الـتـجمـع السادس لكليه الدراسات التجارية مستجدات و مستمرات2011/2012

[Zen&7ala]

بنات المستجدات بكل التخصصات :
جدولكم اول كورس راح يكون ثابت يعني المواد والدكاترة مختارينهم وحاطينهم وكل وحده وحظها
واللي تبي تحول تشد حيلها من البداية
وتنسى شي اسمه دكتور زين ودكتور شين
هالحجي بتملون منه ومو دايما يضرب الحظ بالكلام اللي تسمعونه والله

يعني اهم شي تشدون حيلكم وتاخذون اللي تبونه سواء كان دكتور زين او شين تاخذينه يعني تاخذينه

وموفقين

المستمرات
اول اسبوع 18 الشهر >> بس كالعاده ثاني اسبوع نداوم خخخخ

السحب والاضافه يبلش 18 الشهر بعد بس جيكو هالاسبوع تنزل المواعيد

وانا بس بسأل رغبات الميداني بنات سجلتو؟؟

وموفقيــــــــــــــــــــــــــــــــن , ادعولي معاكم خخ

ممتاااااااااااااااااااز

هذا الي كنت بقوله :eh_s(9): مشكوووره صبقتيني

و يعطيج العافيه على التوضييح

و حبايبي المستجدات اول كورس حييل مهم بنات حيييل مو شويه ديروا بالكم و شدوا حيلكم عشان المعدل

لان المعدل ينزل بسرعه و مو بسرعه يرتفع فهذي فرصتكم و لا تحاتون تى المواد سهله

 

[Zen&7ala]

هلا فيج حبيبتي :eh_s(7):

انا توني ثاني كورس وحدي خايفه من هالتخصص :krkrkr:
كنت ابي قانون بس الله ماكتب وانحطيت بهالتخصص :eh_s(4):

نحن نريد والله يفعل مايريد :yaaaaaarb:​

اهلييييييييين

لا بالعكس المحاسبه احسن تخصص بالكليه و على شكل عام بالكويت كلها

لان المحاسبه مطلوبه بالكويت لانها دوليه ماليه و تحتاج محاسبيين :eh_s(7):

و صج الماده دسمه بس بالمستقبل بتفيدج و تكون عندج رقبات وايد حق الوظيفه و

اسرع شي يتوظف :rerrerek:

نضغط على عمرنا هالجم سنه و راها نرتاح ولا تخصص سهل و عادي و بعدين نتحسف:eh_s(15):

 

[شمــوﺨﮯمطيـــر]

اهلييييييييين

لا بالعكس المحاسبه احسن تخصص بالكليه و على شكل عام بالكويت كلها

لان المحاسبه مطلوبه بالكويت لانها دوليه ماليه و تحتاج محاسبيين :eh_s(7):

و صج الماده دسمه بس بالمستقبل بتفيدج و تكون عندج رقبات وايد حق الوظيفه و

اسرع شي يتوظف :rerrerek:

نضغط على عمرنا هالجم سنه و راها نرتاح ولا تخصص سهل و عادي و بعدين نتحسف:eh_s(15):

عدل كلامج اهم شي ان بعد التعب راحه وانا ان شاء الله راح اكمل محاسبه
مشكوووره قلبي عالتشجيع :eh_s(11):​

 

[M!ss-Sosa]

بنات تسجيل رغبات الميداني بالنت ولا اروح الكليه ؟؟
ومتى التسجيل ؟؟

 

[جنون الـq8]

^^^^^^^

مادري انا مستجده

بس جيكي ع موقعهم اكيد بتلاقين شي بهالخصوص

 

[Blue Tulip]

بنات تسجيل رغبات الميداني بالنت ولا اروح الكليه ؟؟
ومتى التسجيل ؟؟

التسجيل بالضبط ماادري بس انا خذيت الميداني بالصيفي
واذكر سجلت الرغبات بالنت كان اخر شهر 5

 

[مسز دينا]

بنات في أحد راح اللقاء التنويري وشنو يبون ؟؟..


ومتي ناخذ الجدول ..؟؟. والمواد كلها مواد عامه ؟؟..


