أمي و ابوي ما يحبوني :(

[Kate]

السلام عليكم بنات
:eh_s(2):
بنات ابصراحة قمت الاحظ هالشي من زمان والله ما اجذب عليكم
بنات ..
المشكلة ان امي و ابوي احس انهم يكرهوني ويحبون اخواني وخواتي اكثر مني
:eh_s(2):
ببدي بابوي الحمدلله انا مو مقصرة معاه بشي والله يابنات اني ما اجذب عليكم
يوم كنا بالمدرسة الكورس الثاني انا الوحيدة اللي اسوي شغله اطبعله و اكتبله بالوورد
الساعة 12 بليل و باجر مدرسة تخيلو :eh_s(2):
اخلي واجباتي عشانه واغلفله و اسويله وبالاخر ولا قال شكرا
بنات واحنا امس قاعدين ناكل سحور وفيه حلو قدامنا تخيلو تونا خالصين ولا يقولي ييبي الحلو اللي هناك و اقوله يبا انا اخاف على صحتك لا تاكله تكفا (لان مرة ارتفع السكر عنده)
جان يصرخ و مااااااااااالت عليج ييبه يا مريم > اختي اصغر مني ب3 سنين عمرها 13
زعلت و الدمعة بعيني
وكلا يعطيني طاف لمن اسولف
اما خواتي يمووووووووت فيهم كل يوم يشتريلهم هدايا الا انا
يقول بعد هاذا اللي ناقص 16 سنة و اشتريلج :eh_s(11):
زهقت يحب خوااتي والله لو اقعد بغرفتي2 ساعة محد يحس فيني الا الخدامة
اما امي
كل بوم تعايرني ( ملاحظة ترى انا اساعدها كل يوم)
لو اسولف معاها تعطيني طاف
ليييييش يعطوني طاف
سوالفي حلوة والحمدلله انا حلوة
بس مرات احس يغارون مني بشي واحد وهو ذكائي .>> ما شاء الله
الحمدلله اعرف كل شي
بس احسنهم مصلحة اسويلهم اللي يبونه بس
و يروحون ولا كاني موجودة
ويوم كنت ابسابع ماكنت ابي اتحجب بس امي غصبتني :eh_s(2):
اما اختي يوم يت سابع قالولها كيفج تبين ولا لا
ويوم قلتهم ليش خيرتوها
عطوني طاف !
زهقت والله مرات اقول ودي اعيش بروحي
انا احس ودهم يفتكون مني
وببعيد ميلاد اختي >> هي نست
امي راحت شرتلها كيكة
واوبوي بعد
تخيلو امي من سابليه و اوبوي من الخباز
بالصدفة امي ماقالت حق ابوي
ولو انا يقولولي ذلفي كبرتي

انا ماسويت شي غلط بس ليش:eh_s(10):

 

[نهى الأحمد]

وعليكم السلام

حبيبتي

خذيها قاعده

ماكو اب او ام يكرهون عيالهم

ومحبتكم باقية في قلوبهم

مو شرط يظهرون هالشي لكم


الامور اللي ذكرتيها وايد تصير في اغلب الاسر

اهم شي انج ماتدققين على هذي الامور ولا تأثر عليج

اهم شي انهم يكونون راضيين عنج دنيا واخره


تصدف بعض الاحيان انه الاهل يميزون اخت عن اختها او اخ عن اخوه

لكن ما يعني انهم يكرهونه او ما يحبونه


عسى ربي يخليهم لج ويطول بعمرهم

 

[.Nihal.]

واااي قطعتي قلبييي

ترا وايد ناس جذي عندهم هالخلل ما يوازنون الكفتين بين عياالهم لازم يكون عندهم واحد مفضل وواحد منبووذ

ما عليييه حبيبتي تحملي بعد هذوولي امج وابوي مادري شقوولج انشالله باجر تتزوجين وتفتكين :<

 

[جلكسيه اس 3]

حبيبتي صدقيني ماكو ابو يكره بنته

شوفيني انا كنت دايما اقول انه ما يحبني
تصرفاته كانت ضدي.

