اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[أم سيف وسلطان]

حلمي اسافر امريكا

تسيرون وتردون بالسلامه

 

[رووري]

امربكا صج مو مالت يهال بس شنسوي لازم انوديهم معانا مانقدر انخليهم فتره طويله
بلكويت .. انا بودي اعيالي واحد عمره ٣ سنوت والثاني ٥ سنوات *

 

[دانـــه]

لولو ان شاء الله على العيد

الله ييسر يارب

بنات جربتوا تحجزون من expedia

تنصحوني احجز منه ولا لا

 

[دانـــه]

اي بعد بنااات لو بحجز من booking.com

اشلون اعرف السعر بعد الضرايب !

السعر الي محطوط من غير الضرايب اشلون اضيف الضرايب عشان اعرف بالضبط جم يكلف الفندق

 

[أم صالح]

رووري امريكا صج مو وايد رخيصه والله في اشياء الكويت ارخص منها ماعدا الماركات الامريكيه تعتبر رخيصه مثلا مايكل كورس بأمريكا مايقارن بمايكل كورس الكويت لا بضاعه ولا سعر أهناك اينن وارخص سي كي بعد يعتبر رخيص وعندك سكيشرز وايد رخيص خصوصا الاوتلت تومي رخيصه وبولو والف لورين بعد أسعارها رخيصه وفي عندهم محلات اسمها تي جي ماكس تلقين فيها ماركات ارخص بوايد من الاوت لت واول ماتدخلين تحسين جنه سوق شعبي او سوبر ماركت بس لما تدورين تلاقين أخذت جينزات لليهال بولو ودكني وتي شيرتات تمبرلاند وتومي وبضاعه كارتر وجواتي كروكس وبوما والله خميت منه وايد بس كل فرع بضاعته غير هذا المتعب أحلى واحد اللي بطريج مالييو

عندك بعد بالجمعيات والصيدليات كريمات ماركة افينو أنا جربت الشامبو والبلسم حلو وجربت كريم جسم زبدة كاكاو وشيا وايد حلو
وفي بالإكشاك في ذا قروف مول وسنشري مول كشك منتجات للشعر اسمه هير أستايل حلو أنا خذيت فير سيراميك وفير الويفي أيهبل وخذيت سيروم وسبراي وعطوني شامبو وبلسم فري.
اتمنى اكون فدتج

 

[أم صالح]

دانه أنا جربت booking.com سهل بس موايد الضريبه بس متعرف اشلون تنحسب

 

[Empty_heart]

 

[^noonaa^]

قوووه بنااات شلوونكم شخباااركم


دانه

انا جربت الاثنين واثنينهم اوكي بس اكسبيديا احسنلج عشان اتعرفين السعر جم يكون بالضبط مع التاكس بس بوكنق لاا يعطيج السعر من غير التاكس فاتتوهقين ماتدرين جم سعره بالضبط

 

[لولوة الكويتية]

الله يحفظكم ياا دانه
تروحون وترجعون بالسلامة


اشلووووونكم يا مسافرات ما رديتوا

 

[لولوة الكويتية]

اب

اب

 

[رووري]

ام صالح تسلمين حبيبتي ويعطيج الف عافيه
ماشالله الله يخلي لنا لكويت كل شي فيها ... بس لأني اول مره اروح امريكا فأبي اعرف شنو اللي ما يطوف عشان اشتريه

 

[ذرابه]

بناااات نصيحه اللي بتروح امريكا لاا تتخيلها انها غيير واحلااا لاااا لااااا لاااا تنصدمون مثلي ههههههه

انا رحت كاليفورنيا توقعتها طبيعه واحلا من اوربا بس اكتشفت انه مايتقارنون في بعض كللش وتظل اوربا احلاا ترا امريكا عاديه واحلا مافيها اليونيفرسال وديزني ..

والمارشال وتي جي ماكس ههههههه ( نصيحه لا اطوفونهم فيهم بلاوووي بين الستاندات بس يبيلج مزاج رااايئ ) 

ولا الباجي عادي وماركاتهم العالميه مو رخيصه بس شنسوي شر لابد منه


واللي تبي شغلاات ما تتطوف فيه ماركه اسمها توري بوش اتوقع بس بامريكاا حلوووه وتومي حق اليهاااال صج ما يتطوف

واللي بتروح فيغاااس فيه محل داخل فندق نيويورك عنده ترينغات وتيشرتات اتينن على فيغاااس والام اند امز بفيغااس احلا وارتب واخف زحمه من نيويورك وطبعا التاكس اقل

والاوت ليت لاس فيغاس برميوم اوتليت كان زوييين بس الفاشون اوتليت ما مدانا نمره ضيعنا وقتنا بالبرميوم حسافه !

 

[wewe1234]

السلام عليكم
ذرابة فعلا نفس كلامي وين الللي يقولون امريكا رخيصة غالية وغالية وغالية والسفرة طلعت علينا بالشي الفلاني السنة اللي طافت رحنا اوربا السعر ماطلع مثل ماصرفناه بامريكا احنا 6 عيالي 4 وانا وريلي كل عرض ب180 دينا ولا 200 كل مدينة العاب نفس الشي الاكل غالي حتى لو طلبنا بيتزا وبطاط وسلطة يطلع ضعفين الكويت اذا مو 3 اضعاف وطبعا المطاعم الاسلامية اذا طلبنا هم مو رخيص
السوق الصراحة مووااااو مادري لان ذوقي صعب ولا مادري شايفة اغلب المحلات موجودة او تشبهها بالكويت او سمعت شي ثاني قالوا لي تمشين وتشترين
مثلا عيالي ماشروا لهم الا من دزني وهولوود وهالطقة اما مجمعات ومحلات لا
محل هولستر حق الشباب هم احس مافي اشيا وايد مثلا انا اكثر شي شريت منه فور ايفر 21
ومن اهلنا شفناهم بالمطار وقالوا امريكا رخيييصه بققنا عيونا :eh_s(12): شنو هم كانو في فلوريدا فاكتشفنا ان الظاهر فلوردا ارخص عشان يرغبون الناس لان جوها مايساعد
ومسأله طبيعه انسوا الا اللهم الجو في سان دييغو حلو خصوصا بالليل برد حتى لوس انجلوس بالليل او المغربيات الجو روعه اما بالشمس حر
( من ناحيتي مافكر اروح لها مرة ثانية ) وتبقى الاذواق متفاوته ومختلفة طبعا
ناس تعجبهم وناس لا
مثلا الكل يمدح اوربا ناس معانا بالقروب السنه اللي طافت يقولون هذي اوربا؟ ويييع بس جبال وطبيعه وبعدين نبي سوق نبي وناسه :rgewrg:
تبقى الاذواق متفاوته ودمتم سالمين:eh_s(7)::eh_s(7)::eh_s(7):

 

[لولوة الكويتية]

اشلووونكم بنات

 

[فرحه عمر]

اي بعد بنااات لو بحجز من booking.com

اشلون اعرف السعر بعد الضرايب !

السعر الي محطوط من غير الضرايب اشلون اضيف الضرايب عشان اعرف بالضبط جم يكلف الفندق

اهلا اختي احنا حاجزين من هالموقع وحجوزاته 100%
الضريبه عندهم يوميه ب 23,5 دولار يعني على كل ليله بياخذ منج هالمبلغ
ونصيحه خلي بالفيزا مبلغ وقدره لانه مايتعاملون الا فيها يعني بالتشيك اوت من الفندق يعطونج فاتوره بالتفصيل وخلاص ياخذون المبلغ من الفيزا ووقت التشيك ان يحجزون مبلغ وقدره تأمين ويرجعونه لج من 4- 6 ايام بالكثير

 

[فرحه عمر]

وان شاءالله تلاقونه دوري صوب البطاط واذا حستي شوي وماعرفتي عادي وريهم صوره حق ستاف او الي يشتغلون هناك واهم راح يدورونه لج
لان انا عندي سيف وي قريب من شقه ودايما احصله عندهم

مشكوره يالغاليه لقيته في محل اسمه DR مادري شنو نظامه هالمحل هو جمعيه صغيرونه ولا بقاله ولا صيدليه ولا محل مكياج !!! ولقيت عندهم المنشوووووووووووووز ب 99 سنت هههههههههههه
يعني انا غلبتج واخذته ارخص بس حسافه مو نفس اللي في بالي مااااااااااالح حيل

لقيت عندهم لزقات الاظافر ماركه سالي هانسن عجيييييييبه زخيت الاكووالماكو
وعندهم ماركه فيزشن فورمولا حلوه كنت باخذ لوزباودر فاونديشن مادحينه لي بس قررت اخذ بلشرات وحلوه بلشراتهم طبيعيه


الحبيبات اللي كتبو اسامي المحلات والفناتق يعني عقب مارديت اجتهدوا :eh_s(11)::eh_s(11)::eh_s(11)::eh_s(11):

 

[مجنونة حبه]

سوري بنات انا مو دفاعا عن امريكا ولا شي
بس حبيت اوضح لكم جم شغله
اولى اتقولون مافي طبيعه بكاليفورنيا
اقولكم ترا كاليفورنيا مو بس لوس انجلوس ولا سان ديغو ولا اورنج كاونتي هذولا مناطق سكنيه وجامعات واشغالهم يعني اذا تبون الطبيعه
مفروض صعدتو فوق بعد فوق سان فرانسيسكو عندكم يوسيمتي ورد وود وليك تاهو وبعدها ولايه اورجن الي اتصك اوربا بجنتها وجوها وطبيعتها الخضره وجبال وشلاللات والاهم فيها كريتر ليك فوهه باعلى جبال

