فطورج الرمضاني بالصور 2011ومع الطريقة

[cheese cake 84]

رييييييمه سالتج عن الصوص الأحمر بالباستا مالتج مارديتي علي

 

[ريمه الكويت]

جيز كيك رديت عليج وكتبتها بالتفصيل خلي ارجع قري وانسخها لج

 

[ريمه الكويت]

cheese cake 8 انا اسوي حمسه اللحم بروح الصوص بروح

اسلق المكرونه واخليها على جنب واسوي الصلصه عباره عن حمسه ثوم تقريبا فصين احمسها بزيت زيتون واحط معاه شويه كزبره واقلبهم وبعدين احط حبتين طماط مهروس مع رشه كركم وملح وفلفل اسود واقلبهم واحط معجون طماط علبه وعليهم قلاص ماي واخليهم يغلون الى ان تثقل الصلصه بالاخير احط اوريجانو

واكب المكرونه على الصلصه واقلبها على نار هاديه دقيقتين ثلاث بس مااطول ورشي عليهم شوي زيت عشان لاتتلزق وبس وبالتقديم احط فوقهم حمسه اللحم

 

[78MariMar78]

كنافة التوست
طريقة نهى الأحمد

http://www.q8yat.com/t917603.html










تسلم ايدك وايد أختك نهووووي
فعلا لذيذة

يمي يمي

 

[ريمه الكويت]

بالعافيه ماريمار صج شكلها يشوق

االفطور

بسم الله ابدي






رطب من نخل بيت اختي


شوربه فطر بالبصل الاخظر مع التوست الاسمر بالجبن





فته النخي والخضار





سمبوسه وكبب



بوديه نقصه




مجبوس لحم





الحلو البارد جلي ومحلبيه





عصير برتقال بالموز والفراوله



والحمدلله

 

[نجاة80]

الله يعطيكم العافيه بنات ... الصراحه اطباقكم تهبل ماشاء الله وبالاخص ريمه الكويت

سويت منج جم طبق ماشاء الله كلمة روووعه شويه ماتقصرين قلبي

عيل وين الشيف نانا ما اشوفها عسى خير... ؟

تسلمون بنات ... والحمدالله على سلامتج نهى ... ماجوره ان شاء الله

 

[مواصله]

ماريمار ماشاءالله مبين عليها خوش كنافه عوااافي

ريمه ماشاءالله عليج اطباقج كلها تشوووق عليكم الف عااافيه

 

[بشوررة]

عواافي ريمة
ماريمارعوااافي


عوااااااااااااااافي للكل

 

[مواصله]

فطورنا اليوم

 

[بشوررة]

عوااااااااااااااااافي للجميع

 

[نجاة80]

مواصله اطباقج خطيييره ماشاء الله شكل الربيان يهببل

والحلو بعد فنتق ماشاء الله

وصحن العيش مثل صحني ههههه

هني وعااافيه على قلبكم .... تسلم ادينج عالاطباق السنعه

 

[أم عبد الله]

أختي ريمه مشكورة وايد وايد طريقتج مقاربة لطريقتي أنا احط 3 أكياس جلي مشمش - 1 ك ماء مغلي - 1/2 كيس مانجا مثلج - 1 ك حليب مغلي
كله اضربة بالخلاط لين يتجانس وبعدين استخدمة كطبقة ثالثة من بعد القاعدة الكيك والطبقة الوسطية ( 2 قيمر - 3 دريم ويب - فانيليا - 4 قطع كيري - 1 بودرة كريم كرامل)

مشكورة وايد وايد

 

[Miss-Madry]

-~ الفطور شغل ايدي ~- تعآلو شوفو ابدآعآتي ^_^

يَ هلآ وغلآ فيكم .. ،


ذآك اليوم قررت اسوي الفطور وسويت 3 اطبآق > تعبت :eh_s(11):

بس عشآن الحبآيب كل شي يهون..:eh_s(22):

والاطبآق لقيتهآ بمنتدآنآ الحبيب مآقصرو البنآت ..

وطبعاً غيرت وآيد اشيآء .. رآح احط رآبط لطريقتهم وطريقتي ..حفظآ للحقوق :eh_s(22):


طبقين رئيسين وسويت ..


