فتحتلكم قلبي من قبل و فضفضت و الحين صارت تطورات اللي فاضيه خل ادش

[صمــت_ALsHfaaH]

الله يكون بعوونج حبيبتي

وشوفي نصيبج واذا على ابوج ادعي ربج ان الله يغفر له ويستر عليه ويبعده عن الي ابتلاه فيه

 

[ام نيوفي]

الله يوفقج و الله يهدي ابوج و عليج بالدعاء و الاستغفار:yaaaaaarb:

 

[كارلوفي فاري]

صدقيني لما يجي واحد يخطب وطعان فيج ماراح يهمه انتي بنت منو 000وهذولا اللي كانوا يتقدمون او يسؤلون هذولولا يدورون المظاهر الجذابه لكن ربج يحبج يروحون مايردون لانه مالج نصيب معاهم انتي انشالله بيتقدم لج اللي شاريج وعارف قيمتج ومقدر معدنج وهذا الشخص هو اللي راح يحبج ويسعدج
فلا تزعلين ياحبيبتي على هالناس لانه مو من نصيبج ولا يستحقونج انتي شخصيا
وخلي ثقتج بالله كبيره وادعي لابوج بالهدايه لانه هالشي اهم من كل شي والله يوفقج

 

[no-hope]

رد : فتحتلكم قلبي من قبل و فضفضت و الحين صارت تطورات اللي فاضيه خل ادش

صباح الخير
مشكورين بنات وحده وحده على ردودكم اللي تريح القلب و مشكورين على الدعاء بس بنات شلون اقوله عن الشرب انه يتركه احس فشلللللللله
امبيه انا قلت الكلمه ماقدرت احط عيني عليه
اخاف يعطيني كف عمره ما مد ايده بيس ما استغرب يسويها

 

[Queenleo]

رد : فتحتلكم قلبي من قبل و فضفضت و الحين صارت تطورات اللي فاضيه خل ادش

صباح الخير
مشكورين بنات وحده وحده على ردودكم اللي تريح القلب و مشكورين على الدعاء بس بنات شلون اقوله عن الشرب انه يتركه احس فشلللللللله
امبيه انا قلت الكلمه ماقدرت احط عيني عليه
اخاف يعطيني كف عمره ما مد ايده بيس ما استغرب يسويها

انتي بنته ماراح يسمع كلامج ويمكن يعاند اكثر

طلبي من ربج بصلاتج وكثري من الاستغفار والصدقات والله يسخره لكم ان شاء الله

 

[Zen&7ala]

مو عذر حياتي


اعرف بنات الله يستر عليهم و يوفقهم يا رب ابوهم يشرب و يخربط بعد و البنات كلهم تزوجو و اكبرها و اسمنها


لانهم بنات سنعين و يهبلون و محترمات و جامعيات لا تحاتين نصيبج بييج باذن الله و عسى كل تأخيره فيها خيره

 

[(*ام عهــــد *)]

الله يهديه يارب
ألحين أوقات فضيله كثري الدعاء له

 

[الغاليه نونو]

شوفي يمه انا بقول لج جم كلمه حطيها مثل الترجيه بإذنج قولي تم:/*

انتي بنت الكل يتمناج ومنه عليه اللي بياخذج هذى اول شغله
ثاني شغله ابوج ريال يشرب حسب كلامج من 25 سنه وامج صابره ومحتسبه الاجر وساكته علشانكم ماتبي تخرب بيتها بسبب ابوج ويمكن عندها امل ان ابوج يتوب ويترك هالسوالف والله سبحانه يقول ...ولاتزر وازره وزر اخري

واللي بياخذج علشان شخصج وعلشان مركزج واخلاقج حياه الله واللي يبي ينبش ومايبيج لانه ابوج سكير حطي براسج شي واحد ان الله ليما الحين ماكتب لج نصيب مع الريال اللي يستاهلج
انتي تقدرين تطلبين من ابوج يتعالج قوليله عالاقل علشان صحتك ووجودك بحياتي ضروري سواء عرست والا تميت بدون ريل ماتفرق معاي بس مايهون علي اشوف ابوي نور عيوني يشرب ويعصي الله سبحانه هذى لاهي من اخلاق المسلمين ولا من عاداتهم والخمر اله محرمه بالقرآن اشلون تبي نتوفق وانت تشرب وتعصي رب العالمين اذا شارب الخمر ملعون ومطرود من رحمة الله اشلون تبي الناس ترحمني من سوالفك اذا ماتقدرين تواجهينه وتكلمينه اكتبي له بورقه كل اللي بخاطرج تقولينه وقوليله انا كنت صغيره والحين كبرت ومن حقي احاسبك لاني احبك واخاف عليك صدقيني بيراجع نفسه ويتوب توبه نصوح بإذن الله ولاتنسين الدعااااء ياقلبي انتي وامج ادعوله ليل نهار ان الله يفكه من هالسم الهاري اللي يشربه والله يعينج يمه