ووو عن الأمتحان .. شلون ع الكلمات شلون ادرسها ؟؟ .. من وين ايبها ؟

شدعوا ولا وحده ترد ؟؟؟

 

[Zen&7ala]

شدعوا ولا وحده ترد ؟؟؟

ان شاء الله اذا احد راح بيقولج بس ترى ما اتوقع بيقولون شي !! و ما اظن وايد بيروحون

و ماراح يكون شي يديد فلا تحاتين

 

[ربي سبحانك]

بنات انا قانون وحدي خايفه ماني عارفه شنو الوضع وشلون طريقة الدراسه سهله صعبه جان زين تفيدونا

 

[LoLaTi]

بنات انا خريجه وتخصصي محاسبه الي تبي مساعده بخصوص الدكاتره اذا كان دكتور زين او شين او موعارفه شنو المواد الي تاخذهم او متوهقه بشي تقولي بالخاص لان مادخل هالتجمع وايد بس خلاص تخرجت كبر راسي :krkrkr:

 

[جنون الـq8]

شدعوا ولا وحده ترد ؟؟؟

امبلااا انا رحت اللقاء التنويري

و اللقاء يشرح لج طريقه التسجيل و سحب المواد و متى الاضافه و هالسوالف اللي بعدين راح نفهمها عدددل و التحويل من تخصص لتخصص داخل الكليه او التحويل خارج الكليه و هالسوالف

.....

الامتحان باجر يوم الثلاثاء من الساعه 9 الصبح بكليه التجاري بمبنى 5 قاعه 512
لازم يكون معاكم البطاقه المدنيه او ما يعادلها لغير الكويتيين
وقلم رصاص نوع HB مع محايه :d

الامتحان كللله اختياااري و لازم نلون الدائره كلها عدل لان في آله اهي اللي تصحح الاوراق يعني ظللوا الاجابات عددل ع شان الاله يبين معاها الحل

امممم بعد شنو شنو <<<< تفكرر

اييي بخصووص الجدول

يوم الاربعا يسلمون الجداول حق اللي تخصصاتهم " اداره - اداره مواد -التامين"

يوم الخميس يسلمون جداول حق اللي تخصصاتهم " محاسبه - قانون - بنوك - الحاسب الالي"


كتبوا رقمكم المدني و الرمزز اللي يطلع لكمم

و شوفوا امتحانكم اي ساعه ... بس يفضل الساعه 9 انتوا هناك تحسبا ....


وبسس هذا اللي يحضرني الحين اي شي اتذكره اقول لكمم

 

[ASHKE ANA 7ALY]

بنات انا تخصصي ادارة كنت راح احول بس خلاص توكلت على الله وبكمل بس فيدوني فيه انا
مستجده وحدي مفهية ولا اعرف ولاشي وما عندي فكره عن هالتخصص

 

[نوفاتي]

الله يوفقنا جمييييييييييييييع


والدراسه حلووه مو صعبه لكل التخصصات


وماكو شي بالساهل بس مو صعبه



اسهل شي الاداره حييييييييل خفيف وسهل

 

[Zen&7ala]

الله يوفقكم


و بخصوص القاء التنوري البنت ما قصرت شرحت و يعطيها الف عافيه


و بنات الله يوفقكم بالامتحان باجر

 

[M!ss-Sosa]

موفقين

 

[M!ss-Sosa]

أنا خــــريجة هالكورس وبــفيد غيري

نبدأ بالمواد المشتركة لكل التخصصات:
1.ثقافة إسلامية: مبروك محمد اهو زين بس حريص على الغياب.
2.محاسبة 1و2 : أحمد السمحان واخذت عند هيئه بس والله كان يهبل بس للاسف ما اعرف اسمه بس اللي اعرفه اسمه فهد
3.مقدمة في الحاسب: اخذتها عند سناء المؤمن وتهبل امتحاناتها اختياري وصح وغلط و25 درجه للامتحان الاول و25 درجه للامتحان الثاني.
4.مبادى أقتصاد: عبدالله العتيبي والله هالاستاذ يهببببل بس للاسف الحين يكمل دراسة وامتحانات صج صعبه بس اهم شي عنده الحضور والغياب وانا كنت مزفته بامتحاناته بس ولا مره غبت عنده اخذت a-
5.الإحصاء: سهيلة الفرهود زوينه بس شوي شديده امتحاناتها كله من المذكرات اللي توزعهم بس اللي تغيره الارقام نظامها مو حلوو اللي تدخل وراها تطردها
6.طباعة انجليزي: اخذتها عند نوال العباد والله تهبببببل كل اساتذة الطباعه يهبلون لانها ماده سهله .
7.الأنجليزي بشكل عام: اخذت 99 عند هيئه بس كانت تهبل عزيزه المفرج وانجليزي (1) هم عند هيئه هم تهيل عند مريم العوضي وانجليزي (2) عند ساره الصباغ والله عسسسسل صج لما تشوفونها تقولون عنها نفسيه بس تهبل والله تقول شنو المهم بالامتحان واذا غبتوا وعندكم طبيه تمسح الغياب وانجليزي (3) عند فريده عابدين طبعا وااايد بنات ذموها والله بالعكس كانت حبوبه وتهبل كل المحاضره سوالف وقرقه : ) والله كنت مزفته بالامتحان وطالعه ودرجتي زفت لكن اصدمتني بالنتيجه انا توقعت اخذ عندها f بس والله حطت لي c
8. ميكانيكا سيارات:خالد مراد محاضرته نص ساعة وأختباراته سهلة وايد.
9. أصول أدارة: اول مره كان عند عبدالله تقي وبعدين غيروه صار عادل زويييين بس هيئه
10.استخدامات الحاسب : هالكووورس راح اخذها
المواد التخصصية:

1. نظم المعلومات: أسيل الدعيجي تينن
2. مراسلات عربي: جميلة ابراهيم
3. علاقات عامة: ناصر العنزي زويييييييين احسن من اللي يعطون هالماده غيره
4. أصول تسويق: هم عند ناصر العنزي
5. أدارة حكومية: ناصر المطيري والله يهبل هالاستاذ رحت كلمته لان كان عندي انذار ورفعني واااايد
6. أدارة أفراد: عند فاطمه الدويسان تهبل نظامها 20 درجه للامتحان طبعا بس واحد و20 درجه للتقرير طبعا تسون مجموعه وبعدها تقولك بأي محاضره تشرحون و10 درجات للحضور والغياب
7. ادارة مالية: عبداللطيف الرخيص
8. عمل مكتبي : فضه الخميس لا يعلو عليها احد
9. معالج متقدم : محاسن الفضاله
10. مراسلات انجليزي: ساره الصباغ
11. سلوك تنظيمي: اسيل الدعيجي
12. اتصالات ادارية : جميلة ابراهيم
13. مكتب نموذجي : عند فضه الخميس هالاستاذه تهبببببببل

14. ادارة مكاتب : ياسمين النصار
وان شاءالله راح احط لكم بعض اراء البنات بالاساتذه ​

واللي تبي اي شي لا يردها الا الكيبورد وطوفوا البدليات لان حدي تعبت وانا قاعده اكتب لكم
موفقين :eh_s(22):​

 

[M!ss-Sosa]

نبدأ بالمواد المشتركة لكل التخصصات:
1. ثقافة إسلامية: مبروك محمد اهو زين بس حريص على الغياب.
2. محاسبة 1و2 : أحمد السمحان.
3. مقدمة في الحاسب: فاطمة العوضي ومنتهى السعيد ولطيفة الشمري عجيبات وحبوبات.
4. مبادى أقتصاد:عبدالله العازمي.
5. الإحصاء: سهيلة الفرهود.
6. طباعة انجليزي:أمينة اليوسفوفردوس المخلد.
7. الأنجليزي بشكل عام:أحسنهم حبيب الشمري ومريم القطان وفاطمة الأبراهيم وسارة الصباغ وشيماء دشتيوابعدوا عن سميرة الغربللي ووداد القرطاس وألفت ونورة الفوزان هذي حسبي الله عليها ظالمة ومايعجبها العجب تكرهج بالأنجليزي وحدها نفسية.
8. ميكانيكا سيارات:خالد مراد محاضرته نص ساعة وأختباراته سهلة وايد ومضمون الa معاه.
9. أصول أدارة:انفال البدر حدها عجيبة .​

المواد التخصصية:
1. نظم المعلومات: أسيل الدعيجي تينن
2. مراسلات عربي: جميلة ابراهيم.
3. علاقات عامة: فايزة العوضي اهي نفسية شوي بس حقانية ولازم تييبين كتابها.
4. أصول تسويق: هم أنفال البدر ولاتاخذونها عند أمل الفوزان وايد تعتمد عالمشاركة وتظلم اللي مايشارك وامتحاناتها تعتمد عالفهم (حدها صعبة).
5. أدارة حكومية: يعقوب الكندري.
6. أدارة أفراد: أهي المادة دسمة بس ماكو احسن من عايد مناع بس يبي التزام و وايد يكتب بس يساعد نصيحتي سجلي المجموعة الثانية عنده عشان تضمنين الاختبار بيدج.
7. ادارة مالية: عبداللطيف الرخيص .
8. عمل مكتبي : فضه الخميس لا يعلو عليها احد .
9. معالج متقدم : محاسن الفضاله .
10. مراسلات انجليزي: فاطمة الابراهيم .
11. سلوك تنظيمي: عدنان العلي وحيدر الحداد.
12. اتصالات ادارية : جميلة ابراهيم.
13. استخدامات الحاسب : لطيفة الشمري.​