بس سبحان الله صارت سالفه وشفته يدافع عني ياحياتي


صدقيني باجر لا سمح الله اتصيرلج سالفه شوفي ابوج اشلون
بيدافع عنج

 

[ذوق بريستيجي]

رفع

 

[Kate]

مشكووووورين :eh_s(7):

 

[(حكاية قلب )]

ياقلبي لا تصيرين حسآسة وايد ..
صح مافي حد يكره اعياله ..وانتي سويتي الي عليج خلج باره فيهم ذول جنتج ان شاء الله

 

[مٍلإيٍـٍـٍنّ<~]

انا معاكم ان مافييه اب او ام تكرهه ضناها وكل ضنا له ميزه عند امه وابوه وانا اقولج صدقينى اكيده يحبونج يعنى لو تجكج ابره تلقينهم حولج وشيلى هالوسوسه الى براسج فديتج

 

[دنيااك دنيااي]

حبوبة لبى عمرك هالفتره هي فتره مراهقه يعني بتكونين حساااسه وهالشغلااات

بتقولين طيب المواقف اللي صااارت بقوووول التمسي لهم العذر

قولي انا يوم كنت بسابع كانت علامه الانوثه باينه فيني وعشان شذيه اهلي غصبوني

وخلوني اتحجب خايفين علي اما اختي لما جات سابع مو مبين فيها شي او ماكنت مثلي

لما جااء عيد الميلاااد وسولك طاف قولي ازين لانه عيد حرااااااااااااااام والمسلم ماله الا عيدين فقط الفطر والاضحى

واخذتي اجر يالغلااا

ولما ابوك صرخ بوجهك ع سالفه السكر التمسيي له العذر قوولي ابوي حسااس ومتعقد من سالفه السكر ويحس بنقص وانه مررررررريض ويبي يبين لكم انه مافي شي وانا ما حسبت هذااا المفروض تجيبينه له وقولي باباتي حياتي لاتكثر عشان لاتسمن جسمك كذا حلو

اما ع سالفه الشغل وانك تساعدينهم ماشااء الله صدقيني يالغلا انك كذا ترضييييين الله قبل ورضا الله في رضا الوالدين

وكل هالاعمال مكتوبه واجرك مكتوب ان شااء الله لاتقولين ابي شكر او من هالكلاام خو الواحد مايغصب احد ع الكلمة الحلوة


حبوبه انا معاااج ان اهلك اسلوبه جااف شوووي بس اللي كتبته فوق هو حل لمشكلتك هذولا اهلك ولازم تصبرين وتذكري الاجر وطنشي ولاتتحسسين انتي احلى من اخت وااااااايد في كل شي بالحلى والمساعده والاخلاق والقلب والطيب خلي ثقتك بنفسسك عاليه وانك ماتحتاجين احد يمدحك

مع الايام تحسين هالمشكله اختفت وانك كنتي مكبره السااالفه

الله يسعدك حبوبة

 

[بنت^مطير]

يا حيااتي لااااااااااااا يحبونج و يموتون فيج بس انتي لانج اكبر وحده ومشالله عليجج ذكيه ف بينتي لهم انه عندج شخصيه و تقدرين تسوين كل شي بروحج عودتيهم علي نمط عنج عشان جذي و عن سالفه العيدميلاد ما يشترون كيكه ترا انا نفسج انا اصلا ينسون متي عيدميلادي هههههههههههههه امه اختي الصغيره لا يتذكرون و يزينون البيت ولله انا اخذ الموضوع ابغشمره لاني يا حياتي ماكو اب و ام تكره بنتها صدقيني . وخلج من الوسواااس اللي انتي فيه

 

[ام بشار]

