تجمع طالبات الاداب ~ colleGe oF ARTS ~ حياكم =)

[.:: عشوقه ::.]

هآآآآآي ... شلووونكم آن شآءالله بخخير :eh_s(9):

حبيبآآتي ممكن خدمه

بكتب اسامي مواد وابي احسن دكاتره

تاريخ حضاره
سعود العصفور
جمال الزنكي
نايف الشمروخ

مهارات اتصال
عبدالله الكندري
اشرف حافظ

مدخل اعلام
حسن مكي

تاريخ الكويت
نواف الحميدي المطيري

جماليات
ما مر علي دكتور زين

ثقآفه آسلآآآآميه
مادري :\

وبببث :eh_s(22):

موفقه حبيبتي و اسامي الدكاتره اللي كتبتهم لج ترى عن تجربه شخصيه و حدهم عسسسل :rerrerek:

 

[sherazia-x]

8

مآرآح آروح اللقآء آلآرشآآدي آحس مآله فآيده !!!

منو توآفقني ؟


____________________

بنآت اذا بغيت اودي مستندآآتي اروح الشويخ ؟؟ عند القبول والتسجيل ؟؟

هممن انآآ ماراح ارووح :eh_s(1):

 

[عذبة الاطبآع]

بنات باجر اختباري مهارات اتصال فاينل عند الدكتور زكريا

الامتحان موضوعي صح ؟!؟

و ادعولي تكفووون

 

[×~NoOoSh~×]

عيون​

ما اتوقع اكو غيره لان قبل فتره لقاء تنويري ​

جامعيه​

والله انا محتاره يمكن اروح !​

عذبه​

الله يسهل عليج الامتحان
موفقه​

 

[عزتي تنهاني]

بنات انا للحين ما سجلت كورس اول بكون خريجة ان شاء الله ما تدرون متى التسجيل المتاخر !!!!

 

[.:: عشوقه ::.]

بنات انا للحين ما سجلت كورس اول بكون خريجة ان شاء الله ما تدرون متى التسجيل المتاخر !!!!

حبيبتي التسجيل المتأخر راح يكون 23 - 8 - 2011

و الباي فورس راح يكون من 11 الى 15 - 9 - 2011

منقول من برودكاست دزته وحده من بنات القائمه المستقله

بالتوفيق حبوبه

 

[عزتي تنهاني]

ما قصرتي عشوقة جزاج الله خير بس اذا الباي فورس بتاريخ ١١ / ٩ اجل متى الدوام ؟؟؟؟

 

[~عيون الحب~]

سجلت تمهيدي عند مالك الحسين من 8 لي 9:50
ما افتك من قعده الصبح لوول

 

[×~NoOoSh~×]

بنات شنو تعرفون عن بنيان سعود التركي

كلي اماني .،
فدييييتج يننتج اليوم شفتي احسن الدكاتره بعد ال12 :'(

 

[ريحْ المَطرْ]

لا مآرآح آروح اللقآء مآله دآآعي


بنآآآت


شرآآيكم

بعدنآن محمد الغزآل ( مهآرآت آتصآل )

و

حسين المسرى ( تآريخ آلحضآره)





بنآآت معآكم جآمعيه :krkrkr:مآ آنتبهت ان دآخله بنطهى من آمس

 

[KelyAmanii]

ما قصرتي عشوقة جزاج الله خير بس اذا الباي فورس بتاريخ ١١ / ٩ اجل متى الدوام ؟؟؟؟

الدوام يوم 18/9 يبدأ :d

 

[KelyAmanii]

سجلت تمهيدي عند مالك الحسين من 8 لي 9:50
ما افتك من قعده الصبح لوول

مآعليه حبيبتي ،

يكفي ان دكتورج رووووعه :rerrerek:

موفقه يَ رب ~ :eh_s(7):

 

[KelyAmanii]

بنات شنو تعرفون عن بنيان سعود التركي

كلي اماني .،
فدييييتج يننتج اليوم شفتي احسن الدكاتره بعد ال12 :'(

فدااج امووني :$

لووول اهم شي سجلتي ، اي صح صارت الموآد العصر :eh_s(2):

بالنسبه لـ الدكتور بنيان التركي ،

يمدحوونه ويقولون امتحآنآته سهله ،

يلتزم بالحضور ، ومآيحب التأخير ممكن يطرد !

