يعطيج العـــــــــــــــافيه عالتقرير
تسلم ايدينج عالصور الروعه:yaaaaaarb:
حبيبتي ماقصرتي خوش تقرير .... بس بما اني من كويتيات ممكن اتدلع :bbbiu:واطلبج ::
بليز ابيج تسوين لي :eh_s(7): جدول لرحله ل فينا وزلمسي لمده 10 ايام
(الرحله انا وزوجي) مع العلم ان اول مره اسافر اوربا واللغه تمشي الحال
الفندق اهم شي نبي فندق حلووووووووو
وع سالفه القطار امبيه عباله ويوهققق والي مايعرف يضيع من اممممه
انا شدراني وين يودي ووين انزل (( خو اللغه مو مقطعه عمرها))
التكاسي بجم تقريبا بال ك د ؟؟؟
واتمنئ يستفيدون الحلوين من تخطيط الرحله الي بتسوينها لي:eh_s(7):
الله يعافيج حبيبتي .
اول شي قبل ما تسافرين لازم تخططين حق رحلتج تخطيط جيد ، وكل شخص يختلف عن الثاني ، يعني انا احب اقعد بالكافيهات وغيري لا ما يحب ( فهمتيني ) .
انا راح اعطيج مقترح بس مو شرط انج تلتزمين فيه .
فيينا تقعدين فيها 5 أيام ، اليوم السادس تروحون حق زلامسي بالقطار ، تقعدون فيها 3 أيام ،واليوم العاشر ترجعون فيه فيينا عشان المطار . ( وهذا يعتمد على موعد الطياره وعلى اي طيران ) .
بالنسبه لفيينا الأماكن إلي حطيتها في تقريري هذي أغلب الأماكن السياحيه الموجوده في فيينا تقريباً ، وفي بعد متاحف بس انا مو من هواة زيارة المتاحف .
وهناك شارع لمحلات الماركات أغلبها بس ما صورتها ، وهذا الشارع متفرع من احدى شوراع ساحة ستيفن بالخلف ، وراح تلاقين محل هيرمز وكارتير مقابلين بعض وتلفين يسار راح تطلع لج محلات الماركات ، اذا حابه تروحين لهم .
تنقلاتنا كانت بالمترو ، واستخدامه جداً سهل ، وانا ماخذته من احدى المنتديات الخاصه بالسفر ، واذا تبين اعلمج عليه حاضره اشرح لج بالخاص ، وارسل لج الرابط الي فيه خريطة المترو .
والتنقل بالتاكسي مكلف خاصه اذا تنقلاتكم تكون كلها بالتاكسي . يعني من المطار الى الفندق ياخذ التاكسي 15 دينار .
واذا انتوا تأجرون سياره احلى واحلى بعد .
تنتقلون من فيينا الى زلامسي بالقطار من المحطة الرئيسية للقطار باتجاه زلامسي ( سهل جداً ومافي خوف باستعمال القطارات ) .
الأماكن السياحية في زلامسي الشهيره ( البحيره وتأجير والمراكب / التلفريك ومنه الى جبل الثلج الكابرون ، وهذا يعتمد على الوقت الى بتروحون فيه لفيينا اذا فيه ثلج او لا / مصنع وجبل الملح / مصنع الشوارفيسكي / تأجير الدراجات / الزحلاقية / شلالات كراميل ) ، طبعاً التنقل بزلامسي بالباصات أوفر ) .
وان شالله ما نسيت شي بزلامسي لأني زرتها بأول زياره لي للنمسا فقط .
زلامسي يعيبها انها وايد زحمه وخاصه بالصيف ، الخليجيين وايد وايد وايد ، يعني يطالعونج من فوق لي تحت ، والبحيره شكلها يصير مو حلو من كثر الناس الي قاعده حوالينها مع دلة القهوة والشاي ، يعني ماجنج في زلامسي :rgewrg: ، كذلك زلامسي بسرعه تصير هاديه يعني بعد الساعه 8 تصير صخخخخخخخه ) . فعشان جذي ما زرتها الا مره وحده بس .
وهناك كثير من المنتديات الخاصه بالسفر ممكن تستفيدين منهم اكثر .
وطولت عليكم سووووووري
التعديل الأخير:
