طلقني بسبه هامورة !

[دلوعة حمني]

هداج الله

 

[anoon89]

الريال مشتهي هاموووور ليش مكبرة السالفة ونصيحة مني حتى لو غازل احقرية والله يرجعلج مثل ال..... لان الريال اصلا لي جاف انة المراا تغااااارعلية راح يتعمد يغازل يدهما عشان يحرق اعصابها

 

[Perfect J]

والله اكثر شي زعلني بالقصة
الهامورة الي قطيتيها بالزبالة حرام هذي نعمة

والا موقفه بصراحة طبيعي جدا وما ينشره عليه

لهالدرجة ماكو ثقة ؟!!

شفيها يعني لو رديتي البيت وطبختي اللي قالج عليه
ولبستي له فستان فوق الركبة (بمتر) ع قولتج
وترستي عينه !!!

على راي البنات بكرة اذا سألوح بتقولين هامورة

حتى انتي قلتيها بالعنوان

بصراحة عصبتيني وبنفس الوقت قلبي عورني عليج

عموما ان شالله يكون طلقج بلحظة غضب وما ينحسب الطلاق
لأنه كان وقت هواش وانتي حيل استفزيتيه !!

ومرة ثانية مسكي اعصابج

 

[غدنااااء]

المفروض تسوين له الهاموره وتلبين طلبه وتدلعينه انتي غلطانه اليوم سويتي هالسوات وباجر ماتحترمينه تسوين اكبر

خذيتي جزاج

 

[كويتية تركية]

الحمد الله والشكر....الله يهديج بس

 

[وردة^الكويت]

مالومه اذا عصب
انتي حييل ضخمتي السالفه
ماتسواااا حدهااا
و اذا كان يقصد البنت
جان خليتي نفسج غشيمة
ومشيتي السالفه

 

[Om_Ksha]

امبي ذكرتيني بوحده تسوي سوااالف من ولا شي الله يفكنا من شرها بس

شكلج حدج وحدددددده @@

الله يعينج !!

 

[حبيتكم فسجلت]

الله يهديج بصراحة كبرتي الموضوع كثير
انا رايي انج تعتذرين لزوجك

وبسرعه بعد اعتذري ..شنو انتي هالقد مو واثقه من نفسج وذابحج الشك!!!
كا هدمتي بيتج الله يهديج!!!!
وشكل ريلج من الاول متعبته بتصرفاتج ولاكان ماطلقج بهالسرعه
الله لايبلانا ....

اقولج شي والله ضحكت على نفسي يوم قريت موضوعج على بالي هاموره اسهم يعني غنييييه وبياخذها عليج صارت سمك هههههههه.استغفر الله...

 

[صعب أسامح]

وااااااااااااي واي منج
صراحة تبطين الجبد والمعده بعد
شهالتهور اللي انتي فيه وين قاعدة
توم وجيري
فرضي انه كان رايح بروحه وشاف البنت وانتي مو معاه
انتي تعرفين طبع زوجج اذا مغازلجي ولا لا
وليش سكتي لحد ماوصلتي البيت وحطيتي حرتج بالنعمه
المفروض لما رد رحتي وراه ليش قعدتي شتنطرين يجيبها معاه
اسمحي لي انتي عندج سوء تصرف وتهور مو طبيعي
وبعدين زوجج ماطلقج الا انه شايل شكثر بقلبه من تصرفاتج البايخه
لحقي عليه واعتذري لا تتفاجاين بوحده مثل ام ربع متر معاه
وضبطي اعصابج وثقي بنفسج شوي

 

[وردة الدوحه]

الله يهديج كبرتي السالفه
الحين بشنو انفعج العناد
تطلقتي وهدمتي بيتج
ان شاء الله تردون البعض

 

[المديـ بنت ـنة]

استغفر الله

خلف الله عليك وسامحيني

بس جد انتي الغلطانه وش هالتصرف

ماعليش اسمحي لي تصرف وحده عوباء ومقويه وش تاخذين نعمة الله وتقطينها بالزباله

وتقولين لزوجك روح لامك تطبخها لك ..؟؟؟!!!

بصراحه انتي الغلطانه وزوجك واضح من تصرفه لا مغازل ولا غيره وانتي بنفسك قلتي لا ابتسم ولا غيره ..؟؟

انا اقول تعوذي من ابليس وكلمي زوجك وتعذري منه وبرري موقفك . الله يهديكم

 

[مس لوتس]

غلطاااااانه100000000 بالميه

 

[سنيوريتآ]

آمبيييييــه من صجج :"/

 

[نسيانك صعب]

مااااا اقول الا
الله يهديكم لبعض /:*

 

[ام زايد العتيبي]

اتوقع البنات ما قصرو فيج الحين حبيبتي الحل انج تردين بيتج وتشترين هاموره وتطبخينها وتتاسفين وان شا الله يسامحج

 

[جمال هنديه]

بصراحه البنات ما قصرو سالفه الي سويتها ماتسوالف!!!!!!!!!!!!!!!!!!

 

[VET-Nour]

حممدلله و شكككر ؟؟
اممبيه !
انزين قالج ابي هاموره قوليله مااعرف اطبخ آو مااحب ريحة السمج تقلب جبدي , بس تقولينله روح لامك تطبخلك ؟؟
اصلاً شكو تقطين السممجه بالزباله ؟ اهو شاريها من حلالج ؟؟
نقص من دينج شيء يوم شرآهأ ؟
حممدلله و شككر
لو مفكره بـ ععقلج قبل ,
جآن ما تطلقتي ,
سوري بس انتي تستاهلين

 

[PuPa^^SWeeT]

شصار عليج الحيييين



صاحبة الموضوع ترا كل يوم ادش اجيك عليييج

كلمتيه ؟ رديتي البيت

 

[الحلوة ريا]

شصار عليج الحيييين



صاحبة الموضوع ترا كل يوم ادش اجيك عليييج

كلمتيه ؟ رديتي البيت

أخذت غداى ( الهامورة ) بعد ما طبختها ورحت لبيت خالتي والحمد لله ماعرفت بالسالفة ولا قايل لها ريلي ​

قلت لها اليوم جايبه لج غدا يا خاله قالت ليش يايه بروحج وين ريلج وعيالكم ؟؟؟!!!​

قلت لها بقولج شنو صار يا خالتي وانتى بحسبه المرحومة امى الله يرحمها​

رحت ويا ريلي لمركز سلطان وشفت وحدة قاعدة تتحرش في زوجي ومن حبي له وغيرتي تزاعلت معاه وطلقني :eh_s(11):​

ترضين يا خالتي عيالي يعيشون وأمهم وأبوهم منفصلين عن بعض ؟؟ ​

قالت لا والله ما ارضي بس أكيد انتى زعلتيه زعل جايد ولا ما يطلقج​

لا تعليق ​

قالت راح أدق على ولدى ييى يتغدى معانا دقت عليه وقالت تعال أبيك ضروري وما قالت له أنى عندها نص ساعة واهوا ياي​

أول ما شافنى أنصدم وعصب لكن قالت خالتي ترى الشيطان شاطر ودخل بينكم والبنية معترفة بغلطتها وغلاتي تردها عشان عيالها وقمت حبيت على راسه وقلت أنا أسفه وحقك على والحمد لله ردني :eh_s(9)::eh_s(9):​

تغدينا غدانا ورديت شقتي الحمد لله وتوبة نروح مركز سلطان مرة ثانيه

 

[عبيطه تستعبط]

الحمدالله انكم رديتو ^_^
الله يتمم عليكم ،
بس ديريبالج لا تعيدين هالسوالف :\