وانتبهي معآهـ لأنه فجأه يسأل ومآيهدج لين تجآوبين

ويقولون لا تعرضينه بأي شي ولا ترآددينه كلش ،

بس حيل يمدحوونه

رغم ان فيحان العتيبي اخييه اليوم لو خذيتي عندهـ

بس مشكله وقته العصرر :eh_s(4):

اهم شي سجلتي عند دكآترهـ زينين

موفقه حياااااتي :eh_s(7):

 

[~عيون الحب~]

kely amani ~
اي والله اهم شي الدكتور زين ويمدحونه
لما رحت كانت كل شعب التمهيدي مبطله وفي الظهر بس كنت ابي هالدكتور
الله يسلمج حبيبتي ويوفقج يارب :**

×~NoOoSh~×
شنوو سجلتي ؟ اكيد مادتين صح :eh_s(10):
بالتوفيييج :eh_s(17):

 

[صب القفشه]

بنات ليش المعدل تغير بالسستم ؟؟ شنو طلعو القريدز ؟؟

 

[BubbLe87]

فديت الآداب كليتي السابقة حدي ولهانة عليها :*

 

[Green tea 93]

السلام عليكم


بنات عندي استفسار ضروري

انا اليوم كان تسجيلي و خذيت تمهيدي انجليزي وانا بحول ان شاء الله

يقولون اللي بتحول ما تاخذ تمهيدي

والمشكلة ان عند دكتورة ضحى معرفي لما طلعت ما مدحولي اياها بنات القوائم بليز الحين بيضيع كورس كامل على بلاش

 

[بش بش |]

قوه بناات انا مستجده بالاداب وسجلت مادتين
مهآرآت اتصال
عند اشرف حاافظ
جمآليات ادب
عند توجيه اسمااعيل


شنو رايكم بالدكااتره ابي اعرف عنهم بليييييز اذا هم زينين ولالا ؟؟

 

[×~NoOoSh~×]

فدااج امووني :$

لووول اهم شي سجلتي ، اي صح صارت الموآد العصر :eh_s(2):

بالنسبه لـ الدكتور بنيان التركي ،

يمدحوونه ويقولون امتحآنآته سهله ،

يلتزم بالحضور ، ومآيحب التأخير ممكن يطرد !

وانتبهي معآهـ لأنه فجأه يسأل ومآيهدج لين تجآوبين

ويقولون لا تعرضينه بأي شي ولا ترآددينه كلش ،

بس حيل يمدحوونه

رغم ان فيحان العتيبي اخييه اليوم لو خذيتي عندهـ

بس مشكله وقته العصرر :eh_s(4):

اهم شي سجلتي عند دكآترهـ زينين

موفقه حياااااتي :eh_s(7):

ريحتيني كنت احاتي
اجمعين ان شاء الله :yaaaaaarb:

kely amani ~
اي والله اهم شي ال
دكتور زين ويمدحونه
لما رحت كانت كل شعب التمهيدي مبطله وفي الظهر بس كنت ابي هالدكتور
الله يسلمج حبيبتي ويوفقج يارب :**

×~NoOoSh~×
شنوو سجلتي ؟ اكيد مادتين صح :eh_s(10):
بالتوفيييج :eh_s(17):

اي مادتين
الاولي عند بنيان التركي الساعه 8
والثانيه عند امل خلف الساعه 9
اجمعين ان شاء الله :eh_s(22)::eh_s(22):

 

[×~NoOoSh~×]

لا مآرآح آروح اللقآء مآله دآآعي


بنآآآت


شرآآيكم

بعدنآن محمد الغزآل ( مهآرآت آتصآل )

التقييم ملاحظات الطلبة
- النجوم:*
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: مهارات الاتصال التاريخ: 2011-04-27
الطالب: Q8ya رقم التقييم: 23174*
مــــادري شنو أقول عن هالدكتور*
فعلاً يحب الكل يتفوق و بدون أي مبالغة !!
وده كل طلبته يطلعون متفوقين ، و يعطي بونص مو بخيل بالدرجات أبداً ، يحب الحضور و نوعه يحفظ الطالب

و بالنسبة لاختباراته فهي ما تطلع من النوت أبداً و ساعات تلاقون نفس المثال اللي قاله بالمحاضرة !!

