** تجمع الي مسوين جراحة الفك**

[سيزرتفاح]

منا ومنج يا رب صالح الاعمال :eh_s(17):
عادي حبيبتي لا تفكرين جذي والله يقومج بالسلامة ويسهل عليج عمليتج يارب كثري من الدعااااء والله يطمن قلبج
طبيعي هالتفكيير بس خلج ريلاكس هالفترة طلعي عيالج لعبي وياهم روحي مطاعم غيري جووو لان اول اسبوعين لي 3 اسابيع كلش ما راح تقدرين تسوين هالاشياء فونسي عيالج واستانسي معاهم وما اوصيج بالاكل :eh_s(9):كل يوم مطعم وبالعاااافية




ذكرتيني بنفسييي والله حتى انا كنت نفسج احس بإحساس غريب العملية تشغل بالج وما تفكرين ولا تحسين باللي حوالينج

_ كثري من الدعااااء واستخيري لآخر لحظة
_ حاولي تتناسين العملية وتفكرين الحين بوناستج وقعدي وطلعي وايا اهلج ورفيجاتج عشان ما تفكرين وايد
_ خلي تفكيرج ايجابي وحاولي تتخيلين شكلج ووناستج بعد العملية
_ الدعــــــــاء يريح القلب بس ادعي واستغفري
_ وصي امج وطبعاً شي طبيعي تدعيلج بكل سجوودها
_ وعشان نفسيتج قولي حق الي بزورج المستشفى لا يخترعون انه ويهج اول الايام مو مقياس وراح يكون وارم ويخرع وعادي يزرق وهذا شي طبيعي وادعي انه الورم يكون بسيط

مادري ان شاء الله البنات يفيدونج بأهم النصايح

الأشياء الي تاخذينها معاج مادري تقصدين الاشياء الطبية ؟
انا الصراحة ماخذيت شي المستشفى وفر لي كل شي كمادات بارده ودافية وابرة الأكل بس شفت باليوتيوب ابرة مالت الأجانب حلوة احسن من اللي بالمستشفى الي يكون فيها انبوب حق الشرب
والدكتور راح يعطيج ادوية حق الانف لانه راح يكون داخله دم متجلط عقب العملية وعادي ينزف اول ايام + مضمضمة اهوا يوصفها لج
واهلج ان شاء الله وصيهم ايبون الاشياء الي تحبين تشربينها لان المستشفى عصايرهم مو وايد حلوة وانتي يوعانه ودج بشي لذيذ :eh_s(2):

مشكوره ماقصرتي بالنصايح يعطيك الف عافيه .
اي انا اقصد الاشياء الطبيه يعني ادويه معقمات اوكريمات اخذتي معاك شئ من الصيدليه قبل العمليه واخذتي مره ولا مايحتاج .

 

[سيزرتفاح]

بسم الله الرحمن الرحيم ​

السلام عليكم ورحمة الله وبركاته
أخواتي أنا تابعت مواضيعكم وردودكم وصراحة وايد حلووه وحبيت أشاركم الرأي لأنه الهدف
( للأفائدة والأستفادة )
أنا يابنات عندي بروز في الفك السفلي واضح جداً وأحس أني متعقدة صراحة يعني شكلي مو بحلو وأحس أني إذ أبتسمت أحس أن ماعندي ثقة في أبتسامتي نفس الذقن الحنك طويل وأبتسامتي تطلع مو بحلوة وأنا أبي أروح الأردن أسوي لي موعد عند أحد الدكاترة المعروفين والمشهورين في الأردن أحتمال أسافر رابع أيام العيد لأن أكيد يحتاج لي جراحة في الفك السفلي لاترجيعة إلى الخلف حسب ماقريت في المنتديات وشفت عمليات باليوتيوب وقلبت النت قلب بس أشرايكم يابنات أشوف لي أكثر من دكتور عشان يقرورون على حالتي بس كيف أعرف أفضل دكتور حق جراحة فكين إلي عندها معلومات تفيدني الله يوفقها يارب ويرزقها

وبأذن الله إذ سويت عمليتي أعطيكم المعلومات والتفاصيل أش سار معي مع أن أفضل طب عربياً سورياً بس مشكلة الحرب الي هناك ​

