تجمع اللي خذو آبرة الظهر واللي بياخذونهآ ..

[ma3boocha]

رد: تجمع اللي جربو ابرة الظهر..

بليييييييز منو سامعه عن وحده جربتها بمستشفى عاليه الدولي ؟؟؟؟

 

[بولندية]

رد: تجمع اللي جربو ابرة الظهر..

اسلام بنوتات لوول للحين نقاش على ابره الظهر الناس تقدموا واعرفوا شنو ابره الظهر ونسوا الكمام وسوالفه
شوفوا انا بالكويت ولدت بنتي البجر وبامريكا ولدت ولدي

البجر بالكويت رحت رويال وسمعت مع الاسف من غير ماابحث ان ابره الظهر اتشلل وتعور الظهر وتعبين بالاربعين قلنا اوكي انجرب الكمام
ابصراحه لعب مو تخدير استغفر الله ما كنت صاحيه جني مهلوسه اضحك واسولف جني خبله والدفع ماادري عنه ماعرفت ادفع ولا حاسه بعمري كلش وبنتي اشفطوها بعد انا ماكنت بوعي
وبالاربعين قعدوني مكاني لا تتحركين الا للحمام وشوفوا عوار ظهر وتعب كله ياني كله لاني منسدحه

الحين ولادتي بامريكا
قلت اجرب ابره الظهر وجربتها ترا اول شي يخدرون المنطقه بعدين يدخلون الابره بين فقرتين
فما حسيت بالابره كلش لا بدخلتها ولا بطلعتها الحمدالله
سالتهم ماعندكم كمام ضحكوا علي يقولونن شخبااااااري اخر مره امنعته حكومه من ايام ثمانينات ممنوع سالت ليش قلولي لان ياثر على جهاز العصبي بالمخ من خلال الشفط ( واحنا بالكويت شفطي شفطي ) وقالوا ان يستخدمونه حق الحيوانات بس ولاده والانسان لااااا
المهم قتلهم عن الاثار الي سمعتها عن ابره الظهر قالوا لا مافيها اعراض كلش وثاني شي طبيعي الوالده راح اتحس بالبدايه تعب بالظهر
لان كل عظامها تتفجج علشان الياهل يقدر يطلع وبعد الولاده لازم تتحركين لو شوي مدار الغرفه علشان الظهر يتعدل والدوره الدمويه تمشي بالجسم وشذي راح اتخفف عوارض واثار الولاده ( الحين عرفت ليش الاجانب شهر اجازه بعد الولاده )
وصج الحمدالله بعد الولاده كنت اوكي واتيي سستر اتحركني بالبدايه صعب لان شق والخياط عطوني كريمات وبخاخ والحمدالله
وعرفت عوار الظهر وتعب مو من الابره كلها من اثار بعد ولاده
وسالتها الي وحده انشلت بعد مااسخدمتها قالت انها كان فيها مرض بالظهر مو ذاكره اسمه وكانت تدري المريضه بس ماقالت حق طاقم الطبي بالي فيها
والي قالت بعد اربع اشهر من ولاده احملت مو زين على ظهر المرا ماشاءالله توج والده اكيد تعب عليج يمكن انتي ظهرج اضعيف ومايتحمل يعني بنيه العظم للجسم
اهني ينصحون بعدم الحمل من 6 اشهر الى سنه

بس هذي تجاربي وحبيت انقلها لكم وطالبه دعواتكم

شووووقتيني اولد بأمريكااااا:eh_s(9)::eh_s(9):

انا اخاف من ابرة الظهر خصوصا احنا بالكويت مووو مثل امريكا متقدمين وادرى

 

[ScarletteO'Hara]

رد: تجمع اللي جربو ابرة الظهر..

توني والدة من عشر ايام و بأبرة الظهر
بمستشفى السيف
و الصراحة اعدها رحمة من الله و بعد الولادة دعيت للي اخترعها
ما سمعت كلام الناس عنها
و كنت مقتنعة اني ابي استخدمها حتى قبل ما احمل
و لما قلت حق دكتورتي اني بستخدمها شجعتني عليها و قالت انها من افضل سبل التخدير و اامنها بالنسبة للولادة الطبيعية
ما حسيت فيها لما ركبوها بظهري
حزتها كنت متوسعة اربعة صانتي و نص
و كان الطلق شغال علي عدل
و دكتورة التخدير قالت لي انها راح تسرع لي الولادة و هذا الي صار فعلا
أحلى شي فيها اني كنت بوعيي طول عملية الولادة و شفت بنتي الله يخليها لي اول ما طلعت مني و شلتها
طبعا الطلق كنت احس فيه بشوية ضغط حفيف تحت مو عوار
و ما حسيت لا بطلعة الراس و لا شي
اذا الله مسخرها لي ليش أوخر عنها؟
على الاقل احسن من الكمام الي يخلي الي تاخذه تهذي و تحذف حجي مو موزون
لا حسيت معاها بصداع و لا عوار ظهر
صج اني ما رصعت بنتي بس فيني حليب
انصح كل وحدة تفكر فيها لا تسأل الناس فيها خل دسأل دكتورها لان اهو الي يقهم مو الحريم الي وظيفتهم بس يبالغون

 

[بخـــارى]

رد: تجمع اللي جربو ابرة الظهر..