و دائماً يردد بيت شعري يحفزنا فيه ، و هو :
و لم أرَ في عيوب الناس عيباً كنقص القادرين على التمام
حفظته من كثر ما يقوله*

صراحة الدكتور رائع و يعطي بونص و اختباراته تعرفونها مسبقاً و طيب و متساهل من ناحية الغياب يتقبل الأعذار

و أنا أشجعكم تاخذون عنده لأنه فــــرصـــة وربي
و يمكن أشجعكم أكثر لو قتلكم أن الكورس الصيفي لسنة 2009/2010 6 أو 7 بنات طلعوا عنده 100% .

))))

- النجوم:*
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: مهارات اتصال التاريخ: 2011-02-16
الطالب: mimi رقم التقييم: 23047*
السلام عليكم ورحمة الله وبركاته

الدكتور عدنان غزاال

واااااي ياحلاته من دكتووور اخلاق بالتعامل وقمه الاحترام >> اتكلم عنه كشخصه

واخلاص بالشرح ماشاء الله >بس انا كنت معطى الماده سكب*

واختباراته ماتطلع من نوته مدتيرمين 20 و20 وغياب ومشاركة 10

وفاينل 50

بس صراحة انصح فييه لان حييل حبووووب ويساعد بالفاينل يرفع قريد


والله ولي التوفيق

- النجوم:*
- المستوى: سهل جدا
- الشرح: شرح متوسط
- حصلت على: C
لا ننصح به
المـادة: مهارات الاتصال اللغوية التاريخ: 2011-02-02
الطالب: anfal90 رقم التقييم: 22669*
السلام عليكم*

الدكتور حبوب بس شرحه ضعيف للي مستواه مو زين بالعربي من قبل*
ويعصب اذا ما فهمنا*
يعطي كل واحد حقه ويزيده بعد*
بس البنات اللي يحفظهم يساعدهم هذا اللي كنت اسمعه عنه قبل لا اخذ الماده
حفظني بس ما ساعدني بالفاينل مع اني حاله احسن من الميدتيرمين وانا ماحب اروح اكلم دكاتره عالدرجات*

بس ما انصح فيه يوعد ويخلف

- النجوم:*
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: مهارات اتصال التاريخ: 2011-01-04
الطالب: خريجة 2010 رقم التقييم: 22360*
السلام عليكم والرحمة
تفاجأت لما قريت ذم بالدكتور
الدكتور عدنان غزال من اروع اروع الدكاترة
ادب واخلاق وشرح وضمير
شنو تبون اكثر من جذي
اساسا لو بتكلم مايوفي الكلام
اول مرة اشوف ناس تتضايق من الكلام الديني
اهو مايقصر يعطيج كل درس بمحاضرة بروح
شهادتي في مجروحة
اهو صج يحاسب ع الغياب والحضور
بس غيبي المحاضرات كلها مايحاسب عليها
لان يقول كل انشان له ظروفه

اتمنى الكل يصلح فكره عنه*
لان من اروع الدكاترة
ويعاملنا صج كبناته*

- النجوم:*
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات الاتصالات اللغوية التاريخ: 2010-08-31
الطالب: nonosh90 رقم التقييم: 21695*
والله والله عشر مراااااااات الدكتور واد زييين*

الامثله الي يعطيكم اياها بالمحاضره نفسها اتيي بالامتحااااااااان بنفس الصيغه بس المعنى يختلف لكن الاعراب واحد*

والمنهج مار علينا ايام المتوسطه وسهالااات لاتحاتووون*

الدكتور يحب الي ماتغيب وتشارك يعني تقرا الدرس وو الي تقعد جداااااااام تحسسه انها مهتمه*