وعليكم السلام هلا اختي انا رحت مرتين علشان اشوف دكاتره الفك رحت للدكتور غييث الشبيلااات هذا دكتور تجميل عام وماشاءالله ممتاز بس مو متخصص بالفك عطاني اسم دكتور للفك وقال روحي له ودقيت عليه اول ماطلعت من عيادة غيث قال انا مو موجودورجعت وبعد سنه رحت رجعت للعيادة غيث وشافني مره ثانيه وسالته عن الدكتور وماشاءالله الدكتور غيث اميين وعطاني كلام قال شوفي نصيحتي لك سويها بالسعوديه والله عندكم تطور اكثر بالاجهزه وقال انتي بالذات لان حالتي شوي صعبه لا تسوينها بالاردن لان تحتاجين دم واشياء كثيره مو متوفره هنا فالحمدلله شلت الفكره من راسي وبديت اراجع هنا وحولوني للمستشفى العكسري بالرياض صح مواعيدهم طول ويبيلها صبر بس نضمن ادوات العمليه تكون مطوره ونضيفه والحمدلله عمليتي راح تكون نهاية الشهر هذا .

واذا تبين رقم الدكتور الاردني كان عندي مسجل وضاع بس اخذه من اخوي واكتبه لك اذا تبينه .

 

[سيزرتفاح]

السلام عليكم

بنات انا بنت عمتي سوت العمليه والحمدلله نجحت بس النتيجه موب حلوه وخشمها اللهم لك الحمد خلوني ساكته افضل ...

وهي تعبانه حييييييييييل واحنا نكذب عليها ونقولها طلعتي احلى بس الصراحه اول احلى وهي تدري انها اول قبل العمليه احلى بكثير

وبس تطالع بصورها القديمه جد حزنتني

العمليه غيرتها صح بس مو للاحلى

ماادري اشلووون اقدر اساعدها واخفف عنهااا

كسررررررررررررررت خاااااااااااااااااطري

عليكم السلام واي تكسر الخاطر الله يعينها ويعوضها خليها تروح دكتور تجميل عام وتستشيره وتحاول تعدل الخشم بعمليه تجميل او تحقن تسوي تعديلات تحاول تحسن الشكل لا تستسلم شوفي انا سويت ثلاث عمليات بالخشم ومانجحت او اقصد ماتغير الشكل ما كاني سويت شئ اقولك ليش لان السبب والغلط مو بالخشم الاساس والغلط بالفك واللحين بسوي الفك ما استسلمت رحت للدكاتره وشفت وسالت خليها تروح ولا تستسلم .

 

[سيزرتفاح]

بنآآآآت فديتكم أنا من ناحيتي قررت أسويهآ ...
عمليتي بتكون على 2013 بعد التقويم والمراجعات ..

بس فديتكم بنااات دعواااااااتكم لي تكون العملية على الضماااان .. والله محتاجتها بجدددددد ..​

.. لو سدوني وقالو مو ع الضمان بنهااااااااااااااااار بجججججججججججد /...​

دعواتكم بليز​

الله يسهلها عليك وان شاءالله يارب تكون عمليتك على الضماان وتفائلي بالخير .

 

[سيزرتفاح]

اوووالله بنات انا فكي السفلي صاير وار و فكي العلوي جدام انا بعرف الحين شسوي؟ خذيت موعد تقويم حكومه! بس مادري ابي اعرف شسالفة وشلون التقويم الي بحطونه لي؟ نفس العادي للعلم اسناني مافيهم شي بس مشكلة الفك؟ ياليت تردون علي بليز.

اي التقويم الجراحي نفس التقويم العادي بس الاختلاف يكون باخر اشهر راح يحطون اسيام وحدايد علشان تساعد الجراح بربط الفكين .

 

[سيزرتفاح]

مرحبا يابنات كيفكم إن شاء الله بخيررر يارب:yaaaaaarb: عندي سؤال اتمنى احد يجاوبني تصدقون حتى الدكتور ماقلت له :d انا انفي فيه فتحه ماانفس معها يعني مااسحب نفس من الخارج بس اطلع نفس من الداخل شيئ بسيط الفتحه الثانيه طبيعيه الحمدلله وانتم تقولون في العمليه يحطون انبوب وانا اخاف يحطونه في الفتحه الطبيعيه والثانيه مسكره والله خايفه :eh_s(2)::eh_s(2)::eh_s(2): لايصير لي شيء حتى اهلي ماقلت لهم:bbbiu: وانا يوم كنت صغييره كان عندي لحميه في انفي تهقون هي اللي مسكره انفي:eh_s(10):ردوااااااااا يابناااااااات ربي:yaaaaaarb: يحفظكم

