تجمع تخصص الانجليزي (تربيه + اداب) ّّ

[يامطوله صبري]

بخصوص مكافأة التخصص النادر بالنسبه للي توهم هالكورس خلصو 60 وحده

تنزلكم نهاية الكورس الاول

فعلا تنزل لج على شهر 2 تقريبا





واللي يسألون عن سندس همن يمدحونها

بس ماجربتها من قبل

 

[.P.ENG]

قوة بنوتات شلونكم مع الجو اللندني العجييب

عندي بعض الاستفسارات ويريت لو احد يوضحلي

الشغله الاولى
طالب دفعه 2010 تخصصه لغه انجليزية
شنو المواد الي يقدر ياخذها اختياري
اقصد بالميجر شيت حاطين 6 وحدات اختيار حر مما تقدمه الكلية او الجامعه
انزين مثل شنو ابي اسماء بعض المواد اذا ماعليكم امر

والشغله الثانيه
مواد العلوم الي الطالب ياخذها
كطالب تخصصه ادبي شنو المواد الي تعتبر نوعا ما سهلة ويقدر يمشي فيها كونه ادبي

up

up

up

up

 

[Banoota 3asal]

السلالالالالالالالالام عليكم


بنات بليييييز
ابي الي تخصص انجليزي ومووووظف ياريت لو يفيدنييي

ويوفر علي تعب سنين
انا محتاااره للحين بتخصص الي ابي وللحين ماحددت مجاي
ومنهم اادب انجليزي

بليز ساعدوني
شنو الاماكن الي توظفتوا فيها ويبون انجليزي
وجم الراااتب >>> اهم شي هذا :\

واذا تدريس جم حصه (تقريبا) بالاسبوووع


ياريت لو تفيدوني وتساعدوني بمستقبلي
وعسى الله ييسرلكم اموركم

 

[يامطوله صبري]

في تجمع لخريجات ادب انجليزي بقسم الحياة العملية


واذا ع التدريس نصابج ما بين ١٢-١٨ حصة بالاسبوع اذا متوسط وثانوي او ابتدائي

يعتمد ع المدرسة نفسها عدد الفصول وعدد معلمات القسم

 

[ام حديجان]

سلاااام شلونكم بنات


سجلت مادتين عند القنور

كل اللي سمعته عنه شين !!

بس مضطرة آخذهم

في احد هني مجربه

عادي مو شرط اطلع بقريد بس ما يسقط

ابي اتخرج زهقت :eh_s(2):

 

[*Toota*]

المـادة: برمجه 1 التاريخ: 2011-02-12الطالب: tortaa رقم التقييم: 22945

قمه قمه في الرقي و الفكر و الذكاء

ماشاء الله عليه هالدكتور

حقاني 100ب100 وللاسف نادر هالايام بين الدكاتره و الطلبه ما تبون الحقاني

شرحه خياااال , كنت احضر عنده استماع و بعدها على طووول سجلت و هم للاسف الطلبه همهم القريد مو الدرجات

باختصار : اذا تبي تفهم اخذ عند هالدكتور و لا تفكر

اذا كسلان و صايغ بطوووشه و طنش و ما تحضر , لا تأخذ عند هالدكتور لانه حقاني اخذ عند دكتور بايع ذمته

,,,,,

سوري فطوم سالفه اللي قلت يها كنت معاج بالشعبه

ترا الدكتور نزل درجتها لانه مو معقوله اسمها ما تعرف تكتبه و احتمال كبير جدا انه في احد غيرها حضر بدالها , خليها تحمد ربها انه ما فصلها من الجامعه << توقع

وله يصير مدرسه انجليزي اخر ماده ( مادة تخرج ) ما تعرف تكتب اسمها !!! هذي شلون تدرس ؟! لو سمحتوا انا ما ابيها تدرس شنو هالاجيال راح تدرسهم ,,,, اذا الابله حتى اسمها تكتبه غلط , صج سوري بس الخطا ما ينسكت عنه


​

- النجوم:

- المستوى: سهل
- الشرح: شرح جيد جدا
- حصلت على: A
ننصح به
المـادة: Phonetics التاريخ: 2009-02-15الطالب: louis رقم التقييم: 16698

Remember it phonetics not fenetics. This is a joke he used to explain the study material. He is an awesome professor. Although everyone thinks he deliberately makes fun or joke around with the students; i believe otherwise. He only does the that to students who: 1. dont study 2. dont come prepared for class
dont show appreciation to the course in general and do not participate. He wants you to care for yourself and really understand. As long as you take extreme notice for that you are aiming for an A
​

- النجوم:

- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: القواعد التحويليه التاريخ: 2006-08-25الطالب: فطوم[email protected] رقم التقييم: 6709

بصراحه نا ماخذيت عنده ولا ماده والكل يذم فيه هالدكتور اوكي يمكن اهو حقاني لكن مايحترم الطلبه ومهزأهم تهزيء

انا رفيجتي مومصلح امتحانها بس حاطلها F ومشخبط على اسمها قايلها السبلنق مال اسمج غلط ونقصها عليه تخيلوا والله شوف عيني!!!!!!!
​

- النجوم:

- المستوى: سهل
- الشرح: شرح ممتاز
- حصلت على: A
ننصح به
المـادة: translation 3 التاريخ: 2006-07-30الطالب: miss abla رقم التقييم: 6195

قبل لا اخذ عند الدكتور محد قال عنة شي زين كلش
لكن بما اني أبي اتخرج ومابي أخيس 4 أو 5 سنين بالكلية مثل الباقي اللي ياخذون المادة على حسب تقييم الغير للدكتور
قررت اني اخذها والتزم بقوانين الدكتور
مشكلة الطلبة مع الدكتور انة حقاني وما يعرف اللف والدوران والحق هالايام محد يحب يسمعه
الكل قالي اني راح اطلع منه بالكثير D لكن لمن التزمت وما قضيت الكورس لعب طلعت منه A وما سقط احد بالشعبة الكل اخذ حقة!!
​

- النجوم:

- المستوى: صعب
- الشرح: شرح ضعيف
- حصلت على: A
لا ننصح به
المـادة: ترجمه 1 التاريخ: 2006-04-20الطالب: EnGiNeeRa رقم التقييم: 3633

الدكتور وايد صعب

انا داومت عنده بس اسبوع وماقدرت اتحمله الصراحه

يعني سحبت الماده على طول ماطلعت منها ب A مثل ماكتبت

لأ سمعت انه وايد صعب ومو زين كلش

يعني مايسوى ماده اختياريه اطلع منها ب C او D

ما انصح احد ياخذ عنده كلش

وايد يفشل ويقط كلام!!!


​

- النجوم:

- المستوى: سهل
- الشرح: شرح ممتاز
- حصلت على: A
ننصح به
المـادة: translation + phonetics subjects التاريخ: 2006-04-19الطالب: محمد رقم التقييم: 3598

this dr changed my life .. to the better

at the beginning, i was shocked to see him focusing on stuff like "handwriting", or "punctuation" and stuff like that, rather than focusing on *******

however, he does give a chance all throughout the course for you to get your act together, once you do that .. he will have no problems for forgiving your mistakes and dealing only with your final grade

as i say, this guy changed my life and i am currently pursuing a postgraduate degree because of him .. definitely enroll in his classes if you're serious

don't be late, don't miss classes, and always read in advance

for translation subjects, be sure to have a clear head of current events because the pieces he brings are pretty much relevant
​

- النجوم:

- المستوى: صعب جدا
- الشرح: شرح متوسط
- حصلت على: B
لا ننصح به
المـادة: Translation التاريخ: 2006-04-14الطالب: English-Linguistics رقم التقييم: 3438

