إذا تبين تاكلين أكل نظيف قولي تجربتج مع المطاعم... ليش هالمطعم (مو نظيف)؟

[sweet.sanfoora]

سم المطعم: برغر كنغ

الموقع: المسيلة < توني رادة من الدوام اشتهينا جان نمره خو يمنا

الطلب: مشروم اند سويس

سبب المشكلة: احم سوالي تسمم وقعدت الساعة 2 الفير ارجععع ترجيع مو طبيعي و عواار بالبطن مو طبيعي

ومن يومها ما طبيت برغر كنغ

 

[معالي السفيره]

فرايديز بكل فروعها

الدجاج واللحم زفرررررررررر ياناس وع

وبرجر كينج
مره طلبت فيجي برجر الحبيب لافها لي مو بورقه لا والله ياخواتي لافها بشعره اشطووورها وع وع وع


وجوكلت بار الافنيووز يمه يمه قلاساته زفره مو مره والا مرتين

اصلا عرفت اذا رحتله اشرب الماي من البطل

والبلد خدامتهم خايسه تروحين ثلاث ساعات علشان اردون عليج

وحر خيسه

والمشويات زفره

 

[نونه العنونه_H]

احس هالموضوع زين حق الي تبي تسوي رجيم ههههههه
انا عن نفسي احس كنتاكي يخورها وايد
اكلهم مو فرش والدياي مو مستوي

 

[بسبوسة بالعسل]

فرايديز المرينا
الشوربه فيهااا شعر
لاعت جلدنا انه وزوجي

 

[miss $_$ semsem]

فدركرز اللي بالمهلب
الستيك كانت جنها علج والله ماقدرنا ناكلها نعلج فيها ماتنوكل كلشششششش
وكنا طالبين شي بعد بس نسيت شنو بس ماعجبنا هم بس صج حطينا عليه اكسسس
وشيليز شرق كان برمضان
الدياي اللي بالسلطة زففففففففر
وطبعا كنتاكي وهارديز لا تعليق لازم تسمم معروف

 

[حكاية قلب ~]

يعطيج العافيه

 

[kuwaitya_zoGaa]

اسم المطعم: برجركنج - بافالوز - هارديز- كنتاكي

الموقع: بافالوز الافنيوز - كل افرع الكويت

الطلب: بافالوز سكالوب لحم - ماذكر
سبب المشكلة: السكالوب اول ما حطينا السجين علشان بنقسمها وتطلع لنا نافوورة دم احمر !!! والباجي الاكل كل بايت وزفرومره لقيت قرطاس بصمونه هارديز !!! وريش بكنتاكي

 

[شقاوتي غير]

الله يعطيكم العافيه يابنات

جد لاعت جبدي قبل الموضوع مجهزه فلوسي وبطلب مطعم بس عقب الي شفته وسمعته بهالموضوع اشهد ان انسدت نفسي اسبوع جدام << والله مافي احلى من اكل البيت نظافه وكل شي جدامج بس حنا الله يهدينا لازم المطاعم مانعيش بدونها وانا اولكم

 

[عصير ليمون]

احس كل المطاعم بالكويت خايسه ومو نظيفه
ولا مره دشيت مطعم وطلعت منه 100/ أوكي

وهم مطعم الفائز في مجمع المغاتير الأكل باردد مطعس والسلطه أي كلام
والله ما أكلنا حاسبناهم وطلعنا ،،،،​

 

[الجوهره70]

اسم المطعم :قيصر
علبه الماي عليها وصخ والملاعق والشوك وصخه
شكلهم دهر مو غسلينها
والدياي زفر من امه
والله قمنا والاكل على حطته
هم المستفيدين
صراحه اكبررر اكس عليه

 

[أمانيQ8]

رد: رد : إذا تبين تاكلين أكل نظيف قولي تجربتج مع المطاعم... ليش هالمطعم (مو نظيف)؟

العضوة فلونة


اسم المطعم: فطاير الفارس



الموقع ( أي منطقة أو أي مجمع ): قرطبة



نوع الطلب: فطاير



سبب المشكلة: قطيعة الزلمة يعجن العجينه بدون دسوس وإيده متروووووووووسه شعر جنه غوريلا وييييييييع لاعت جبدي ..


ملاحظات: -

صاجه والله شفته بعيني ذراعه متروس شعر...ويمسك العجينه مالت الصاج وتلصق بمعصمه واهو يفردها...لاعت جبدي مشيت ومانطرت الطلب

 

[Dousreya90]

شوكلت أند ماكرون اللي بالأفنيوز

لقيت بريعصي داخل المطعم أقول حق الجرسون يقولي عادي في لزقات !!!!!!!!!!