فريال الصباح : والله تعطيكم بونص 3 درجات وتساعدج وتعطيكم اسأله الامتحان وتبي المختصر المفيد بالامتحان​

في مواد تاخذينهم اجبأريه لكل التخصصات .. يعني راح تاخذين مأدتين من محأسيه .. في محاسبه 1 ومحاسبه 2 .. اذا نجحتي من محاسبه 1 .. تفتحلج مادة محأسبه 2 ..
وأغلب اساتذة محاسبه موشي .. احسنهم اخذي عند استاذ فيصل العنزي .. << في اثنين اساميهم جذي .. بس واحد اهو اوكي .. يعطي درجات ..
وراح تاخذين مادة قانون أداري .. يدرسج استاذ من القأنون .وأساتذة القانون كلهم حلوين ..
ومأدة ثقافه اسلاميه .. كلها حفظ نفس الدين .. انصحج عند استاذ مصري اسمه يحيى .. خوووووووش استأذ ..
مأدة اصول اداره .. أإممممممم انا خذيت عند ساره الحوطي مأشي حألها ..
ومأدة اداره حكوميه .ز اخذي عند نأصر المطيري وانتي مغمضه ..
مأدة ادراة افراد اخذيهأ عند عايد المناع زوين
الرفاعي .. بس لاتغيبين ينجحج لو ساقطه .. بس لاتغيبين يرفعج فوق ..
علاقات عامه .. اخذيها عند ناصر العنزي .. يساعد ب امتحاناته صعبه .. لانه اللي يدروسنها بس اهو وحرمتين ..اهو اشواهم .. انحااااااااااشي عنده وحده اسمها فايزه العبدالله العوضي ..
وعند طباعه انقليزي .. سهله واغلب اساتذتهم زينييين .. انا درست عند نادية العجمي تهبل .. وانصحج بنوال العباد تهببببببببببببببببببببببببل .. وطباعه عربي . هم نفس الاساتذه .. ترى سهله الطباعه محد يسقط فيها شدي حيلج واظمني الـ a​

ومادة مقدمه في الحأسب الالي .. اذا نجحتي فيها تفتحلج مادة استخدامات في الحاسب الالي .ز كلهم سهلات واساتذتهم زينيين .. ​

اخذي عند منال السويدي او منال المخيزم او لطيفه الشمري .. انا درست عند منال لسويدي شديده بالحضور بس امتحاناتها سهله حدهاااا .. وتسااعد .. ودرست استخدامات عند احمد الشراح غثييييييييييييث بس يعطي درجات بالهبل .. محد ياخذ c عنده .. كلهم a و b​

والانقليزي .. اذا نجحتي بالقدرات .. ماراح تاخذين اقليزي 99 التمهيدي .. ع طول تاخذين انقليزي 1 ..
واذا لاسمح الله مانجحتي راح تاخذين التمهيدي .. وماعليه وحداات يعني ماياثر بالممعدل ..
بس لازم تنجحين فيه .. اذا نجحتي ..اخذي الانقليزي عند شيماء دشتي .. مي مطاوع .. مي العتيبي .. عايشه المطوع .. هذووووووووووووووولا يهبلوووووووووون محد يسقط عندهم .. ومايعطون الـ d
مأدة الاقتصأد اخذيها عند عبدالله العأزمي او عبدالله العتيبي هذولا بسسسسسسسسسس احسن شي .. ​

مادة الاحصاااااء .. اخذيها عند استاذ اسمه احمد الصالح اذا موجود هذا احسنهم .. بس الباجي هم زينييين ​

مادة نظم المعلومات وطرق الحفظ . اخذيها عند بوعركيبس
مادة مراسلات عربي عند جميله ابراهيم وبس
اصول تسويق عند احمد العوضي وبس
اداره ماليه اخذيها عند عبدالطيف الرخيص وبسسسسسس احلى استاذ والله << الماده هذي صعبه واهو ينجح بسسسسس
انحااااااااشي عن بشار العثمااان وفيصل حماد .. ​

وراح يعطونج مواد اختياريه مكتوب فوقهم .. تاخذين بس وحده فيهم .. وانصحج تاخذين ميكانيك سيارات .. اساتذتهم يهبلوون وانصحج في استاذ بوكريشه .. وخالد مراد .. و و كلهم زينيين
ومادة السلوك التنظيفي عند عطيه الشمري ..يهبل
ومادة عمل مكتبي اخذيها عند طيبه العوضي .
. اخذت عند عبدالله العازمي مبادئ احصاء اهوا مليغ بس ينجح يعني امتحاناتي ولا شي ونجحني حطلي c مع اني استاهل d​

