصلنا الفندق وفندقنا بارك رويال والله قلبي يعورني يوم اتذكره من كثر ما حبيته واستانست بالجزيره ​

يتبع ...

 

[موله الكويت]

اول ماوصلنا نمنا على طول عقب رحله طويله ساعتين بقطر و8 ساعات لماليزيا و4 ساعات بالسياره مووصج :krkrkr:
ونزلنا اللوبي عقب ماريحنا وقدمولنا عصير للضيافه

وطلعنا نحجز من محلات مجابله الفندق تذاكر رحله الفيري (العباره) مبجر علشان لا نتوهق والشخص ب 60 رنجت يعني بحدود 5ونص كويتي واخذنا تاكسي ورحنا مصنع الالعاب او toy museam ومايسوى كلش التذكره ب 20 رنجت ومادخلت طليت بس لووووووووووول مايشجع بصراحه كلها شخصيات كارتون وتصورون يمها موشي وقلنا حق التاكسي يودينا الهضبه الي اهي بينانج هيل واي اتينن براد والتذكره ب 30 رنجت الشخص ​

طبعا فوق في نشاطات نقش حنه اشكالهم تضحك اول مره يشوفونها فزحمه موت عليها وفي زاويه تصورون مع الحيه تشيلونها وتصورون الصوره ب 10 رنجت وفي مدينه الديناصورات بس على اشكالهم للتصوير ​

يتبع ...​

 

[عنود الغيد**]

كملي خوش تقرير

 

[موله الكويت]

ثاني يوم الصبح نزلنا مبجر وتريقنا بوفيه الفندق ومستوى الاكل والخدمه عندهم روعه ماشاء الله

 

[(حكاية قلب )]

ماليزيا خاطري اروح لهااا !!
كملي حبيبتي ...والفندق ذرب

 

[موله الكويت]

نكمل ...


وعقب الريوق نزل ريلي المسبح واي اشحلاته المكان نظيف وهادي وحتى الياهال الموجودين حيييييل هادين وذربين كنت بتهور وانزل بس تعوذت من الشيطان لوووووووووول​

وعقب بلش الينووووووون وااااي وناسه :ggdw: ورا المسبح يصير البحر وهذا احلى ما في الفندق نزلنا البحر وركبنا البرشوت وااااااااي موصج اللفه ب 200 رنجت يعني بحدود ال 20 دينار وركبنا الجت سكي الربع ساعه 100 رنجت انا وريلي مع بعض بنات الي تسافر ماليزيا وماتروح هالجزيزره وماتجرب هالسوالف ماجنها سافرت فنصيحه لاتخلون شي بخاطركم وجربو كل شي

وهذي البنانا عجيبه بس ماجربناها

اكملكم بعد شوي
برب ...​

 

[الأميرة جوري]

ماشاء الله شكل الجو روعه...اشلون الجو صج رطوبه؟؟..كملي متابعه

 

[موله الكويت]

نكمل ...​

​

​

​

بعدين طلعنا نتغدا والله يسامح الي مدحتلي مطعم عمر الخيام ويييييييييع الله يديم النعمه انا من شفت المكان اخترعت وقلت بطلب بيتزا المهم شي مافيه لا لحم ولا دياي وريلي مسكين من اليوع طلب دياي مشوي عالفحم لوعه استغفر الله على قولته اسم الاكله فحم بالدياي لوووووووول من كثر ما ان الدياي محروق ومافيه طعم فما انصح فيه والستاف الي فيه مصري ونفسيه جنه ننطر منهم

بعدين ردينا الفندق ريحنا شوي وقعدنا بالليل باللوبي وطلبنا جاي وكابتشينو والجو على فكره حر ورطوبه بس تحتمل والفندق مفتوح يعني اللوبي مبل عالشارع وعالمراوح بس يعني الي ماتحمل الحر بتاكل هوا ​