، ،



صينية الدجآج بالبطآط للآخت .. (( Snow angel ))
http://www.q8yat.com/t141051.html


** طريقتي **





المقآدير :

5 حبات بطاط مفيوحين

جبن موتزاريلآ

قلاص جبن كرفت وسط

بصله مقصصه صغار

3 فصوص ثوم مدقوقين مع ملح

صدرين دجآج مقصصين مكعبات

ذره

تتبيلة الدجآج :

ليموون

اوريغآنوو

فلفل اسود

البهآرات :

ماجي 1

كركم

فلفل اسود


الطريقه :

ننقع الدجآج مع تتبيلته (الليمون \فلفل اسود \الاوريغآنو )


[ نهرس البطآط المفيوح مع الجبن ونكورهم ونخليهم على صوب ]

نحط زيت زيتون بالمقله

نحط الثوم ونحمسه لين تغير لونه






وتآلي نحط البصل


نحط المآجي




وعقب نحط الدجاج ونحمسه عدل





نحط الجبن قلآص 3 ارباعه ونخلي شوي حق الصوص




نحمسهم عدل مع بعض

ونحط الحمسه بالـبايركس

وفوقها نحط الكور ..

الصوص كآنت [ علبة روب +الباقي من جبن الكرفت ] > للامآنه الصوص خرب الطعم ف بدلوها بصوص ثآني

كريمه مع جبن او صوص البشآميل اختارو الي ينآسبكم اثنيناتهم حلوين

وبجذي خلصنآ الطبق الاول

يتبع مع pink pasta وحلو النوتيلآ

 

[Miss-Madry]

رد: -~ الفطور شغل ايدي ~- تعآلو شوفو ابدآعآتي ^_^

بآك مع الــ pink pasta​

طريقت الصوص خذيتهآ من موضوع عضوه
((او يوسفآني)))
لصينيه الدجآج بالتوست
http://www.q8yat.com/t910719.html

المقادير :
معجون طماط
قفشتين كبار كتشب
معكرونيه
ثوم
بصل
اوريغآنو
كركم
فلفل اسود
كريمه
جبن قلاص وسط
صدور دجاج مقطعه وتتبيلتهم ((ليمون \اوريغانوو\فلفل اسود))ونخليهم
　
　
　
نفوح المعكرونيه ونشخلهآ ونخليهآ


　
الحمسه

ثوم وبص نحمسهم وعقب المآجي
نحط الدجآج المتبل
ونحط قلاص الجبن كآمل



نحط المعجون




وعقب الكتشاب

ونحط اوريغآنو


ونخليهم ع النآر
بعدين نحط الباستآ ونخلطهم
　
وبجذي خلصنآ
يتبع مع السويت ​

 

[عسل 511]

رد: -~ الفطور شغل ايدي ~- تعآلو شوفو ابدآعآتي ^_^

الله يعطيك العافية حبيبتي

 

[Miss-Madry]

رد: -~ الفطور شغل ايدي ~- تعآلو شوفو ابدآعآتي ^_^


سويت النوتيلآ ..




المقآدير:


كوب ونص سميد

كوب حليب بودر

نص كوب شكر

داجستف مطحون

2 قفشتين بودرة كاكو

قفشه صغيره نسكآفيه

قيمر كي دي دي كبير 1


للتزين نوتيلآ +فليك


الطريقه :


نحمس السميد على النآراول شي

بعدين الحليب

بعدين الشكر

ونشيلهم من على النآر ..

نحط بودرة الكاكاو والنسكآفيه ونخلطهم

نحط الدآجستف المطحون بس لاتخلونه نآعم حيل نبيه شوي خشن يعني فيه كسر

ونحط القيمر كآمل .. ونخلطهم عدل




ونآخذ صينيه كبيره ونصف فيهم قراطيس ملونه وبعدين نكور من العجين ولا حطينآهآ نفقصهآ من النص




نآخذ جيس نايلون >مال التوست ونترس نصه نوتيلآ ونقص الطرف ونحط فوق كل حبه شويه نوتيلآ




ونرش عليهم فليك وتدخلونه بالثلآجه ..


حده لذيذ وحلو خصوصآ مع القهوه ..


وعوآفي

اتمنى الاطبآق يعجبونكم وتحوز على رضآكم وكلمه شكر تفرحني خصوصا اني تعبت على الموضوع

 

[Miss-Madry]

رد: -~ الفطور شغل ايدي ~- تعآلو شوفو ابدآعآتي ^_^

اب اب

 

[fsamn]

من فطوري

هذي صور من فطوري .. واعتذر اذا كانت الصور كبيره او في ردائه بالتصوير ..

لاني ما اعرف اصغر الصور ..

http://http://arb-up.com/g8ku8tnfb9p7

 

[noor al3yoon]

رد: -~ الفطور شغل ايدي ~- تعآلو شوفو ابدآعآتي ^_^

ما شا الله كل طبق احلى من ثاني
تطبييييق رووووعه

عليكم بالف عافيه يارب

 

[ملآمح ترف]

رد: -~ الفطور شغل ايدي ~- تعآلو شوفو ابدآعآتي ^_^

مااشاء الله فديت سنعه اناا

الله يخليج لهم