~*¤ô§ô¤*~شنو كليتي اليوم - لشهر رمضان الفضيل تعالو شاركونا ~*¤ô§ô¤*~

[lovely jojo]

كلي احزان وهموم الله يعافيج حياتي ....
ريمه ياقلبي هذي طلبيتي من شربات..

 

[cat_women]

هـــــني و عااااافيه يااااااارب

ام عفاف
ما تشوفين شر حبيبتي

 

[s1990]

الله يعافيكم
اللي طلبت مني طريقة الهريس واللقيمات عالخاص من عيوني بس اسأل امي واقولج اهي مسويتهم وانا عليميه بهالسوالف

بنات شهيتوني بالفطاير وورق العنب
عليكم بالعافيه
< ندمت اني بطلت الموضوع وانا صايمه :bbbiu:

كيكة حق عيد ميلاد اختي

كريم كاراميل < ماحبه :eh_s(4):

بااااارد ولذيذ :eh_s(2):

سويتات عقب الفطور

فطاير

نخي وهريس وهالسوالف :rerrerek:

بسكوتات

واهم شي اهم شي اهممممممم شي بعد الفطور

:eh_s(8):

 

[كنار]

بالعافيه بنات
فطورنا

نغصه من بيت عمي

وهذا سحورنا

وحقكم فيه العافيه

 

[كنار]

كنار تصدقين اشتهي جذي فطور بيض وتوست وجاي ياسلام بسويها على يوم وبالعافيه وشنو المفلق شكله يشوق

هذا كلوب ساندويج بس خلطة الدجاج مو باينه
وحطيت جنبه بيض وطماط وفليفله لاني احب طعمهم يصير واضح

لمفلق هذا حب هريس مكسر ومحمص طريقته نفس طريقة العيش المجبوس بس بس نكثر اشوي من البصل والطماط واللومي لعماني والمروق ونخليه يترسى على النار مده اطول من العيش المجبوس

 

[yooyo]

فطوري : سمبوسه .. قيمات .. رز .. تشريبه .. شووربه .. كنآفه .. وبعدين لما خلصنا جلسننا ساعتين وقمنا نأكل الحلوو

 

[كنار]

كنار ابي طريقة الحلو ماعليج امر

تقصدين هذي عدل؟

الطبقه الاولى
ثلث علبة الكيك (كل ماصارت طبقة الكيكه ضعيفه كل ماكانت احلى)
الطبقه الثانيه
4 جبن كيري
علبة قيمر
ظرف دريم ويب
تخلطينهم بخلاط الكيك وتحطينهم على الكيكه وتحطينه في الفريزر
الطبقه الثالثه
جلي فراوله عليه كاس وربع ماي
ملعقة فيمتو
ملعقة نشا (انا ماحطيت نشا)
تحطينهم على النار مثل الجلي العادي وبعدين طفي عليه النار وخليه يفتر (نفس درجة حرارة المطبخ)
طلعي الكيكه من لفريزر حطي صبعج على لكريمه اذا مالصقت لكريمه بصبعج حطي عليها الجلي شوي شوي
وبعدين حطيها بالفريزر لحد مايتماسك الجلي (5 الى 7قايق تقريبا)
وبعدين نزليها وحطيها بالثلاجه

 

[ريمه الكويت]

hneen2 شكرا حبيبتي مقدمين

كلي أحزان وهموم اللقيمات احط كوب ونص طحين ابيض ونص كوب طحين اسمر منخول وقفشه خميره وقفشه وسط نشا ونص علبه روب عجنيهم كلهم مع شويه زعفران وخمريها وصبيها حطي يمج ماي وقفشه وسط حق صب اللقيمات عشان تطلع مرتبه

costa chic ماخذه فكره الشوربه من مس بوتمبه اول شي احمس بصله مفرومه مع فصين ثوم مفرومين وحط عليهم فطر مقطع طازج واحمسهم بشويه زبده واحط ملح وفلفل اسود وكمون لاتكثرين الملح
بعدها احط بطاط وجزر مقصصين واقلبهم واحط ماي واخليهم بغلون 10 دقايق بعدين اكب عليهم جيس شوربه كريمه الدياي من كنور واحركهم مع بعض واخليهم بعد جم دقيقه لما تذوب الشوربه عدل وبس


ام فجر انا بالشوربه احط عدس وكوسا مقصصه بدال الجزر واخليهم يطبخون نفس طريقه الي كتبتها قبل

ابله موسيقى بالعافيه الفاكهه تفتح النفس عوافي

s1990 وكنار يوعتوني الف عافيه وطريقتج تذكرني بالجريش عندنا

 

[عسل 511]

عليكم بالف عافية

هذا فطورنا شوربة كويكر+مكرونة بشاميل+مقالي+هريس+ورق عنب

سحورنا لحم بالفرن مع حشو بطاطس وخضار

قهوتي انا واختي بمقهى الليوان بالظهران

واللهم دمها نعمة واحفظها من الزوال

 

[بشوررة]

عواافي للجميع

 

[a7la_frawla]

فطورنا امس~~

صمون داخله حميسة دياي




توست همن فيه حميسه بس مودياي




بيتزا توست




خبز صاج داخله فول




كباب




هريس بس جاهز شارينه




عيس وسمج بقاع الجبد



سلطه




باشميل




وفي فطاير ماصورتهم والحمدالله

 

[ام عفاف الكويت]

 

[أم حسون]

عليكم بالعافيه والله يعافيكم
ماشالله اكلكم يشوووووووووووووووووووووووق
ريومه اشتهيت المرققق
كنار مشكووره قلبي
احلي فراوله ابي بشاميل
عسل اللحم بالفرن شكله لذيذ

 

[أم حسون]

فطورنا امس...
ملفوف

بينك باستا



كبب وسمبوسه

يريش

والسحور من صبواي

والله يتقبل منا ومنكم

 

[ريمه الكويت]

امبيه شوقتيني عسل على سحوركم جعت عليكم الف عافيه

بالعافيه احلا فراوله مبدعه

ابي نخي بالعافيه ام فوفه

ام حسون المرقوق مقدم وبالعافيه ملفوفكم يشهي بالعافيه

 

[ريمه الكويت]

صورت لكم الصمون الي مسويته مطلعته حار من الفرن
بسم الله







احشيه واصوره واهو محشي

 

[ام عفاف الكويت]

حياتي فدوه لج النخي وصاحبته
انا بس شربت الماي عشان الكحه
واباقي عطيته اليهال

 

[<miss botamba>]

حاليا من قلب الحدث

ورق عنب وكوسى مع ريش على طريقه ريمه ريحته تدوخ حتى خدامتنا ذاقته تقول احلى من الي اول تسويه




صينيه دياي وخضار بالقشطه

الطريقه من المنتدى



http://www.q8yat.com/t909124.html

بس سويناها بدون الفليفله بس بطاط و كوسا و جزر ودياي


وانا سويت توست بخلطه الساور كريم و الجبنه البيضا

الطريقه من كتاب المطاحن القديم




وسوري الصوره مو حلوه

مرقه للتشريب ومحلبيه

 

[كويتيه مذهله 87]

بالعافيه خواتي

 

[بنت الاحلام]

يمي يمي عوافي بنوتات

انا فطوري اليوم زبيدي وعيش ولبن وتمر بس

وشيش برك