تجمع ويوميات بنآت اتكنز "دشتي " .. الحلم أصبح حقيقة ..

[اليكسا]

السلام عليكم ورحمة الله وبركآته

يآهلا وسهلا

هذآ الموضوع بيكون تجمع وكتآبة يوميات لكل من تتبع دآيت اتكنز " دشتي "

لكل من حآبة تعرف معلومات اكثر عن دايت اتكنز " دشتي "

وهذآ موقع اتكنز

http://www.atkins.com/Index.aspx

وهذا موقع الدكتور دشتي

http://www.drdashti.com/index.htm

موضوع بنت الكويت لحسآب الكاربوهيدرآت بالأكل

http://www.q8yat.com/t7392.html

الريجيم عبآرة عن 4 مرآحل

ورح نبدأ بالمرحلة الأولى


اول 3 ايام من المرحلة لازم يكون " زيرو كارب "

يعني 3 ايام بروتين صأفي فقط " لاشاي اخضر ولا احمر ولا كوفي "

وتشربون مآآآء كثير .2- 3 لتر باليوم

مثلا الفطور علبة تونة تصفينها من الزيت

الغدا صدر دجاج مشوي

العشا بيضتين او 3 مسلوقة أو لحم مشوي أو سمك مشوي

^^ رح تتعبون أول 3 ايام .. ورح تحسون بدوخة وعوار رآس وخمول .. لكن معناته انه الجسم استجاب للدايت وبديتي تحرقين دهوووون .. :rerrerek:

وبعد ال 3 ايام تقدرين تدخلين خضروات وأجبان .. لكن شرط ماتتعدين 20 غرام باليوم

وبصرآحة
انا نزلت على هذا الدآيت 20 كيلو .. مآشاء الله تبآرك الرحمن ..

وزني كان 90

والآن 70

طولي 163 سم

لكن اخذ معي فترة طويلة "9 شهور واسبوعين" .. بسبب انه

الألتزآم ثم الألتزأم ثم الألتزام ..


أي خطأ أي تخبيصة بسيطة ممكن يثبت وزنك لأسبوع او أكثر ! .. << وهذآ اللي صآر معي

مآبي اخوفكم ..

الريجيم هذآ له الفضل بعد الله سبحآنه إني قدرت احقق حلم .. حلم حلم حلم ..

وانتي بتكونين قدها وبتنزلين بسرعة لو إلتزمتي وصبرتي

لا ينصح بتطبيق البرنامج للمرأة الحامل ، وعند الرضاعة ، والأطفال الذين تقل أعمارهم عن 12 سنة ، وأيضاً للمرضى الذين يشكون من أمراض الكلية.


يوم الميزآن

الجمعة

تكتبين

وزنك السابق :

ووزنك الحالي :

يتبع

 

[اليكسا]

دآيت خآلي نوعا ما من النشويات


في المرحلة الأولى لازم ماتتعدين 20 غرام من الكاربوهيدرات .. والأفضل تستهلكينهم على شكل خضروات ..

وهنا قائمه الخضروات والخ لحساب الكاربوهيدرات

http://www.q8yat.com/t7392.html

يعني مافيه خبز نهائيا بجميع اشكاله وانواعه

ولافواكه

ولاعصيرآت

ولاسكر

ولا معكرونه ولا مكسرات ولا طحين ولا رز ولا لبن ولا حليب ولا لبن ولا عسل ولا كيك ولا بطاطس



يمكن هو يكون صعب لكم بالبدآية ! لكن مضموون .. لأنه المسبب الأول للسمنه هو الأشياء اللي فوووق ..

