احس ان نهايتي قربــــــــــــت بيصير شي عمري ماتوقعته

[اشكي لحالي]

السلام عليكم بنات​

الله يخليكم اللي عندها كلام مو حلو او يجرح لاتتعب نفسها وتحطلي رد لاني ماراح ارد عليها ​

بنات شقوووووووول واشلون ابدي فيه موضوعي انا توني ولادة وحاشني اكتئاب فضيع موطبيعي ​

موطبيعي اول مره يصير فيني جذيه علما بان عندي عيال هذي مو اول حمله لي وبلش معاي من الحمل تعبت تعب موطبيعي 5 شهور بالمستشفى استون مرتفع ونساه جايدة ودربات ​

عقب ماخفت النساه بلشت معاي كحه موطبيعيه وسخونه ومرض مافج عني​

تعرفون الوحدة بالحمال 24 ساعه تنحصر وكله بالحمام ومع الكحه كانت تصير علوم انتو فهمو ​

لدرجه كنت علطول البس اولويز ولما دشيت الشهر السادس الدكتوره كانت تقولي فيج طلق فيج ولادة مت من التعب والضغوطات وكنت اكمل دراستي بالجامعه ماقدرت اوقف لاني على ديوان الخدمه اجازه وغير عيالي اسمله عليهم ونوع ريلي شايل ايدة وكل شي على راسي​

وولدت قبل وقتي وولادتي كانت موطبيعيه مت من التعب وحاشتني كئابه فضيعه بس ابجي واتنرفز واعصب على اقل شي​

طبعا ريلي لاهي بالسفر والطلعات والدوام ​

هذا حالي معاه 8 سنوات قلت له بس خلاص ​

ليييييييي متى خالك معانا لي متى ماتسال قعدت ابجي وانهرررررررت وقمت اصرخ من قلبي مليييت​

هجرانه طلعاته حاولت بشتى الطرق يتغير ماكو فايده ماكو احساس ​

تخيلوو مايييني الا كل 8 شهور مره قلنا ميخالف المهم طيب حليو كريم الجنس موكل شي​

كل بين فتره وفتره خيانات قلت ميخالف وسامحته ابو عيالي ونزوه عادي مع اني مو مقصره معاه باي شي احلفه عالمصحف اقوله قولي اللي مضايقك فيني يقولي والله ولا شي جميله واصل وفصل وانا حمار وانا محد يتحملني غيرج ......​

ودايما اقوله انا احبك واموت فيك ولو ما احبك جان هديتك من زمان ​

تخيلووو بعد كل هالعشره والعيال يقووولي بس مابيج بكل سهوووله وانا بعز ضيجتي ترجيته دقيت عليه دزيتله 30 مسج رحت كلمته ويه بويه يقوووولي بسسسسسس ماتفهمين مابيج مابيج ​

وقط علي كلام قنابل فضيعه ​

اللي اخوي كان بالحمام سمعني انصدم قالي هييييييييييييي شكو تترجينه انتي بنت عايله ​

وزين انها يت منه باللي مايرده وعطاه حجيييي على قولتهم يجمد عالشارب ومسكه وركبه سيارته وريلي ماكو رده فعل انصدم من اخووي ​

لان متعود ان اهلي دايما يردوني ويصلحون بينا عكس اهله من اول مشكله بيني وبينه طلبتهم امه ردت علي وانا شكو خل يطلقج ​

الطلاق عندهم مثل شرب الماي ​

عادي​

بناااات احس انه عقلي بيرووح خلاص بموووت من التفكير والبجي ​

صج نسيت اقولكم اني رحت حق دكتوره ناهدة العلي وقالت لي حالتج جدا طبيعيه وكتبتلي على دوا اسمه بروزاك وقالت لي كثري سوره البقره ويس راح ترتاحين وقالت لي عن حالتي تقول يصير خلل بانزيم بالمخ اهوة اللي يسبب هالحاله ​

وانا صارلي فتره ملتزمه بسوره البقره وقيام الليل بس بنااااااااااات بمووووووووووت والله بمووووووت ماني مصدقه اني بتطلق ولييييييييييييييييش لاني تعبت وحاشني اكتئاب تخيلووو الانسان اللي توقعته اول من بيوقف معاي تخلى عنيييييييي كرهني وانا اللي طول عمري اطوف واقول ميخالف علشان تمشي الحياه كافي انه هادي حيل وكريم عمره ما مد ايده علي ​

