خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[اخت اخوانها]

لااااااتصدميني

لاماوقعت الا ورقة الدورة بسسسسسس

شنو فيها ورقة الرغبات؟؟؟؟!

 

[بنات حواء2]

لا لا تنصدمين انا ماحطيت لا رغبات و لا رقبات
ههههههههههه
منو يقول ؟؟
ليش
شحقا ؟؟؟؟

لالا من امه بجور واسطه

 

[اخت اخوانها]

والله ام زنوووووب مصدووومة لأن كويتية واعتز معاي بنفس المنطقة التعليمية بس اهيااا ابتدائي وانا متووووسط معطينها ورقه تحدد رغباتهاا

والله اشرشحهم اذا ماعطوني ورقة >>>> واااي ضغطي فلللللللل


كويتية واعتز بليييييز ردي علي شلون صايرة الورقة وشنو قالوا لج؟؟؟

 

[بنات حواء2]

اخت خوانها حبيبتي هدي و فهمي منها الموضوع
تعالي شوفينه احنه الي ماندريث حتى باي مرحله مادري باي مصيبه بقطونه مصيبه عن مصيبه تهون
هههههههههههه
امبي حدنه قمنه نوسوس
ساليها وبرايي دزيلها رساله علخاص عشان تتأكدين انها تشوفها
و انشالله تطمن قلبج

 

[miele]

اي صح دزيلها عالخاااص عشان تشوفه بالتوفيييق

 

[بنات حواء2]

اففففففففففففففففف
متى الله يفرجها علينه و نعرف مدارسنه
و الله اليوم شفت رقم غريب قلت هذي المنطقه بيقولون مدرستي وين
استانست يوم دقيت و لا ارقام مال دعايات
ضاق خلقي
صكيته بويهم من غير ما احاجيهم
و تهذر و تقرق و انا اقولها مدرستي ويييييييييييين
هههههههههههههه
تقولي
ايوه
فهت
هههههههههههههههههه
قتله اها
صكيته بويها
و الله ضاق خلقي ايست

 

[بنات حواء2]

الملاك وينج وين هلغيبه
طمنينه عليج

 

[miele]

اي والله ملوكه ويين؟؟؟؟!!

 

[بنات حواء2]

اي ماشوفها كلش

 

[beauty rose]

بنات شنو شعوركم :d مابقى شي
بالنسبة احس مو قادرة استانس اهئ اهئ
لاني بداوم من صووب و باخذ مجلس طبي من صوب
وحدي متشوقه اداوم و ادرس

 

[( المـلاك )]

ميلي و ام زنوب ،،

فديتكم يالضايعين مثلي لا مرحله ولا مدرسه ولا عماة عين
و فديت اللي اكثر ناس توسوس معاي والله
هلا بابلات تخصصي هلا
لووووووووول
شفتوا الحب شلون يطشر مني
كاني انا موجوده والله
بس لاهيه بس ارفع بهالمواضيع اللي عن المدارس ولا احد معبرني هاليومين

بيوتي روز

شعوري ابي ببجي
لاني حيييييييييييييل خايفه وين يقطوني
اي مكان اي منطقة اي مدرسه اي مرحله
هالاشياء السريه المبهمه معورة قلبي
ومخليتني احاتي بشكل مو طبيعي


،

تصدقون صارلي 4 ايام انام بس احلم بالمدرسه اللي بيقطوني فيها
ولما اسولف حق امي تقولي بيييييييييييه شدعوووه شدعووووه
تفائلي ماكو الا الخير

تخيلوا احاتي المدرسه تكون شينه واحتمال تكون بعيده وغيره وغيره
مرة حلمت قطوني مدرسه بالزهراء شكو مادري
و هم مرة حلمت قطوني مدرسه بالجهرا لوول لا تسألوني ليش
المهم كل المناطق انقطيت فيها وكل المغثات صارت فيني
امبيه كوابيس كوابيس لا يحوشكم

 

[كويتية واعتز]

اختي اخت اخوانها ما عطونا ورقة لا كان عند سكرتارية الابتدائي خانه نكتب اسامينا وشنو التخصص واسامي المدارس الرغبات ونوقع بالعلم باالدورة كله بورقه وحده مثل الجدول وسألت لج وحده بالمتوسط تقول ما كتبت رغبات نفس حالتج بس وقعت على الدورة واليوم راجعت المنطقة بغير رغباتي ومنها مريت على سكرتارية المتوسط وسألتهم عن الرغبات قالوا ما عندهم بالدورة يحطون كل وحده وبورقتها اسم مدرستها اما الابتدائي سمعت يخيرونهم بين مدرستين هذا نظامهم بالكورس الثاني اللي طاف فما ادري عن طريقتهم ببداية الكورس ويا ليت يفيدونا المعلمات الجدد اللي سبقونا بجميع المراحل شلون انحطوا بمدارسهم هل هو اجباري او نقدر نغير يا ليت ينورونا ...​

اختي اخت اخوانها على ربج توكلي ترى مدارس المتوسط كلها زينة ما عدا مدرسة وحده ربي لا يحطج فيها ...​

بنات تعقدت من هالموقع عدد مشاركاتي 35 وللحين ما اقدر ارسل رسائل خاصة ليش ؟؟؟​

:krkrkr::krkrkr::krkrkr:​

بس استقبل يا ليت تفيدوني اخواتي ام زنوب والملاك وباقي العضوات ​

ويا رب يرزقنا بالمدارس السنعة قولوا آميـــــــــــــــــــــــــــــــــــــــــــــــــــــــن​

:yaaaaaarb::yaaaaaarb::yaaaaaarb:​

 

[ablah_mariam]