لا تصريين حساسة مبين أنتي مراهقة وماخذة الأمور بحساسية هذولا أمج وأبوج وترا لويصير فيج شي بيموتون وراج أهم عشان أنتي الكبيرة وشايفينج شاطرة وذكية وقدها وقدود يلتفتون للي أصغر منج بس ترا يموتون فيج

 

[✿ячǿőƒ✿]

البنات ماقصرو معاج وعليج بالذعاء بهالايام والله يووفقج حبيبتي

 

[✿ячǿőƒ✿]

سوري بالدعاء *****

 

[أعشقه]

ياشيخه لا تدققين .. قولي الحمد لله ..
انا ابوي ولا امي ولا عمرهم سوو لي ولا لخواتي عيد ميلااد
وابوي مايرضى ومن يدري يسوي لنا سالفه ليش هالخرابيط ..
وخالاتي يسون لعيالهم ويسوون عزايم .. ونتمنى نسوي بس ابوي لا..
وابوي قاسي والله فيه تعامله معنى ..
اخذي وخلي ترى كل شي رايح ع صحتك .. طنشي

 

[سنيوريتآ]

تأكدي آن مآكوو آم ولآ آبوو يكرهون عيـآإلهههم /..

 

[al39laa]

اخذيها مني ماكو ام وابو يكرهون بنتهم او يحترون منها !!

رفيجتي الروح بالروح من اول ماعرفتها يعني صارلنا 4 سنين ابوها ينومها ويقعدها بطراق والله يعض المرات تقولي اقوم من النوم والنعال على ويهي !!

كلا يقولها فاشله مع انه نسبتها ماتنزل عالثمانينات واختها كلا ساقطه 3 مواد واكثر وحاطها بعينه ومدلعها ومو مقصر معاها بشي

اهيا البنت الكبيره واهيا اللي شايله البيت وتجابل اختها الصغيره تنومها وترضعها وكل شي وامها تقولها انا اقول لو تهدين الجامعه وتنثبرين تجابلينها احسن

انتي متخيله الوضع ..

المهم عقب الابو قال حق اختها انا احبها وايد والله بس اشد عليها لاني خايف عليها واهيا عمود البيت وانا افتخر انها اختي

وامها تقول لولا بنتي جان انا ضايعه وماعندي احد يساعدني :/

ترى كل شي بالقلب ماتدرين انتي شكثر يحبونج ومعروف البجر كلا ماكلتها وساحبين عليها لوووووول كلنا نفس حالتج بس انا عشان شوي ملسونه ماخذه حقي وزياده :d

 

[7lawah]

آلبنآت مآ قصروآ ،

هذيل آهلج ، بس إنتي تدققين ع آصغر آلأمور ..

آلله يخليج لهم و يخليهم لج :


،

 

[أم توتو]

انا يوم كنت بسنج كان ابوي وامي يميزون بيني وبين اختي اللي اصغر مني بسنه والسبب اني ماكملت دراستي صاروا ماخذين عني فكرة اني غبيه واني مافهم وابوي عصبي حيييل الحين يوم كبرت وتزوجت و صار عندي عيال كلما شافني يقولي انا ارتاح لما اشوفج ليتج تجين عندي كل يوم الله يخليه لي يارب ويجعله قره عين لي لاتنقطع

 

[شقاويه11]

والله ياقلبي مافيه اهل يكرهون بناتهم
كافي انهم ماقصروا بمصروفك وعطاياك وهذا انتي عندك نت ولاب وامورك تمام
بس هم يشوفونك كبيره وعاقله ويحترمون هالشئ
والاب والام مايحبون اعيالهم ينصحونهم لانهم يشوفون بنفسهم القدوه
ادعي ربك والله يعينك ويخليهم لك

 

[عويتقة]

انتي ماتدققين في الامور السطحية وماعليكي منهم واعملي فبالك انهم بيحيبوك وادعي الله يهديهم لك وعيشي حياتك وانبسطي ونياااالك حبيبتي تحجبتي فسن صغيرة والله ياريييت لو واليا حجبوني فسن صغيرة