التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم ..|

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

وهذا اهو تقييم الدكتوره نجاه الشطي بموقع التقييم : )

التقييمملاحظات الطلبة- النجوم:

- المستوى: صعب
- الشرح: شرح ممتاز
- حصلت على: C
ننصح به
المـادة: كيميا عامه 110 التاريخ: 2010-09-01الطالب: dora able رقم التقييم: 21722

الدكتووووره وااايد زيينه

شرحها واااضح و مفهومو عندها استعداد تعيد و تزيد لمن نفهم الدرس

و اي شي تقوله و تركز عليه ايي بالاختبار

بس شوي نحييسه من ناحيه الدرجات

و شوي بعد عصبيه و تزف
​

- النجوم: لا يستحق نجوم
- المستوى: صعب
- الشرح: شرح ضعيف
- حصلت على: F
لا ننصح به
المـادة: تمهيدي كيميا التاريخ: 2009-12-24الطالب: 79ooh رقم التقييم: 19298

الدكتوره نفسيه
واسلوبها مو حلو
سريعه بالشرح
عادي عندها اتهزأ الي جدامها
وايد عصبيه

نصيحه لاتاخذون عندها حتى لو تتأخرون
​

- النجوم:

- المستوى: متوسط الصعوبة
- الشرح: شرح متوسط
- حصلت على: F
لا ننصح به
المـادة: تمهيدي كيميا التاريخ: 2009-08-12الطالب: teema رقم التقييم: 18572

حدها نفسيه
و عصبيه

شرحها زين

جاااده وايد و ما تعرف الغشمره

تاخذ الغياب

و اللي يتأخر 5 دقايق ينطرد

و مرات تقومنا ( نعرف او ما نعرف ) عشان نجاوب
و اذا ما عرفنا تزفنا :/

يعني عااااادي ما عندها مشكله انها تهزأ الطالب اللي جدامها

​

- النجوم:

- المستوى: صعب
- الشرح: شرح ممتاز
- حصلت على: C
ننصح به
المـادة: inorganic 2 التاريخ: 2009-06-11الطالب: درة الكويت رقم التقييم: 17450

الدكتورة خوش وحده
بكل شي
تذكرني بمدرسات الكيميا ايام الثانوي
حريصة على مصلحتنا

بس كانت امتحاناتها يبيلها تركيز اكثر و مخ متفتح

انا على دراستي ما كنت اييب درجات عدل عندها
و كله تقط علي نغزات ان شلون جذي اشارك معاها بالمحاضرة و بالامتحان الطالبات اللي ما يشاركون اهما اللي اييبون اعلى مني
و انا اعرف السبب
لان كان في بنات عندهم امتحانات سابقة للدكتورة و كانت من النوع اللي تعيد
و طبعا ما يعطونها حق احد بس حق قرووبهم
من جذي درجاتهم احسن منا

و استحيت اقول لها عن هالسالفة
قلت لهم رب يوم القيامة يحاسبهم

​

- النجوم: لا يستحق نجوم
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: 0420092 التاريخ: 2008-09-15الطالب: طالب ذكي رقم التقييم: 15338

دكتورة متكبرة وشرحها مو شي وما تعطي كيرف
​

- النجوم:

- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: Chem110 التاريخ: 2008-08-11الطالب: diva رقم التقييم: 14956

والله إهي خوش دكتوره .. صج تزف وتفشل
بس ماتزف إلا اللي يستاهل يعني اللي يتحجى أو
مثلآ وحده قاعده ومو فاهمه لأن إهي كذا مره تقول اللي مو فاهم
يقول فـ ماتحب أحد يقعد مو فاهم ..
والحضور وايد مهم وأذكر في ناس خذوا انذارات على هالسالفه
وماتحب أحد يتأخر كلش!
بس وايد تعاملها زين مع اللي يحترم محاضراتها
​

- النجوم:

- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: غير عضويه 2 التاريخ: 2008-01-31الطالب: MuSk~Q8 رقم التقييم: 13035

دكتور نجاه روعه

وشرحها لا يعلي عليه >> اول دكتوره تمر علي تشرح بهالطريقه

بحيث مستحيل تطلع من المحاضره مو فاهم

وامتحاناتها على مستوى شرحها

نظاميه وتحب الحضور والالتزام

وتسئل بالمحاضره وتزف >>> لمن تزفنا حق مصلحتنا وتعدنا مثل عيالها

الله يعطيه العافيه
​

- النجوم:

- المستوى: صعب جدا
- الشرح: شرح ممتاز
- حصلت على: D
ننصح به
المـادة: 110 التاريخ: 2007-08-23الطالب: اوييلي فديته رقم التقييم: 11381

بصراحه الدكتوره شرحها وايد حلو
بس تكرهين عمرج بمحاضرتها
تحسين انها مرت ابو
وعصبيه واتيي قبل المحاضره بعشر دقايق وتاخذ الغياب
اهي ما كانت تاخذ الغياب بس شافت البنات وايد يكشتون
ومن وقتها صارت حريصه على الغياب و تنزل انذارات
صج انا مو محصله قريد حلو لان الامتحانات كانت صعبه بس اهي ما تقصر بالشرح تسوي اللي عليها وعيبها ما تزيد لو شنو تعطي كل وحده حقها
​

- النجوم:

- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: كيمياء110 التاريخ: 2007-08-18الطالب: PuRe*HeaRT رقم التقييم: 11335

السلام عليكم ورحمه الله وبركاته

دكتوره ممتاز جدا جدا جدا جدا
محترمه وتحب النظام ومستحيل احد يطلع من المحاضره مو فاهم وما عندها مانع تعيد وتعطيك فرصتك بالاسئله ..
وحقانيه ما عندها واسطه او سوالف معارف ..

شرحها ممتاز وشديده جدا يعني التزم بالحضور والتزم معاها وانتبه تضمن الــ A

ممكن انها تكون حيل شديده بالمحاضره وذلك لمصلحه الطالب .. لانها تخاف علينا وايد .. روحلها المكتب تلقاها غير حيييل حبوبه وطيبه .. وما عندها مانع لأي سؤال

انا الصراحه انصح فيها جدا جدا جدا للذين يلتزمون
​

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

الدكتورة تفهم المادة وأسلوبها و تعاملها مع الطلبة ممتاز

ولكنها تحب الحضورقبل بدأ المحاضرة ولا يدخل بعدها أحد و

تحب الإلتزام بالحضور.
​

- النجوم:

- المستوى: صعب
- الشرح: شرح متوسط
- حصلت على: F
لا ننصح به
المـادة: كيميا عامه 110 التاريخ: 2006-09-22الطالب: ماروكو رقم التقييم: 7502

شرحها زين بس وايد تفشل و تزف!!

ما انصح لان لسانها طويل و ماتحترم الطلبه
​

- النجوم:

- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: كيمياء 110 التاريخ: 2006-05-29الطالب: Doctor رقم التقييم: 4500

الدكتورة شرحها واضح و منظم و تشرح من قلب , ما تضيع وقت المحاضرة ، ما تحب أحد ما يلتزم بوقت المحاضرة أو يتأخر أو يسهى و يلعب في المحاضرة ، معاملتها قاسية شوية ، بس محترمة حدها ، ماعندها مانع تعيد الشرح ، تعتبر أحسن دكتورة مرت علي .
​

- النجوم:

- المستوى: صعب
- الشرح: شرح ممتاز
- حصلت على: B
ننصح به
المـادة: chem. 110 التاريخ: 2006-03-27الطالب: |SaRaH| رقم التقييم: 2945

شرحها عجيب يعني مستحيل الطالب يطلع من المحاضره وما يفهم شي، ومن ناحية الدرجات تعطي الطالب حقه لا أزيد ولا أقل، بس المشكلة في معاملتها واسلوبها حده مو شي و وايد شديده مع انها ما تاخذ الغياب لكن تحفظ حتى ويوه الطلاب اللي يحضرون ولا لأ!
​

- النجوم:

- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: كيمياء عامه 110 التاريخ: 2006-01-26الطالب: بنت فيلكا رقم التقييم: 2130

بصراحة الدكتوره أكثر من ممتازة وشرحها مافي مثله وشهادة الدكتوراه بصراحه شوية عليها
بس اهي شديدة ووايد نظامية لكن تحب الطالب اللي يتابع معاها المادة أول بأول يعني إذا كنت تدرس أول بأول وتحضر كل المحاضرات اضمن الA عندها
​

- النجوم:

- المستوى: صعب
- الشرح: شرح ممتاز
- حصلت على: B
لا ننصح به
المـادة: كيمياء عامة - 0420110 التاريخ: 2005-12-29الطالب: f6f6 رقم التقييم: 1804