بنآآآآآت

آنآ آبتدآئي مآ حطيت رغبآت .. وآصلآ اليوم وحده كآنت معآي بالكلية تقوللي آنه التعيين الجديد كلهم بمدآرس صبيآن
بقرآر من الوزآرة

اللي تعرف شي ولآ بتروح لآ تبخل علينآ .. مآ يجي وقت الدورة الا علينآ ذنب من الذنوب
تعبونآ وذلونآ

 

[( المـلاك )]

بنات تعقدت من هالموقع عدد مشاركاتي 35 وللحين ما اقدر ارسل رسائل خاصة ليش ؟؟؟​

:krkrkr::krkrkr::krkrkr:​

بس استقبل يا ليت تفيدوني اخواتي ام زنوب والملاك وباقي العضوات ​

ويا رب يرزقنا بالمدارس السنعة قولوا آميـــــــــــــــــــــــــــــــــــــــــــــــــــــــن​

:yaaaaaarb::yaaaaaarb::yaaaaaarb:​

آمين يارب

حبيبتي لازم تعدين الت 50 مشاركة
بعدين تقدرين تطرشين عالخاص =)

 

[اسيرة زوجها]

بنات انا خريجه صيفي وحامل يوظفوني اذا انا باول السادس ولالا لان حاليا مافي تسجيل انطر الديوان والجامعه ع اول الدومات اسجل وراح اكون باخر الخامس واخلص اوراقي عالسادس سمعت مايوظفون وشنو اسوي بالضبط انا استلمت شهادتي بدون نسخ طبق الاصل قالولي بعد العيد اراجع الجامعه يعني18 /9

 

[بنات حواء2]

beauty rose
حبيبتي الله يسهل عليج يارب و يفرجها عليج مع المجلس الطبي


الملاك
هههههههههههههه
ذبحتيني من الضحك هلا بابلة علوم اسره و الله هلا بالتايه الي ما تدري وين الله قاطها هههههههههههههههههه
هلا بلي ماتدري ليلحين اي مرحله و اي مدرسه
الحال من بعض يختي
هههههههههههههه
اي مريت على موضوعج ورفعته
اذا على الاحلام انا عكسج احلم انهم قاطيني بالمرحله الي ابيها و بالمدرسه الي في بالي هههههههههه
قمنه نهلوس لعبوا بحسبتنه هههههههههههههههههههه


كويتيه و اعتز
هلا و الله حبيبتي راسلي وحده من المشرفات بنسبه حق مشكلتج
بس اعتقد انج لازم تعدين اكثر من جذي مشاركات يمكن 50 مشاركه مثل ماقالت الملاك


ابله مريم
شكلج انتي بعد تحاتين مثلنه
اي و الله خلونه نطبخ




اسيرة زوجها و الله مو متأكده بس اتوقع الحامل مايوظفونها
و بعدين ترى تعب عليج بالفحص الطبي و اذا طلع فيج اي شي و لو بسيط مثل الزلال بقولولج عيدي التحاليل غير لائقه
برايي ولدي بسلامه و تالي قدمي لانه جد جد تعب
احنه متنه على ماخلصنه
و البعض منه تمرمر على الفحوصات

 

[Miss SALY]

بالنسبة حق موضوع الحامل ..

لما رحت راجعت قريت ورقة ملزقينها انعادي تتوظف ويأجلون الفحص الطبي لين بعد الولادة اذا ماخاب ظني ..

سأليهم تأكدي​

 

[beauty rose]

الملاك لوووول انا فيني هالطبع بعد لي صار عندي شي احلم فيه مليون مره
بنات حواء مشكوره حبيبتي تسلمين و يوفقج يااارب

 

[( المـلاك )]

بنات انا خريجه صيفي وحامل يوظفوني اذا انا باول السادس ولالا لان حاليا مافي تسجيل انطر الديوان والجامعه ع اول الدومات اسجل وراح اكون باخر الخامس واخلص اوراقي عالسادس سمعت مايوظفون وشنو اسوي بالضبط انا استلمت شهادتي بدون نسخ طبق الاصل قالولي بعد العيد اراجع الجامعه يعني18 /9

بالنسبه لدفعتنا
خريجات الكورس الثاني
اللي قدمنا عالديوان شهر 6 و طلع قبولنا شهر 7 وبلشنا اجرائاتنا
عادي يصير
لانه رفيجتي يوم قدمت كانت حامل بالسادس .

 

[( المـلاك )]

الملاك
هههههههههههههه
ذبحتيني من الضحك هلا بابلة علوم اسره و الله هلا بالتايه الي ما تدري وين الله قاطها هههههههههههههههههه
هلا بلي ماتدري ليلحين اي مرحله و اي مدرسه
الحال من بعض يختي
هههههههههههههه
اي مريت على موضوعج ورفعته
اذا على الاحلام انا عكسج احلم انهم قاطيني بالمرحله الي ابيها و بالمدرسه الي في بالي هههههههههه
قمنه نهلوس لعبوا بحسبتنه هههههههههههههههههههه

لووول اييي والله نهلوس غير الكوابيس ياويييلي
يمكن اول ليله زواج مو جذي لووووووووول
رفيجاتي يقولون بيطلعلنا شيب قبل الدورة :/
ام زنوب سمعتي اخر الاخبار ؟
انا سمعت بس من مصدر واحد فقط وهالمصدر مو موثوق 100 % بس يعني مرات
المهم اللي سمعته انه بنات محافظة حولي توزعوا عالمدارس و صار عندهم علم بمدارسهم
ما سمعتي عن هالشي ؟
خليني اتحقق منه انا اليوم واردلج خبر بعد