عمليتي السبت , شنو اختار ابره ظهر ولا كمام ؟

[April 29]

صبحكم \ مساكم الله بالخير كلن بنكه

بنات الله يعافيكم ابي مساعده .

عمليتي يوم السبت ومحتاره اختار إبره ظهر ولا كمام

انا أبي ابره ظهر علشان اشوف البيبي اول مايطلعونه بس خايفه من الابره انها تعور او انها ماتضبط واحس بكل شي .. لان وايد بنات يقولون مرات الابره ماتضبظ ولازم دكتور شاطر .. وانا من وين اطلع دكتور شاطر ويقولون ان ان صارت غلط تسبب شلل :/

وابي كمام علشان خير شر ماحس بشي وبس ابطل عيني القا نفسي والده .

اذا خذيت كمام كامل جم ساعه واصحى تقريبا ؟؟ هل راح اصحى عقب ساعه او ساعتين من العمليه عقب ما اطلع من العنايه ؟؟ ولا بظل نايمه لي مادري متى :eh_s(10):

والله حدي حدي محتاره مادري شنو اختار شورو علي عفيه اللي مجربه الاثنين

 

[الحلاوالزين]

الله يسهل عليج ان شالله وتقومين بالسلامه ويبلغ بضناج
انا انصحج بنج كامل لان ابره الظهر راح تاثر عليج بعدين
ومن بعد عمليتج بالبنج الكامل راح تقعدين يوم كامل اونص يوم وانتي يالله تصحين اصلا راح تصحين عدل ثاني يوم
الله يقومج بالسلاااااامه ان شالله*

 

[hanadi-77]

الله اسهل عليج وقومج بالسلامه انتي والبيبي ان شاء الله ونا راح اقولج بانه الدكتور اقرر على حسب حالتج النفسيه ولاتفكرين وتركي كل شي على الله والخيره في ما يختاره الله

 

[عضـــــوه]

على حسب حالتج الصحيه دكتور البنج يقرر بس ادعي ربج يرحيح قلبج للي فيه الخير لج وان شااااااااء الله تبشرينا بولادتج وتقومين بالسلامه حبيبتي

 

[ساشا]

انا نفسج محتارة
انا جربت البنج الكامل نص ساعة وطلعوني من العمليات وخلوني بالافاقة ماطولت كلش
بس احس بالام واااااي ماجني ماخذه مخدر بس بطلت عيوني قعدت اقولهم ابس مسكن ابي مسكن
ويحطولي ولا جنه ... بس ينوموني عشان ماحس
وثاني يوم لمن مشوووني ... واي لا لا لا مو صج الدنيا تلف فيج واحساس غريب
وبعدين عاد الحكة ...... تطلع الروح خاصة انج ماتقدرين تكحين تخافين على الجرح

بس هذا اللي صار معاي ... يعني مو مقياس
لان وايد بنات يمدحون القيصرية (عقدوني) فجسم يختلف عن الثاني
وعلى كثر مافيني بنات ذموا الابرة في بالمقابل بنات امدحوها حيل

 

[-_-Designer-_-]

بجر ومادري انا بعد محتارة اخذها ولا لا بس بخلي كل شي على الله بجرب الكمام اذا ما فاد طلبت ابرة الظهر وانا بعد خوافه خايفه من دخله الابرة نفسها اذا تعور ولا لا, الله يسهل عليج ويقوومج بالسلامه , اهو خلي الدكتور اهو يقرر على حسب حالتج الصحيه وانشالله سهالات

 

[عـــــروس]

كمام

ابرة الظهر له آثار مو شرط تبين ألحين بس بالمستقبل

راح تبين


​

 

[الأميرة جوري]

خليج عالكامل كلهاجم ساعه وتقومين بالسلامه لان ابره الظهر لهااثار من اهمها الصدااااااااااااااااااااع..الله يسهل عليج يارب

 

[April 29]

الله يسهل عليج ان شالله وتقومين بالسلامه ويبلغ بضناج
انا انصحج بنج كامل لان ابره الظهر راح تاثر عليج بعدين
ومن بعد عمليتج بالبنج الكامل راح تقعدين يوم كامل اونص يوم وانتي يالله تصحين اصلا راح تصحين عدل ثاني يوم
الله يقومج بالسلاااااامه ان شالله*