الدكتورة شرحها ممتاز بس المشكله انه ممل حيييل ومحاضرتها متعبة لانها وايد straight وتصيد اللي يسرحون بالمحاضرة وتفشلهم وماتضيع ولا دقيقة من المحاضرة ، واحسن شي انها ماتسجل غياب لانه الاكثر مايحبون يحضرون محاضرتها لانه اسلوبها ممل ومعاملتها موشي ، بصراحة انا مسجله عندها ماده بس حضرت اول اسبوع وبعدها ماقدرت احضر واعتمادي بس على دراسة ذاتيه ودورات يعني اللي مايحب معاملتها لايسجل عندها قاتمنى انه تغير الاسلوب شوي
​

- النجوم:

- المستوى: صعب
- الشرح: شرح ممتاز
- حصلت على: B
ننصح به
المـادة: كيمياء عامة 110 التاريخ: 2005-12-25الطالب: الكندري رقم التقييم: 1748

دكتورة شرحها عجيب بس تحب النظام والالتزام والانتباه في المحاضرة والدراسة اول باول بس شوية جدية وشديدة زيادة عن اللزوم
​

- النجوم:

- المستوى: صعب
- الشرح: شرح ممتاز
- حصلت على: B
ننصح به
المـادة: كيميا غير عضوية 1 التاريخ: 2005-07-14الطالب: white shadow رقم التقييم: 377

دكتورة ممتازة ممتازة ممتازة ممتازة
لاكن ماتحب الكسل و التاخير
تحب الطلبة الي ينتبهون بالمحاضرات
و الي يشارك معاها تعطيه بوني
بصراحة انا حصلت 9 درجات بونس منها
لكن معاملتها مع الطلبة مو حلوة و اهيا وايد حقانية
وقد ماتقدر تحاول انها تنجح كل طلبتها
​

- النجوم:

- المستوى: صعب
- الشرح: شرح ممتاز
- حصلت على: B
ننصح به
المـادة: مادتين : تحليلية و غير عضوية التاريخ: 2005-07-02الطالب: واحد رقم التقييم: 280

وحدة ذكية

تكره الغياب و تحب النظام

اللي يعرف لها ياخذ A و يطلع فاهم المادة

شرحها ممتاز

الطلبة ما يحبونها لانها حقانية و اسئلتها دقيقة

مرة سوت لنا كيرف عشر درجات كاملة

باختصار

تنتظم معاها تاخذ درجة حلوة : )
​

 

[شيخه القلوب]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

السسلآم عليكم

بنات انا قبلوني التربيه

بس ببالي اتخصص جلوجيا

شلون دراسته

كله بالانجليزي وشلون الدكاترة

تنصحوني بهالتخصص


تكفون لا لا لا لا تنطشوون ​

 

[al39laa]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

انا هم معاج ناويه اتخصص جيلوجيا

بنات فيدونا عنه ؟؟

والماجستير والدكتوراه ماله جم سنه ؟؟

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

وانا بعد وياكم انشالله : )
بس اختي انتي تبين تتخصصين بالتربيه ولا بالعلوم ؟

 

[Miss.Piano]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

وناااسة كويتية 17

اناا بعد عندي بريك ساعتين و شي خخخخ

اول شي حسبالي ان راح يصير ملل .. بس مرت اخوي قالتلي بالعكس وناااسة جذي تفترين

بالجامعة و تحفظين كل شي موجود بالجامعة و تبلعين على راحتج و ما تحاتين المحاضرة

> عاد انا اهم شي عندي الاكل بالكفتيريا احم احم خخخخخ


انا الله يسلمج سجلت عند خوووش دكاترة والله

سجلت 3 مواد

انجلش 161 > عند غادة الجناعي

و سجلت كالكولس 1 > عند علي كانسو

و سجلت كيميا > عند حمد المطر


يمدحووونهم كلهم .. طبعا ماعدا علي كانسو اللي العموم قالي شرحه الله بالخير خخخخخخ

بس الحلو فيه انه يعطي درجات بالهبل و تصحيحه حلوووو بالامتحان .. يعني ما يركز وايد

و اقدر اعتمد عالنوت .. مو شرط على شرحه


طبعا احساسي اووووووفففف حدي استااانسسست و تحمست لمن سجلت جدولي

بس ركبت السيارة قعدت ابوس الجدول .. بنت عمي استغربت من خبالي قالتلي صج مو صاحية انتي