هلا انا نفسك والعن خير شر ما اقدر اتنفس من انفي كل تنفسي مع الفم الدكاتره قالوا ندخل انبوب الاكسجين من الرقبه من عند البلعوم او يشقون من تحت الذقن اللحيه ويدخلونه
بس اخر مره قالوا لي هو دكتور الخاص بالتنفس هو يتصرف يمكن يقدر يجرب ويدخله مع الانف ويتابع شغله ويتابع التنفس بالكمبيوتر اذا طلع في صعوبه يسوون الحالات الاخرى
ولازم تقولين للدكتور وقولي لهم يشلونها بالعمليه انا يوم كنت صغيره شلت اللحميه وقبل سنه قالوا ماعندك لحميه بس حاسه للحين عندي لان عندي مشاكل بالتنفس .

 

[سيزرتفاح]

اهلين فيك :eh_s(7):ايوه صح انا عندي الفتحه ضيييييقه ماودي اروح لدكتور اكيد يقول لازم عمليه عشن يشيلها وانا كافي علي هم العمليه اللي انتظرها :eh_s(2):يعني مايشلونها بنفس العمليه اوفيه خطر علي ياربي الخوف ذابحني :eh_s(2):انا اخاف ع نفسي لان البنات اللي سوو العمليه يقولون الانف يتسكر من الدم الله يكرمك ونفس الشيئ الفم راح يكون مسكر وشلون انفس:bbbiu:ياربيه واخاف اقول لاهلي ويرفضون إني اسوي العمليه وانا محتجتها ادعولي يابنات:eh_s(2)::eh_s(11)::eh_s(2):

لاتخافين ترا عملية اللحميه سهله والطب تطور اللحين يشيلون اللحميه بالليزرر ماتحتاج عمليه وجراحه لازم تحلين مشكلة اللحميه علشان ماتتعبين وقولي لدكتور من وين دخلون انبوب التنفس لان في للحميه .

 

[غلاااه]

هلا غلاااه الحمدلله على سلامتك وكيف امورك ان شاءالله بخير

تسلمين ياقلبي ع الدعوه فديتك

انا الله يعيني لان حالتي خارج المسار حتى لو سويتها ودخلت بستشيركم او اشتكيت وقلت المكان هذا يعورني ماراح تستوعبين الحاله وتقدرون تساعدوني لان كل وجهي حدايد غير عنكم انتم اغلبكم حالتكم رفع الفك العلوي وربط الفم انا ماراح يربطون فمي لان راح يشتغلون اول شئ على الفك العلوي والشغل كله برى وسحب واستطاله مدة شهر وبعدها يشتغلون من داخل والفك السفلي .

بسألك وشاخذتي معاك للمستشفى ؟ وابيك تعطيني نصايح تفيدني ..

الله يسلمك من كل شر ...
والله يقومك لنا بالسلامه .. وان شاء الله ربي ييسرها لك .​

خذيت معي .. منااااااااااااااديل ،، ديتول ،، ملابس ثقيله شوي لأن المستشفى يكون مررررره بارد​

فرشات الاسنان وكلها مقاسات صغيييييره عشان يسهل عليك التنظيف .​

كمان اخذت مرايه . وعطور والافضل يكون مجهزه من البيت قطن فيه كل روائح العطور في البيت​

واربطي القطن في كيس عشان ماتروح ريحته قبل ماتطلعين من غرفة العمليات.​

وفااااااااااااازلين .​

امممم هذا اللي يحضرني الان .. اذا افتكرت شيء بقولك .:eh_s(7):​

متى ان شاء الله عمليتك بالضبط ؟​

 

[Miss L]

اي والله غلااه الله يذكرج بالشهادة

فرشاة صغيرة وناعمة + فازلين + فوط تكرمين حق اللعاب وفوط حق التنشيف اذا غسلتي

 

[Miss L]

في فيديو شفته بيوتيوب لبنت مسوية العملية انتفاخ ويهها نفس انتفاخي كااان لووووول عرموطة مادري اجاصه

http://www.youtube.com/watch?v=ne6dfk22JSg&feature=related

 

[Miss L]