بس انه بارد ثلجه وما عندة احساس بالمسؤوليه ​

دايما يقولي طلعي روحي استانسي سافري ماراح تحصلين واحد سهل مثلي​

اهوة صح مستحيل احصل ريال جذيه ويمكن لو وحدة غيري جان العبت بيدها وريلها بس انا كنت احس انه سعادتي معاه ماكنت استانس اذا طلعت مع رفيجاتي ولا بروحي ابيه اهوة ​

واااااااااااااااي يابنات مادري شسوي ساعات ادعي علي نفسي انه الله ياخذني قبل لايطلقني ماني قادره اصدق ولاني قادره استوعب مادري شسوي ​

وبليز لحد يقولي خلي اهلج يكلمونه مافيه احد من اهلي يبي يكلمه يقولون تعبنا من طرف واحد لي متى واهله شايلين ايدهم احنا بعد بنشيل ايدنا وفرقاه عيد اللي باعج برخيص بيييعيه
وكله يقولولي موشي يديد طول عمرج شايله نفسج بنفسج ماتغير شي وعيالج احنا اللي نطير فيهم بالمستشفيات والمدارس ​

بس انا من داخل نفسي بس الوم نفسي واقسم بالله العظيم الله صار فيني مو بيدي هالضيجه والكئابه شي خارج عن ارادتي واول مره تصير فيني :eh_s(16)::eh_s(16)::eh_s(16)::eh_s(16)::eh_s(16):بس ادعي يتراجع عن قراره والكل يقولي اللي الله كاتبه بيصير لو تقطعين وتموتين نفسج ​

صح قريت بواحد من المنتديات واحد كاتب اذا الزوج حب زوجته لو تطلب منه الطلاق الف مره مايبيع بسهوله
وان منصدمه منه اشلون باعني اشلون ونسى عشره هالسنين ​

 

[فتون777]

الله يعينك خفي على نفسك ياعمري وصدقيني حاسه فيكي وكأبتك مو السبب هوا بايع خلاص ماعلا مثله حسوف
اهم شي صحتك والله هذا سهل تتركيه واحمدي ربك اهلك متفاهمين وخليه اهوا في جوه المخيس وخياناته يمكن خيره والله انها خيره يسافر ويخون قولي الحمدلله لين الحين ماجابلك مرض معاه

 

[جولينار]

لاحول ولاقوة الا بالله

اللي فيك طبيعي نتيجة تراكمات

من اول ماتزوجتي وهو سيئ وانتي تستحملين


دام جات منه الله يستر عليه

وماتدرين اكيد خيرة

مو اول ولا اخر وحده تتطلق

وكلي ربك وارضي بقضاء الله

وبالعقل الطلاق اهون من العيشة معه ؟؟

معقوله تحيبنه ؟؟ حتى لو تحبينه كرامتك وراحة عيالك اغلى من الدنيا ومافيها


الحين ارضي باللي صار وبالعكس استانسي فيه


لأنك ولدتي من جديد من بعد حياة الشقا من زوجك


لأنك راح تكملين حياتك حرة وبدون ضغوووط وقيوود


لان احتمال كبير يجيب نصيب افضل منه بألف مرررره

ولأنك راح تطلعين من هالتجربة بخبرة حلوة


كل المسألة مجررد وقت وتتأقلمين على وضعك الجديد وتحبينه بعد

ونصيحة خليك قررررررررررررررررريبة من ربك بترتاحين

 

[مدمنة افلام]

اولا


الى متضايق صج ماله خلق يحط تعابير فيسز ؟؟؟؟؟؟


ثانيا

كرامتج اهم شى يعنى بطقاق الى يطقه شلوت متحملته اصلن ؟؟؟؟؟



ثالثا


انا من رايى الشخصى تخلين اهلج ياخذون حقج منه



والله يصبرج ويعوضج الله خير :eh_s(7):

 

[iLLuMinaTion]

الله يعينج

 

[بخـــارى]

اسم الله عليج ذكري الله يابنت الناس نهايتج قربت علشان واحد مايحترمج ولا عاملج قدر

