مساء الخير :eh_s(17):
اول شي الحمدالله صداع راسي خف نمت لي 3 ساعات اعدل فيهم راسي
والحين بقول لكم الاحداث مثل ما لاحظتو اني ما دخلت امس المنتدى بليل :eh_s(1):
المهم كنت بالصالون على قولت منال عروس:eh_s(22): مو معلمه يديده
رجعت البيت وكملت باقي الشغل ،،وما خليت كريمات وزيوت ما حطيتها لووول
خلصت يمكن على الساعه 11 بليل
بعدين قمت اضبط جنطتي وادور لي على بوك ماشي مع جنطتي
والشوز وانتو بكرامه والشيله
واللبس مزهبته من زمااااان ههههههههه
على ما خلصت صارت الساعه 1
رحت جمعيه بيتنا <<< وحده فاضيه
دام امي وابوي بيرحون على شان يشترون ماجلة البيت خل اروح وياهم
ترا يحبون اهلي هالوقت لان يقولون ما في زحمه وللحين متعودين على جو رمضان
رحت معاهم وشريت اغريضاتي هههههه
الساعه صارت 2 رجعت البيت اتقلب بفراشي يمين يسار فوق حدر ماكو فايده مافيني نوم
قمت اطالع التيلفزيون لما اذن الفير ياللا نمت على الساعه 4 ونص
وخليت ساعتي على الساعه 6 على اساس الدوره تبدي عندنا الساعه 7 ونص
المهم بهالساعه ونص حسيت نفسي نمت نوم عميق
والا ما اشوف الا المنبه حيل بأقوى ما عنده يقعدني ههههههههههه
قعدت حطيت كريماتي الصباحيه مع الحمايه
حطيت ميك ابي ولبست ملابسي خذيت ادويتي
خلصت على الساعه 7 حسيت اني متأخره
ركبت سيارتي العجيبه والحمدالله كانت الشوارع فاضيه
والغريب في امر كانت مدارس منطقتنا فاضيه من السيايير وين المدرسات ما داومو :eh_s(1):
المهم وصلت المدرسه بجنوب السره الساعه 7 وربع
اول ما دشيت دخلت بريلي اليمين
بعدين سلمت على الحارس بس بنطق بقول له وين مكان الدورة
من غير ما اسأل أشر لي ان اهناك ههههههههه
كان بمسرح المدرسه وطبعا تفاجئت ان ريايل وحريم
عاد شفت وحده من زميلاتي وقالت لي بس عطيهم اول ورقه من اوراق الدورة ((مسمينها بطاقه الدخول))
طبعا لما مشيت شوي بقعد والا الكراسي كله سواد في سواد اغلب البنات عبي :eh_s(16):
يمكن لما اول ما دخلت كان نادر اللي لابسين بدل
المهم قعدت بالسطره الرابعه والزميله ما ادري وين راحت يعني قعدت بروحي :eh_s(11): ابي رفيجاتي اهئ اهئ اهئ
المهم المحاضره ما بدت الا الساعه 8 الا خمس وكان على طول مشغلين القران
وحاطين داتا شو عشان عرض الباور بوينت
اول ما بدو فيه اهوا النشيد الوطني
ما ادري الناس جنا يسحبونهم عشان يوقفون والا شسالفه
طبعا اغلب الموجودين كانو من الوافدين الكويتين قليل
بس للامانه كانو ذوق في تعاملهم ما شفت عليهم شي بصراحه
بعدين بدت المحاضره وكانو من قبل بالمنطقه موزعين علينا اوراق عن شنو بيتكلمون
مثل اخلاق المهنه ،، صفات المعلم الناجح ،، حقوق وواجباب المعلم ،،الفصول الخاصه،، واللوائح في كل مرحله
من الاشياء اللي اعجبتني بهالمحاضره
المراقب مال التعليم الثانوي قال من المفترض ان المعلم يهتم بشكله وهندامته
لان الطالب في هذي المرحله يشوف المعلم جدامه من ريوله لي راسه
فيفضل المعلم يلبس لبس محتشم واحنا ما عندنا فروض حول شنو اللبس لكن يكون محتشم
سواء لبس العباة او غيرها وبالنسبه للرجل سواء الدشداشه او البنطرون والقميص
ولكن يفضل ان يهتم بالزي الكويتي