لوووووول

حسيت بحمااس مو طبيعي ونااسة الحمدلله ... طبعا امس رحت بيت يدتي زفوني زفففف

قالولي زين جذي؟ سحبتي من الجامعة الخاصة عشان تدشين الهندسة ... و ما قبلوج آخر شي


>>> خو انا شدراني انهم ما راح يقبلوووني

و قعدوا يضغطووني يعني بيخلوني اغير رايي و يقولولي "ما تقدرين " ! لوووول

طبعا انا شعاري


(( لااااااااا للاستسلااااااااااام ))

و يا انا يا اهم

 

[Miss.Piano]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

و هذا كل شي صارلي من الألف الى الياء

حاطته بموضوع ( المستجداات )

انا رحت بالوووووقت !!!

تخيلوا انا و بنت عمي نفس الوقت 12:45 - 1:00

تونا نازلين من السيارة ... شفت تلفوني ولا الساعة 12:43 !!!

صرخت قلت حق بنت عمي ركضضضضضضضضضضضي !!!


الله وكيلكم ركضه اناا معاها لوووووول

عمي و ابوي قالولناا شفيكم مستعيلين !! شنو بيطردونكم يعني


و صار كالـــ تآالي !! :



دشيت انا و بنت عمي مكان تسجيل البنات ...

كان مثل طابور زححححمة ... طبعا محسووبتكم مس بيانو تجاوزت كل هالطوابير الفوضى

و قلت حق حارس الامن المصري : انا موعدي الحين !

قالي : إديني بطاقتك المدنية

عطيته بطاقتي المدنية .. شاف اسمي بالورقه ... شطب عليه بالفسفوري "الاخضر"

> شيهمكم يعني اخضر اصفررر وردي كيفه خخخخخخ

و دشيت ...

خذيت ظرف أبيض من ريال و قالي أعبي البيانات

بنات انتبهوا .. لازم تعرفون ( رقم الطالب ) مالكم ... اهو يبدي بــ 211112 و بعدين 4 ارقام وراه

و دفعت 10 دنانير حق المصري عشان يعطيني طابع



و رحت كاونتر التسجيل .. بنية منفسة خخخخ زين ما طقتني > لا تحشين احنا برمضان

عطيتها الظرف و البيانات و كل شي

و بعدين انتقلت لي كاونتر المواد

بنية حدددددددددددها حبووووووبة و حلييييوة .. حبييييتهااا من أول نظرة خخخخخخ

سجلت أحسن 3 دكاترة طبعا بعد عناء طويييييل

دقيت على ولد خالي قتله منو احسن دكاترة بين هذيل ؟؟؟ و عطيته اسامي الدكاترة النازلين

و قالي و سجلت


و سلامتكم

 

[^ دلـع بنـات ^]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

فتوووومه ممكن مساااعده


انا الحين علوم طبيعه و سجلت حسبان تمهيدي و انجليزي تمهيدي لاني كنت ناويه احول للهندسه و الحين غيرت رايي بحول للتربيه شلووون الحيين يقوولون اذا بتحولين تربيه ما تاخذين حسبان تمهيدي


و ممكن تعطيني اراء الطلاب عن الدكتور بابا اومورو ( حسبان ) و الدكتوره جنفر بارن ( انجليزي )

 

[zeze_]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

سلام عليكم بنات ابي منكم مساعدة بلييييييييييييييييييييييييييييييييييييييييييييييز
انا توني مستجدة بكلية الرياضية الطبيعية خذيت تمهيدي نقلش ورياضيات وانا ابي احول حق تربية شنو اخذ مواد وشلون المواد صعبة ولا سهلة وجم المدة وكم المعدل كل شي بخصوصة ودراسة المواد حق التحويل بلنجليزي ولا عربي بنات اذا خذيت مواد حق التحويل التربية تروح علي ولا لأ بنات امانة لا تبخلون علي بشي بليز واذا عندكم خبر عن المواد الي اخذها حق تحويل للتربية

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

امممممممممم والله مادري ع التمهيدي لازم او لا
اسالج واقولج عشان اتاكد : )
والدكاتره مادري والله ماعرفهم

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

اذا بتحولين تاخذين مواد وهالمواد ماتروح عليج يعني كانج انتي بالتربيه وعادي الوضع تاخذين وتخلصين الشروط وتكونين محوله انشالله
وهذي شروط التحويل
كلية التربية :

