هلآ والله بالكتآكيت ×:eh_s(22):×
يآحلآتكمـ ذكرتووؤني شكثر كنت مستاآنسة لمن رحت عآشر ×:krkrkr:×,,
موؤ مصدقة ولا تشوفون المدح من أهلي لاني كنت اول حفيدة ادش الثاآنوي من صوؤب امي ويمكن ليلتهآ ما نمت كله عسآس اني بروؤح الثآنوي .. يحليلي والحين بصير خريئيجة السنة اليآية الله يوفقنآ والله الآيام تركض بسرعة ×:ggdw:×
الله يسلمكـ خنعطيكم من خبرتـي بعآشر وشلوؤن كآنت بالنسبة لي..طبعآ الكل يقوؤل ان حفرة الثآنوي عآشر وانا أقووول هالكلام حطو عليه x هالكبر .. يعني عآشر صج بتنزل درجآتكم فيهآ بس هذآ كله مو من صعووؤبة المنهج بالعكس هذآ لآن بيكوؤن نظاآم يديد عليئيكمـ ..
بعطيكم مآدة مآدة وشلوؤن بتكوؤن و بإذن الله سهآلات :
- عربي :
..الدرووس عآدية جدآ بس اصعب من المتوسط أكيد بعد كبرتو لازم يصعبونهآ لكم..آما القوآعد عآدية مثل الي متعودين عليهآ وجم قآعدة يديدة .. البلآغة الكل لايع جبده منه بعآشر مع اني اشوفه سهل حييل بالنسبة لي..وبالثآنوي نظام الامتحان يكون غير..يعني الورقة الاولى ايي فيهآ التعبير + قوآعد على فقرة خارجية ..والورقة الثانية دروس وبلاآغة بسس..يعني اريح لكم فرقولكم بين القواعد والبلاغة
-انجليزي :
..الكل يقول اصعب انجليزي حق الثانوي مآل عآشر..اهوا عآدي نفس المتوسط ..بس نصيحة حفظي كلمآت اول بأول ومعانيهم..لآن عندنا بالامتحان اييبون لج الكلمة وتختارين معنآه بالانجليزي " معطيج خيآرات " يعني حتى تعاريف الكلمآت اتيي لكم على طريقة خيارات..وبالثاآنوي تحلموووون يقولون لكم معنى كلمة او حتى حرف حتى لو مادرستوهآ مثلا بالقطعة الخارجية كلمة مو فاهمتها ما يقولونلج معناتها اتقولج اقري القطعه راح اتصيدين معنى الكلمة ! ..واذا كلش الابلة طيبة راح اتقولج المعنى بالانجليزي ! يعني تعالي بعد فسرري..عشآن جذي حفظوو الكلمات والترجمة بعد ساعات كلمآت ما تعرفونها وساعات اتكوووؤن حدهآ سههههلة
- الكيميا :
..الكورس الاول اسهل من الكورس الثاني يمعوا فيه درجآت حييييييييييييل سهل عندي وعآدي يعني .. ونصيحه فهمووو لا تحفظون لان الحفظ ما اييب نتيجة بسرعة تنسينه واتخربطين .. يعني المعادلات فهموهآ عدل ..×:eh_s(15):×
-الفيزيآ :
.. على قولة ابلاتنآ كانت اتقوؤل ان فيزيآ مال عآشر هذآ تسآلي الفيزيا يعني ولا شي من مال 11 و12 علمي..وصح كلامهآ مالكم حييل سهل خآصة الكورس الثاني أمبييه ماآآي سههههل حددده خآصة الدروس الاخيرة سههههلة ظمنوا فيه درجآتكم أحسن
- الآحياء :
مال عآشر اصعب أحياء.. ومع ذلك فهالمآدة من اسهل المواد العلمية بس انتي فهمي شلون الجسم يسوي جذي وشنو وظيفتها وجذي..رآح يعطونكم عن 6 اجهزة اتوقع..وفي فصل محذوف بكبره من عندكم..بس هالمادة حدهآ سهلة..واغلب البنآت ايبون درجآت عجييبة فيهآ واغلبهم فل مارك..ونسيت اقولكم بالامتحان راح اييلكم سؤال اذكر الملائمة الوظيفية للعضو الفلآني..طبعآ انتو اول مرة يمر عليكم كلمة الملائمة الوظيفية فالي تبي درجة كاملة لازم تكتب اسم العضو ومكانه ومكوناته و وظيفته اذا كتبتي بس وظيفته رآح تنقصين لازم المكونات و مكانه وشيسوي وجذي
- الريآضيآت :
..هذآ حبيييبي..لوول احبه بس شوي صعب بعآشر يعني مو مثل تاسع يبيلكم مرآجعه اول بآول وانتبآه بالحصة وفهم الاسئلة وكل شي ودير بالكم اغلب الدروس تعتمد على الي قبلها بس الكورس الثاني عندي اسهل من الاول
- الاسلامية :
..عآدي نفس تآسع نفس المستوى بس الكمية اكثر يعني دسمة شوي..وبالامتحان لازم اييبون اسئلة بين السطوور واسئلة غيير متوقعة كلللش يعني تقرين شي تحسينه ما راح ايي بس تنصدمين ايي وعليه درجة كبيرة يمممه منهم يخرعون..فنصيحة ماقولج حفظي الكتآب بس النقآظ المهمة حفظي والباجي اقري بتركييز تااااام ..
