فطورج الرمضاني بالصور 2011ومع الطريقة

[Miss Cherry]

فطورنا امس عند بيت اهلي


شعثه .. ما نستغني عنها بالرمضان حتى بموسم الرطب :eh_s(15):

شوربة عدس

لقيمات

عيش

جريش

هريس من جيرانا حلوو بس مكثرين الدارسين :eh_s(22):

ورق عنب اختي طالبته مادري من وين

تشريب

وحلينا بعد التراويح بقطايف وحلو بارد

وبس :eh_s(7):

 

[الفرح1]

نانا تسلم ايدك واطباق اللي فوق ما عليك امر اكتبيها انا في موضوعك ويعطيك العافيه

 

[% HoooR %]

ما شاء الله
تبارك الرحمن

فظور العافيه لكم جميعا

 

[لبابة]

ماشاء الله
بالعافية ع الجميع
الله يديم علينا وعليكم والله يرحم ضعف أخواننا بالصومال وأن يرزق كل جائع ومحروم ياااااارب


اليوم سويت دونات :eh_s(22):

لا تنسون قرآءة القرآن والإستغفار وقت السحر :eh_s(17):

 

[ريمه الكويت]

العفو همبه وانتو تامرون

جيكره الاجنحه مثلجه مكتوب عليها بافلو ماركه نايف بس الصوص اسويه واصبه عليه وادخله فرن

يسلمج الشيف ننا ياطباختنا المميزه بالعافيه

بالعافيه جيري

 

[ريمه الكويت]

ماجوره لبابه واللهم امين وخوش دونات تشهي مابقى شي على الامساك والله يتقبل اعمالكم

الفطور متاخر
بسم الله ابدي



شوربه كويكر بالخظار



كبب وسمبوسه بودي منهم الجيران



كلها شغلي




دقوس


مطبق زبيدي



عصير برتقال بالموز



الحلو هم وديت منه نقصه للجيران

بقلاوه







رقي



موس المنجا



لله الحمد والشكر على نعمته

 

[جيكره(و)تتغلى25]

مرحبا ريمه سويت الكوكيز انتي قصدج الشوفان الي هو حق الشوربه؟

 

[شموخ المملكه]

عليكم بالعافيه ريما ولاعليج امر بغيت طريقة الكبه اسويها دايما ومايظبط معي ​

 

[شموخ المملكه]

الشيف نانا ولاعليج امر طريقة الفطاير وعجينتها

 

[~..samar]

فطورنا اليوم






http://www.q8yat.com


http://www.q8yat.com


http://www.q8yat.com


http://www.q8yat.com


http://www.q8yat.com


والحلو طبقات الكريمه بالبيبسي




والحمد لله على النعمه..

هني وعاآآآفيه ..بس ممكن مقادير عجينه الفطاير و طريقة الحلو ولا عليج امر يالغالية :eh_s(7):

 

[مجنونة حبه]

السلام بنات اشلونكم مع الصيام
فطورنا اليوم
فوتيشيني بصلصه الفريدو والدياي
خضار سوتيه
سمبوسه لحم وسمبوسه بطاط وبازيلا
مموش
والرقي الاصفر
وكنافه
وعصير ليمون بالنعناع

 

[Miss Cherry]

مجنونة حبه

اول مره اشوف رقي اصفر

اذا ممكن تقولين لنا شنو حشوتج للكنافة .. عندي كنافة مادري شنو احط حشوة العادة احط جبن عكاوي بس ما حصلت

 

[78MariMar78]

ماشاءالله


عليكم بالعاااااااااااافية

 

[أحلى همبه كويتية]

عوافي على كل الحلوين المشاركين بهذا الموضوع
عساكم من العايدين والفايزين يا رب


مجنونة حبه
الرقي الأصفر شفته بتايلند بس للأسف ما ذقته
يقولون حلو

عليك بالعافية



صور فطوري على ايام متفرقة







بسبوسة طبقتها من المنتدى
حليوة




حلو










وامس ريومة شهتني على الصمامين
ما لحقت اسوي بالبيت
شريت صمون فرنسي

وسويت عجة شبنت ونعناع اتهبل - حمسة نقانق - بطاط بالبابريكا والبيديان وصلصة طحينة وسلطة

والحمد لله كان عجييييييييييييب












​

 

[أحلى همبه كويتية]

عصير التوت الجديد




علينا وعليكم بالعافية ​

 

[أم عامر]

عافيه عليكم جميعا

 

[ملح الدنيا فيني]

فطورنا بالشاليه مع الاهل
صورت قبل يكملون الاطباق

تشريب + لفائف السويتر بالمشروم + طبق معجنات منوعه
+ مجبوس لحم + مرق + كبه بطاط بالزيتون + معجنات كب كيك بالحم والجبن
+ تمر + مقلوبه بالدياى والخضره + شوربه + فيمتو وعصير تانج ولبن + سلطة حمص لذيذه

+ سلطة شمندر + فطائر حلوم تهبل نااااااااااطعه
​

المقلوبه

سلطة الحمص تينن

فطائر حلوم تهبل
طريقه عجينه الاخت لبابه طعمها خطير بس عندى مشكله طلعت لينه وايد
ما تتشكل فزدت الطحين
ياليت المقادير تحطها مره ثانيه بالضبط احس فيه غلط


​

 

[الفرح1]

ريمه البقلاوه الله يعافيك

 

[ريمه الكويت]

جيكره(و)تتغلى25 اي اهو نفسه مال الشوربه

شموخ المملكه اذا تبين الكبه تظبط معاج حطي مع البرعل لحم بقر لان مافيه دهن ولاتتفلل عندج وبعطيج مقدار حق صحن كبير

كوبين برغل اصفر+ نص كوب برغل اسمر تغسلينهم وتنقعينهم نص ساعه وصفيه بالمصفاه بعدها خلطي معاه نص كيلو لحم بقر وبصله مفرومه صغيره وفرميهم بالمفرمه مالت اللحم مرتين بعدها اعجنيهم بيدج مع فلفل اسود وملح ورشه صغيره مرميه واذا ماعندج مولازم

وحطي قفشه وسط نشا وخلطيهم زين وسوي الحشوه عباره عن حمسه لحم غنم بالبصل والصنوبروالبهارات نطري الحشوه تبرد بعدين احشي فيها الكبه وبالعافيه

مجنونة حبه سفره دايمه ماشالله والرقي عجيب بالعافيه

بالعافيه همبه شهيتيني على الحلويات هنييييييييييي

ملح الدنيا وهني وناسه غيرتو جو

فرح يعافيج البقلاوه تاخذين عجينه الجلاش وتدهنين كل طبقه بالزبده السايحه وتحطين ثلاث طبقات فوق بعض وتحشينها بالمكسرات المطحونه والمخلوطه بشويه شيره وتلفينها وتحطينها بصينيه مدهونه وتكررين الخطوه مع بقيه العجينه ولما تخلصين ترشين بقيه الزبده على ويه البقلاوه ودخليها بالفرن الى ان تحمر من تحت بعدين فتحي النار من فوق تحمر طلعيها من الفرن وقطعيها اصابع ورشيها بالشيره وتقدم عوافي

 

[جيكره(و)تتغلى25]

ريمه انا سويتها بس الطعم فيه وااضح

والله عيالي ماشاءالله حبوووه لاكن انا حسيت بطعمه يعني ماساح؟؟

يسلمووو ما تقصرين