 

[koky alnassar]

مطعم نواره - حولي

الطلب : فلافل حب

المشكلة : تخيلو وانا اكل الفلافل ولا داخله ظفر لونه اصصصصصصصصصصصصصصفر وصخ و كبير يلوع الجبد

 

[منال القلب]

تسلمون بنات واب اب لعيونكم

 

[نور النـور]

جوكلت بار

الموقع : سبونز -المهبوله


طبعا القلاصـــــات والقفاش زفرة بنات
ريحة اكل فيهم مو مغسلين عدل
وقتله اييبلـــي قلاصات بلاستك



استغفرالله بالله احد مريض شارب من القلاص ؟ شلون يعني لازم يحافظون على نظافة الصحون والقلاصات ويع

 

[نور النـور]

ايي بنات تذكرت

مرة طلبنا توصيل كنتاكي وكانت الوجبه ( هالبينو جيكن )

والله والله والله بنااااااااااااااااات ان صارت فوق ال3 مرات والحين مستحييل نطلب ديلفري

سمعوا السالفه وراح تنصدموووووووووووووووون


تخيلوا طلبنا الوجبه ووصل الطلب ( الحين اختي تبي تاكل الصمونه بس فيها ريحة عطر ياربي عطر قووووي , ولما كلتها تحس جنه فيها صابون , لما بطلناهاا ولا صج فيها قطع صغار مثل صابون مبشوور واختي فيها قالون وتروح وترجع وانا رحت ورجعت لان اكلتها ,,,,,,,,,,,,,,,, جت امي وقالت هاتو خل اجرب وجربت وراحت ورجعت بعد )


ابوي دق عليهم سفل فيهم تسفيــــــــــــــــــل , وجابوا وجبه ثانيه , لكن هم بعد فيها صابون انصدمنا وبعدين يعني
المهم دقين ثالث مرة وقلنا مانبي ردوا فلوسنا وراحوا وردوهم

عاد بعدها باسبوعين (ماتبنــا ) ردينا وطلبنا منهم

لكن هم بعد الصمونه فيها صابوون والله بنات صااابووووووون , الصمونه فيها عطر وطعمها صابوووون نفس صابون سانسيلك او لوكس !!!!!!!!!!!!!!!!!!!!!!!!!1


ووالله من هذيج المرة صارلنا تقريبا 4 اشهر ماطلبنا شي من كنتاكي ومستحيل نطلــب
واذا نبي ناكل شي من كنتاكي نروح هناك المطعم وناكل بس غيره مستحيل لأأأأأأأأأأأأأأأأأأأأ

................................................................................ز


مطعــــــم فرح-المهبوله ........ دايمن الجبن ريحته خايسه والخس معفن والصمونه تحسينها رطبه ولزجه والدجاج ريحته خايسه
مطعــــــم بلميتو -المهبوله ..........نفس الشغله الجبن والخس خايس خايس خااااااااااااايس


وااي جد لاعت جبدي وانا اتذكر بس مستحيل ارد اطلب منهم مستحييييل

والله لا يوفق كنتاكي مادري شنو يحطون بالوجبه مو طبيعين


وبس اتمنى اني فدتكم وديروا بالكم بنات

 

[bitter-sweetness]

اسم المطعم:

تشيليز

الموقع ( أي منطقة أو أي مجمع ):

شارع الخليج

نوع الطلب:

كنا رايحين وايد ما اتذكر

سبب المشكلة:

الفلبيني كانت بأيده مخمه و فيها وصخ و يايبين الثلج بسطل و اهوا ياي
و متعييز يلف من ورا
جان يشيل المخمه من فوق الثلج و يعطيها حق واحد واقف الصوب الثاني
و من عقبها ما طبينا تشيليز لوول

ملاحظات:

 

[منال القلب]

تسلمون بنات
واب
اب

 

[كاتو_كويتيه]

منـــــال القــلب ..< كـــــل الشكر لج على هالموضوووووووع رووووووعه يكره الواحد بالمطااااااااعم


كرهت المطاعم ههههههههه شفيه اكل البيت شحلااااااته

يعطيج العاااااااااافيه

 

[Pupiipop]

اسم المطعم:
فرايديز

الموقع ( أي منطقة أو أي مجمع ):
شارع الخليج

نوع الطلب:
سيزلنج تشكن


سبب المشكلة:
الله يسلمكم لقيت دودة اللي تكون صغيرة يرقة مادري شيسمونها .. تنحت بالصحن و لا زوجي يشوف الدودة تتمشى على الماش بوتيتو جان ينادي المدير مسكين اخترع و قام يتأسف سألني شنو اطلب و اللي يضحك اكثر (طلبت نفس الطلب).. ههههههههههههههه

ملاحظات:
احلى شي بالسالفه المدير ماخلانا ندفع الحساب ... قلت حق زوجي لو ندري جان طلبنا المنيو كله ههههههههههههههههه اتغشمر​