شنو كليتي اليوم ((الجزء الثاني عشر)) تعالي وشاركينا بالصور

[ṦάЯỢηά ĚŁђĻώạ]

عليكم بالعاافية

 

[جولينار]

جوعانه مع هالليل واشتهيته عوافي على قلبك يارب

 

[ركاب الأصايل]

هني وعاافيه..

كويتيه82 مجرررمه مع الكيكه اللي بالتووقيع حد الاجراام..

 

[** باربي **]

ههههههه المره الجايه ان شاء الله :eh_s(22):

هههه لوووول

عليج بالعافيه وانا قايله من قبل شيك شاك معني للملاقه واللوعه الله يزيد النعمه بس كويتيين ماكو فايده فينا " الحشره من الناس عيد " انا كليت منه بدبي وكان عادي وهم في زحمه بس يوم افتحوا بالكويت اهني ايقنت ان المطعم اسم عالفاضي وان خدامتنا المسطوله تضبط البرجر احسن منهم :d

اي والله صدقتي هههههههه على قولتج عند خدامتكم احلى بدبلات شفت شكل البطاط وجبن قلت واو
ولا المشكله اذا بتحطين جبن تزيدن نص دينار قلت الحين خلطه عجيبه استغفرالله

باربي
بالعكس والله حلووووو بس صج دسم دسم حيل
انتي اي وحده جربتي ؟؟

الفيجيتريان هاذي وفيجي جذي تنقط دهن شلون البرجر سألت الي ماخذين برجر ونقانق قتلهم شلونه
والي دخلتنا المطعم سألتها مدقورة تاكل ولايعه جبدها قتلها يعني تنصحين فيها قالت لا ومدقورة قتلها قلعتج خخخخخ ولو ودها تقول الي بقلبها بس اهي ساس البلا:bbbiu:

عـــــــــوافــــــي بنـــــــات:eh_s(7):
شوقتوني أجرب شيك شاك ناس تمدحه وناس تذمه ماني عارفة
أخاف تطلع تجربة فاشلة :eh_s(10):

لا يحوشك ..دشي من هالمطاعم الايطاليه ولا شيليز او فرايديز تراه نفس سعرهم
بس هذا بطاط وصمون وويلوع الجبد ..تحسفين

غداي انا و اختي في كارينوز

مادري ليش حنيت اروح اكلهم الله يزيد النعمه

شخباري من زمان مو رايحيلة من طحنا على دون مارنيوز
انا عندي الي بالمهلب احلى من الي عبالبحر كأكل بس عالبحر ستايله حلو من داخل جنه كوخ وهدوء
بالعافية عليكم

هني ومليووووووون عافيه عليكم كلكم​

هاذي صور اكلنا انا ورفيجاتي قبل جم يوم بيمعتنامن العضوه سنابل المصريه

اشلون اكلها حلو لا وعادي ؟!
وجوني ركورتس امس طلبت منهم بطاط بس عشا نفسج من غير اللحم بس جبن
عبالي بيي لذيذ مثل مال شيليز وشفت صورة نسيت منو حاطتها صراحه ماله اي طعم
بطاط مقلي وفوقة جبن اصفر خفيف طعمة عادي ..

بلعاااافيه عالكل

عااد كنت متشوقه على شيك شاك شكل الصمونة يغري والخس نظييف والظاهر من الزحمة الدهن يخلوونة يبات وتطلع ريحتة استغفرالله

وازيدج انه الناس يخلص طلبها وماكو كراسي تقعدينماسكة صنيتج و تطالعين الناس منو بيقوم
وكل واحد يسابق الثاني وشايل صنيته جنه لعبه الكراسي لووول
لو بمطار وورانا طياره مايتمصخر الواحد جذي يعني !!

باربي

انا من يومين رحت له بس ماكان زحمه صاجه الله يزيد النعمه ما ادري ليش جذي هابين فيه الظاهر مثل بنك بيري هبه الموسم

اي انتي قلتيها نفسي انا قمت اتذكر مقصف المدرسة من هالمناظر لوول:fun::27d66a9c24b146327bf

بنات تعرفون مطاعم تسوي اكل بيت مشتهيه اكل بيت مليت من المطاعم من البرجر والستيكات وهالسوالف ابي سوالف مجابيس وبرياني وهالمروق الطيب

اي والله حتى انا معاج اذا عرفتي شفتي صور اكلي
مشتهية عيش مبهر وريحته خنينه حسبي الله على فريج صويلح الي كله زهوية وريش دياي
يعني بنات الي تحط لنا يكون اهم شي نضيف تعقدت من القذارة صار فيني وسواس بس انبش بالاكل

واااي صج صج شيك شاك تجربه فااااااااااشله معدتي قامت تقلب من اكلهم اول واخر مره اكل منهم ​

مداخيل العافيه بنوتات ​

ههههههههههه...تعيشين وتاكلين غيرها
يعني مو بس انا الكل
ما ادري شلون الي يجربه يرد ياكل منه !!​

 

[** باربي **]

فاقدة

عندج وردة رميثية شغله حلووو وعندج بعد مطعم الستينات انا افضله علي فريج صويلح بو الزهيوية وييع

اي والله يبتيها ههههههههههه
صار تحت ايد البنقاليه ووصاختهم
صاحبة شاف الفلوس اهملاه
وهذا اهو جم مرة يتشمع..