اما المسموحات

البروتينات
1- المأكولات البحرية بأنواعها :
الأسماك - الربيان - التونة بالزيت – أم الربيان - السلمون
2- اللحوم بجميع أنواعها :
البقر ، الخروف ، الأغنام ، العجل ، النقانق ، المرتديلا – الصوصيج
3- الفقع والمشروم (الفطر)
4- الطيور بأنواعها :
الدجاج ، الحمام ، البط ، الفري ( السمان ) ..
5- البيض بأشكاله : أومليت ، مسلوق ، مقلي
6- الأجبان بأنواعها المختلفة : كاملة الدسم

جميع أنواع الزيوت
زيت الزيتون
زيت الكتان

الخضراوات
1- الخضراوات ذات الأوراق الخضراء
الخس - البقل - الجرجير - سبانخ - بقدونس ، كزبرة .
2- السلطات
بقدونس ، خس ، خل ، زيت الزيتون ، ربع ليمونة ، بصل ، ثوم الكرات ، الجرجير, بقدونس,

كولا - ببسي - سفن " داااااااايت "

قهوة بدون كآفيين

كريمة خفق

جميع انواع الاجبان 70 غرام في اليوم فقط ..

- جيليه خاص بالحمية + كريمة كثيفة مخفوقة محلاة صناعياً .

ولاننسى مجهود ريآضي نصف سآعة يوميا

يتبع

 

[اليكسا]

خل اعطيكم مثال ليومي ..

لي باليوم 20 كارب بس " هذآ الكلام بالمرحلة الأولى "

اول مااصحى اشرب نسكافيه ديكاف + مبيض كوفي ميت" ملعقتين = 3.4 كآرب " << لاتحرصون انكم تشربونه كل يوم

وأحليه ب 3 ظروف سويت آند لو .. 3 ظروف = 3 كآرب

يعني مجموع الكارب للمشروب " 6.4 " كارب

6.4 - 20 = 13.4 كارب << هذا اللي بآقي لي لكمآآلة اليوم

وهذي صورة للنسكافيه الديكاف " خالي من الكافيين " اللي استخدمه

طبعا باقي الكارب اوزعه على شكل خضروات مع الوجبات

يعني لازم باليوم أكل خيارة واكل طماطمه وحدة ! .. وحوآلي 5 اورآق خس

طماطم حبة وحدة = 5 كارب

خيار حبتين 100 غرام = 2 كارب

خس بضع اورآق = 1 كارب

ولازم يكون لك نصيب من الأجبان باليوم .. تقريبا 70 غرآم ..

وجبت حساب الكارب للخضروات من هذا الموضوع

http://www.q8yat.com/t7392.html

ان شاء الله يكون شرحي واضح

 

[اليكسا]

انا صآرلي تقريبا 3 ايام افطر على هالأكلة الذذذذذذيذذذذه ..

:eh_s(9):

المقآدير :

بيض مسلوق

مآيونيز لايت " 1 ملعقة = 1 كارب "

خردل

1 ظرف سكر خاص بالدايت = 1 كارب

عصير نص ليمون او اقل " من 3 كارب الى 5 كارب "

^^ انا بديت احط كم نقطة خل ابيض بدل الليمون

فلفل اسود مطحون

------------

نجي للطريقة :

اسلقي بيض .. العدد اللي تبينه .. انا سلقت 3 بيضات صغآر ..

بعدين نقشر البيض ونقطعه بالشكل هذآ .. ..

ونستخرج الصفآر ونحطه بصحن ونهرسه بالشوكة زين زين ..

وبعدين نحط كل المقآدير فوق البيض المهروس ونخلطها .. " على فكرة ترآ تقدرون تشيلون من المقآدير وتحطون اللي تبون ! .. فيه ناس تحط شطه .. وفيه اللي يحط مخلل مقطع صغار واللي يحط بقدونس والخ "

بعدين نرجع الصفآر لأنصاف البيآض ..


وتقدرون تستخدمون كيس تزين الكيك عشان يطلع الشكل أحلى ..

وبالأخير نرش شوية فلفل احمر مطحون

وصحتين وعآفية على قلووبكم ..

 

[اليكسا]

نسيت بنآت ..