بصراحه يحب اللي يشارك و يعطيه درجه زينه

المشاركه بروحها عنده 25%

اللي مايشارك عنده و مايحسس الدكتور انه قاعد يشتغل راح ياخذ D او حتى F

لازم المشاركه و ضروري جدا ان الدكتور يحس بوجود الطالب و شطارته

يكره التأخير و الغياب و يتذكر منو اللي غاب و منو اللي حضر

اعتقد ان قليل من الطلبه راح يفهمون اسلوبه

اذا حس ان الطالب يحاول يتهرب او يتكيسل راح يعطيه D او F بسرعه و ما يقبل مناقشات

عادة ما يعطي ال A بسهوله و ال B تكون بس حق اللي شادين حيلهم فعلا..ال C و ال D و ال F وايد عنده

اغلب الطلبه راح يشوفون اسلوبه صعب فما انصح الطلبه انهم ياخذون عنده

بالمحاضرة محترم و مايغلط على الطلبه لكن يحب استفزاز الكساله وايد و بعض المرات يمدح الشطار

ذاكرته قويه و انصح الطالب انه ما يحاول انه يستغفله لأنه اذا طاح عليه راح يروح فيها بالدرجات

و دمه خفيف اذا سولف و سوالفه اغلبها سياسيه
​

- النجوم:

- المستوى: متوسط الصعوبة
- الشرح: شرح متوسط
- حصلت على: A
لا ننصح به
المـادة: قواعد تحويليه التاريخ: 2006-04-10الطالب: ابي اتخرج رقم التقييم: 3285

عجيبه محد كاتب عنه شي!!!!!
انا ليلحين ما خلصت من مادته مقيده الى الان
بس اول امتحان ماشالله D
مع ان ورقتي كلها صح بس منقصني على ليش يا فلانه تشرحين الخطوات شنو تبين تعطيني محاضره شنو ما افهم انا !!!!
هذا الحجي الي قاله لي تخيلو !! والحل كله صح!!
والخافي اعظم

افتكر ما يحتاي اقول اكثر
اتمنى اطلع A ولو ان مستحيل
​

 

[بيلسآن~]

مسآء الخيـر بنــآت

لو سمحتوا بغيت اسألكم شرايكم بالدكتورة فضيله السعيد > انجليزي 111 ...؟؟

شنـو نظامها بالتفصيل .. ضرووري الله يعافيكم

والف شكـر

 

[يامطوله صبري]

منو الحقاني ؟!

القنووور ؟!


انحاااشي قمة الحقارة والاف عنده سهالات


تفكيره غريب الحمدلله والشكر مو صاااحي كلللش

الله يعينه على نفسه ويعين اهله عليه

تحسين في مشكلة بقواه العقلية والنفسية


صج كررهني بحياتي سجلت عنده وسحبت على اخر يوم يعني حضرت جم كويز معاه

ومايلتزم بكتاب معين او نوت وشرحه بودي والاسئلة بوادي

اساسا مايشرح بس يتفلسف


بس بنات وايد اعرفهم طلعوا عنده بقريدات حتئ انصدمت

باختصار مزاااااااجي

 

[Banoota 3asal]

بناااات بليز ساعدووووني


باجر تسجيلي ان شالله انا مستجده ابي اعرف احسن الدكاتره
بس هذيلا الي نازلين ياريت تفيدوني قبل تسجيلي عشان اعرف الاحسن واييب احسن قريد بعد اجتهادي والتوكل على الله اولا


ل141
امل خلف
ضحى معرفي
عبدالصمد ندوم
في الغنيم





و مقدمه في الادب العلمي مترجما
ماري عبدالمسيح
ابتهال احمد
الهام البسام
ليلى المالح


والادب والفنون
يسر المدني



وسؤاااال اذا انا بتخصص انجلش ان شالله بس مادري شنو بالضبط بس اكيييد مابي ادب
لاني سمعت وايد قرقره على الفاضي
يا لغويات او ترجمه

فمخيريني مع 141 اختار 1- مقدمه في الادب العالمي مترجما 2-الادب والفنون

فشو الاحسن لي ؟ بغض النظر عن الدكاتره


وبليييييييز لاتنسووون تقيمونلي اسامي الي ذكرتهم
ساعدوووني عسى الله يساعدكم وين مارحتوا

 

[آريـشے ٱلـξـيـטּ ™]

.

في آحد يعرف منى سالمين​

.