واضح وضوح الشمس اسباب مشكلتج
1- انتي قاطه روحج عليج

2- عطيتي حجم اكبر من حجمه

3-تحبينه اكثر من ماتحبين نفسج ويمكن اهلج وعيالج

4- مخليته محور حياتج واذا حضر فرحتي واذا غاب كرهتي كل شي

لا ياعمري الدنيا ماتوقف ولا تمشي بوجود انسان

الطلاق لاتطلبينه ماله داعي

طالبي بكل حقوقج كامله واخذيها موبس تهددينه لا طبقي

ولات سمعين حجي من يقولج تطلقي ترى البيوت فيها مشاكل اكبر واصعب من مشكلتج والحمدلله ماسكين عيالهم وعايشين حياتهم

خلج على ذمته وعيشي حياتج بمايرضي ربج روحي وتعالي واستانسي وتقربي من ربج
وضربيه بالطوف وشرط لي شافج تغيرتي راح يطخ ويتعدل ويرجعلج ان شاءالله احسن من قبل

 

[اسراء205]

الله يكون بعونج حبيبتي لاتتحسفين على انسان مافيه خير انتي ماكنتي شايفه عيوبه لانج تحبينه عشان جذيه متحملته وانصدمتي منه لكن هذا الواقع والحمد لله انه مايابلج امراض وهذه فتره وتعدي وانصحج انك تراجعين د عصام الانصاري بخصوص الاكتاب واااايد ناس اعرفهم صار فيهم الشي وراح العياده مقابل حديقة الشعب والله يوفقج ويكتب لك الخير وعسى ان تكرهو شيئا وهو خير لكم

 

[نونو العصله]

الله حابج انه فكج منه
والحمد الله عندج اهل وعزوه قايمين فيج
الله يخليهم لج
وربي اللي مثل هذا ما عليه حسايف

الله يعوضج بعيالج

 

[قلبووش]

حبيبتي الله يهداج
مو جذي مو لهدرجه تعوذي من الشيطان
وحياتج بدونه يمكن احسن واحلي
تبيعين عمرج وتهملين عيالج عشان منو
بلعنته دامه مايبيج روحه بلا رده اهم شي عيالج ونفسج وبس

 

[الزيـــــ^^ـــــن]

الله يكون بعونج عشره ٨سنين وتحبينه وفجأه مايبيج صج صدمه
الله يفرج همج .....حبيبتي انتي حقريه لاتلحقين وراه والله مصيره بيتحسف ومرده لج انتي مرته ام عياله
وكلي امرج لله وقولي حسبي الله ونعم الوكيل

 

[•Brown•Sugar•]

ادري والله الطلاق مو سهل
مهما كانت حياتج معاه عذاب
الطلاق بيكون اسوء من هالعذاب
وايد مطلقات ياخذون علاج نفسي
مو سهل ابدا ان يبيعج انسان عاشرتيه وحبيتيه ويبتي له عيال
وضحيتي له ومديتي له ايدج لما احتاج وسندتيه لما طاح
واخر شي يبيعج بسهوله
صدددددددددددددمه صدددددددددددمه
واالله ما الومج ولا الوم اي وحده نفس حالتج
عسى ربي يلم شملكم ويطيح اللي براسه

 

[اشكي لحالي]

اخ يابنات والله مادري شقول

اهوة في وحدة يموت فيها من قبل لايتزوجني وتفاجات انه له علاقه معاها ودايما احس اني مو بامان ممكن باي لحظه يطلقني علشاناها وعادي بيرخص فيني بسبتها واحس اني عارفه السيناريو اللي بيصير من حره مافيني ودي اكتب اسمها لانها من اسباب خراب بيتي

حسبي والله ونعم والوكيل ​

 

[اشكي لحالي]

ادري والله الطلاق مو سهل
مهما كانت حياتج معاه عذاب
الطلاق بيكون اسوء من هالعذاب
وايد مطلقات ياخذون علاج نفسي
مو سهل ابدا ان يبيعج انسان عاشرتيه وحبيتيه ويبتي له عيال
وضحيتي له ومديتي له ايدج لما احتاج وسندتيه لما طاح
واخر شي يبيعج بسهوله
صدددددددددددددمه صدددددددددددمه
واالله ما الومج ولا الوم اي وحده نفس حالتج
عسى ربي يلم شملكم ويطيح اللي براسه

شفتييييييييييييييييي

وللله شيييييييييييييييييييي يذبح ويعووووووووووووووووور القلب


هذا ولا شي والله اسويلج مووووسوووووعه

ماتدرين شكثر احبه من اعصب اعليه تلقيني بعد خمس دقايق احب راسه واتاسف منه الف مره والوم نفسي واكره عمري عاللي سويته فيه ومن ثاني يوم تلقيني طابه السوق اشتريله اي غرض احس اني بكفر عن ذنبي من كثر ما احبه
ودي ربي يشيل حبه من قلبي اليوم قبل بااااااااجر