يعني يايين شهر ولا نقول شهر ونص واقل وتبون اتشوفون كاليفورنيا ول امريكا سوري بس اغلبكم غلط طريقتهم يايين ماتعرفون شي كلش اللهم بس اشوف الكل هبه اسوقه ومجمعات ودزني واشياء ترفيهيه اوكي مكانكم صح بس اذا تبوون اتشوفون امريكا هالاماكن كانت جزء بسيط منها
انا رحت اوربا وقطعتها قطوع من جنيف وباريس والمانيا وزلمسي ترا صغيره وتكفي وطبيعتها غالبه الاماكن ومجمعاتها
بس لاتقارنون بشي شفتوه وشي ماشفتوه
ماشاءالله الي ايي واغلبهم شباب ينسون اسمه اسوقه ومجمعات يايين يشوفون امريكا وبالسياره يقطعون امريكا قطوع وشوفوا الصور والاماكن الي يروحولها عجييبه ويخلون تسوق ومشتريات اخر شي اخر يومين

احنا صراحه الكويتيات انفكر بالسوق اول شي قبل الوناسه ما اقول الكل الاغلب ومنهم حمولتي يايين وطاقين طريج وكله مجمعات مع ان في محلات بالكويت قاعدين يفتحون نفسها الي بامريكا

طاقين جناطكم ومسافرين ١٦ ساعه حق سوق لا يبا قعدوا بالكويت واستانسوا فيها
بس اذا يايين تكتشفون واتشوفون امريكا تعالوا وسووا سيرج وشوفوا لا تسالون كل وحده وين راحت وشنو شافت لان كل واحد واسلوبه وطريقته تختلف عن الثاني

والاسعار تختلف ترا ووالاكل بعد ومطاعم لاتقارنون مع ان اقدر انا اقارن مطاعم الكويت بامريكا وترا الي تقول كويت ارخص اقولها غلطانه روحي نفس المطعم وقارني عدل الكويت صارت اتبالغ باسعارها حيل

ومثل مايقولون ابداء الرأ لا يفسد في الود قضيه وكل واحد ذوقه ونظره وحكمه بالشي الي شافه

 

[فرحه عمر]

مجنونه حبه
ان اتفق معاج بالراي انا وزجي هذا طبعنا اخر يومين بالسفر نتفرغ للشوبنغ واذا مرينا على مول مايمنع نتمشى فيه
بس يا اختي مابقى منتدى ولا موضوع عن السفر لامريكا الا ودخلناه والاماكن اللي ذكرتيها مامرت علي نهائي واغلب اللي يذكرون الاماكن يحددون انه المكان الفلاني والمول الفلاني او المطعم الفلاني كان الافضل بتقييمهم عشان جذي احنا ممكن ناخذ برايهم والراي الاول والاخير طبعا لنا احنا نتخذ القرار نروح او لاء

معلش انا اختلف معاج لما قلتي مريت جنيف وزلمسي وغيرها هذي مقدوووووووووووور عليها الديره قريبه وتذاكرها والسكن هين تقدرين تروحين لها مره ومرتين وثلاث وانا قطعت دروبها حتى بالقطارات اونس من السياره ومن جنيف لفيينا انتي تعرفين وين بتروحين وخط سيرج واحد مرورا على ميونخ اذا حبيتي لكن امريييييييييكا غيييييييير من وجهه نظري
امريكا الطريج بس يخليج تعيدين حساباتج وبعدين نيويورك شمال وفلوريدا جنوب وكاليفورنيا غرب معلش يعني حتى بالسياره مستحيل ماكو الا طيران داخلي شنو بتشوفين فيه؟؟ يعني اذا فرضت اني بلوس انجلوس وبطلع على الورانج كاونتي جم ساعه ؟؟ ومنها لسان فرانسيسكو جم ساعه؟؟الا اذا انتي مسافره مطوله بالديره كظروف عمل اول دراسه ممكن تطلين بره هالولايات تستكشفينها
انتي قلتي شبااااااااااااب يعني الامور سهاله عندهم ونسيتي انه اغلب اللي يروحون عايلات يعني الاعمار متفاوته وكل واحد يبي شغله غير واللي معاه اطفال وين بيوديهم غير اليونيفيرسال وديزني؟؟ مو معقوله بيوديهم درب 4 ساعات عشان شلال ولا وادي
لا تزعلين مني بس حبيت ابدي رايي
وعن نفسي مافكر اروح غير نيويورك او لوس انجلوس بالدرجه الاولى لانه الجو احلى لكن مو قبل 5-7 سنين يمكن اشتاق لها