 

[ام حديجان]

منو الحقاني ؟!

القنووور ؟!


انحاااشي قمة الحقارة والاف عنده سهالات


تفكيره غريب الحمدلله والشكر مو صاااحي كلللش

الله يعينه على نفسه ويعين اهله عليه

تحسين في مشكلة بقواه العقلية والنفسية


صج كررهني بحياتي سجلت عنده وسحبت على اخر يوم يعني حضرت جم كويز معاه

ومايلتزم بكتاب معين او نوت وشرحه بودي والاسئلة بوادي

اساسا مايشرح بس يتفلسف


بس بنات وايد اعرفهم طلعوا عنده بقريدات حتئ انصدمت

باختصار مزاااااااجي

لا تقوووووولين

يعني ماينفع كلش !

سجلت عنده قواعد تحويلية + صوتيات تحويلية

 

[يامطوله صبري]

انا سمعت ان شرحه بالقواعد التحويلية زويين

اهون من الفونتيكس لان المادة االي سجلتها وسحبتها بعد ماكرهني عيشتي كانت فونتكس

فاذا اضطريتي سجلي بس ترانزفورماشونال قرامر

لانها تفتح لج مواد ثانية

مع اني متوقعة بيفتحون شعبة غيرها مستحيل ينزلون بس شعبة وحدة وعنده هو

بالعادة شعبتين للبنات وحدة عنده ووحدة بلقيس ومنيره للشباب

بس تدرين في كورس من الكورسات جنه من سنتين او اكثر

نزلوا شعبتين وحده هو والثانية بلقيس

تدرين انهم اسحبوا شعبته توقعين ليش؟!

محد سجل فيها مع ان وقتها كان حلو

ولا تقولين لي تغير او بيتغير

ذيل شيسمونه ما شيسمونه



اما الصوتيات ماتبطل شي فاجليها او شوفي شعبة غيرها

 

[ام حديجان]

^^^^

شووووكرا جزيلا

بشوف صوتيات اذا محد غيره نزلها سحبتها



ربج يسهلها

 

[.P.ENG]

بنوتات بلييز منو احسن
عبدالسلام بهبهاني او الهام البسام

 

[يامطوله صبري]

الهام البسام مش بطاالة تمشي الحال

بهبهاني للامانة ماجربته

 

[Mute]

بناات ادري داشه عرض بس بغيت اسال صج تخصص انجليزي تربية يعتبر نادر واعانته اكثر نت ١٠٠ ؟؟؟؟؟؟؟

 

[يامطوله صبري]

يس ١٥٠ غير الاعانة

بس ماتنزل شهريا

تنزل كل كورس عن ٦ شهور ٩٠٠ دينار

بس هذا الحجي لدفعات ٢٠٠٩ وماقبل

اما الدفعات الي بعدها مايندرا شنو تخصصاتها النادرة

 

[اصدق معاذيري]

مررحبا بناااات

انا بعد شوي تسجيلي

باخذ مادة ادب وفنون ان شاء الله بس ماطلع الا دكتورين

ديفيد و يسر وجيه

سويت بحث عنهم كلهم امدحوا ديفيد حيل ويسر وجيه ماطلع عنه شي بس شكثر مسجلين عنده !!

فـ بسألكم اذا تعرفون يسر وجيه المدني زين ولا لا ؟؟


وباخذ مقدمه في الادب العالمي بس الموجودين الدكتوره ماري ثريز ، والهام وابتهال وليلى وودي اخذ عند ماري شرايكم زينه ؟؟

 

[شـيـخــهـ الزيـنـاتــــ }..]

بنات الانقلش

سمعت ان ما يصير اسجل مقدمه الادب و مواد التخصص الا لما اخلص انقليزي ١٤٢

صج ولا شالسالفة

يعني متى اتخصص بالله

و مقدمه في الادب لازم احذها بروحها ولا عادي معاها مواد ؟

 

[لوتي الصغيرة]

بنات بليز منو تعرف ايا ن بوند ؟؟
شلون طريقته بالتدريس بلييييز ساعدوني ....