 

[الـــغـــلآ]

الله يكتب لج اللي فيه الخير و يرزقج من حيث لآ تحتسبين و يوفقج

استغلي بهالأيآم و أقيمي الليل و فضفضي لربج و ادعي دآيمآ قولي اللهم ارزقني من حيث لآ أحتسب =)

 

[أغلى أمنياته]

لا ام ولا ابو اللي الله كااتبه بيصييير يا ما في بنات امهاتهم عسسسل وبناتهم مطلقات ولا ماتزوجو ::
هاا نصييييب //
اعرف ناس والله ان ابوهم يسكر ويقفلون الباب عليهم بالليل لانه يفقد مايدري اي غرفه داااش::
والله كتبلهم نصييييب //
ومن احسن الريايل//اختي هاذي نصيحه لوجه الله الصلاه والاستغفار بالثلث الاخير من الليل وادعي اللي في قلبج//
والله يرزقج بالزوووج الصالح عاجلا غير اجلا​

 

[Model Look]

انا اعرف وحده ابوها يشرب وكله طايح بتايلند وامها استغفرالله هم سمعتها مو
زينه

الكل يعرفهم بسمعه مو زينه

وبنته تدعي من قلب مسكينه وتعبت علا روحها ودرست بالجامعه وتصرف علا عمرها

لانه حتا صرف مايصرفون عليها

خطبها واحد ورتبو كل انور الملجه والعرس فجأه رفضو لانه سمعو بسمعه امها وابوها طبعا نفسيتهاا تعبت بس خيره

وبعدها خطبها ريلها ذهب ماشالله ومدللها والحين عندها 3 عيال الله يوفقهااا


اختي عليج بالدعاء

 

[عاشق للعم]

ما هذا يا كتورة
لا تذر وزارة وزرا اخري
لاتربطي مستقبلك وتحرمي نفسك من متعة النيا الحلال لاجل فكر ؟؟؟؟؟؟؟؟؟؟؟؟؟؟؟؟؟؟
واسالك سؤالين واترك لك الاجابة
1- ماذا سيقول الناس عندما يتقدم بك العمر وانت رافضة للزواج والاكثر لو صدف ووجو ك في مكان او مع شخص وانت دكتورة ومعرضة لمثل هذا
2- الله يطيل عمر الوالد متي يهده الله او متي يحين اجله او او او او او الكثير يخبئه القدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله يوفقك وتخلصي من الحساسية والمثاليه يا برج السرطان (برج العذراء)

 

[الزيـــــ^^ـــــن]

حبيبتي لاتحطين سالفه انه ابوج يشرب خلاص ماراح تتزوجييييين لاااء اسمحيلي تفكيرج غلط

والله العظيم وااايد بناات ابهاتهم يشربوون وتزوجوا وعيلوا....بس انتي ادعي لربج انه يهديه

ومثل ماقالولج البنات حاولي تهدينه شريط عن القبر وعذابه لعل وعسى يقتنع ويتوب

والله يرزقج الزوج الصالح اللي يسعدج لانج تستاهلين كل خيييييير

 

[شذا الياسمين]

حبيبتي ربي يوفقج ويرزقج بالزوج الصالح ويهدي أبوج يارب لاتيئسين من رحمة ربي ..
بس ماعليه حبيبتي لا تزعلين مني اكسرت خاطري امج لأنج حسستيها بالذنب يمكن ظروفها اجبرتها تقعد معاه اوكانت ماتبي تضيعكم بالطلاق يعني هذا جزا صبرها طول هالسنين ؟؟ صدقيني اذا ربي كاتب لج نصيب بتاخذينه ..
ويااااارب تبشرينا بخبر خطبتج قريب ..