الي تسوي هالاشياااء تضمن ال A واهيااااااااااااا ماشيه وبالعافيه عليكم*

- النجوم:*
- المستوى: صعب جدا
- الشرح: شرح جيد جدا
- حصلت على: C
ننصح به
المـادة: مهارلت اتصال التاريخ: 2010-07-13
الطالب: sno0o0o0w رقم التقييم: 21292*
الدكتور طيب وحبوب ... بس امتحانة صعبة ودقيقة ... ويبيلها تركييز*
مايهتم للحضور والغياب بس جذي يسجلة ... والفاينل كان تعجيزي

- النجوم:*
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: مهارات الاتصال التاريخ: 2010-06-15
الطالب: youta رقم التقييم: 20722*
الدكتور يونس*
صحيح وايج يتكلم بمواضيع و قصص و يا ويلك اذا رحتيله الساعة المكتبية طالبة شي ,, ما تطلعين الا و هو حاكي قصة حياته بس طيوب .. و كتبي وراه الامثلة لأنه تره بييبهم نفسهم بالامتحان

- النجوم:*
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: مهارات اتصال لغوية التاريخ: 2010-04-19
الطالب: totally-sweet رقم التقييم: 20315*
بصرااااحه هالدكتوووور شهادتي فيه مجروووحه*
والله والله وبكل امانه لنا مو شاطره بالقواعد وكنت ماخذه الماده عند زكريا وطلعت فيها D , اما عند عدناان والله شقول وشخلي اخلاق ادب ويشرحلك بضميير ويساااااعد لأبعد الحدود وبالعكس اللي يذمووونه انا اقولكم ما عندكم سالفة اكيد التقصير منكم مو معقوووله الدكتووور براكض وراكم مكان مكان ويتابع معاكم درس درس تبون تستهترون وتغيبون وماحد يحاسبكم على الغياب روحو عند زكريا !
بس والله دكتووور عندنان غزال من افضل الدكاتره اللي مرو علي بحياتي , دكتووور ونعم الدكتووور والله وكافي انه مكتبه بالاداره فوق داخل قسم الادراه والتسويق هذه عشان يسهل علييكم وما تروحون كيفان تتعنون له عشان تسألون بعد شتبون اكثر من جذيه دكتووور وبالنسبه للحضون والغياب الدكتوور بالعكس كلش مو شديد يوزع ورقة بأول المحاضره وتمر على الطلاب ويحطون صح اذا كانو حاضرين وبالعكس الدكتووور ما يسوي جذيه عشان ياخذ الغياب وبس اهوا ياخذه عشان الطلبة ما يستهترون ويغيبون , والله الدكتووور حييل محترم ويعطي من قلبه ويحالو كثر ما يقدر انه يوصل لك المعلووومه*
كلمة اخيره : اشكره من كل قلبي الدكتووور

- النجوم:*
- المستوى: صعب جدا
- الشرح: شرح جيد جدا
- حصلت على: B
ننصح به
المـادة: مهارات الاتصال التاريخ: 2010-01-20
الطالب: حــلا رقم التقييم: 19448*
د. ممتاز ويقدر الطالب جدااااااااااااااااااااااااااااااااااااااااااااااااااااااااااااااااااااااااااااااااااااااااااااا لأبعد حدود ...

صح مثل مل قالوا خواتي المحاظره تنوم وطويله تدرون ليش ؟؟؟؟؟...........

لانه يعطي كل شي ويحاول يوصل المعلومه بكل الطرق ...

والله بماااااا أقول شهييييييد ....

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: مهارات إتصال التاريخ: 2009-09-14
الطالب: aliali777 رقم التقييم: 18854*
مدرس ما يسوى*

إذا كان آخر مدرس بالكويت ما أطب عنده*

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: مهارات التاريخ: 2009-09-14
الطالب: meme رقم التقييم: 18823*
وييع

- النجوم:*
- المستوى: متوسط الصعوبة
- الشرح: شرح متوسط
- حصلت على: C
لا ننصح به
المـادة: مهارات اتصال التاريخ: 2009-09-13
الطالب: om 3li رقم التقييم: 18814*
الدكتور شرحه حلو بس امتحاناته يبيلها تركيز*
مو حلوة امتحاناته باختصار ..
اذا لقيتو احسن منه بالشرح وواحد يعطي درجات لا تاخذون عند عدنان .. اما اذا مافي اخذو عنده بس شدو حيلكم وحضروا .. موفقين

- النجوم:*
- المستوى: متوسط الصعوبة
- الشرح: شرح ممتاز
- حصلت على: C
لا ننصح به
المـادة: مهارات اتصال التاريخ: 2009-07-31
الطالب: trakmiya رقم التقييم: 18487*
حلوة محاضرته
يقول فيها قصص ديينية
وينكت ولا يعلق على وحدة
كل الامثلة عليها
حق الدرجات مو خوش

- النجوم:*
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: مهارات لغويه التاريخ: 2009-06-24
الطالب: el70b رقم التقييم: 17761*
باختصار شديد*
ويع*
امتحااته صعبه*
والشرح ويع*
- النجوم:*
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات الاتصال التاريخ: 2009-02-23
الطالب: ghazal494 رقم التقييم: 16859*
من افضل ادباء العصر الحديث

ادامه الله ورعاه

- النجوم:*
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: مهارات اتصال 101 التاريخ: 2009-02-15
الطالب: shosha رقم التقييم: 16680*
بسم الله الرحمن الرحيم*
السلام عليكم

..............

الدكتور زين ويساعد بالدرجات .. للأمانه انا على تقديمي في الامتحانات ورغم اني اغيب واجد مع هذا اخذت أي صراحه انا اقيم نفسي بي*

وبالنسبه حق امتحاناته سهله يعني الامثله اللي ناخذها نفسها بالضبط تجي ويراعي بالتصحيح

اهم شي تقدمون زين في امتحانت الميدتيرم ويعرفكم الدكتور راح يساعدكم واهوا عموما يساعد الكل*

وعن اللي يقولون انه يظلم او شي من هالقبيل ماعندهم سااااااالفه

انتوا عطوا الماده حقها وتابعوا المحاضرات وتضمنون ال a ولا تطوووووفكم الامثله اللي بالمحاضره لأن مايطلع الامتحان منها*

وشكرا

- النجوم:*
- المستوى: صعب
- الشرح: شرح متوسط
- حصلت على: C
لا ننصح به
المـادة: مهارات اتصال التاريخ: 2009-02-11
الطالب: Rawa2 - Q8 رقم التقييم: 16570*
الدكتور زين

بس العيب بالماده ! يعني اتوقع اللي يحب النحو و يفهم فيه ما راح يلقى صعوبه !

امتحاناته صعبه !

و يحب المشاركه واايد

انا ما ارتحت بمحاضراته لان صوته عالي وايد و مزعج لوولز

- النجوم:*
- المستوى: صعب
- الشرح: شرح جيد جدا
- حصلت على: D
ننصح به
المـادة: مهارات إتصال التاريخ: 2009-02-04
الطالب: Giampiero رقم التقييم: 16452*
كـ بداية ..
أقدر أقول إنه دكتور جيد ..*


قبل ما أبدأ ملاحظتي ، أحب أوريكم تقسيمتي " للنجوم " ..
- نجمة للإمتحانات
- نجمة للواجبات
- نجمة لشخصية الدكتور
- نجمة للشرح
- نجمة للدرجات

الواجبات ؟ ما يعطي واجبات .. ومرات يعطي بس ينساهم .

شخصية الدكتور ؟ للأسف متكابر ، ولكم عليه " ثقيل ظل " للأسف .. ما يعطي الطلبة " ويه " ..*

الشرح ؟ شرحه ممتاز للأمانة ..*

الدرجات ؟ يعطي كل ذي حقاً حقه ..*

الإمتحانات ؟ صعبة نوعاً ما .. أو مايلة للصعوبة .. ويحاول يستعمل التريكس ..*




وإن شاء الله ما أكون مجامل أو ظالم الدكتور ..

- النجوم:*
- المستوى: سهل
- الشرح: شرح ممتاز
- حصلت على: A
ننصح به
المـادة: مهارات اتصال التاريخ: 2009-01-29
الطالب: A.A.H رقم التقييم: 16190*
جزاك الله خير يادكتور عطيتني حقي واكثر من حقي والله انك خووش دكتور علم وادب ويساعد الطلبة بعد شتبون اكثر من جذي

- النجوم:*
- المستوى: سهل
- الشرح: شرح ممتاز
- حصلت على: C
ننصح به
المـادة: جماليات الأدب العربي [102] التاريخ: 2009-01-28
الطالب: Mathool رقم التقييم: 16162*
واللـــهـــي خوووش دكتوور ،، محترم وذووق ،،،

بس لكم عليه شوي مزعج يقول نكت ما تضحكـ :q ،،،

امتحاناته وااايد سهله،، ركزوو ويااه بالكلاس وخططو كل شـيء،،

وإذا في شي ركز عليه ترى يعني راح ايبه بالإمتحان،،

وانا تخصصـي انجلش[يعني انا والعربي ازمه] وطلعت C،،*

شدو حيلكم وياه وماراح يقصــر ،، لانه يوزع الدرجات بالهــبل ^_^

- النجوم:*
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: مهارات الاتصال اللغوي التاريخ: 2009-01-11
الطالب: الفيلسوف المزعج رقم التقييم: 15954*
دكتور مرتب في الشرح... ودقيق جدًا

ويختار الجمل بتنوع تام... آيات و أحاديث و أشعار متنوعه و جمل يوميه حياتيه...

الشيء الذي لفتني فيه.. هو أنه كان يوجه لنا نصيحه في كل محاضره.. ..!! وهذه النصيحه تكون عامه وبمجالات مختلفه... وبعد ما يوجها يطلب منا أعرابها...!!!

كانت محاضراته ممتعه... على الرغم من شلافة النحو...


S.J.K

- النجوم:*
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات اتصال + جماليات أدب التاريخ: 2008-09-29
الطالب: شاعر^يعشق^العلمية رقم التقييم: 15545*
أهلا هلا حيّا بكم


الدكتور رائع

شرح قوي جدا ومؤسس ممتاز لقواعد اللغة والأدب
محاضر سابق في مكتبة البابطين وذو علم غزير
بخصوص الشرح : والله وبـ الله وتـ الله أقوى شرح لغة مر علي بمواد العربي
خصوصا اني اخذت جماليات ادب ومهارات اتصال ونحو واحد
شرحه صخر , أسلوبه رائع , خلوق جدا , يحرص على الغياب
يتحمل وصول الغياب لأكثر من 10 محاضرات وما يعطي FA
يقّدر ظروف الطالب لأبعد الحدود




بخصوص الامتحانات والله العظيم الي يكتبه بمهارات الاتصال بالنوت نفس المثال بالنص
وبخصوص جماليات الي يقوله نفسه بالنص وهو يقول لونوا هالمعلومه مهمه
يا جماعه نتقي الله بالدكتور عدنان شفت التقييمات والله عكس ما تقولو
الله يحفظه
و

حسين المسرى ( تآريخ آلحضآره)



المـادة: تاريخ الحضاره الاسلامية التاريخ: 2009-03-05
الطالب: bobo رقم التقييم: 16963*
لووووووووووووووووووووووول هالمحااااااضره حدهااا نكتهه والله قعدوو وو تنحووو بالدكتوور << حبيييييييييبي جنه بابا نوييل طيييييب *


المحاااااااضره حدهاا تدوخ وو نوعه الدكتوور وقت المحاضره بالظبط يبلش وو مايخلص الا بالظبط يعني يحسبهاا عدل*

وو امتحاناته وااااااااايد صعبهه وو غيييييييير مفهوومه كلش وو نوعه مايراجع الامتحان معاكم الا لمن تمتحنوون وو تزفتوون وو يالله يفكر يحل الاجوبه معاكم و لو سؤال مو موجوود يحطه عااادي ماعنده اي مااااانع*


امااااااا الشرررررررح فأحسنلك حطلك مخده وو كمبل و ناام لان حدها نوووم وو برووووووووووووود فيي مو طبيعي*


اما بالنسبه للظحك : فوااااايد يقوووول (( العفووو )) كااااااك وو احلى شي لمن يقووووووووول ((لااااا ياطالب \ه )) والله نكته

- النجوم:*
- المستوى: صعب
- الشرح: شرح متوسط
- حصلت على: B
لا ننصح به
المـادة: تاريخ الحضارة العربية الاسلامية التاريخ: 2009-02-15
الطالب: شوشو رقم التقييم: 16705*
بصراحة مادري شقولكم عن هالدكتور غريب عجيب....

محاضرته مملة وتزهق ودك تطق راسك بالطوفة من كثر ماتمل ويبي مشاركة 24 ساعة وياويل اللي يقرى من الكتاب يفشله جدام الطلبة واسلوبه بايخ عادي يمصخرك جدام الكل

امتحاناته دسمة ويموت على شي اسمه اسامي اصلا هذي لعبته ما يظل اسم بالكتاب إلا ويابه بالامتحان بس تصليحه ماقدر اقول عنه شي لأن انا كانت درجاتي زينة بس اللي معاي يقولون في ظلم بالتصليح

ساعات يسولف ويقول مواقف نموت عليها من الضحك وهو طيب لكن الله يسامحه ظلمني بالقريد انا يايبة بالكويز 14 من 15 والمدتيرم 24ونص من 25 والفاينل حليت عدل وحطلي bولما رحتله يقولي انتي درجاتج زينة بس ما تشاركين اصلا انا رافعج المفروض احطلج c روحي الله يوفقج وبصراحة انا ماحبيت اسلوبه لأن في نوع من الاستهزاء

اللي يبي ياخذ عنده لازم يبلع الكتاب

- النجوم:*
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: تاريخ الحضارة العربية الاسلامية التاريخ: 2009-01-28
الطالب: hnhn رقم التقييم: 16159*
حراااام عليكم :/*
شفيكم عليه !!

والله الدكتور حقاااااني و طيوب و يهبل والله :_: بس يمكن امتحاناته دقيقة و موضوعية و مقالية وحريص على المشاركة في المحاضرة و ما يحذف من المنهج و يحضر بالوقت و مايغيب ماشاءالله..*

طريقته :
امتحان quiz عليه 15 درجة و موضوعي بس*
و مدتيرم واحد عليه 25 موضوعي و مقالي
و المشاركة أهم شي عنده وايد وايد مهمة ..يعني بعد ما تنتهي المحاضرة ياخذ الحضور و يحط صح عند اللي شاركوا و يجمعهم و يحط لك الدرجة وعليها 10 درجات
و الفاينل عليه 50 درجة موضوعي و مقالي سؤالين تختار واحد وطبعا امتحاناته بخط ايده ! ويقولنا صج خطي مو حلو بس واااضح !!! لوووووووووول

عموما اللي ما يحب يتعمق بالمنهج و ما يبي يدرس لا ياخذه عنده

أفضل دكتور درسني هالكورس و الله يطول بعمره

- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: تاريخ حضارة عربية واسلامية التاريخ: 2008-10-10
الطالب: [[wounds]] رقم التقييم: 15641*
هالدكتور والله كارثه محاضرته حدها مليقه و ممله..

ما انصح فيه كللللللش..

ما يعرف يشرح بس يقرا الكتاب قرايه ويدش بمواضيع مالها اي علاقه ..

امتحاناته حيل حيل صعبه اسئله مادري من وين ..

ولا مره طلعنا مبجر شوي لازم ياخذ 5 دقايق زياده لووول..