واخذت عنه فاطمه الحبيب قانون اداري عسل عسل عسل هالاستاذه تفتح النفس ومحاضرتها متأخره بس الكل يحضر ومافي غياب كلش حطت لي a​

واخذت عند عبدالله الحضرم ثقافه اسلاميه حده عسل ومحاضرته كلها سوالف وضحك ويعطي درجات انا موممتحنه الترم الاول وماعطيته عذر والترم الثاني رسب حط لي d لووووول​

واخذت عند انفال البدر اصول اداره اهيا زينه وطيوبه بس انا مادرست واهملت بالماده حطت لي d مع انه الماده وشرحها حلوو بس القصور مني انا مو من الاستاذه ​

واخذت نظم معلومات عند سلمان الخريبط بس يغيب ويتأخر بس حده عسسل وحبوب وقليل مايحاسب على الغياب حط لي b مع اني مادرست كلش لمادته و ادري اني راسبه بس اهوا رفعني​

واخذت بعد عنه مشروعات صغيره حده عسل هالاستاذ حط لي b
واخذت مقدمه في الحاسب عند حسن غلوم الله لايوريكم هالاستاذ ظالم انا شاطره عنده ولا مره غبت كله احضر واشارك معاه واي شي يطلبه اسووي ظلمني وحط لي c المفروض يحط لي a قال لي انتي غاشه بالتقرير وربي ماغشيت الله يسامحه صج تحسفت اني درست لمادته​

واخذت عند ضياء الغانم ورتني نجوم القايله مادري هذا اسلووبها وكلش ماتعذر حطت لي d لووووول ​

اخذت بعد مراسلات عربي عند امل الفوزان حدها طيبه وتساعد قالت لي اول ماداوت راح احط لج a بس انا ماصدقتها لان البنات يقولون انحاشي عنها وتوهقت قلت خلني احاول معاها بس والله العظيم الا ماياخذ عندها خسسسران الله يعطيها الصحه والعافيه​

وعدت الثقافيه الاسلاميه قلت بجيب فيها درجات حلوه اخذتها عند اقبال المطوع اهيا زينه بس ماتعذر وحتى لوتحلف لها ماتصدق هذا العيب فيها وامتحانها حلوو بس كميته واجد وكله دليل من القرآن والسنه وماتعطوي تحفظ ايات بس شويه ​

وبعد عدت اصول اداره اخذتها عند عبدالله تقي حده غشمرجي ويضحك ويفششل البنات لوول بس يقول تحملوني بلطف الجو لووول اهوا زين بس الامتحان كميته كبيره يعني اسأله الامتحان واجد بس اهوا قال مستحيل وحده عندي تاخذ درجتا لازم انا ازيدها من عندي ان شاء الله ​

واخذت عند هاله الخطيب اصول تسويق بعد هذي نفس الحاله زينه بس ماتعذر الغياب غياب بس امتحاناتها تافه حدها سهله​

.......................................................​

حبايب قلبي سوري ليش مو مرتبته كل هذا آراء البنات
واللي تبي اي شي لا يردها الا الكيبورد :eh_s(22):​

موفقين :eh_s(7):​

 

[tejaria]

بيض الله يويهج مس سوسا
كفيتي ووفيتي بصراحة استفدت وايد وايد من الموضوع
يعطيج العافية وعساج ع القوة

 

[M!ss-Sosa]

بيض الله يويهج مس سوسا
كفيتي ووفيتي بصراحة استفدت وايد وايد من الموضوع
يعطيج العافية وعساج ع القوة

حبيبتي تسلمين ولو ما سويت شي وهذا من واجبنا
افا عليج واحنا نعييييين ونعاون
الله يعافيج حبيبتي :eh_s(22):

 

[fofo2020]

ممتاااااااااااااااااااز

هذا الي كنت بقوله :eh_s(9): مشكوووره صبقتيني

و يعطيج العافيه على التوضييح

و حبايبي المستجدات اول كورس حييل مهم بنات حيييل مو شويه ديروا بالكم و شدوا حيلكم عشان المعدل

لان المعدل ينزل بسرعه و مو بسرعه يرتفع فهذي فرصتكم و لا تحاتون تى المواد سهله

ياااا بعد قلبي :eh_s(17):
كلنا واااحد
والله يعااافيج :eh_s(7):

وعدل كلامج المعدل اهم شـــــي :eh_s(1):

:eh_s(15):