لازم تآخذون معادن وفيتامينات مهمة جدا اثناء الدآيت

مافيه شي معين .. روحي للصيدلية واشتري

 

[؛؛حلاوه؛؛]

موفقه ياقلبي

 

[I don’t care]

هلا بك والله مدري لان جوالي خرب وانقطعت عن البي بي وصرت ايفونيه
المهم سجليني معاك حسافه مادريت بالثلاث الاولى بروتين ماشرب شاهي اخضر ماقلتي لي
يعني اخترب الحين

 

[مات الاحساس]

هلا حبايبي :$
انا راح انظم لكم لكن عقب اسبوعين :$
لأن عندي عزيمات وايد وابي اطلع حرتي هههههههههه
موفقين

 

[اليكسا]

هلا بك والله مدري لان جوالي خرب وانقطعت عن البي بي وصرت ايفونيه
المهم سجليني معاك حسافه مادريت بالثلاث الاولى بروتين ماشرب شاهي اخضر ماقلتي لي
يعني اخترب الحين

اكشششششششخ يالآيفوونية .. يالله عقبآلي قسم بالله طقت تسبدي من البي بي :rgewrg:

المومهم مافي مشكلة تقدرين تسوين ال 3 ايام بروتين بأي وقت ! من بكرآ مثلا

اصلا متى ماحسيتي ان وزنك ثبت او زدتي .. سوينهم بأي يوم بأي مرحلة .. وفألك طيب :rerrerek:

وعلى فكرة ترآ الشاي الأخضر يثبت الوزن .. لاتحرصين عليه بالدايت

الأحمر افضل منه ! ..

هلا حبايبي :$
انا راح انظم لكم لكن عقب اسبوعين :$
لأن عندي عزيمات وايد وابي اطلع حرتي هههههههههه
موفقين

اهلين ..

منتظررررينك ...

ههههههههههه بصراحة ماتقصرين .. انا انصح اي وحدة بتسوي دايت .. تحط حرتها بالأكل قبله وماتخلي شي بنفسها ..

وبعدها تلتززم صوح الصوح

:rerrerek:

 

[اليكسا]

موفقه ياقلبي

تسسسسلمين :eh_s(17):

 

[Zain_ALZain]

اليكسا مبروك افتتاح الموضوع انا اليوم رجعت للزيرو كاربز

الساعه 4 قعدت وعالساعه 5 سويت لي بيضتين قليتهم بشوية زبده مع حبتين نقانق وسط


والعشا كنت معزومه عرس جان اكل من البوفيه 4 حبات شيش طاووق + قطعة ستيك لحم وبس

وقبل شوي شربت جاي احمر مع ظرفين سويت اند لو يومي صح ولا فيه خربطه :/

 

[اليكسا]

اليكسا مبروك افتتاح الموضوع انا اليوم رجعت للزيرو كاربز

الساعه 4 قعدت وعالساعه 5 سويت لي بيضتين قليتهم بشوية زبده مع حبتين نقانق وسط


والعشا كنت معزومه عرس جان اكل من البوفيه 4 حبات شيش طاووق + قطعة ستيك لحم وبس

وقبل شوي شربت جاي احمر مع ظرفين سويت اند لو يومي صح ولا فيه خربطه :/

الله يبآآآآآآآرك فييك

لا يومك تمام مش بطآل

بس لاتاكلين نقانق " فيها نسبة نشا ودقيق "

ولا شاي لا احمر ولا اخضر ولا تستخدمين سويت اند لو ب 3 ايام الزيرو لأن كل ظرف فيه 1 كارب

اشربي سفن آب دايت

واستمري :ggdw:

 

[اليكسا]

مرحبا مجددا

بكتب لكم يومي الغذائي ..

اول ماصحيت سويت لي كوفي " ديكاف " + كوفي ميت + 3 سويت آند لو

عقبها بساعة

سويت لي بيض نفس الطريقة اللي كتبتها لكم " 3 بيضات "

بعدين مشيت على السير 45 دقيقة وشلت اثقال وسويت تمارين بطن

وبعدها تغديت

3 برجر لحم مشوي " مرة صغنطوطات " .. وحطيتهم بخس و شوية مايونيز وشرائح جبن ..

والعشا كان

سمكة فيليه تبلتها وبعدين شويتها بس دهنت المقلاة ب شووية زبدة عشان ماتلصق ..
وحطيتها بخس وقطعت عليها خيارة وربع بصل ابيض ..

