& تجمـع مراجعـات مستشفى السيـف &

[انجبر قلبي]

رد: &&((((((تجمع الحوامل اللييراجعون بمستشفى السيف ))))))&&

ليش نايمين يا حلوات؟
أنا والده بالسيف عند الدكتوره نادين و الحين أنا بالتاسع بس راح أولد عند روبينا هالمره لانه نادين مسافره و بترجع شهر ١٠
الصراحه المستشفى لا يعلا عليه من كل النواحي الاهتمام و النظافه و الدلع و الخبره

متى سافرت؟ توني الاسبوع اللي طاف مراجعه عندها و قالت راجعيني بعد اسبوعين

شلون كانت تجربتج معاها بالذات ؟

 

[iTaLiyA]

رد: &&((((((تجمع الحوامل اللييراجعون بمستشفى السيف ))))))&&

سافرت بالعيد
والله الدكتوره وايد زينه و مشالله ايدها خفيفه و حزت الولاده ما تشق وايد عشان ما تخيط وايد و خياطها مشالله نظيف و بسرعه يبرا لانه بس غرزتين و استغرب البنات يقولون ما تفهم أنا من نص الثالث قالتلي جنس البيبي و نفسيتها وايد حلوه ما اذكر انها بيوم نفست او عصبت بوهي
هذا غير لما اسوي تحاليل اهي بنفسها تدق تطمني عن النتيجه
حدي متحسفه انها سافرت حزة ولادتي لأني كنت أبيها اهي اللي تخيطني بما انها اول مره اهي اللي ولدتني و عارفه حالتي

 

[انجبر قلبي]

رد: &&((((((تجمع الحوامل اللييراجعون بمستشفى السيف ))))))&&

عسى الله يهون عليج يا رب وتولدين بسلامه انتي والبيبي انشالله ...

انا بعد مرتاحتلها الحمدلله ماشالله كله مبتسمه و تحسينها فاهمه و تعطيج المختصر المفيد

بس فاجئتيني بسفرتها ماتدرين اي تاريخ بترجع بالضبط؟

 

[iTaLiyA]

رد: &&((((((تجمع الحوامل اللييراجعون بمستشفى السيف ))))))&&

و يهون عليج يا قلبي
والله قالولي لي شهر 10 يعني بدايته بتكون موجوده لا تحاتين
انتي حاليا اذا عندج مراجعه روحي عند روبينا او راجني
الثنتين زينين وايد و الله يسهل عليج حبوبه و تولدين بسهاله و من غير تعب

 

[انجبر قلبي]

رد: &&((((((تجمع الحوامل اللييراجعون بمستشفى السيف ))))))&&

اجمعين يا رب الله يسمع منج مشكورة حبيبتي ما قصرتي

 

[أوكسجين]

رد: &&((((((تجمع الحوامل اللييراجعون بمستشفى السيف ))))))&&

السلام عليكم

انا توني والده بالسيف
المستشفى من الناحيه الطبيه ممتاز
من دكاتره وسسترات
وانا دكتورتي من بره المستشفى ( ناهده العلي )
بس الاكل سئ من شركة الخطوط الكويتيه استغفر الله جنه اكل طيارات
خذيت اول ليله ستاندر B
وليلتين ال vvip class A

طلع حسابي 1970
ابرة الظهر تكلف 110
وطلق صناعي 50

 

[нάγoηά cнεмίsтяγ]

رد: &&((((((تجمع الحوامل اللييراجعون بمستشفى السيف ))))))&&

ماشالله أكسجين الحمدالله ع سلامتج و سلامة البيبي ...

غريبـه أكل السيف مو حلو ؟ لاني جربته مرة كان صحي و حلو يحطون سلطة فواكه و عصير برتقال فرش و الساندويش حلوة مافيها شي.. ومو ذاكرة اذا كانو حاطين سلطة او لا بس الظاهر يتغير مادري؟؟ شنو كان أكلهم؟

و 1970 هذا الاجمالي كله مع ابرة الظهر و الصناعي والا حاطتهم بروح

 

[أوكسجين]

رد: &&((((((تجمع الحوامل اللييراجعون بمستشفى السيف ))))))&&

اي السعر الاجمالي 1970

ايبون سلطة فواكه بس عصير البرتقال كي دي دي

 

[нάγoηά cнεмίsтяγ]

رد: &&((((((تجمع الحوامل اللييراجعون بمستشفى السيف ))))))&&

هههه صج .. انا اذكر شربت فرش مو كي دي دي !

 

[Poison_Girl]

رد: &&((((((تجمع الحوامل اللييراجعون بمستشفى السيف ))))))&&

حمدلله على سلامتج أكسجين شنو يبتي؟
لشلون غرفت الولاده يقولون تشرح الصدر..​

 

[Poison_Girl]

رد: &&((((((تجمع الحوامل اللييراجعون بمستشفى السيف ))))))&&

سوري توه تتطلعلي الصوره.. مبروك على حسون ويتربه ابعزج انشاءالله..
اشلون تصويرهم؟ واشلون الحضانه؟
واي انا قعده احاتي كل شي انشاءالله خير​

 

[انجبر قلبي]

رد: &&((((((تجمع الحوامل اللييراجعون بمستشفى السيف ))))))&&

لا تحاتين بويزن وكلي امرج لله والله يسهل علينا يا رب

 

[Poison_Girl]

رد: &&((((((تجمع الحوامل اللييراجعون بمستشفى السيف ))))))&&

انشاءالله
انجبر قلبي.. متى انشاءالله ولدتج؟​

 

[انجبر قلبي]

