++ رمضــــــــان علـــــــــى الابـــــــواب ++ شنـــــــو جهــــــــزتي ++

[7elwa&3soola]

بنات نبي شغل سمبوسة وكبب وسبرنغ روول شغل حلو وفناتق يديده مانبي اي شي ياليت تحطون لنا الرقم واللي تكتب لي ها دعوه خاصة مني

 

[شهرزاد الحكاية]

اجمعييييييييين بعد عمري والله

اليوم رحت المعرض واخييييييييييرا وخمطت وايد شغلات

اهم شي والشي اللى ما انساه سيكشن المطاحن يهبببببببببل كبيير والاسعار روووووعه :rerrerek:

شريت وايد شغلات معكرونيا وكيك وبسكوت وزيت وجم شغله وحسابنا جنه 4 او 7 دنانير :eh_s(1):

والله روعه ...اليوم بروح ان شاء الله وبقولج عن مشتراوتي هناك .. نزلوا منتجاتهم اليديدة ؟؟ شريتو شي ؟؟ من الشغلات اليديدة ؟
​

صج يعطيهم العافيه على هالاسعار

وبالمقابل الاسعار اللى طقيت بريك عندها وقلت حتي حق البايع اشدعوا .. السيكشن المغربي

الاسعار نااااااااااااار تخيلوا صحون الطاجين من 25 وفوق :eh_s(1):

لا وعندهم شغله مالت ديكور حبيت اخذها احطها بواجها الصاله عندي يقول لي ب 85 دينار :eh_s(1):

وااااااااايد غاليه اصلا ما تسوا السعر نهائيا توقعتها ب 15 بالكثير بس صدمني بالسعر

مالت عليهم ,,,,ليش هالغلا ؟؟​

والاحلي البهارات بصراحه يعطيهم العااااااافيه شغلهم روعه اسم الشركه بهارات اطياب واهي من الكويت اهو نفسه الريال اللي شريت منه العام حست المعرض كله عليه الين حصلته سلمت عليه وخذيت منه مئونه سنه لوووووووووووول

تصاميم القرقيعان نزلتهم بالموقع بقسم الملابس

شرفيني ونوري الموضوع

بروح اجيك :eh_s(9):​

 

[اطياب طيبه.أم عبدالله]

بنات نبي شغل سمبوسة وكبب وسبرنغ روول شغل حلو وفناتق يديده مانبي اي شي ياليت تحطون لنا الرقم واللي تكتب لي ها دعوه خاصة مني

هلا وغلا

اليوم بلفلف سبرنغ رولات :eh_s(9):

بحشيهم بالجين الكيري وعقب القلاي احط عليهم شيره

طبعا حاليا بلف وافرزنهم والقلاي مع الفطور برمضان

اذا حسيتي ان ما حصلتي شي او خايفه تجازفين سوي انتي :eh_s(7):

 

[اطياب طيبه.أم عبدالله]

بروح اجيك :eh_s(9):​

لوووووووووووووووووول

اي روحي نصيحه الاسعار حلللللللوه ماشاء الله :eh_s(15):

والليله ابي اسوي سبرنقات وبفرز البهارات واحطهم بالعلب وكتب على كل شي اسمه

ومن باجر بسوي ورق عنب لاني مشتهيته قبل ارمضان

اللهم بلغنا رمضان :yaaaaaarb:

ما بقا شي يابنات

 

[اطياب طيبه.أم عبدالله]

متابعتج ام عبد الله
بالعافية عليج يالغلا والكبة شكلها نظيف

واي حمستيني عالمعرض بس ام عبد الله هو اي صالة ؟ وشنو في معارض بعد

هلا بالسميه هلالالالالا

المعرض الله يسلمج بصاله 8 و 6

انا دشيت اول صاله اللي تكون على اليسار صوب الدوار

كان زحمممممممه سيايير بكل مكان ودوريات شرطه ولووووويه

قمت خلصت شغلي من اول قاعه اللي صوب الدار على اليسار اول ما دشيت

بصراحه ما يتطوووف خمطت وايد شغلات صحون وبهارات وماجله وسماط اشكببببره بحوالى 30 دينار بس بالكثير

روحي تمشي بالمعرض تولدين بسرعه لووووول

 

[اطياب طيبه.أم عبدالله]

ام عبدالله بالعافية المشترواات و الكبب ..