- النجوم:*
- المستوى: صعب
- الشرح: شرح متوسط
- حصلت على: D
لا ننصح به
المـادة: تاريخ حضارة التاريخ: 2008-09-18
الطالب: درة الكويت رقم التقييم: 15396*
شرحه حلو*
المادة سهله*
تعامله معانا زين*
بس الامتحانات الله لا يراويكم مقالية اهما 3 اسئلة اختارو 2 و معطيكم اوراق فاضية و تعالوا فرغوا نفس المعلومات اللي بالكتاب بالضبط فيها*
اول امتحان شوي لما عطانا الدرجات شوي و ابجي*
انصدمت صدمة مو طبيعية*
منقصني من السؤال الاول يمكن 6 درجات*
ليش يا دكتور*
ليش حاطه هالنقطه قبل هذي و ناسية نقطه*
انزين 6 درجات ناقصه ليش
شمسوية انا*
- النجوم:*
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: تاريخ حضارة عربية إسلامية التاريخ: 2008-08-29
الطالب: bashair alabdly رقم التقييم: 15113*
الدكتور طيب لأبعد الحدود
لكن المشكلة لازم تلزق في أول سطر عشان يسمعك عدل لأن القاعة كبيرة ، و مايحب التأخير .. امتحاناته صعبه بعكس المنهج السهل
بس الحلو فيه أنه يبي الطالب يجتهد من نفسه

- النجوم:*
- المستوى: صعب جدا
- الشرح: شرح ممتاز
- حصلت على: C
لا ننصح به
المـادة: تاريخ حضارة الاسلامية التاريخ: 2008-07-12
الطالب: Orange رقم التقييم: 14526*
الدكتور عادي .. اذا ماكو الا هالدكتور .. عادي خل ياخذ بس لازم يشد حيله لانه امتحاناته موضوعية وصعبببببببة يعني لازم تحففظ الاسامي والكتب ! بس محترم وايد وطيب

- النجوم:*
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: تاريخ حضارة التاريخ: 2008-05-15
الطالب: oliver kahn رقم التقييم: 13760*
لا تخذون عنده كلش*

محاضرتة حده ممله وإمتحاناتة تشق شق

أقوله دكتور هذه الإجابة الصح ليش حاطلي غلط يقول أدري صح بس أنا أبي الأصح؟! ومره قلناله دكتور هذي المعلومة مو موجودة بالكتاب يقول أدري بس أنا قلتها بالمحاضرة؟!

ويذبحك بأسماء المؤلفين والكتب والكتاب مليان منهم ماتدري شنو تحفظ وشنو تخلي

ولا لما شفت الدرجات معلقة كل F و D زين طلعت c , أنا أعرف واحد يصيرله قالي لا تفكر تسجل عنده ؟! بس إنجبرت

يجماعة لا تغامرون وتسجلون عنده , لأن المادة عند غيرة سهلة وايد

- النجوم:*
- المستوى: صعب
- الشرح: شرح ضعيف
- حصلت على: D
لا ننصح به
المـادة: تاريخ الحضارة العربيه الاسلامية التاريخ: 2008-02-13
الطالب: جنان البصيري رقم التقييم: 13299*
* المحاضره طوييييييييييييييييله و مملللللللللله
* المنهج كميته وايده وكله اسامي و تواريخ و حفظ
* الفاينل حرام سؤاليييين على كتاب كامل
* مرات تحس بشوية عنصريه أو طائفيه أو تحيز
* مافي تكنولوجيا بأساليب الشرح بس من الكتاب


- النجوم:*
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: تاريخ وحضاره اسلاميه التاريخ: 2008-02-11
الطالب: sara رقم التقييم: 13257*
صراحه دكتور حسيـن دكتور راقي بتعامله و يحاول ينصح و*

يساعد الطلبه .. انا ما ادري عن اخواني اللي علقوا يمكن*

بغير هالسنه .. لانه فعلا طيب بس الماده نفسها كلها*

اسامي وتواريخ اهو ما يجيب شي من بره ويحطه*

بالامتحان .. إدرس عدل تحصل الدرجه الاكيد انه ماينقص من*

حقك .. و تضمن عنده الشفوي لانه فعلا من الكتاب .. انا و*

بكل ( صدق ) انصحكم فيه .. موفقين )


بنآآت معآكم جآمعيه :krkrkr:مآ آنتبهت ان دآخله بنطهى من آمس

هذا من موقع تقيم الدكاتره:eh_s(7):