صادف يوم 29/6 ، ذكرى زواجي ، وكعادتي كل عام احتفل بهذا اليوم مع زوجي .
وبعد بحث بين عدة فنادق تم اختيار فندق ميسوني الكويت للاقامه فيه لمدة ليله وحده .
تم الاعداد مسبقاً لحجز الفندق من طرفي ( حتى تكون مفاجأه لزوجي كالعاده ) ، واحجزت سويت ميجوري ، لأن الغرفه صغيره .
جهزت اغراضي واتجهت للفندق ، وكنت حاطه الصبح بطاقة دعوه في شنطة زوجي الخاصه باوراقه لدعوته لحضور الفندق الساعه الثانية ظهراً ( لأن ممنوع عندهم ادخل الغرفه بروحي ، لازم يكون زوجي معاي ) والحمد لله اني سألتهم ولا جان توهقت :yaaaaaarb:
اول ما وصلنا تغدينا في المطعم الإيطالي ( الغدى اقل من العادي وما يسوى سعره ، بس القعده وايد شرحه وحلوه ) .
وفي اليوم الثاني تريقنا بنفس المطعم .
وهذي صور متفرقه من الفندق
هذا لوبي الفندق ( للامانه خذيت هالصوره من قوقل )
صور متفرقه من داخل الجناح ميجوري ( غرفة النوم )
عجبني ستايل السرير
صور للصاله ( الزوج نايم الظهر وانا اجهز المكان )
وهذا عزكم الله الحمام
المطعم الايطالي إلي تغدينا وتريقنا فيه
وبالأخير عطونا دفتر عشان نكتب راينا في المطعم
اجمالاً الفندق حلو وستايل مودرن وقضيت ليلة من أحلى الليالي مع زوجي حبيبي الله يحفظه .