- اجتياز عدد من الوحدات الدراسية ، لا يقل عن 30 وحدة دراسية و لا يزيد عن 45 وحدة دراسية .
- اجتياز المقابلة الشخصية التي تعقدها الكلية
- يكون القبول حسب التخصصات التي تحتاجها وزارة التربية
- يشترط للتحويل إلى تخصص اللغه الانجليزية ، اجتياز امتحان القدرات بنسبة 70%
- يكون التحويل إلى أي من مجموعتي التتخصص في كلية التربية ( تخصصات علمية - تخصصات أدبية ) ، أما تحديد التخصصات الدقيقة يكون بمعرفة الكلية و طبقاً للمعدلات الدنيا التي تحددها الكلية .

والمواد انا الي اعرفه انه على حسب التخصص الي تبينه يعني شنو تبين تتخصصين وفي مواد معينه تاخذينها عشان التحويل

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

دلع بنات

سالت لج عن التمهيدي قالو لي اذا ماتبي تخصص رياضيات ماله داعي التمهيدي : )
بس هم تاكدي

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

zeze

تاخذين مواد عامه واختياريه في التربيه عشان معدلج يرتفع ويكون 2.67 وتقدرين تحولين : )

 

[zeze_]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

ثنكس بنات على ارد جزاك الله خير
بس بقيت اسألكم المواد العامة واختيارية سهله ولا صعبة بلعربي ولا نجليزي والمواد العامة مثل شنو حبيباتي فيدوني

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

لا بالعربي
مثلا جماليات ادب - مبادئ تربيه - اصول تربيه - اساليب تفكير - موجودين في صحيفه تخرج كليه التربيه المواد العامه

 

[zeze_]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

فتومه حبيبتي مشكورة تعبتج معاي ثانكسسسسسسسسسسسسسسسسسسسسسسسسسسسس

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

لا العفو ولو تعبج راحه حبيبتي : )

 

[فتومآ]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

السسلآأم بنآت
انا الحمدلله انقببلت بكلية العلوم البيولوجية


عندي تمهيدي انجلش الدكتورة ايمان معرفي
وكيميا عامة حق نجآة الشطي

شرايكمم فيهم ؟
وسؤال اول كورس بس ادرس هذول ما ادرس شي غيرهم ؟؟

وشرايكم بهالتخصصين
كيميا حيوية وميركوبيولوجي ؟

ايهو احسن ؟ ومستقبله الوظيفي افضضل ؟؟
وبس شكرا طولت عليكككم

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

الدكاتره زينين وانا قبل هالمره حطيت التقييم لهم : )
واول كورس اي بس تاخذين التمهيدي ماكو غيرهم
والكورس الثاني تبدين تاخذين مواد وجذي
الكيميا الحيويه تتكلم عن الانزيمات والتفاعلات الحيويه الي تصير داخل الخليه
اما الميكرو عن الفيروسات - الفطريات - البكتيريا وهالسوالف

المستقبل الوظيفي حق التخصصين :

البيو كمستري : وزاره الصحه ( المختبرات - بنك الدم - مصنع الادويه - مركز التغديه لان في مواد بالتخصص ياخذونها عن المواد الغذائيه وجذي - الشركات الخاصه مثل الالبان والتغذيه - اداره مختبرات الجوده - وقطاع المستشفيات الخاصه ..... )

اما الميكرو ( المختبرات - بنك الدم - البلديه - الشركات الخاصه - وزاره الاشغال - وزاره الكهرباء والماء ..... )

كدراسه : طلاب الميكرو اكثر لانه اخف من البيو كمستري بس الميكرو فيه لابات وايد

انتي شوفي الانسب لج وفكري عشان ماتضيعين على روحج وتبدين تاخذين المواد الي تفتح لج مواد التخصص عشان تتخصصين بسرعه وابجر : )
وبسسسسسسسسسسسسسسسسسسسسسسسسس

 

[فتومه !]

رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم

هذا باختصار تقييم الدكتوره نجاه الشطي

5/3.7
ان مستوى الاختبارات صعب
وشرح المدرس شرح جيد جدا
والأغلبية حصلو على تقدير c
بإختصار ننصح به


يقولون انه شرحها تمام بس اهي شوي شديده طبعا مع الي مايلتزم واهي حقانيه وتعاملها حلو


وانا قبل هالمره حطيت كل التقييم بالكامل : )