السلام عليكم ورحمة الله وبركاته

وكل عام وانتوو بخير*

واعذروني على انقطاعي لكن كان خارج عن ارادتي*

بحكي لكم عن عمليتي*

انا دخلت المستشفى يوم السبت *تاريخ ١٣ /٨/٢٠١١

كان تحليل و اسئله حقين التخدير كنت *مخربطه مصدومه مش متخيله ان عمليتي بكره كنت بس اضحك بشكل. هستيري *

قالوا لي صومي من الساعه ١٢ بالليل وكلمت اهلي يجيبون لي اكل لان ماكليت ولا افطرت بس تأخروا علي لظرف طارئ *ومأكلت الا الساعه ١١ وكانت وجبه *من ماك

وياليتني مااكلت بس الحمدالله المهم من ١١ ونص ماعاد لا اكلت ولا شربت حاولت أنام ماقدرت كانت اختي معي كانت تحاول تغير جوي *خذيت شاور وتجهزت*

الساعه ٥ ركبوا المغذي*

الوقت مرر بسرعه طبعا ماقدرت أنام ابدويوم جت الساعه ٨ الا جابوا لي لبس العمليه كنت خائفه قلت البسه شوي مادريت الا فجاه دخلوا علي بالسرير وقالوا يلااا عمليه انررعبت*

كنت أحاول اتهرب باي شكل لبست ورحنا للعمليات وكنت ادعي واقرأ طول الطريق دخلت وجاني الطاقم الطبي يحاولون يهدوني كنت بس اضحك طبعا ضحكي دليل الرعب والخوف

مااكذب عليكم بكيت مع انه أحاول اكون عاديه بس غصب عني بالذات لما طلعوا اختي*

كان الطاقم كله رائع ماشاء الله تبارك الله أخلاقهم عاليه تقريبا عمليتي بدت ٩ ونص وخلصت ١٢ ونص يارب لك ألحمد ماطولت ومااحتجت لعمليه الدقن كانت عمليتي عباره عن قص ٥ ملي من اافك العلوي ورفعه ووحط لي الدكتور حشوه تحت انفي لان منطقته كانت خافسه شوي وحط لي كمان عند خدودي بس طبعا اشياء بسيطه وطبيعيه عشان يعدل الخسف الي بالوجه*

ماحسيت فيهم الا يصحوني وانا ماني مستوعبه احس ماسويتها واشر. لهم يقوولون الحمد الله على السلامه حسيت أني سويتها لما حاولت احكي وماقدرت كانوا مقفلين فمي ب العمليه*

لكن صار معي الشيء اللي ماحد توقعه ولا حسب. له حساب وهو انه جاني قولون وقت العمليه*
وعسر هضم وما هضمت اكلي فجاني ترجيع قوي بعد العمليه من قوته تقطعت المطاطات وانفتح فمي ماكنت احس بشيء قعدت بالافاقه يمكن ساعه ونص بعدين طلعوني غرفتي*

وركبوا لي جهاز عباره عن شي أضغط عليه بأصبعي اذا حسيت باي الم وهو مربوط بالمغذي اذا حسيت بالم اضغط وهو دايركت يضخ المسكن في المغذي اول ثلاث ايام كنت بس كله دايخه*
وانام ماحس بشيء طبعا رجعوا قفلوا فمي ثاني يوم اي والقسطره قعدت فيني ثلاث ايام الي هي ايام الي كان جهاز الألم فيني *

المهم انا بديت احس بالالام مالها اي علاقه بالفك في معدتي وبطني طبعا الجوع وعدم تصريفي *هي السبب كنت ماقدر اروح الحمام وأنتو بكرامه حتي الهوا مايطلع بغيت انجن من التعب شيء. لا يطاااااق يارب عفوك كانوا الاطباء نفسهم متأثرين مني مايدرون شيسون لي

بس شوي شوي بالمسهلات والأدوية بديت اروح للحمام لو تشوفون كيف الاطباء والممرضات يتباشرون بروحتي له ماينلامون ٦ ايام ماقدرت قعدت بالمستشفى ١٠ ايام بديت اصحصح من تاسع يوم وكنت احن ابي اطلع بس الحمدالله طبعا وصاني الدكتور اشرب كويس وامشي*

