شنو كليتي اليوم ((الجزء الثاني عشر)) تعالي وشاركينا بالصور

[كنار]

عوافي بنات
الطموحه وريمه الله يعافيكم تسلمون حبيباتي
العصير مو انا اللي امسويته هذا من مطعم
وهذي صور المطعم

 

[ورده عنابيه]

هني وعافيه بنات

 

[بطوطتي]

بالعافيه

و اب اب اب

 

[حليبه]

عوافي

 

[music_teacher88]

موكا فرابتشينو


بلعااافيه بنووتاات

 

[بحر الذكريات]

بالعافيه عليكم

ماشاء الله اكلكم يشوق خصوصا دجاجة ريمه

 

[دلوعة أبوهآ]

هنآ و عآفيه ..

 

[منااووي]

ريمة الكويت ماشاءالله علييييييييييييييييييج باين عليييج طباااخه بريمووو ..وعليكم باالعافيه

 

[ركاب الأصايل]

عليكم بالعااافيه حبايبي..

 

[عاشقة لندن]

عوافي بنات
الطموحه وريمه الله يعافيكم تسلمون حبيباتي
العصير مو انا اللي امسويته هذا من مطعم
وهذي صور المطعم

اتصدقين دايم اشوف هالمطعم وانا رايحه لاهلي ولامره دخلته بس ابوي يمدح اكله يقول حلو

 

[عاشقة لندن]

عليكم بألف عافيه

ام حسون وريمه وباقي البنات ماشاءالله عليكم اكلكم يشوق

اكلي من كم يوم

مطبق لحم بدال العيش برغل ابيض

كبة بديان

 

[Blonde B]

 

[متوترة]

يمي اكلكم يجنن

اتابعكم وانا اتلذذ بالتفاحه <!

 

[grumpy22]

ماعليج أمر حطيلنا طريقه هالسوالف :eh_s(22):

انا اعتذر عن التاخير

وتفضلي الطرق

كرات اللحم مع البرغل

لحم مفروم تخلطينه مع برغل ناعم ( يكون مغسول ومنقوع ) وبهارات ملح وفلفل اسود وبهارات مخلوطه تسوينه نفس الشكل الي بالصوره وتقلينه بزيت
تييبين بيديان وتقصينه شرايح رقيقه وترشينه بملح وتخلينه لحد ما يطلع الماي الي فيه عقبها مسحي الماي الي عليه بفوطه وقليه
سوي صوص الطماط مالج العادي ( طماط وماي ومعجون وشويه ثوم وبالخلاط )
لفي اللحم بالبيديان وصفيه بالبايركس وبعدها صبي عليه صوص الطماط ودخليه الفرن .. ( ملاحظه انا ما كان عندي وقت اني الف وحده وحده فحطيت البيديان عادي وحطيت فوقه اللحم :eh_s(22): )


سلطه الفلافل

( فلافل + جزر + طماط + بصل ابيض + ملفوف احمر ( اخر 4 يكونون مقطعين قطع طويله ورفيعه ) تخلطينهم مع بعض عقب ما تفتين الفلافل وتحطين عليهم عصير ليمون وزيت زيتون وكمون بودره وملح وتخلطينها

الطحينه ( هرده + ماي بارد + عصير ليمون + مايونيز + روب + ثوم مفروم + كمون وكزبرة بودره + سماق وملح ) تخلطينهم عدل وتحطينهم علي الويه وتحطين عليهم كازو محمص

وبالعافيه


والبسبوسه جاهزه من كيك اند بيك

 

[grumpy22]

في وحده طلبت مني طريقه المربين نسين نكها بصراحه اتمنى تشوف ردي

اول شي بالنسبه للعيش هذا عيش بني تحتاجين فيه كميه بصل كبيره
تقصصين البصل صغار وتحمسينه من غير زيت اول شي تقعدين تحمسين فيه لحد ما يطلع كل الماي الي فيه وكل ما شفتي ان قاعه الجدر تصير بنيه زيدي ماي يحتاج مجابل وانج تحمسينه واايد لحد ما يصير بني حيل بس ما يحترق (وانتي تحمسين حاولي ان البصل تذوبين البصل علشان لا يبين بعدين بالطباخ )اخر شي لي صار عندج البصل بني حطي عليه زيت وشويه دارسين وملح وحمسينهم وحطي عليه العيش ( تكونين غاسلته ومنقعته ) وصبي عليه الماي المغلي وخليه يستوي


حشو الربيان

حمسي بصل مفروم لحد ما يتحمر من غير زيت ولمن تشوفينه نشف زيديه ماي لحد ما ينشف كلش عقبها حطي عليه زيت وزبده وخليه لحد ما يصير لونه اشقر بعدها ضيفي عليه الربيان ( تكونين سالقته بماي و ورق غار وبهار مشكل تخلينه ياخذ غلوه وحده وبعدها ترفعينه من على النار )
وتحطين عليه البهارات فلفل اسود لومي بودر هيل بودر كركم وكمون وكزبره ورشه دارسين وملح وتخلينه على النار ( انا عن نفسي احب احط معاه كزبره خضره مفرومه اخر شي هذا الشي اختياري اذا تبين اوكي اذا ماتبين مو ضروري )

 

[حليبه]

هني و عافية

 

[ريمه الكويت]

هني وعافيه ايمانو وتقبل الله صيامكم


ام حسون عوافي انتي الي شوقتينا بصورج

كنار عوافي


اللولو الحلوه خوش برياني هذا شغلج ...؟؟

مشكوره بتبوتا

 

[ريمه الكويت]

بحر الذكريات هههههههه تصدقين رجعت الصفحات نسيت اي دجاجه قصدج الي بالصلصات صح @@ ماتغلا عليج ياقلبي

تسلمين منااووي وكلكم فنانات حبيبتي

عاشقه مشكوره وشوقتيني على البرغل عاد عندي جريش وبرغل بسويه مجبوس على يوم وبالعافيه

عوافي Emo Princess يوعتوني

 

[music_teacher88]

غداي توة معكرونيا ومشروم

وعوافي للكل

 

[بشوررة]

عوا فــــــــــــــ ــــــــــــــــــــى