بليز ذكريني من وين اخذتيهم ؟؟

و تنصحين بكبة الشمندر ؟



ما جربتو من محل كبة وبس ؟

الله يعافيج قلبي انتي .. مبارك عليج الشهر مقدما :yaaaaaarb:

شريتهم من ام عبدالله اللي حطيت رقمها اهني بهالموضوع

وبالنسبه لكبه الشمندر والله روعه .. لان انا اصلا احب سلطه السمندر من زمان فحبيت الفكره

والحشوه اللى حاطتها بصل ولحم يعني تمام التمام :eh_s(15):

انا الحقيقه اخاف من المجازفه .. مره يانا تسمم من كبب ومره تسمم من مطعم فتعقدت :eh_s(11):

 

[مشغوله و محتاسه]

الله يعافيج قلبي انتي .. مبارك عليج الشهر مقدما :yaaaaaarb:

شريتهم من ام عبدالله اللي حطيت رقمها اهني بهالموضوع

وبالنسبه لكبه الشمندر والله روعه .. لان انا اصلا احب سلطه السمندر من زمان فحبيت الفكره

والحشوه اللى حاطتها بصل ولحم يعني تمام التمام :eh_s(15):

انا الحقيقه اخاف من المجازفه .. مره يانا تسمم من كبب ومره تسمم من مطعم فتعقدت :eh_s(11):

مشكوووووره

لقيت الرقم .. صفحة 3


و باذن الله بطلب منهاااا


مبارك عليكم الشهرررر

قرب ماشاء الله

 

[حور بنت علي]

السبت بروح الدمام بشوف المواعين هناك وأذا ما عجبني شي بأخذ من الميره بس أهم شي أبونا لا يهون

 

[عيوش]

انا اول شي رحت وجبت الكبة الي مااغدر من دنها يبت 10 درازن من كبة بيتي وسمبوسة من عندهن تهيل والحلو فيهم يوصلونها للبيت ودرزن الكبة ب3 دينار بس موخسارة ورمضان كريم ياحلوات

 

[عيوش]

والي تحب تجرب احلى كبة برغل هاذ الرقم ويوصلوها البيت 66247240 جربوها وادعولي

 

[قنوووعه]

مبارك عليكم الشهر وانا لي ملاحظه ليرضي ضميري بقولها انتبهوووووووووووو لأكلكم حاولووو كل شي من اعدادكم واللي ماتعرفوون له اشتروه من مكان موووثوووووق التسمم انتشر والاكل المنتهي مكووووود بالمخازن والمصيبه البهارات ماتبين ريحته بالعكس تشهي بعد. وسلام عليكم

 

[كسرة عود]

علينا وعليج ان شالله

مشكوووووووورة على التنبيه

 

[صدفه نسيتك]

السنعه ما تجيب الا الشي السنع

 

[اطياب طيبه.أم عبدالله]

مشكوووووره

لقيت الرقم .. صفحة 3


و باذن الله بطلب منهاااا


مبارك عليكم الشهرررر

قرب ماشاء الله

اي ماشاء الله قررررب

امس سويت التمريه والتمر بالكاكاو

وجهزت بهاراتي وفرزتهم كل نوع بقوطي جزاز وكتبت اسمه عليه

وخلللللللللصت ترتيب المطبخ

ووصلت للجزء الخامس من القران ولله الحمد

ومن باجر بحاول اصوم الين يبلش الشهر باذن الله :eh_s(15):

اللهم بلغنا رمضاااااااان

:eh_s(17)::eh_s(17):

 

[اطياب طيبه.أم عبدالله]

السبت بروح الدمام بشوف المواعين هناك وأذا ما عجبني شي بأخذ من الميره بس أهم شي أبونا لا يهون

اي الله يحفظه لا يهون وتصير مشكله :eh_s(1):

عندج الميره حلو والمعرض هم حلو :eh_s(9):

بالعافيه مقدما :eh_s(17):