طلعت اول يومين كانت كوويسه ثم بعدها تفاجات بالحساسية جتني حساسيه فضييييعه بوجهي وجسمي كله كلموا اهلي الدكتور وكتب لهم دوا جابوه لي من الصيدليه الله يجزاه خير الدكتور جد تعب معاي قعدت وهي قويه تقريبا ٤ ايام ثم بدت تخف*
طبعا النوم حدث ولا حرج ماكنت اقدر انام ساعتين على بعض من الجوع والحمام طبعا طبيعي يكون معي سهال يقولون عشان البنج يطلع وكمان عشان اكلي بس سوائل*

طبعا نصيحتي لكم قبل العمليه بفتره حاولوا تخففون أكلمكم وتعودون أنفسكم شوي شوي بالذات الي راح يتقفل فمها اكتشفت ان اصعب شيء في العمليه هو تقفيلة الفم توقعتها اسهل من كذا هي بصراحه بتكون اسهل لو مافيه سهال يهد الحيل وصلوا استخاره كثييير

بصراحه *من الي كان فيني صرت اقول ليه سويتها اهلي واحبابي متقبليني زي مانا ندمت مااكذب عليكم *وكرهت نفسي بس هالاحساس كان اول الايام*
اليوم تميت ٢٢ يوم يارب لك الحمد والشكر والحين انا احسن بس شكلي أسى ماقدر احكم عليه*
لين يخف الورم عندي موعد ان شا الله يوم الثلاثاء عشان يفتحوا فمي بإذن الله والله يسهل

وأي سؤال انا حاضره*

حبيبتي ألف الحمدلله على سلامتج عادي شعور الندم طبيعي من التعب وان شاء الله ترضيج النتيجة ويهون كل شي
يلاا هااانت الحمدلله ما بقى شي وتكملين شهر :eh_s(9): وشهر على شهرين صارو ثلاث الوقت يمر بسرعة وان شاء الله ما تحسين بتعب

اهم شي بالموضوع وجبة مااااااااااااااك لوووووووول انا بعد نفسج طلبت من ماك وجبة ودااااعية كنت من الخوف مو ماكلة شي طول اليوم واضطريت اكل شي دسم عشان اشبع بس الحمدلله ما تحسفت لانه لي اليوم ما كليت مااك وبخااطري :rgewrg:

 

[الامل القريب]

هلا انا نفسك والعن خير شر ما اقدر اتنفس من انفي كل تنفسي مع الفم الدكاتره قالوا ندخل انبوب الاكسجين من الرقبه من عند البلعوم او يشقون من تحت الذقن اللحيه ويدخلونه
بس اخر مره قالوا لي هو دكتور الخاص بالتنفس هو يتصرف يمكن يقدر يجرب ويدخله مع الانف ويتابع شغله ويتابع التنفس بالكمبيوتر اذا طلع في صعوبه يسوون الحالات الاخرى
ولازم تقولين للدكتور وقولي لهم يشلونها بالعمليه انا يوم كنت صغيره شلت اللحميه وقبل سنه قالوا ماعندك لحميه بس حاسه للحين عندي لان عندي مشاكل بالتنفس .

تقولين يشقون الذقن لا لا تكفين خوفتين :eh_s(16): راح اقولهم اذا حولوني للجراحه يارب سهل امري:yaaaaaarb:ومشكوووووووره ع الرد

 

[الامل القريب]

بنااااات ادعولي بتسهيل عمليتي مليت من لانتظاررررر وزهقت
ابدخل السنه الرابعه اه اه اه اه اللهم لك الحمد والشكر كل شيءمكتوب ياربي سهل امري وامور جميع البنات:yaaaaaarb:

 

[سيزرتفاح]

الله يسلمك من كل شر ...

والله يقومك لنا بالسلامه .. وان شاء الله ربي ييسرها لك .​

خذيت معي .. منااااااااااااااديل ،، ديتول ،، ملابس ثقيله شوي لأن المستشفى يكون مررررره بارد​

فرشات الاسنان وكلها مقاسات صغيييييره عشان يسهل عليك التنظيف .​

كمان اخذت مرايه . وعطور والافضل يكون مجهزه من البيت قطن فيه كل روائح العطور في البيت​

واربطي القطن في كيس عشان ماتروح ريحته قبل ماتطلعين من غرفة العمليات.​

وفااااااااااااازلين .​

امممم هذا اللي يحضرني الان .. اذا افتكرت شيء بقولك .:eh_s(7):​

متى ان شاء الله عمليتك بالضبط ؟​

الله يعطيك العافيه مشكوره عندي موعديين موعد 19/10 وبعده باسبوع موعد العمليه24/10

بسألك قطن الي فيه عطر شلون استعمله ومتى استعمله ؟

بنات بسالكم بعد العمليه تقدرون تكلمون وفي شئ طرا عل تقدرون تتثاوبون وتعطسون وتاخذون راحتكم :krkrkr:

 

[سيزرتفاح]

اي والله غلااه الله يذكرج بالشهادة

فرشاة صغيرة وناعمة + فازلين + فوط تكرمين حق اللعاب وفوط حق التنشيف اذا غسلتي

:eh_s(7): مشكورره يعطيك العافيه يبيلي من اللحين اجهزهم لان عمليتي بالرياض
مو بنفس منطقتي .

يمكن ما اخذ مرايه اخاف اطالع بوجهي وهو مورم وانخرع يمكن يجيني انهيار عصبي ههههههههههه

طرا علي سؤال شلون قدرتي تشوفين وجهك بعد العمليه ؟ وبعد كم يوم من العمليه شفتي وجهك ؟
وش شعورك لما شفتيه ؟

 

[سيزرتفاح]

بنااااات ادعولي بتسهيل عمليتي مليت من لانتظاررررر وزهقت
ابدخل السنه الرابعه اه اه اه اه اللهم لك الحمد والشكر كل شيءمكتوب ياربي سهل امري وامور جميع البنات:yaaaaaarb:

الله يسهلها عليك اي والله ملينا من الانتظار انا بدخل بالسنه العشر طعش ههههههه وللحين ماسويتها لي سنين وانا اشتغل على اسناني بس هانت .

متى عمليتك ؟ وين بتسوينها ؟

 

[حزني عم المكان]

تتكلمون وكأن العمليه مثل شربة مااااي

الله يعينكم على العمليات

 

[حزني عم المكان]

أول شي ما تشوف شر ان شااااااااء الله


هذي حاله من بين ألف .. ما نقدر نعممها

أنا صارلي فتره أبحث بهالموضوع و مرت علي حاااااالااااااااات وااااااااااايد .. من غيير استثناء الكل عاااجبته النتيجه ويحمدون ربهم كل يوم إنهم سووها


صح أنا معاج نصهم ندموا بالفتره الأولى من العمليه من التعب اللي شافوه .. هذا غير إنه هالعمليه بالذااااات يبيلها صبر لأنه نتيجتها النهائيه تطوول على تبين تحتاج من 6 أشهر إلى سنه
بس تعااااااااالي شوفيهم الحين شلون مستاااانسين من النتيجه .. من ضمن البنات اللي أذكرهم ندموا عالعمليه اول فتره ريشة العازف و emo princess

و emo princess الله يذكرها بالخير ويوفقها ويسعدها يااارب بحياتها عقب ما سوت العمليه بكم شهر يت بشرتنا بخبر خطبتها >> من كلامها إنها تغيرت للأفضل بشكل ملحوووظ


بنت عمج كم صارلها مسويه العمليه .. وشنو مشكلتها بالضبط ؟؟

يعني بديهيا الضحكه مع قمي سمايل أحلى ولا بدونها ؟؟؟

شكل الفك وهو مقدم أو متأخر زياده عن المعدل الطبيعي حلو ؟؟ ولا يرجع لوضعه الطبيعي أحلى ؟؟



هالعمليه بالذاااات تعتبر من العمليات الكبرى .. يعني ما نقدر نقط نفسنا بيد أي دكتور
غير جذي العمليه بمكان حسااااس .. بالوجه


إذا دكتور مبدئ أو متدرب بيسوي العمليه .. توقعي الغير متوقع

الخبره ضروووريه بهالنوع من العمليات .. لأنه تعتمد على مقاسات دقيقه



دكاترتنا يسوولنا عملية فكين ب 5 ساعات تقريبا .. Emo princess سوت عملية فك واحد 10 ساعات تخيلي ودخلت عنايه مركزه وتبذلت مسكييينه وااايد ,, إلى جانب المبلغ الكبييير اللي صرفته لأنه الدكتور اضطر ينومها فتره أطول بالمستشفى .. وكانت بمستشفى خاص >> تدرين لييييييش ؟؟ لانه دكتورها تنقصه الخبره