اهم شي قالووو ان ماكو فروض على اللبس :eh_s(9):
الشغله الثانيه قالوها بالنسبه للمدرسه للحين ما حددو وبالذات مرحلتنا الثانويه وبيحاولون قدر المستطاع ان ما يودونا مدارس بعيده عن مناطقنا
يعني مثلا انا ساكنه بمشرف وثانويه مشرف مكتفيه راح يحاول يحطني بمدارس قريبه مثلا مدارس جنوب السره وهكذا
طبعا قال اللي داش التربيه عشان المعاش والعطل يستريح في بيتهم لازم يكون اللي دخل هالمكان يحب التدريس ولحد يقول ما كو مكان غيره ترا في حلول بديله لان مو اهيا المهنه اللي من لا له مهنه
طبعا المعاش بينحسب من اليوم لي نهايه الشهر
لازم يكون في تعاون ما بين المدرسات ممنوع بس تييبين مستلزماتج وما تشاركين الباجي فيها لان تنحسب سلبيه
طبعا اهناك فرق بين المعلم العادي والمعلم المتميز
المعلم العادي اهوا اللي يدرس ويمشي وهذا ياخذ عليه راتبه الاساسي
اما المتميز اهوا اللي يسون باقي الانشطه وطبعا قالوها احنا نهتم بهذي الانشطه لانها تثبت موهبه المعلم وطبعا المتميز اهوا اللي راح ياخذ اعمال ممتازه وكذلك البونص اللي قالو عنها بـــ 8 الاف دينار ولازم يكون تقييمه من 94 ورايح
وقال مو معناه تعيين يديد يعني ماله حق في هذي الامور لا امبلا بس بشرط يكون الجهات اللي حوالينه مقتنعين فيه
وقال التقييم صعب يظلم فيه المعلم لان في 3 جهات تقييمه اللي اهما رئيسة القسم والناظره والموجه
طبعا قال لحد يصرف شي من جيبه على الوسايل والاجهزه لان في قسم اسمه التقنيات يوفر كل شي معاش المعلم له ولاسرته وبيته فقط
وطبعا في لوائح عقوبات للطرفين سواء كان المعلم او الطالب واولياء امره
لازم التحدث باللغه العربيه وامسكوها طبعا على الوافدين مساكين
ووو الملعم مو بس يلقن الطلبه لازم يكون في حوار ومناقشه لان ماكو طالب غبي والا نايم في وجود عصر السرعه والتكنولوجيا ومو عيب ان المعلم يتعلم من طلبته
وفي حاله وجوده معلومه جديده واستفسر عنها الطالب وما عرف اجابتها المعلم لازم يتدارك الموقف مو يقول ما ادري وما اعرف
طبعا فشله البنات قاعدين يسولفون اللي ورا وصوتهم واصل لي عندي وسمعهم اللي قاعد يلقي المحاضره ويقول لهم شنو في شي ليش الكلام ؟؟
امبي حسسني انهم يهال بالروضه والله عيب اللي قاعدين يسونه البنات السوالف خلوها بالواتس اب والا بالبيت ليش بوقت الدورة
ولما صار وقت البريك طبعا صار ضغط وازدحام بس اللي ضحكني وحده ماخذه بسكوت مالح وقهوه والله ما الومها اذا كان سهرانه اكيد مصدعه نفسي ههههههههه
الشي اللي ما عجبني ان خلو التوقيع على اخر شي ولا وكل تخصص بروح والمعلمين والمعلمات بروح بس اشوا كان عددنا قليل احنا البنات
قالو لنا ممكن تطول الدوره اكثر من الوقت المحطوط على حسب اشلون ماشين بالمحاضرات
واخر يوم يعلمونا فيه عن مدارسنا ورفيجتي بمنطقه ثانيه تقول موزعين عليهم هالملفات والنوت والقلم و غير جذي قالو لهم الاربعا نعلمكم بمدارسكم
بس ما الومهم احنا منطقتنا كان العدد كبير واضطرو اييبون كراسي زياده
طبعا كان في تصوير من قناة الوطن و جريدة الجريده
واحضرت منى اللوغاني زيارة مفاجئه :eh_s(1):
وبس هذي اهم الاحداث اللي صارت