 

[FeShinGoOo]

الخيره فيما اختاره الله حبيبتي .. ومابعد الضيج الا الفرج اهو ليلحين ماطلقج ماتدرين شراح يصير

 

[صادقة بكلمتي]

حبيبتي الله يخفف عنج ويصلح حالكم ان فيه خير ويبعدكم عن بعض ان فيه شر لكم واضح شكثر انتي متعلقة بريلج وهذا اول سبب خلاه ياخذ راحته بدونج ويخون و و و ترا حبيبتي مهما اختلفوا الريايل تفكيرهم واحد والاختلاف اللي بينهم انه اللي تحصله فرصة يجرب واللي لا يكون مسكين ومتحسف ومنهم اللي يخاف الله وملتزم حتى لو شنو انا انصحج تدعين لله انه يقويج وهذا ابتلاء من عنده وما تدرين يمكن خيره فرقاه ويمكن الله يبي يبعدكم فتره علشان يحس بالندم ومعنى فرقى اللي صاينه شرفه وبيته وعياله ويعرف قدرها فانا اقول تشجعي وبلغيه انت بعت لكن مابقول غير الله يهديك وحسبي الله ونعم الوكيل درب المحكمة ادله روح طلقني بس حق عيالي و مصرفهم من الالف للياء ابيه من خاطرك دام وصلنا لي هني وترا انا ما ظلمتك ولا اخطيت بحقك بشي انت اللي بايع وعشره السنين بينا الله بياخذلي حقي فيها والله مابيني وبينك والله يوفق كل واحد فينا وتلف الدنيا وتعرف قدري واحتفظي بالرسالة وباي رد منه ما تدرين باجر تحتاجينهم ان لا سمح الله صج باع وبسسسسسسسسسسسسسسسس لا ادقين على اي احد من اهله ولا اتخلين احد من اهلج يدقله يترجاه ولا يسمعج تبجين خله يعرف ان الزوجه المسكين اللي اطالع الله واطالعه صارت قوية وما يهمه غيابه والطلاق وخله بعد هالمسج يراجع حساباته ويعرف ان معاشه كله بيروح حق عيالج خدامة وسيالرة وسايق ومصرف وشقو واثاث و و و خله يعرف قيمة اللي فيه ولا تضعفين حتى لو دق يتاكد من قوتج خلج عادي ولا تبجين قوليله كافي مذله وترجي وعدم مسؤولية وانت بايع لما يشوفج قويه بيحسب حسابج عدل ويعرف ان لله حق والظلم ظلمات يوم القيامة وترا واااااااايد حريم يمرون باكتئاب مابعد الولادة لو بواحد من ولاداتهم وعليج بالصلاة والدعاء والاستغفار والله بفتح عليج وبطمن قلبج بس حطي بالج حبيبتي تستلمين للمرض بالحزن والهم عيالج بعد يبونج الزوج يروح ويجي بس عيالج لا اضيعين واضيعينهم ماله ذنب وان ابوهم ظلم انتي لا تظلمينهم وننطر ردج شنو قرارج وشنو يصير معاج وتقبلي مرووووووري

 

[بتبوتااا]

الله يكون بعونج هالكأبه تيي من الولاده صارت فيني مره

حاولي انج تهدين روحج وتقعدين فتره بينج وبين نفسج تراجعين حياتج ووشنو الايجابيات والسلبيات الي صارت بحياتج

يمكن خيره لج الي يصير ويمكن الله يهديه ويفكر عدل ,

 

[اشكي لحالي]

