آنا معظم قراءتي باللغه العربيه, سواء كتب أو روايات.
الإنجليزي أقرا مقالات و كتب و أطالع أفلام بس روايات ما أحبذ الإنجليزي حيل, العربي يجذبني أكثر. بس بسبب تدهور الترجمه عندنا أفضل أقرا الروايه من غير ترجمه.
بالنسبه حق البنات اللي يبون روايات كلاسيكيه مترجمه أنصحهم بترجمة منير بعلبكي, قريت له أكثر من ترجمه و كانوا روعه.
و أروعهم طبعا التحفه جين إير. هالروايه عندي ياها عربي و إنجليزي و أعشقها بشده و شايفه تقريبا كل الأدابتيشنز ملوتها
ههه الحلو بأغاثا كريستي إن اللي يبي يموت يموت أول شي ما تخلينا نحبه بعدين تذبحه ههه بس ممكن نحبه و تخليه القاتل :eh_s(10):
بس هالنوع اللي أحبه من الكرايم فيكشن مشهور بعبارة whodidit بمعنى من فعلها؟
آنا عادة أرشح الكلاسيكيات لأنهم دائما مميزين.
إذا ما قريتي Persuasion لـ Jane Austen ترى حلوه و خفيفه. و آنا أشوفها أحلى روايات جين أوستن من ناحية القصة يعني, و لغتها سلسله, مو بذيج الصعوبه.
عندج ثلاثية دان براون بس الأخيره مو ذاك الزود The lost symbol
رواية The good earth لـ Pearl Buck
أحس مخي ينمسح لما أحاول أتذكر الأشياء اللي قريتها بالاسم هههه
لووووول , إي فهمت ذوقج .. أنا ان شا ءالله ناوية أقرا روايات جين أوستن كلها في المستقبل .. أنا قريت قصة Gone with the wind بالعربي و الانجليزي وايد حلوة .. بالرغم إنها حرب بس حسيتها ممتعة , و إذا تبين تشوفين ذوقنا حياج معانا بالبوك كلب يمكن تنوعين و نستفيد منج و نفيدج ان شاء الله
و إذا عندج ريفيوات حق كتب قريتيها لا تبخلين علينا ترى أناأستفيد من الكتب اللي يحطونها البنات عندي
gone with the wind هم من كتبي المفضله, حتى لو كان ستايلج مو شي معين في كتب الواحد لازم يقراها. البؤساء, قصة مدينتين, جين إير... إلخ
آنا إن شاء الله لما أخلص من قراءة موضوعج ممكن أحول على موضوع ثاني
و إن شاء الله أي كتاب أقراه بالمستقبل أحط الريفيو له سواء عربي أو إنجليزي.
على فكره عندج فكره عن هالروايه؟
http://www.goodreads.com/book/show/8428069-the-lying-game
اهي ثلاثيه و الكاتبه نفس اللي كتبت قصة المسلسل pretty little liars واجد يمدحونه بس و الله ما شفته و لا قريت سلسلته.
اهي موجهه لليونغ أدلتس و أتوقع قريبه من ستايلج, ثانويه و هالسوالف بس مع جريمة قتل.
إذا قاريتها أو شي قولي لي عنها لأنها عجبتني بصراحه و حطيتها على لستتي.
لوووول اهااا و فيه ريفيوات البنات بعد ما قصروا و ان شاء اللت الموضوع متجدد و قريب ان شاء الله ريفيوات جديدة بالطريج
هههه قصدي إني أقرا كل الريفيوز بهالموضوع و أسوي أبديت حق لستتي بعدين أشوف مواضيع ثانيه.
و أعترف إن ستايل الروايات اللي حطيتيهم جديد علي فمتحمسه و ناويه أدورهم قريب
ألحين وصلت صفحه 80 و لستتي صار فيها 9 روايات كلهم يونغ أدلت أورينتد
و الله يحييج آنا فعلا استمتعت بالموضوع.
حبيبتي روايات عربية تلقينهم عند موضوع حبيبي الأخت ليلىالمطوع " كتب أنصح بها و كتب لا أنصح بها " تلقين عندها كل خير ان شاء الله
مادري حسيت صارت الأمور بسرعة ما وعيت إلا إهما يحبون بعض !! مادري بكمل القصة و بشوف