رد: &&((((((تجمع الحوامل اللييراجعون بمستشفى السيف ))))))&&

آخر موعد لي بين 1-11 أو 7-11

السونار يقول 1-11 اخر موعد وحسبة الدورة 7-11 وبالنهايه الله اعلم

وانتي متى انشاءالله ؟

 

[ScarletteO'Hara]

رد: &&((((((تجمع الحوامل اللييراجعون بمستشفى السيف ))))))&&

انا ولدت بالسيف من شهر تقريبا
دكتورتي كانت روبينا
غرفتي VIP b
ولادتي طبيعية
مستشفى ممتاز و دكتورتي روعة
الصراحة ما افكر اغير هالمستشفى
دفعت حق ولادتي مع إبرة الظهر ١٠٩٠
و غريبة الاكل ما عجبج أوكسيجين انا فصلت على طبق دياي بالمشروم مو طبيعي بس صادة الي ما عجبني فيهم ان عصايرهم كي دي دي مو فرش
بس جد مستشفى على مستوى

 

[Poison_Girl]

رد: &&((((((تجمع الحوامل اللييراجعون بمستشفى السيف ))))))&&

انجبر قلبي.. الله عليج
انا حسبت الدوره 26-10 بس الدكتوره معطتني اخر موعد 10\10


ScarletteO'Hara حمدلله على سلمتج..
اشلون الدكتوره تصبر عليج؟ واشلون خياطها؟ انا وايد مرتاحه حق الدكتوره والمستشفى وما يهمني الاكل اهم شي سلامتي وسلامت ولدي .. ​

 

[нάγoηά cнεмίsтяγ]

رد: &&((((((تجمع الحوامل اللييراجعون بمستشفى السيف ))))))&&

انا ولدت بالسيف من شهر تقريبا
دكتورتي كانت روبينا
غرفتي VIP b
ولادتي طبيعية
مستشفى ممتاز و دكتورتي روعة
الصراحة ما افكر اغير هالمستشفى
دفعت حق ولادتي مع إبرة الظهر ١٠٩٠
و غريبة الاكل ما عجبج أوكسيجين انا فصلت على طبق دياي بالمشروم مو طبيعي بس صادة الي ما عجبني فيهم ان عصايرهم كي دي دي مو فرش
بس جد مستشفى على مستوى

الحمـــدالله على سلامتج حبيبتي و سلامـه البيبي عسى الله يحفظه لج
كلامـج يريح و السعـر زين بس انتي سويتي استقبال ؟ و غرفة الـvip كانت زينه وتكفي للاستقبال؟
انا رحت مع زوجـي شفتهـا وحدة وكانت صغيره بس قالنا هذي اصغر غرفه من الـVIP في غرف اكبر بس على حظنا وقتهـا كانو فيه ناس ما قدرنا نشـوف
بصراحة انا حاطة في بالي الvvip عشاان الاستقبال بس اذا الـvip تصلح اخذها أوفر لي ​

 

[нάγoηά cнεмίsтяγ]

رد: &&((((((تجمع الحوامل اللييراجعون بمستشفى السيف ))))))&&

اي صـج بنـات اللي سووا استقـبال في غرف السـيف ابي اسأل احجام السراير كلهم نفس الحجم بو نفر ؟ أكيـد تقدرون تتحكمون بالسرير ترفعونه وتنزلـونه؟ و ابي اسأل عن خدمـه البيبي كام موجودة في الغرف حاليا ؟ اللي تشوفيـن البيبي بالشاشه ​

 

[iTaLiyA]

رد: &&((((((تجمع الحوامل اللييراجعون بمستشفى السيف ))))))&&

حبيبتي هيونه أنا برد على استفساراتج بما انه اختي سكارليت نايمه حالياً
بالنسبه للغرف الكبيره لل vip اهما ثنتين ١٥٠١ هذي أنا كنت ماخذتها و سويت استقبالي فيها و الثانيه ١٥٠٩ اللي اختي سكارليت خذتها و هم سوت استقبالها فيها اما الباجي يصيرون صغار
بالنسبه للسرير كلهم نفس الحجم و تقدرين تتحكمين فيه نفس ما تبين
و بالنسبه للكام على ايام ولادتي قبل سنه ما كانت شغاله بس الحين على ولادة اختي بلا مشغلينها
الدكتوره روبينا من اللي شفته باختي انها وايد زينه و خياطها زين هذي النقطه خلي اختي تقولج عنها لانه أنا دكتورتي نادين فما اقدر افتي بالموضوع و اي استفسار أنا بالخدمه

 

[нάγoηά cнεмίsтяγ]

رد: &&((((((تجمع الحوامل اللييراجعون بمستشفى السيف ))))))&&

مـشكورة حبييبتي ايطاليـــه وايد على ارقام الغـرف ودي اروح واشوفهم لاني كنت ناوية اشوفهـا بس كانت محجووزة .. المشكلـه يقوول حزة الولادة انتي وحظج الغرفه المتوفره تاخذينها يعني يمكن حزتهـا ما الاقيهـا فاضيه !
ع الحظ

بس ما قلتيلي عن الاستقبال شلونهـا لاستقبالكم كانت مناسبه و راهيـه والا ضيج
اللي استغربت منه يوم شفت غرفتين عندهم ان ماكو طاولات يعني اذا بنحط الحلووو و هالسوالف
قال تقدرون تزيدون طاولات وتطلبونها من عندنا بس انا اقصد لازم فيه طاولة كبيره نحط عليها سوالف التقديم
مو الصغـار

و آنا مثلج اراجع عند دكتــورة ناديـــن



​