بس الحمدلله إنه عجبتها النتيجه بعد هالمعاناة


يعني ما نروح نحط نفسنا عند أي دكتور ونقول النتيجه مو عاجبتنا أو صارت مضاعفات كبيييره بعد العمليه >> لااااااازم تسألين عن الدكتور وتشوفين شغله أو تسمعين عنه قبل لا تروحيله



كل عمليه لهااااا ايجابيات وسلبيات

يعني لما نشوووف عمليات تجميل الخشم مثلا .. وااااااايد بناااااااات عملياتهم مضبوطه والنتيجه روووعه وبالمقابل واااااااااايد بنات عملياتهم فاشله
يعني ما نقدرر نعمم ونقول عملية تجميل الخشم فاشله أو عملية تجميل الخشم ناحجه




نصلي استخاره
ونختار الدكتور اللي نثق فيه ونرتاح من كلامه وعنده خبره ( مسوي عمليات قبل من هالنوع)
ونتوكل على الله


تفااااااااااءلوا بالخير تجدووه يابنات

لأنه أدري بعض البنات مكن يتراجعون عن قرار العمليه بعد ما يقرون ردج


قلتلكم هذي حاله من ألف .. و أكثر من 90% من البنات والشباب اللي سووا العمليه عاجبتهم النتيجه





بس ممكن تقولين لنا إذا سمحتي شلون تغيرت للأسوأ ؟؟ شنو اللي تغير فيها للأسوأ بالضبط ؟؟

واااااي احسكم بتتضاربون خخخخخخخخخخخخخخخ

مافيه شي اسمه دكتور ممتاز ودكتور فاشل

كله بتوفيق الله ,,,,,,,,,,,,, الله يعينكم انا متابعه من زماان واقول من جد الله يعينكم

انا شفت بنت بالجامعه قبل وبعد صج تغيرت بس ماطلعت ملكه جمال طلعت عااديه جدااا

يمكن هذا هو قصد البنت من كلامها والله اعلم

 

[Miss L]

الله يعطيك العافيه مشكوره عندي موعديين موعد 19/10 وبعده باسبوع موعد العمليه24/10

بسألك قطن الي فيه عطر شلون استعمله ومتى استعمله ؟

بنات بسالكم بعد العمليه تقدرون تكلمون وفي شئ طرا عل تقدرون تتثاوبون وتعطسون وتاخذون راحتكم :krkrkr:

لـووووووووووووووووول لااااااااااااا أبداُ انا كنت احاتي لا تحوشني حساسية واعطس بس الحمدلله الله ستر :bbbiu:
راح اييلج تثاوب بس ما راح تقدرين تتثاوبين لانج ما راح تقدرين تبطلين حلج اول الايام فراح تحكرينها وتدمع عيونج

:eh_s(7): مشكورره يعطيك العافيه يبيلي من اللحين اجهزهم لان عمليتي بالرياض
مو بنفس منطقتي .

يمكن ما اخذ مرايه اخاف اطالع بوجهي وهو مورم وانخرع يمكن يجيني انهيار عصبي ههههههههههه

طرا علي سؤال شلون قدرتي تشوفين وجهك بعد العمليه ؟ وبعد كم يوم من العمليه شفتي وجهك ؟
وش شعورك لما شفتيه ؟

الله يعافيج العفو حبيبتي ما سويت شي حياج والله يسهل عليج اموررج كلها

لا مو انا الي ماخذه مراية غلااه لووووووووول انا شفت ويهي من امي صورتني فكان ودي اشوف روحي من اول ما طلعت من العناية المركزة
وشعـوري كان احبااااااااااااااااااااااااط ويهي موروم ومزرق وكان يخرع ما توقعت جذي وشفايفي وارمة حيل :eh_s(2):
بس بنفس اليوم بليل امي صورتني ولما شفت روحي والا فرقت عن الصبح فش فاستانست

 

[Miss L]

تتكلمون وكأن العمليه مثل شربة مااااي

الله يعينكم على العمليات

عفـواً وليش شفيها العملية :eh_s(10):

انا مسويتها ووايد بنات من المنتدى مسويينها ماهي هينة بس ماهي صعبة
الله الموفق والمُيسر والبنت الي ودها تسويها اكيد بتستخير وبتختار الدكتور الممتاز واللي الله يكتبلها الخيرة فيه :ggdw:

( وَعَلَى اللّهِ فَلْيَتَوَكِّلِ الْمُؤْمِنُونَ ) :eh_s(7):

والله يعينج بعد :eh_s(1):