 

[اطياب طيبه.أم عبدالله]

انا اول شي رحت وجبت الكبة الي مااغدر من دنها يبت 10 درازن من كبة بيتي وسمبوسة من عندهن تهيل والحلو فيهم يوصلونها للبيت ودرزن الكبة ب3 دينار بس موخسارة ورمضان كريم ياحلوات

انا بلف سمبوسه باجر باذن الله

احب احشيها بجبن الكيري ومن بره عقب القلاي احط عسل او شيره تطلع حلوه وخفيفه

بس ترا جنه درزن السمبوسه ب 3 وايد ؟؟

 

[اطياب طيبه.أم عبدالله]

مبارك عليكم الشهر وانا لي ملاحظه ليرضي ضميري بقولها انتبهوووووووووووو لأكلكم حاولووو كل شي من اعدادكم واللي ماتعرفوون له اشتروه من مكان موووثوووووق التسمم انتشر والاكل المنتهي مكووووود بالمخازن والمصيبه البهارات ماتبين ريحته بالعكس تشهي بعد. وسلام عليكم

تسلمين على التنبيه قلبي وفي ميزان اعمالج يارب

اي والله صاجه التسمم منتشر وما تدرين مرات من شنو ايي :eh_s(1):

والله اني قمت اوسوس وما اخذ الا المنتج اللي متعوده عليه من زمان

عاد مصيبه المرتديلا مشكله اللى قالوا غير صالحه للاستهلاك كنت طايحتله كلوب ساندويتش كل يوم على العشا اسوي والله ويوم عرفت هالخبريه ضاق خلقي وقطيته كله وحولت على كلوب ساندويتش نباتي مع جبنه الحلوم ابرك

تسلمين على المرور الطيب .. ويزاج الله الف خير

 

[اطياب طيبه.أم عبدالله]

علينا وعليج ان شالله

مشكوووووووورة على التنبيه

حياج الله قلبي :d

 

[اطياب طيبه.أم عبدالله]

السنعه ما تجيب الا الشي السنع

حبيبتي والله من ذوقج :eh_s(17)::eh_s(17):

 

[شهرزاد الحكاية]

مبارك عليكم الشهر وانا لي ملاحظه ليرضي ضميري بقولها انتبهوووووووووووو لأكلكم حاولووو كل شي من اعدادكم واللي ماتعرفوون له اشتروه من مكان موووثوووووق التسمم انتشر والاكل المنتهي مكووووود بالمخازن والمصيبه البهارات ماتبين ريحته بالعكس تشهي بعد. وسلام عليكم

مبارك الشهر عليج وعلينا يارب
اي والل صاجه على سالفة الغش والله قمنا نخاف ناكل اي شي او من اي احد الله يعينا يارب​

اي ماشاء الله قررررب

امس سويت التمريه والتمر بالكاكاو

وجهزت بهاراتي وفرزتهم كل نوع بقوطي جزاز وكتبت اسمه عليه

وخلللللللللصت ترتيب المطبخ

ووصلت للجزء الخامس من القران ولله الحمد

ومن باجر بحاول اصوم الين يبلش الشهر باذن الله :eh_s(15):

اللهم بلغنا رمضاااااااان

:eh_s(17)::eh_s(17):

الله يبلغنا وياج الشهر بالخير والعافية يارب العالمين ...والله يأجرج على الصيام والقران يارب

ذكرتيني بالتمرية باجر بسويها ان شاء الله ... بس بسألج اذا سويتها وخلصت احطها بالثلاجة ولا برا؟؟؟


وبقولكم عن اخر تجهيزاتي امس الحمدلله رحت المعرض ...
وشريت صلصات السلطة ماركة ام اف 3 بدينارين خذيت 6
وشريت المعبوج وخلطات التندوري والجيكن كاري والجيكن بتر ... 5 بدينارين
وصلصات باربيكيو وصلصات ستيك
وشريت ورق الشاورما
وجبنة ماسكربوني

ومالقيت عند المطاحن خلطاتهم اليديدة مادري متى بينزلونها

والله يبلغنا رمضان بالصحة والعافية اللهم امييييييييين
​