- القرآن :
..هذآ خو عآدي سهل..بس طريقة الامتحان تختلف عنكم عن تاسع..يعني الامتحان اييلج بورقة طبعا من المحافظة مو المدرسة ولا الوزارة " الوزارة عليها امتحانات الفاينل بس"..المهم تكتبين الايات الي حافظتهم وغالبا كلهم اييبونهم يعني اييبون نص الاية الاولى مع نص تكملتها من الثانية وجذي .. والتجويد معآكم وسهههههل حده بس حفظي التعاريف والامثله وجذي بس..ومعآني الايات واسباب النزول وبالكتاب في شرح الايات تقرينه ضرووووري ومعاني الكلمات ايبون منه تعاريف واكمل الفراغ وجذي يعني القرآن عندنا حييييييل يفرق مو بس تسميع
- الالعاب والحاسوب :
من قدكم مالحقتو على امتحان الالعاب يضحك ورقة وحدة وعليه بس درجة واسآله مالوت يهآل..بس يلا لغووه احسن عشآن تضمنون درجآتكم بالعملي بس..وبالحصة عندنا اذا ما اشتغلتي سواء حاسوب او العاب صفففر بالنشآط وجذي يعني تخسرين درجات وايد..والعملي لازم العاب تسوونه..اي نسيت ترى غيابكم تنقصون عليه واذا غبتو اكثر من مرة عن الحصة بدون ورقة او استئذان راح انذااار تاخذوون.. والعاب مو مثل المتوسط اي شي..لا عندكم احلى العاب حلوو مالكم عندكم انتو مطامر وتخطروون العصاية نفس التلفزيونات لووول وتنطون على فرآش كبير " الوثب العالي " وجذي يعني حلوو وناسة ولازم تشتغلون بالحصة مو استحي وماقدر..انا شوي مترووسة خطرت العصأية وطبيت عالفرآش بكل وناسة تحسين روحج طآآآيرة يعني ماكو دلع مادري شنو " اصلا الثانوي عندي تعلمج شلون تتخلصين من الحياء الزايد الي ماله لزمة " يعني انا الحين عادي عندي اركض وانط واخطر وارقص وكل شي لوووؤل..
-اجتماعيات " اسمه وطن بعآشر "
الكورس الاول صعب حددددده يبيله حفظ اول بآول والكورس الثاآني امبييييييييييييييي سههههههههههل حددددده ولا يخرعونكم من اخر شي قضية فلسطين..انتي من تبدي قضية فلسطين حفظي مع الابلة اول بأول وراح يصير عندج مثل قصة بس الفصل الاخير من الكورسين حفظي اول بآول نصيحة لان فيهم اسماء صعبة وتعاريف وعللي خااآآيس وجذي
وبس عموومآ انتو عندكم الكووورس الثاني حدددددددددددددده ماي بالنسبة للأول يعني انا اذكر يبت بالفترة الثالثة نسبة ما يبتهآ حتى بالمتوسط من كثر ما اهوا سهل..شدوو حليكم وبالتوفيق واي سؤال انا حاظرة ~
