عروس وبشرتج تعبانه ... حياج

[Dark SouL]

بنات انا تخصص بشرة ونظارتها اي استفسار لا تستحون وشغلاتي كلها طبيعيه

سألوني وانا ارد عليكم بالموضوع او ع الخاص :eh_s(22):

 

[Muna]

انا توني مسويه تقشير جلسة وحده بعدين بسوي تبيض عند طلال العلي بسألج سؤال عادي احف بخيط ولا مايصير ؟ و الله يعافيج يا رب

 

[لاسينزا]

هلاااا حبيبتي مشكووووره عالمساااعده
انا من جم سنه حفيت وجهي وطلعت لي جم حبه بنص الخد وتعبثت فيها ليما بقعوا
بصراحه ماعالجتهم بس اللحين ودي بحل ابي بشرتي صافيه

 

[L A T T E]

احس بشرتي تعبت من الصيفي و الحر..

في ماسكات او كريمات تنصحين فيها؟

ويعطيج الف عاافية حبيبتي ماتقصرين

 

[Q 8 Y A t]

بشرتي حمرا كانه مبقعه احمر

ولاعت جبدي منها

عندج لها حل ؟

 

[Dark SouL]

انا توني مسويه تقشير جلسة وحده بعدين بسوي تبيض عند طلال العلي بسألج سؤال عادي احف بخيط ولا مايصير ؟ و الله يعافيج يا رب

اي حبيبتي عادي خيط بس الشمع او الحلاوة ماانصحج فيه

بس قبل لا تسوين الخيط بخي ويهج ماي ورد وبعدها بعشر دقايق حفي وبعد ماتخلصين ردي بخي ماي ورد

 

[Dark SouL]

هلاااا حبيبتي مشكووووره عالمساااعده
انا من جم سنه حفيت وجهي وطلعت لي جم حبه بنص الخد وتعبثت فيها ليما بقعوا
بصراحه ماعالجتهم بس اللحين ودي بحل ابي بشرتي صافيه

روب ويفضل منتهي صلاحيته
لعصير الليمون + قشر الليمون
برتقال + قشر البرتقال
عسل طبيعي
فيتامين c ، a ، e
ماي ورد

خليه مثل الماسك لمدة 20 دقيقة يوميا

 

[Dark SouL]

احس بشرتي تعبت من الصيفي و الحر..

في ماسكات او كريمات تنصحين فيها؟

ويعطيج الف عاافية حبيبتي ماتقصرين

عليج بماسك الجاي الاخضر ,, ويصلح لجميع انواع البشرة

غسلي ويهج باي صابون انتي متعوده عليه واخذي ورق جاي اخضر ونقعيه بالماي واخذي قطنه وامسحي وجهج فيه .. ملاحظة مع كل غسله تستخدمينه وشوفي النظارة والصفاء البشرة

+

قشور الليمون والبرتقال مع ماي الورد بالخلاط خليه مثل الكريم وقبل النوم دهني ويهج و غسليه بالماي الدافي

 

[Dark SouL]

بشرتي حمرا كانه مبقعه احمر

ولاعت جبدي منها

عندج لها حل ؟

شنو نوع بشرتج ؟

 

[صبرت ومل الصبر]

مرحبا حبيبتي انا ابي حق النضارة وابي شي لتفتيح الاكواع والركب كريم طبي وابي حق الهالات السواء

وهل تنصحيني اطق ابرة نضارة اشوف هابين فيها هالايام وابرة حق الهالات السوا ومشكورة بعد قلبي ماتقصرين

 

[فيونكة_وردية]

بشرتي عاديه وشوي دهنيه عالاطراف والجبهه بس الحمدلله ماكو حبوب ابي نضاره وتوريد
قبل فتره استمريت على ماي الورد اشربه واحط قناع الهرده حلو وشفت نتيجه بس مليت ابي منخبرتج عطيني دافع

وماتقصرين يالغاليه

 

[Dark SouL]

مرحبا حبيبتي انا ابي حق النضارة وابي شي لتفتيح الاكواع والركب كريم طبي وابي حق الهالات السواء

وهل تنصحيني اطق ابرة نضارة اشوف هابين فيها هالايام وابرة حق الهالات السوا ومشكورة بعد قلبي ماتقصرين

لتوحيد لون الركب والاكواع ماي الورد مع نشا حطيه مثل الماسك ولما تحسين ان نشف حرطية بحركة دائرية عكس عقارب الساعه سويها مرتين بالاسبوع

اما الهالات السودة ماسك الروب مع فيتامين c وماي الورد حطية لمدة 20 دقيقه

اما بخصوص الابر ماانصحج فيه لانه رفيجتي سوته ورد مرة ثانية لانه شمسنا تدرين فيها ما تقصر

 

[Dark SouL]

بشرتي عاديه وشوي دهنيه عالاطراف والجبهه بس الحمدلله ماكو حبوب ابي نضاره وتوريد
قبل فتره استمريت على ماي الورد اشربه واحط قناع الهرده حلو وشفت نتيجه بس مليت ابي منخبرتج عطيني دافع

وماتقصرين يالغاليه

للنظارة جاي اخضر خليه ماسك
توريد البشرةاطحني حبوب الارز واخلطي بالماي لما يصير مثل الماسك وحطي قناع منه على ويهج وتركيه لين يحف وبعدين افركية واغسلي ويهج بماي دافي ولاحظي الفرق

 

[Dark SouL]

قناع لتفتيح البشرة

حليب بودر + نشا + ليمون = خلطية لين يصير عجينه لينه ويترك على البشره لمدة 20 دقيقه ثم يزال بالماء الدافي
يستخدم هذا القناااع للبشره العاديه والدهنيه

 

[لياليـ]

يعطيج العافيه
اتقبلي مروري

 

[لياليـ]

اب
اب
لعيونج

 

[ملــحْ !]

يعيطج العاافيه

 

[شيخه كويتية]

صوب يبهتي كله يدهن مادري ليش
يّأذيني بالمكياج

بشرتي مختلطه

ابي شي يصفي البشره اذا ممكن؟

 

[روقان]

نبي خلطه لتبيض الركب والابط وشيء ينفخ الخدود ويوردها

 

[nono18]

بشرتي جافه وتعبانه شنو تنصحيني اسوي؟
ويعطيج العافيه على الموضوع

​