 

[Cander]

وايد في جذي نفسج

ووايد في شباب زينين اهم بس اهلهم مخربين عليهم ، وبنات نفس الطريقة

بس لاتحاتين ان الخطبات تفشل كل شي خيرة لج ، ونصيبج ما يالج ليلحين

الله يهدي ابوج ، ندعي جذي لنفسة اولا عشان وراه حساب وبعدين لج وان يبيض ويهج جدام اللي يخطبج

 

[أحلى عروس 2012]

حبيبتي والله الي يبيج ماله شغل بأحد
انتي وبس
والظاهر انج صج أخلاق
يعني الي يشوفج مايفكر الا باخلاقج انت
شكو الأهل
لاحول الله
المهم انت صج ورده
وادعي ربج يسهل لج امرج
تكثري من الاستغفار

 

[Ather ُ]

الله يهديه
ويرزقج بالزوج الصالح

 

[رافعة الجامة]

منو الحين بالكويت مايشرب !!!! أغلبهم يشربون ويهال بعد واللي يخطب ويبيج مايهمه ابوج شنو وواااااااااااااااااااااااااااااااااااااااااااااااااااااااااااااااااااااااااااااااااااااااااااااايد يشربون وبناتهم تزوجو هذا نصيب ياحياتي لاتتكدرين ولا يضيق خلقج وصدقيني ربي كاتبلج شيخ الشباب ياربي آمين ويريح بالج وبال امج ويهدي ابوج يارب ما عليج يمكن من هاللي يولج واحد يشرب واهله مايدرون عنه الله يسمح امرج ويسهل عليج ويجعل لج نصيب بريل صالح يحبج ويدللج ويسخره لج

 

[عزتي في عفتي]

ثقي تماما بان ربي كاتب لك الخيره والشكوا لغير الله مذله وانا اختك والله ربي ماخلقك وهملك وانتي من اسلوبك باين انك راقيه ومره ذوق في كلامك حتي وانتي تحاولين تبيني لبوك وين الغلط تقطع قلبك وربي انه مايضيع لك شي عنده وترا حكمه ربي احيانا تختفي عنا احنا يالبشر مماندركها غير بعدين والله يسر لك ياربي وانا والله متفااااااااااائله بمستقبلك وش راح يصير لاني حسيت من كلامك انك ماشالله باره باهلك لان وانتي تتكلمين عن الغلط الي بدر من الوالد لاحظت تقولين عنه بسلوب ناعم ومو مثل بنات هالايام [ابوي والله ماحسب لنا ولا لله حساب وقاعده تشرب قدامنا مايستحي ] ففرق بينك وبينم وانا والله اني مرررره متفاااااائله بمستقبلك ان شالله ربي بيسرها لك ويمشيها لك علي احسن حال التزمي بالاستغفار ليل ونها ر والله يهنيك ويسعد ايامك ويحليها لك مع ولد الحلال الي يصونك ويعرف قدرك ياربي

 

[barbya_q8]

قال الله "{ ولا تزر وازرة وزر أخرى } وتفسيرها يقول: ولا تأثم نفس ءاثمة بإثم نفس أخرى غيرها ولكنها تأثم بإثمها وعليه تعاقب دون إثم أخرى غيرها"

اذا ربج ما حملج ذنب ابوج الناس تحاسبج انا اقولج لا تقطعين الامل الناس النظيفه والزينه والي ما تحكل البنت ذنب الابو موجودين وانا اعرف ناس نفس حالتج و6 بنات كل وحده خذت واحد احسن من الثاني وحتى شبابهم تزوجو بنات والنعم فيهم وحتى انا بيني وبين نفسي تسالت شلون ما اثرت سمعة ابوهم علي زواجهم جان تقولي جنها سامعه صوتي الداخلي تقول لما خطبنه حق اخوي قالت ام البنت احنا سالنه عن الام والنعم فيها وخوش مرة وتعرف الله ومربية عيالها احسن تربية وانا عشان جذي بأمن على بنتي وازوجها ولدج يعني فعلا اهتمو بسمعة الام وتربيتها بالاول لا تفقدين الامل والله قال انا عند عبدي بي فليظن بي ما يشاء انتى اذا بتحطين غلطت ابوج الشماعه الي بتخليج ما تتزوجين عيل ماراح تتزوجين بس خلج بينج وبين نفسج تقولين انا مالي ذنب وانته عارف ياربي وعوضني خير