شنو الموانع اللي ريلج مايحبها بلبسج

[أم توتو]

الحمد الله انا مانتظر ان يقولي هذا يصلح وهذا مايصلح عبايتي على راسي ومتنقبه وساتره نفسي الحمد الله

 

[جوري 2007]

البنطرون بكل اتساعاته ، اذا شفتوا وحده لابسه تنورة هذي انا

 

[يا كويتنا]

البنطلونات بانواعها ممنوعه


الضيج ممنوع


والكعب والعبايه الضيجه

 

[لف ليدي]

مانعني من المكياج الا اذا بروح زيارات

 

[ربي سبحانك]

البنطرون بكل اتساعاته ، اذا شفتوا وحده لابسه تنورة هذي انا

ههههه انا بعد نفسج بالضبط لو اموت مايرضى البس بنطرون حتى لو القميص طويل وايد بس امانه حبيبتي ماتحسين ان السوق اغلبه حق الي يلبسون بنطرون انتي من وين تشترين تنانيرج وشلون ستايلج سوري عالاسئله بس نشجع بعض

 

[el7ob Klah]

الممنوعات حق الطلعه

البنطلونات

والضيج شي طبيعي مانرضى فيه فوق هذا انا متحجبه

والمكياج لازم ناعم ماسكرا و حمره فاتحه وعدسات

والحمره يا وردي فاااااااتح يا لحمي غير هالالوان مايرضى

اذا بحط شدو وحركات ورسمه عين مايرضى يقول غسلي ويهج

ايي بعد القميص او البلوزه لازم تغطي الخلفيه اذا فوقها او عليها مايرضى

والحين صاير يقولي اشرايج تلبسين عبايه احسها تستر اكثر ماتبين تفاصيل الجسم


مشكوووره ع الموضوع

 

[تبطي عظم!]

قولي شنو مامنعني منه

كل شيء ممنوع

الله يهديه ويطخ لاعت جدي وبديت اختنق

 

[أحبج يمه]

يا حلات العزابية والله

 

[HaYoOoMa]

بالطلعه
بدون ميكب والعبايه ساده ووسيعه وصبغ اظافر او اكسسوارات ممنووع واحنا طالعيين

بالشقه يحب يشووفني على تنانير قصيره والاقطان القصيره والشورتاات والبجاايمطيكرره شي اسمه لقنز وجنزز


ولي عوووده


وثانكيو

 

[قصيمية موت]

انا الحمدلله ساتره نفسي بدونه انا ماارضى على نفسي من الاساس وهو قالي معجبني هالشغله فيك لان ربعه دايما يشتكون من زوجاتهم ولبسهم للعبايات بس انا اقوله اني الحمدلله متلربيه من صغري على الحجاااب مو عشان احد لا لنفسي و لربي سبحانه

والمرأه اذا احترمت نفسها ترى تكبر بعين زوجها لو ماتكلم قدامها

 

[حقوقيه زوغه]

انا ريلي لبسني عبايه بس عادي نقشات عليها خفيفه وذربه وعبايتي وسيعه ،، ومانعني من العدسات الملووونه مايرضا لو شنوووووو وميكب مايواطنه بس انا احط كريم نتفه وتحديد عن خاطري وأساسا انا من قبل الزواج ماكنت احط ميكب وشدوات الا نادر فعادي مو فارقه معاي احب النعومه اما الباجي عادي عنده بكل شي حتا كعب الحمدلله*

 

[ام سلوم 123]

هلا بنوتات عني انا لو كيفه ماطلعت من البيت ههههههههههه

 

[ابـيـض واسـود]

عباية كتف ممنوع لاازم راس , افتح وجهي ممنوع , اتعطر برا البيت ممنوع , صبغ اضافر برا البيت ممنوع , اشياااا واجد

 

[قطوووة]

يماااااااااااا

الله يعينكم !
مو لهالدرجة نو ميك اب وصبغ اظافر < غرامي وادماني
طموشة

 

[white**angel]

لبسني عبايه بس قتله ماراح البسه الا بعد العرس يعني عادي مرات عالمزاج البسها ومرات لا اطلع بالبدل
وعادي البس االلي فيها تطريز عادي انا من قبل لا اتزوج كنت مرات البسها والكل يستانس علي فيهاا فقلت بلبسها بشكل رسمي

والكعب ممنوع يطلع صوته

 

[[[ عيون جابر ]]]

صبغ الأظافر و بنطرونات السكني ممنوعه

 

[لولو^]

ههههههه اول يوم ملجه قالي لاتحطين حمره حمرا مره ثانيه و صبغ الاضافر ممنوع بالدوام ووو القصير حتى بالمناسبات :\

 

[nonii soda]

هههههههههههههه انا كل شي ممنوع الجمب سوت واللقينز ولازم شي طويل يغطي ؛p ولا ما كو طلعه

والحمرا ممنوع وصبغ الاظافر والحزاااااااااااااااااااااااااام الي عالخصر ؛@

لا وبنات باركولي بعد جريب بنقبني ؛pppp

 

[pinkoosha]

التوب القصير الي ما يغطي الخلفيه والضيج وانا بعد ما احب لاني متحجبه ومايحب الميكب الثقيل ولا يحب الكعب الي يطلع صوت بس انا البسه عادي مايقولي شي يتحلطم شوي ويسكت ههههههههه

 

[~{غلاتي}~]

اللبس الضييييييييييييج

نو نو نو

القمصان القصيره مع الجينز مايرضااا اطلع ... الحلوه خخخخخخ