حتى احنا قمنا نروح الستينات جم مرة
واهو لو ابلاش ما طبيته ..

وردة الرميثية جم رقمة ؟؟
واكله حلو ؟
واهم شي انضيف؟

 

[cat_women]

هـــــني و عااافيه يااااارب

 

[بنت سويسراا]

غدانا بشيرين بانو
http://www.q8yat.com


مرق بيديان

:eh_s(11): :eh_s(11): ابي اكل الحين

 

[أم نواف غير]

اي والله يبتيها ههههههههههه
صار تحت ايد البنقاليه ووصاختهم
صاحبة شاف الفلوس اهملاه
وهذا اهو جم مرة يتشمع..

حتى احنا قمنا نروح الستينات جم مرة
واهو لو ابلاش ما طبيته ..

وردة الرميثية جم رقمة ؟؟
واكله حلو ؟
واهم شي انضيف؟

اهم شي النظافه بصراحه وتاكلين وانتي مرتاحه

 

[** باربي **]

اي والله ام نواف محنا رخاص يحطون الوصخ بحلجنا
حسبي الله على كل مطعم وصخ وما عنده ذمة

 

[** باربي **]

المطعم الصيني ومغل محل







جوني ريكورتس عبالي بطاطة فله مثل شيليز والايطالي طلع بطاط عادي وجبن :/











http://www.gulfup.com/

 

[krkooora]

^^

عليج بالعافيه باربي
بس ترا جوني عندهم بطاط مثل مال تشيليز اسمه تشيلي تشيز فرايز

 

[دهن عود مبخر]

ماشاء الله عليكم بالف عافيه

دهن عود
عليج بالعافيه شكله يشوق .. شلونه حلو ؟؟ وشنو عندهم بعد وابي رقمه ماعليج امر

الله يعافيج حبيبتي .. اي والله حلوو ولذيذ وعندهم وايد اشياء
وانا ماعندي رقمهم لاني طلبته من موقع طلبات​

 

[فاقده ابوهاااا]

عندج بو طلآل طبآخه عجييب
يهببل كل عزآيم أهلي من عنده
جنه طبآخ حريم كبآر يهبل
99013603

مشكوره حبيبتي بشوف يوم اطلب منه بس هذا يسوي حق شخصين او ثلاث ولا بس حق العزايم

 

[ṦάЯỢηά ĚŁђĻώạ]

عليكم بالعافية

 

[فاقده ابوهاااا]

فاقدة

عندج وردة رميثية شغله حلووو وعندج بعد مطعم الستينات انا افضله علي فريج صويلح بو الزهيوية وييع

فريج صويلج بعرف الف مره يصكونه شالواسطه الي يرد يفتح مره ثانيه ومطعم الستينات بحولي جربته ما عجبني وورده رميثيه من الله ما احب هالمطعم مو هذا نفسه الي قبل اسم شباب رميثيه ولا غيره

 

[بنت سويسراا]

عوافي عليكم بنات

و اللي تسال عن طبخ كويتي عندكم فريج البلوش

 

[بنت الاحلام]

عوافي بنات انا جوعانه دخلت هني بشوف شنو ماكلين بطلب واكل

 

[كراميلا مرة]

عليكم بالعافيه

 

[reem alflla]

ابي بطـــــــاط عيـــــدان ودقوس غراش وبيبسي
مطرح مايسري يمري بنوتات ​

 

[الطموحه 84]

فاقده ابوها ودج تاكلين ذبيحه بس ب3دنانير ولذيذه ناطعه واهو متخصص بذبايح مطبخ الديوان لايفوتج موحافظه رقمه بس دقي عالبداله قوليلهم مطبخ الديوان الي بالفراونيه او المهبولة وذوقي طعم لذيذ بس اذا متنتي وادمنتيه موذنبي

وعندكم مطعم نثري بالجابريه انا جربتها بربيان شي شي ومافيه زفرة وناطع وبرياني لحم حلو

ويمدحون مطاعم حولي عيش وربيان بس ماجربتهم ومطعم ملاس