 

[مجنونة حبه]

مجنونه حبه
ان اتفق معاج بالراي انا وزجي هذا طبعنا اخر يومين بالسفر نتفرغ للشوبنغ واذا مرينا على مول مايمنع نتمشى فيه
بس يا اختي مابقى منتدى ولا موضوع عن السفر لامريكا الا ودخلناه والاماكن اللي ذكرتيها مامرت علي نهائي واغلب اللي يذكرون الاماكن يحددون انه المكان الفلاني والمول الفلاني او المطعم الفلاني كان الافضل بتقييمهم عشان جذي احنا ممكن ناخذ برايهم والراي الاول والاخير طبعا لنا احنا نتخذ القرار نروح او لاء

مو شذي اقول كلكم تتبعون على نمط واحد بالسفر مجمعات ومولات واماكن سياحه بسيطه
بس اذا سويتوا سيرج بتلاقون مو شرط بالعربي بالانجليزي وفي كتب بعد يذكرون السياحه بامريكا

معلش انا اختلف معاج لما قلتي مريت جنيف وزلمسي وغيرها هذي مقدوووووووووووور عليها الديره قريبه وتذاكرها والسكن هين تقدرين تروحين لها مره ومرتين وثلاث وانا قطعت دروبها حتى بالقطارات اونس من السياره ومن جنيف لفيينا انتي تعرفين وين بتروحين وخط سيرج واحد مرورا على ميونخ اذا حبيتي لكن امريييييييييكا غيييييييير من وجهه نظري

اي وانا شنو قلت ان اوربا صغيره من ناحيه سياحه مقارنه بامريكا قراب حيل وتروحين اكثر من ديره بفتره صغيره وسياحتها او الاماكن مو وايد ولانها كلها داخله بعض مو مرتبه عدل

امريكا الطريج بس يخليج تعيدين حساباتج وبعدين نيويورك شمال وفلوريدا جنوب وكاليفورنيا غرب معلش يعني حتى بالسياره مستحيل ماكو الا طيران داخلي شنو بتشوفين فيه؟؟ يعني اذا فرضت اني بلوس انجلوس وبطلع على الورانج كاونتي جم ساعه ؟؟ ومنها لسان فرانسيسكو جم ساعه؟؟الا اذا انتي مسافره مطوله بالديره كظروف عمل اول دراسه ممكن تطلين بره هالولايات تستكشفينها
انتي قلتي شبااااااااااااب يعني الامور سهاله عندهم ونسيتي انه اغلب اللي يروحون عايلات يعني الاعمار متفاوته وكل واحد يبي شغله غير واللي معاه اطفال وين بيوديهم غير اليونيفيرسال وديزني؟؟ مو معقوله بيوديهم درب 4 ساعات عشان شلال ولا وادي
لا تزعلين مني بس حبيت ابدي رايي
وعن نفسي مافكر اروح غير نيويورك او لوس انجلوس بالدرجه الاولى لانه الجو احلى لكن مو قبل 5-7 سنين يمكن اشتاق لها

اي مو انا شنو قلت عدد الايام شويه اذا تبين تتمشين بامريكا كلها وتلفين من ولايه الى ولايه مع اليهال ما يلحق علشان شذي الواحد يقعد بولايه وحده ويتمشى فيها وكلشي بالتخطيط وتنسيق يصير ومسافه الي قلتي عنها اربع ساعات منو قال من سان فرانسيسكو الى مناطق الشلالات ترا ساعتين ولا بالكثير 3 ساعات
يعني تقدرين اتروحين وتباتين اهناك في اكواخ وكامبينج ناس تقعد اهناك يومين ولا 3
واكيد اذا اليهال معاج تودينهم دزني ويونيفيرسال والاماكن وايد بعد حق الاطفال سكس فلاجز والاكواريوم
واماكن وايد بعد بس انتوا تبون اتشوفون طبيعه بعد وترا كل مكان الي قتلكم ياه ترا امسوين حق اطفال وحاسبين احسابهم عيل انا عندي ماشاءالله اثنين يستانسون بالثلج اكثر شي امسويين لهم شغلات ترفيهيه
يعني مو كل وقت حق يهال واحد اذا سافر ينوع باكثر من مكان ويشمل كل الاعمار
وعادي هذا رايج واتقبل فيه من غير زعل بس حبيت اوضح من خلال خبرتي وقعدتي فيها
ادري امريكا كبيره ومناطق بعيده بس الواحد يقدر يستانس فيها بوان شاءالله المره اليايه بتستانسون اكثر

 

[أم الفارسة]

دانه أنا جربت بوكنك هم ما خدمني عطاني معلومات غلط عن موقع الفندق توهقنا يومها وايد بعيد عن المدينة بس الحمدالله حصلنا غيرة