​

​

​

وبحطلكم صور من اللوبي​

​

​

​

​

​

​

​

طبعا بنات مجابل الفندق في سطره بقالات وعرفت بعدين كل بقاله لها تسعيره خاصه فيها وعرفت هالشي متأخر للاسف علشان جذي اذا بغيتو شي افترو عليهم وبعدين اشتروا واحنا شرينا تلفون بوليت من عندهم لووووووووووول ب 10 دنانير تقريبا لان بالبحر راااااااحت تلفوناتنا واحترق البي بي ​

وانصحكم تاخذون من بقالاتهم الادويه مالت الصداع الي اتيكم على شكل لزقات عجيبه ومراهم العضلات بصراحه قالولي عنهم البنات ماقصروا وفعلا طلعوا روعه ​

​

ثالث يوم لنا والاخير قعدنا وطلعنا عالبحر وعقب تغدينا بمطعم الطربوش يعني مستواه مو واو بس يمشي حاله وعالاقل احسن من المرض عمر الخيام ووريلي طلب كباب وانا طلبت بس شبس وبيبسي من الخوف ​

​

​

​

​

​

يتبع ...​

 

[موله الكويت]

نكمل...​

آخر ليله قضيناها باللوبي كان في فرقه تغني وعقب طلعنا عالبحر ركبنا خيل الشخص ب 20 رنجت​

الحين بحطلكم صور نسيت انزلها لكم فوق ​

هذا حسابنا بمطعم الطربوش وعلى فكره الستاف كله ماليزي مسلم ومكانه وايد حلو عند السوق الليلي​

واهني جم صوره من السوق الليلي ماشريت منه شي ماعجبني وترا غالي بنات يوم رحت كوالالمبور نفس البضاعه واحسن بس باسعار ارخص بوايد ​

وانتهت احلى 3 ايام بماليزيا وسوينا الجيك اوت وزهبنا جناطنا لسفره باجر بالعباره
اليوم كافي لهني وان شاء الله
باجر اكملكم الجزء الثاني من الرحله للنكاوي جزيره الخفافيش والزهاويه لوووووول​

 

[ملواكي]

عليج بالعافي وزين سويتي استانستي بالبحر انا احب اسوي نفسج وما اطوف شي

عاد انا بروح عقب جم يوم بس ما راح اروح بينانغ بس لنكاوي
صح جذي ولا حسافه اني بس بروح لنقكاوي

 

[حبيب قلب زوجها]

كملي حبيبتي تقريرج يونس ذكرتيني باايام شهر العسسل

 

[krkooora]

الحمدلله على سلامه
خوش تقرير
متابعه

 

[تووتو ستاتل 2]

ماليزيا جنة الله في الارض رووووووووووووووعه
عليج بالعافيه
تايومان عجيبه

 

[! بــدويه وآآيــد !]

،


روووعه ماشاءالله

متابعه

 

[موله الكويت]

عليج بالعافي وزين سويتي استانستي بالبحر انا احب اسوي نفسج وما اطوف شي

عاد انا بروح عقب جم يوم بس ما راح اروح بينانغ بس لنكاوي
صح جذي ولا حسافه اني بس بروح لنقكاوي

حسافه موحاجزه بينانج بصراحه اتينن وتنمل عكس لنكاوي ممله وهاديه زياده عن اللزوم واحلى مافيها رحله المانجروف مابي اضيق خلقج سوري ترا في ناس وايد عجبتهم انا عن نفسي ماحبيتها تابعيني بنزل بالتفصيل رحلتي للنكاوي ان شاء الله
موفقه​

 

[موله الكويت]

كملي حبيبتي تقريرج يونس ذكرتيني باايام شهر العسسل

يشرفني مرورج تابعيني :eh_s(17):​

 

[موله الكويت]

الحمدلله على سلامه
خوش تقرير
متابعه

الله يسلمج حبوبه ​

 

[موله الكويت]

ماليزيا جنة الله في الارض رووووووووووووووعه
عليج بالعافيه
تايومان عجيبه

الله يعافيج حبيبتي تسلمين​

 

[موله الكويت]

،


روووعه ماشاءالله

متابعه

عيونج الحلوه حياج ​

 

[غــ q6r ـلا]

حلو تقريرج

كملي حبيبتي