حبيبتي الله يخفف عنج ويصلح حالكم ان فيه خير ويبعدكم عن بعض ان فيه شر لكم واضح شكثر انتي متعلقة بريلج وهذا اول سبب خلاه ياخذ راحته بدونج ويخون و و و ترا حبيبتي مهما اختلفوا الريايل تفكيرهم واحد والاختلاف اللي بينهم انه اللي تحصله فرصة يجرب واللي لا يكون مسكين ومتحسف ومنهم اللي يخاف الله وملتزم حتى لو شنو انا انصحج تدعين لله انه يقويج وهذا ابتلاء من عنده وما تدرين يمكن خيره فرقاه ويمكن الله يبي يبعدكم فتره علشان يحس بالندم ومعنى فرقى اللي صاينه شرفه وبيته وعياله ويعرف قدرها فانا اقول تشجعي وبلغيه انت بعت لكن مابقول غير الله يهديك وحسبي الله ونعم الوكيل درب المحكمة ادله روح طلقني بس حق عيالي و مصرفهم من الالف للياء ابيه من خاطرك دام وصلنا لي هني وترا انا ما ظلمتك ولا اخطيت بحقك بشي انت اللي بايع وعشره السنين بينا الله بياخذلي حقي فيها والله مابيني وبينك والله يوفق كل واحد فينا وتلف الدنيا وتعرف قدري واحتفظي بالرسالة وباي رد منه ما تدرين باجر تحتاجينهم ان لا سمح الله صج باع وبسسسسسسسسسسسسسسسس لا ادقين على اي احد من اهله ولا اتخلين احد من اهلج يدقله يترجاه ولا يسمعج تبجين خله يعرف ان الزوجه المسكين اللي اطالع الله واطالعه صارت قوية وما يهمه غيابه والطلاق وخله بعد هالمسج يراجع حساباته ويعرف ان معاشه كله بيروح حق عيالج خدامة وسيالرة وسايق ومصرف وشقو واثاث و و و خله يعرف قيمة اللي فيه ولا تضعفين حتى لو دق يتاكد من قوتج خلج عادي ولا تبجين قوليله كافي مذله وترجي وعدم مسؤولية وانت بايع لما يشوفج قويه بيحسب حسابج عدل ويعرف ان لله حق والظلم ظلمات يوم القيامة وترا واااااااايد حريم يمرون باكتئاب مابعد الولادة لو بواحد من ولاداتهم وعليج بالصلاة والدعاء والاستغفار والله بفتح عليج وبطمن قلبج بس حطي بالج حبيبتي تستلمين للمرض بالحزن والهم عيالج بعد يبونج الزوج يروح ويجي بس عيالج لا اضيعين واضيعينهم ماله ذنب وان ابوهم ظلم انتي لا تظلمينهم وننطر ردج شنو قرارج وشنو يصير معاج وتقبلي مرووووووري

يابعد راسي لاخلاااااااااا ولاعدم كلامج يريح القلب

بس ياقلبي احس اني دزيتله مسجات وايد فقلت اطق بريك وما ارسله اي مسج خلاااااااص

واذا فتح موضوع الطلاق مع ابوي بيقوله حقوقي من الالف الى الياء ومثل ماقلتي بصير قويه

ولا راح اهتز جدامه كلش لان اخر حركه سواها فيني كلش موحلوة وكانت بالشارع يوم قلت له بيتك عياالك تكفا فكر قعد يصررررخ ماخلا شي ماقاله

اللي اخوي مات حرة طلع بره وسحبني داخل البيت وعطاه حجي موطبيعي لانهم عارفين اسلوبه وتعاملي معاه

اخوووي حدة انفعل عليه لدرجه انه ابوي امسكه اخوووي ين اينوووونه صار مينون لان سمع ريلي يقط علي حجي قوي وبالشارع وكان فيه اوادم لدرجه انه زوجي ولاكلمه حتى مادافع عن نفسه .....

لدرجه ابوي واخوي قالولي هذا اشلون تعيشين معاه اشلون احنا طول هالسنين امامنينج عنده ماكو غيره ولاشخصيه وخواف ويطلع شخصيته عليج
انا ادري انه اهوة حيل مسكين وايد يتهزا بالشارع ومايرد ولايتحجى ولايدافع لاعن نفسي ولاعن نفسه وهالشييييييييي اللي مخلي قلبي يتقطع موووووت عليه وبنفس الوقت مابي ولدي يصير مثله

ولاودي افترق معاه وادعي انه الله يهديه ويغيره لان صجججججججججججججج ظلمنييييييييييييييييييييييييييييييييييييييي

 

[اشكي لحالي]

الخيره فيما اختاره الله حبيبتي .. ومابعد الضيج الا الفرج اهو ليلحين ماطلقج ماتدرين شراح يصير

اي صح الله كريم

 

[زوجة عزيز]

اسم الله عليج لا اتسوين بروحج جذي اهو الخسران والله يعوضج خير

 

[عاشقة هواك]

الله يعينج حبيبتي

ان شاء الله ربي يعوضج