الي فوقي

الله يطمن قلبج مثل ماطمنتي قلبي

 

[Violetta]

رد: تجمع اللي جربو ابرة الظهر..

مستغربه من شغله
انا الكمام مايخليني اهذي مثل ماتقولون انام علي طول لوول
و عايلتنا اغلبهم خذو الابره بس متردده
الولاده اجر بس بهالابره احس الولاده مافيها اجر

 

[كااامل الزين]

رد: تجمع اللي جربو ابرة الظهر..

هللا بنات موضوع جا بوقتة فديتكم اللي فيها دسك تضرها الابرة والله يابنات جبت 5 كل مرة ا شوف الموت ابي هالولادة اخفف الالم ونفاساتي اللي قبل كلا تعبانة وما اتنفس عدل من الالم الولادة ولادتي قربت والله احاتي

 

[نحوله عسوله]

رد: تجمع اللي جربو ابرة الظهر..

انا جربت ابره الظهر بالصباح تهبل وتحسين انج تجذبين ع روحج مو جنج بالولاده ولاشي والله العظيم رحمه من الله هالابره انصحكم فيهااا

انا كنت خايفه منها حيل وقالتي السستر اخذيهاا ترا والله ماتحسين بشي ولانه الصباح مايعطوون كمام الحين وتوكلت ع الله واخذتها

نصيحه لوجه الله اخذوووها وارتاحووا


واختي كامل الزين والله مادري اذا تضر اللي فيهم ديسك انتي سالي دكتورتج احسنلج انا ماراح نعطيج خبر اكيد

 

[kuwaitya_zoGaa]

رد: تجمع اللي جربو ابرة الظهر..

فوووووووووووق

 

[بخـــارى]

رد: تجمع اللي جربو ابرة الظهر..

رفع

 

[om MaRyooM]

رد: تجمع اللي جربو ابرة الظهر..

مشكورين عالموضوع والتجارب


انا حدي مترددة حدددددددي


لأني قيصري واحس ودي ابرة ظهر


بس دكتوري مانصحني فيها !!!

 

[ام سليمان 2008]

رد: تجمع اللي جربو ابرة الظهر..

بنات منو جربها بمستشفى السلام وشسمه الدكتور اللي يعطي هالابرة
مشكووورين الله يهون علينا جميعا

 

[kuwaitya_zoGaa]

رد: تجمع اللي جربو ابرة الظهر..

بنات منو جربها بمستشفى السلام وشسمه الدكتور اللي يعطي هالابرة
مشكووورين الله يهون علينا جميعا

نفس الكلام

 

[ام سليمان 2008]

رد: تجمع اللي جربو ابرة الظهر..

اليوم كانت عندي مراجعه وسالت دكتوري عن ابرة الظهر وبصراحة كلامه طمني حيل قال منو ماياخذها الحين مريحة للام وللبيبي وللدكتور بعد عشان يشتغل عدل وبتوكل على الله وباخذها ان شاء الله :eh_s(7):
بس نبي تجارب اللي خذوها بالسلام شلون كانت تجربتهم يلا بنات بليز شوية حماس:eh_s(8):

 

[ملح الدنيا فيني]

رد: تجمع اللي جربو ابرة الظهر..

السلام عليكم

بنات تكفون اللى مسويه قيصريه مع ابرة ظهر تجاوب على


1- حسيتى بشى اثناء العمليه ؟

2 - متى شالو لج ابرة الظهر ؟

3- متى خلوج تمشين ؟

4 - متى خلوج تاكلين ؟

5 - شنو النصايح اللى قالوها لج بخصوص الحركه يعنى لما طلعتى من العمليه كله على ظهرك ؟ وسمعت قالوا بنات انه يخلونج بدون مخده لازم راسك سيدة ما ترفعينه لما يشيلون لج الابرة ؟؟ صج ولا لا ؟



تكفون طمنونى:yaaaaaarb:
​

 

[بخـــارى]

رد: تجمع اللي جربو ابرة الظهر..

http://www.youtube.com/watch?v=u0gifzwgqrw&feature=related

الله يهون عليكم يارب والله ابرة الظهر رحمة من رب العالمين
شوفوا كلام الدكتور وش قال عنها
:eh_s(9)::eh_s(9)::eh_s(9):

ملح الدنيا فيني شوفي هالتقرير راح يفيدج ان شاءالله

 

[غضى]

رد: تجمع اللي جربو ابرة الظهر..

اب

اب

 

[om MaRyooM]

رد: تجمع اللي جربو ابرة الظهر..

بنات حدي محتارة


انا قيصري وبخاطري فيها لأن البنج العام يأذينييي

بس دكتوري (عصام بالهادي) مانصحني فيها

وودي اعانده بس اخاف اجازف

 

[{}{}{ سكرة }{}{}]

رد: تجمع اللي جربو ابرة الظهر..

بنات منو مجربتها بالسلاااااااااااااااااام ومنو احسن دكتور ؟

 

[Violetta]

رد: تجمع اللي جربو ابرة الظهر..

سكره انا توها بنت خالتي مجربتها بالسلام و تمدحهم بس مادري منو الدكتور

 

[ma3boocha]

رد: تجمع اللي جربو ابرة الظهر..

ام مريوووم ترا محد يمدح ابرة الظهر بالهادي( كلام الدكتوره فوزيه القطان )


و مستشفى عاليه الدولي محد سمع عن ابرة الظهر فيها ؟؟؟؟