المطبخــ الامــريــكيــ / منــ a2z

[منورة الكويتية]

ماشاءالله عليج مجمج
الله لا يضرج فنانة ولا بهونون باجي البنات

 

[اختكم بالله]

مج مج ماشالله تسلم ايدج

كل البنات ماقصروا الله يعطيهم العافيه

 

[مجنونة حبه]

الله يعاففييييييييييييييييكم حبايبي
شلونكم وشخباركم
يالله نبدي الفطور اليوم

شوربه صينيه بالدياي والخضره ( احبها ولذيذه )

سمبوسه رولات دياي مع خضار
ورق عنب بالزيت

تشريبه لحم

محروق صبعه

والحلو من ايد الحلو الله يحفظه
براوني

 

[noni]

ياااي مج مج عليكم بالعافيه ماشاءالله تبارك الله​

 

[لولوة الكويتية]

بالعافية مج مج تسلم ايدك
شكل التشريبه يشهي شكلها خبز ايراني مو رقاق

 

[منورة الكويتية]

بالعاااافيه مجمج
شنو طريقه الشوربه شوقتينييي

ولا تنسيني بالكبه ترا مانسيت لوووا :*

 

[مريامه]

السلام عليكم بنات

هذا كان فطورنا اليوم



وهذا حق جيرانا توهم ساكنين جنبي



والحمد لله على النعمه

معلش بنات ترى هذي أول مره أنزل صور يمكن تكون مو واضحه او كبيره ماعرف

 

[noni]

ماشاءالله مريوم عليكم بالف عافيه​

 

[لولوة الكويتية]

بالعافية مريامة
لا لا تحاتين الصور واضحة

 

[منورة الكويتية]

عوافي مريامه

 

[doode cool]

مج مج مشاءالله عليك بالعافيه شكل ورق عنب يجنن ابي الطريقه بليز :eh_s(22):

مريامه تسلم ايدينك بالعافيه

نوني طريقة الشاورما

تقطعين صدور دجاج مكعبات وفلفل اسود وثوم وملح وليمون تتبلينه فيهم وخليه وقت ولو من الليل احسن

تحطينها علا مقلى فيه زبده الين تستوين تشوح << شرايك بالوصف

والخبز تورتلا تحطينا جوا وتحطين جبن مبشور وبعدين تحطينه علا نفس المقلا يتحمر الخبز وعلا جنب عامله صوص طحينه وشوي مويه وليمون وبالعافيه
​

 

[يحبنى الله *]

بطة فيها نطة
الله يعطيييييييييييييييييييييييييييييييييييييييك العافية روووووعه رووووووعة موضوعك وينى عنه من زمان

بقولك يا ريت احط لك روابط وتترجمين لى شنو مقاديرها وشلون سواها وغذا فى ملاحظات بالإنجليزى

http://www.q8yat.com/t744632.html

 

[مجنونة حبه]

يعطيج الف عافيه مرياه عالسفره لذيذه
وان شاءالله باجر كتب الوصفات
ورق عنب
كبه برغل
شوربه دياي الصينيه

 

[مجنونة حبه]

طريقه ورق العنب

المقادير :
ورق عنب ويفضل نوع كاليفورنيا
طماط مقطع الى مربعات صغير الحجم
بصل ابيض صغير مقطع الى مربعات صغير الحجم
بقدونس (شدتين ) مفرومه
نعناع مفروم
عصير الليمون ( طبيعي )
ملح
خل ابيض
رز مصري منقوع
فلفل اسود
صبار ( تمر الهندي ) منقوع بالماي دافي
زيت زيتون
بطاط مقطع الى شرايح سميكه

الطريقه :
يخلط البصل والطماط والزر وبقدونس والنعناع ويتبل بالقليل من زيت الزيتون والملح والفلفل الاسود والليمون وقليل من خل ( لما تخلصين واتحشين ورق العنب وتخلص الحشوه كلها راح يظل فيه ماي تتبيله او عصير خليه مو اتقطينه )
ويحشى بورق العنب
يصفف بطاط بقاع الجدر ومن ثم ورق العنب

يشخل صبار جيدا وذلك ليصفى من بذور
وياخذ عصيره ويضاف اليه باقي من عصير تتبيله االحشوه السابقه
ويضاف ايضا اليه الزيت الزيتون وعصير الليمون
ويصب فوق ورق العنب المحشي ( اذا ماغطى ورق عنب ضيفي ماي لما يتغطى ورق عنب كله )
ضعي صحن فوق الورق عنب وضغطي عليه وغطي الجدر
وخليه على نار متوسطه لما اتشوفينه بدا يغلي ويطبخ وطي حدره واذا خليتي تحت الحديده يكون احسن وخليه ساعه ونص الى ساعتين لما ينضج الرز وورق اعنب
وبعدها طفي حدره وخليه بره يرتاح مده ساعه لما يدفى
وبعدها حطيه بصحن وبالثلاجه وبالعافيه

