انا غلطانه بشي؟؟!

[دلووعه وحلووه]

هااي بنات كيفكوون :ggdw:

بفضفض شوي لان "حدي متنرفزه" سلمكم الله انا قايلتلكم اني قاعده مع حمولتي وبينا Touch شوي وعلاقتي معاهم سطحيه

انشاءالله اتخرج بس بقالي كورس وتوظف وبنطلع بروحنا..

المهم يابنات تدرون ارمضان ياي والعيد وانا كل يوم طلعه وبهل مجمعات والمعارض مع خواتي او رفيجاتي فأرد بليل واصعد بداري ارييح

امس بليل يوم رديت كانت امه مادري وينها وماكو احد بالبيت غير اخته العوده ومرت اخوه قاعدين تحت وعيالهم يلعبون اي ونسيت اخته المراهقه هذي "القثيثه"

عاد دشيت وزعاج واهما لاهين قاعدين ياكلون يايبين حلو وموالح وحوستهم مع اليهال

عاد دشيت وصعدت على طول داري

العاده اقول السلام بس , لان ما اكلمهم ماحب احتك فيهم ومرت اخوه غثيثه وماتكلمني ولا اكلمها

بس كان زعاج ولاهين فديت وصعدت لانهم اوريدي ماراح يسمعوني ان سلمت

بليل يوم ييه ريلي وصعد كانو كلهم تحت عاد قالي ليش ماتنزلين قتله تعبانه وراده من برا برييح "كنت منسدحه"

قالي زين يوم ييتي ليش ماسلمتي عليهم وماعبرتيهم ومنفسه عليهم!!
قتله شدعوه شدعوه كل حجي ترسوه براسك
رد علي اهما شكو مو هذا اللي صار ومن هل حجي رديت عليه لاتعور راسي انا ما احاجيهمم ولا لي شغل فيهم الحين سلامي بيهمهم يعني؟؟!!
ولا بيموتون ان ماسلمت شيبوون فيني! وييعه

عاد حقرني ورد نزلهم "بطقاق" انت معاهم يعني عباله بلحقه تتحت

وبليل ياني زعلان وحط صماخه وخمد!

شنو يعني!
الحين انا شسويت!
سويت شي غلط؟؟

انا ما احاجيهم ولا اهما يكلموني غير اذا شي مهم ولا بيسألوني عن شي
ومرت حماي كلش ماتكلمني وكان زعاج اقول السلام حق منو؟؟!! محد بيسمع
داش علي بصريخ
بروحي لايعه جبدي من بيتهم زين متحمله اقعد فبيتهم ​

 

[Al-RoRo77]

كان المفروض تسلمين لله مو علشانهم
بس بتأكد من شي انتي كاتبه انج قلتيله لاتعور راسي انا ما احاجيهمم ولا لي شغل فيهم الحين سلامي بيهمهم يعني؟؟!!
ولا بيموتون ان ماسلمت شيبوون فيني! (وييعه)
قلتي ويعه جدام ريلج ؟؟ ترى الكلمه تنرفزوهذيل اهله اكيد مايرضى عليهم وبخاطره علاقتكم تكون احسن من جي وكان ممكن تفهمين ريلج باسلوب احلى من جي
بصراحه اسلوبج ينرفز ماالومه اذا زعل!
حتى لو ماتحاجينهم جان قلتيله حبيبي اهما مايحاجوني وكان ازعاج وجي يعني باسلوب اهدى واحسن من اللي تكلمتي فيه وانتي متنرفزه
فديتج راضيه وفهميه بطريقه حلوه ليش ماسلمتي وليش ماقعدتي معاهم

 

[iLLuMinaTion]

حبيبتي المجامله ساعات مهمه

 

[مألوفة]

لا انتي مو غلطانة خو انتي ما تحاجينهم شكو تسلمين عليهم خل يولون<<<<<<<<<< شريرة ببرد قلبج

انا هم كنت مع اهل ريلي جذي وكان يغصبني اني اسلم عليهم لا وكان يقولي روحي بوسي راس اختي اخته العودة

بس انا كنت اسوي ها الشي عشانه اهوا

لين صارت كرامتي بالقاع اهني عاد قلت شكوووووووووووو اسلم عليهم خلااص مو لازم فلا تنزلين راسج حق احد خليه مرفوع واذا بيرضى يرضى اذا ما يرضى مو لازم باجر ينسى

انتي حاجيه وقولي له انت على عيني وراسي بس انا ما انزل من كرامتي واروح اسلم عليهم وانا حاسة اني قاطة وييهي

وانا اقولج انتي مو غلطااااااااااانة مو غلطانة وهذا ردي واللي ما يعجبها بكيفها

 

[عاشقة_الجمال]

انتي الحين الحجي اللي كاتبته صج قلتي حق ريلج وعلى اهله والا لانج معصبه كاتبه جذي !!!

في وحده تقوول بالطقاق على ريلها وحط صماخه وخمد !!!