والحمددددددددلله ويالله تديمها من نعمة

:yaaaaaarb:

 

[I don’t care]

الحين عادي اكل بروتين باي كميه ؟؟؟
ياربي نومي معتفس واجلس اوقات طويله صاحيه
وسوال بعد ال70غرام اجبان داخل من ضمن ال20كارب

 

[مملوحة وعسل]

مرحبا بنات
انا بانضم معاكم
امس بديت
وكان فطوري كوفي بس لاني اشتغل وماعندي افكار للريوق للدوام
وكان الغدا دجاج مشوي
والعشا لحم مشوي
وامس عدت على خير وكنت اشرب ماي
لان الصراحه اموت في المشروبات الغازية زين قدرت امسك نفسي

طبعا انا وزني الحالي 107 كيلو واتمنى اوصل لل 70 لان طولي 157

والله يوفق الجميع

 

[مملوحة وعسل]

واليوم سويت لي فطور قرص من البيض المقلي المحشي بالجبن

ولفيته مثل الشاورما عشان اقدر اكله بالدوام
وباشرب معاه كوفي وماي

 

[اليكسا]

الحين عادي اكل بروتين باي كميه ؟؟؟
ياربي نومي معتفس واجلس اوقات طويله صاحيه
وسوال بعد ال70غرام اجبان داخل من ضمن ال20كارب

عاد موب اي كمية اي كمية .. يعني حد الشبع

وانتي نفسسسي انا نومي معتفس .. انام طووول النهار واضل صاحية طوول الليل ! .. واشتغل يآجووع :krkrkr:

عموما الأجبان قليييييييييييل الكارب فيها .. بس مايمنع انك تحسبينها

فيه اجبان مافيها كارب نهائيا مثل تشيدر .. لكن عندك جبنة فيتا 28 غرام = 1.2 كارب

ملعقة مايونيز .. انا استخدم لايت فيها 1 كارب << احرصي على المايو يكون خالي من السكر

جبنة الصويا -------------------- نصف كوب------------------- 0.7
جبنة بارميزان ----------------- 100غ ------------------------ 2
جبنة فيتا ----------------------- 100غ ----------------------- 1.5
جبنة كرافت --------------------- 45غ ------------------------ صفر
جبنة شيدر ---------------------- 30غ ------------------------ صفر
جبنة فيلاديفيا ------------------- 30غ ------------------------- 1
جبنة كيري --------------------- 100غ ------------------------ 2
جبنة ماعز --------------------- 100غ ----------------------- صفر
جبنة موزاريلا ----------------- 30غ -------------------------- 1

مرحبا بنات
انا بانضم معاكم
امس بديت
وكان فطوري كوفي بس لاني اشتغل وماعندي افكار للريوق للدوام
وكان الغدا دجاج مشوي
والعشا لحم مشوي
وامس عدت على خير وكنت اشرب ماي
لان الصراحه اموت في المشروبات الغازية زين قدرت امسك نفسي

طبعا انا وزني الحالي 107 كيلو واتمنى اوصل لل 70 لان طولي 157

والله يوفق الجميع

يا اهلا وسهلا .. المشروب الغازي مسموح حبيبتي طبعا دايت ..1 باليوم ..

انا عن نفسي اشرب سفن اب دايت لأنه خالي من الكافيين والسكر تماما

ورح توصلين لحلمك بإذن الله ..

مااافي شي مسسستحيل

 

[I don’t care]

والله مدري الليكسا احس باصداع مو طبيعي خصوصا بعد المشي لاني متعوده اشرب عصير او قطعه فاكهه صار مزاجي زفت جدا
الا ليت الستينات تعود يوما لاخبرها ماذا فعلت بي الثمانينات

 

[مملوحة وعسل]

فديتج اليكسا على تشجيعج
بس باقولج انا ماسويت ال3 ايام بروتين فقط سيده بديت عادي حتى لما سويته من سنه ماكنت اسوي هل ال3 ايام
اش رايج ابتديهم باجر

 

[مملوحة وعسل]

بنات شنو غداكم

مب عارفه شنو اتغدا