 

[مجنونة حبه]

طريقه الشوربه الصينه بالدجاج

المقادير :
صدور دجاج مقطعه الى شرايح صغيره
جزر مقطع الى شرايح صغيره
ملفوف ابيض مقطع الى شرايح صغيره
ملفوف بنفسجي مقطع الى شرايح صغيره
ذره
فطر مقطع الى شرايح
بصل صغيره مفرومه
زنجبيل مفروم
ثوم مفروم
صويا
خل ابيض
مكعب ماجي
نشا مذوبه بالماء
زيت الزيتون
ملح وفلفل اسود

الطريقه
يوضع قليل من زيت الزيتون في جدر ومن ثم يضاف اليه البصل والثوم والزنجبيل
يحمس قليلا ومن ثم يضاف اليه اليه الدجاج
وقليل من صويا والخل والملح وفلفل الاسود ويقلب المقادير الى ان ينضج الدجاج جيدا
وبعدها يضاف الخضره جميعها ونضع عليه مكعب ماجي ويحرك جيدا ومن ثم ماء مغلي
ويترك الى ان تضج الخضره
ومن ثم يضاف اليه النشا المذوب بقليل من ماء ( علشان يعطي ثقل حق شوربه )
ويترك لمده خمس دقائق على نار مع التحريك
وبالعافيه

 

[مجنونة حبه]

كبه البرغل

طريقه كبه البرغل


مقادير :
العجينه :
٢ كوب برغل خشن منقوع بالماء لمده ساعتين
حبه بصل مقطعه الى قطع متوسطه الحجم
باوند لحم مفروم ( ٥٠٠ غرام )
ملعقه صغيره دارسين
ربع ملعقه صغيره كمون
نص ملعقه كبيره بهارات مشكله

الحشو:
باوند لحم مفروم ( ٥٠٠ غرام )
نص ملعقه كبيره بهارات مشكله
٢ ملعقه كبيره سماق
نص ملعقه صغيره دارسين
نص ملعقه صغيره كمون
صنوبره محمص
فص ثوم مفروم
حبه كبيره بصل مقطع الى قطع صغيره
حب رمان حسب الرغيه
جوز مفروم حسب الرغبه
ملح وفلفل اسود
زيت زيتون



الطريقه :
لتحضير عجينه البرغل
يصفى البرغل من ماء جيدا ويضاف اليه البصل واللحم المفروم وجميع بهارات المذكوره وتمزج المقادير جيدا
باستخدام فرامه اللحم توضع العجينه وتفرم الى ان تصبح ناعمه وجاهزه للحشو ( شوفوا اذا عندكم بقاله عربيه فيها لحام سالوه اذا يقدر يفرم لكم انا اسوي شذي بس قبل لا تفكرون اتسوون الكبه )
يحضر الحشو باضافه قليل من زيت الزيتون بمقلاه ثم نضع البصل ويحمس ثم اللحم المفروم وثوم وجميع بهارات المذكوره للحشوه ويحرك الى ان ينضج اللحم ومن ثم يضاف الصنوبر ولرمان والجوز ويقلب المقادير جيدا

يقطع العجينه الى هيئّه دوائر
وتحشى العجينه بالحشو المحضر سابقا
ومن ثم تقلي كبه بزيت غزير وحار الى ان تسب اللون البني
وبالعافيه

 

[لولوة الكويتية]

مشكورة مج مج

 

[منورة الكويتية]

حياتووووو مجمج مشكوووووووره ميته اسوي الكبه ان شاااءالله مسويتها مسويتها :***

 

[مجنونة حبه]

العفو حبايبي
اهل ريلي يو عندنا بولايتنا
سويت عزيمه فطور عندي بالشقه ( التصوير مو انا كان تصوير ريلي)

فطور : ( كله من شغل ايدي )
تمر ولبنه
شوربه عدس
سمبوسات مشكله ( جبن فرنسي وجبن فرنسي بالنعناع ولحم مفروح بالبازيلا ورولات شيكن بالخضره )

معكرونه لحم مفروم بالباشيميل

عيش مشخول مع زعفران
مرقه ربيان
فطاير بلغاريه ( جبن بالنعناع وجبن كرافت )

والحلو تشكيله بقلاوه ( طلبيه من حلويات المصري )
معمول تمر وبرازق ( طلبيه بعد من حلويات المصري )
وكنافه بالجبن

واكيد المشروبات عصير ليمون بالنعناع ولبن وعصير انجا ( ماصورناهم )

وصحتين
دعواتكم لي بالسهاله
وحق زوجي بالتوفيق عنده فاينل هالاسبوع

 

[لولوة الكويتية]

الله الله يا مج مج عليكم بالعافية

والله يرزقك السهاله ويوفقكم