حبيبتي ترى لازم تتعلمين شلوون تتكلمين مع ريلج وشلوون تيبين طاري اهله

مهما يكووون اذا اهو الحين متحمل يمكن بعدين ما يتحملج

 

[اميره1980]

تبين الصراحة من غير زعل ؟؟

كلامج اهو القثيث و طريقتج كلها تقث و اسلوبج حيل مو محترم لا عن ريلج و لا عن اهله
اذا احنا البنات بالمنتدى تقولين عنهم جذي و تغلطين عليهم عيل انتي شمسويه فيهم ؟؟
قاعدة تغلطين عليه شوفي كلامج حمدي ربج ما مد ايده عليج و معاه حق و تسالينا بعد اذا انتي غلطانة؟؟
الله يهديج
راجعي اسلوبج وياهم اول و السلام لله مو للناس

 

[بيتي بوب بس كويتيه]

اي حبيبتي غلطانه عادي حتي لو مشاكل سلمي عادي كسري الشر
وانتي شكلج توج متزوجه؟؟؟
حبيبتي كسري الشر وسلمي عادي لا تحتكين فيهم بس سلمي وصعدي دارج

 

[نشيج الروح]

برايي انتي غلطانة يعني هم ما ضروج وشفيها لا سلمتي .... انتي تسوين الي عليج ان ردوا فخير وان طنشوا فعلى راحتهم ,,, وان قالج ريلج قولي له إن شاء الله المرة الياية اسلم وانهت

 

[ديمـة]

أنا لو من ريلج وهذا اسلوبج وهذي طريقة كلامج أقبضج الباب (مع احترامي طبعا) وآخذ اللي تحطني وتحط اهلي

على راسها من فوق وتحشمني وتحشم أهلي من حشيمتي !

ولا اقعد مع وحده في جحيم لا تحترم اهلي ولا تحبهم خو علشان عين تكرم ( مدييينه كااامله )!!

أنتي طلبتي راينا وأنا هذا رايي ( وصديقك من صدقك وليس من صّدقك )

 

[STILL G L A M ~]

حبيبتي الغلط راكبج ندري انج رسميه معاهم وندري انهم ماذينج .. بس السلااام حتى لو ترفعين ايدج جذي لمن تقولين هاااي لرفيجاتج من ابعيد سويلهم وامشي وزيني صورتج عندهم لي متى بتعيشون بحقد وكراهيه انتي عدلي من نفسج والله بيحطونج فوق راسهم واولهم ريلج وبينقدون على انفسسهم ويتعدلون ..​

 

[∫ ∫ ∫ ∫ جــوان ∫ ∫ ∫ ∫]

السلام لله مو لهم واذا سلمتى ولا ردو عليج ترد عليج الملائكه الى ابرك منهم

اصلا حتى لو ادشين مكان فاضى لازم تسلمين علشان تطردين الشياطين

بعدين كلهم غثيثين حماتج الكبيره والمراهقه ومرت حماج وحتى زوجج بالطقاق ماهمج وخمد

الله يعين بس

 

[سديم الكون]

السلام لله

مو لهم


المفروض تسلمين حتى لو ما اسمعوج



المفروض اي بيت تدشسنه سواء بيتج ولا بيت غريب لازم تسلميم



الله يقول: (( واذا دخلتم بيوتا فسلموا على انفسكم تحية من عند الله مباركة طيبه))

 

[star warld]

ههههههههه قويه بطقاق علئ ريلتج
بس جاملي حبيبتي مو حلوه تتطلعين بكره من بيتهم ويقولون لتج فكه وبطقاق

 

[الفراولـه]

الله يهديج حبيبتي

عدلي من اسلوبج معاهم مهما كان هذي اهل ريلج !!

ليش هالمعامله على الاقل سلمي

مادري ليش احسج شايفه نفسج

الله يهديج

 

[fdeet_shosho]

والله مادرى مرات الواحد يتصرف تصرف وعقب ينحسب عليه وهم يدورون عليج الزله فليش تعطينهم ممسك
اذا سولفتى وياه قولى انا لما ماشفت خالتى بس البنات وكان لويه وطلعت اشرحيله الموقف ليش تبينين انج متعمدة ماتسلمين
وقوليله خلاص بسلم وانا طالعه وداشة دام هذا يرضيكم وحاولى تصكرين الموضوع لايكبر
والله يعينج ويصلح حالج وكلنا نمر بضروف وضغوط ونصير مانتحمل ناس معينه بس شنسوى نغصب عمرنا عشان محد يمسك علينا ممسك

 

[ام عبادي 22]

حبيبتي لاتزعلين مني بس كان المفروض بس تقولين السلام وتمشين

 

[امي عائشة]

انا اشوف انة معاج حق مليووووووون مرة اذا مايستاهلون خليج رسمية بس ياليت مسلمة عليهم واخذة الاجر
والله شي يقهر ليش مايحشمون بنات الناس يذبحون عمرهم علشان ياخذونهم
واذا دشت البيت حاربوها
قطيعة يابيت الحمولة الا اذا ناس يستاهلون بس الاغلب حقاااااااااارة

 

[دموع أنثى]

جان سلمتي السلام لله حتى لو ماردوا عليج صيري أحسن منهم وسلمي وخلي علاقتج معاهم سطحيه
ولاتحتكين فيهم بس سلمي

 

[أسيرة_أحزاني]

لا حشى ماسويتي غلط من قال ؟؟

جناين اخر زمن الحمدالله والشكر وتبين الصج انتي الغثيثه مو اهم

 

[miss mama]

اكيد غلطانه