امين مشكوره ماقصرتي
انا ودي ما اكون دايخه ابي من اطلع من العمليه وانا مصحصه عدل
وانا اشوف اللي حولي لما ياخذون كمام ينسون نفسهم ولا يحسون بشي وانا ما احب جذي

 

[April 29]

الله اسهل عليج وقومج بالسلامه انتي والبيبي ان شاء الله ونا راح اقولج بانه الدكتور اقرر على حسب حالتج النفسيه ولاتفكرين وتركي كل شي على الله والخيره في ما يختاره الله

ونعم بالله
امين ماقصرتي

 

[April 29]

على حسب حالتج الصحيه دكتور البنج يقرر بس ادعي ربج يرحيح قلبج للي فيه الخير لج وان شااااااااء الله تبشرينا بولادتج وتقومين بالسلامه حبيبتي

امين حبيبتي ماقصرتي

 

[April 29]

انا نفسج محتارة
انا جربت البنج الكامل نص ساعة وطلعوني من العمليات وخلوني بالافاقة ماطولت كلش
بس احس بالام واااااي ماجني ماخذه مخدر بس بطلت عيوني قعدت اقولهم ابس مسكن ابي مسكن
ويحطولي ولا جنه ... بس ينوموني عشان ماحس
وثاني يوم لمن مشوووني ... واي لا لا لا مو صج الدنيا تلف فيج واحساس غريب
وبعدين عاد الحكة ...... تطلع الروح خاصة انج ماتقدرين تكحين تخافين على الجرح

بس هذا اللي صار معاي ... يعني مو مقياس
لان وايد بنات يمدحون القيصرية (عقدوني) فجسم يختلف عن الثاني
وعلى كثر مافيني بنات ذموا الابرة في بالمقابل بنات امدحوها حيل

واااي الله يستر
اي هذا الشين بالكمام ان لما تقومين تكحين وبلغم ولوعه جبد
بس الابره سهالات ولا جنه مسويه شي

 

[April 29]

بجر ومادري انا بعد محتارة اخذها ولا لا بس بخلي كل شي على الله بجرب الكمام اذا ما فاد طلبت ابرة الظهر وانا بعد خوافه خايفه من دخله الابرة نفسها اذا تعور ولا لا, الله يسهل عليج ويقوومج بالسلامه , اهو خلي الدكتور اهو يقرر على حسب حالتج الصحيه وانشالله سهالات

اي اي انا خايفه من دخلتها احس شطولها تعور بدش بظهري وتطلع من بطني :eh_s(16):
انشالله خير

 

[April 29]

كمام ​

ابرة الظهر له آثار مو شرط تبين ألحين بس بالمستقبل ​

راح تبين ​

مشكوره ماقصرتي

 

[April 29]

خليج عالكامل كلهاجم ساعه وتقومين بالسلامه لان ابره الظهر لهااثار من اهمها الصدااااااااااااااااااااع..الله يسهل عليج يارب

بس يقولون الصداع يفرق من وحده لي وحده حتى اثارها :/
مشكوره ماقصرتي

 

[lulu2009]

حبيبتي ابره ظهر

ولازم دكتوره شاطره متخصصه هل شي دكتورتج تفيدج فيه

بولادتي دكتورتي كتبتلي اسمي دكتورتين قالت غيرهم لا

 

[فراشـهـ]

الله يسهل عليك يارب

انا كمام سويت اتوقعه اسهل من الابره

 

[ʍ!ʂʂ ɑӀƙɑժվ~❁]

هلا حبيبتي

الصراحه انا مجربه البنج العام ومريح تقعدين بعد فتره صج بتكونين دايخه بس هم راحه

الحمدالله اما ابرة الظهر كلش ما انصحج فيها اعرف وحده طلبت ابرة الظهر ووقت العمليه تحركت الابره وحست بكل شي وقامت تصارخ

وتداركوا الوضع وبنجوها عام بسرعه يعني العام نعمه واريح لج *

 

[ام عفاف الكويت]

انا عمليتي بنج كامل
نص ساعه وبس
ودكتورتي استشرتها بابره الظهر
قالت لا مانصحج مفعولها مايبين الا بعدين

 

[Dr.Nouf]

ابرة الظهر اي خطأ ترة تسبب شلل انا سامعة!

بس امي مجربتها عن دكتور زين .. لمن ولدت قيصيرية .. الحمدلله ماصار فيها شي بس اللألم فظيع تقول!

,