:: اللهـ كريم :: ياليت تفيدوووووووووني بشي يفتح الرحم باقرب وقت !

[مرحب الساع]

السلام عليكم ورحمه الله وبركاته

شحالكم خواتي .؟

خواتي انا بنص التاسع ..بالظبط ..

والدكتوره قالت لي وزنه 2 و900 كيلو يعني 3

والرحم مسكـــر

قسم بالله

عيونكم ماتشوف االا النور

مع ان سمعت اللي تشرب زعتر يلين عنق الرحم !!

كنت اشربه اسبوعين من السابع وووتركته ورديت شربته على نهايه الثامن

ولا سوالي شي

شربت كف مريم !!

شربت قرفه

حلبه

المشي في رمل البحر..

كل شي تتصورونه بقى الخروع اجربه

وشكلي بجربه لانه جدامي !!

بس سمعت اللي تشرب زعتر ع الاقل اسبوعين ويكون فاتح والنفس لين

مظاييييييييييجه اخاف اربي بعد اسبوعين ويكون البيبي وزنه اكثر من 3

بنات منو ربت ببيبي وزنه 3؟ وهل هو نفس الالام الطبيعيه اللي نشوفها

والا حجم البيبي نشوف فيه الموت زياده؟






الله كريم

 

[ام سليمان 2008]

وعليكم السلام ورحمة الله وبركاته
اخي التساهيل من رب العالمين على قولتج ماخليتي شي ماجربيته خليها على ربج والله يسهل عليج وعلينا يارب

 

[أم نواف غير]

الله يسهل عليج واهم شي السلامه حبيبتي وبشرينه انشالله

 

[noo7a]

الله يسهل عليج
بس حبيبتي انا سامعه
مو زين تشربين خروع اذا ما كان الرحم مفتوح كلش
ديري بالج

 

[××بنت الشيوخ××]

الله يهون عليج وتولدين طبيعي

اذا الله اذن له ينزل ويطله بيطلع كله بوقته

والله يعطيج على قد نيتج

 

[الملكيه 2011]

الخروع اذا فتح عندك الرحم يعني الي اسمعه انه يساعد على تسريع الولاده وكمان الحلتيته تشمينها بس بشرط عندك طلق وفاتح الرحم

مع اني ماحب هذي الاشياء ولا اؤمن فيها ابد

 

[بنفســج]

الاستغفار ثم الاستغفار ثم الاستغفار بعون الله تتسهل ولادتج

الله يسهل عليج وتولدين بالسلامه

 

[Dark SouL]

حياتي الله يسهل عليج يارب

بس مايطلع الا بيومه سبحان الله لاحقا على الشقا والسهر

 

[aya faid]

رفيجتي بنتها كانت اسم الله 4 كيلو ونص وولدت طبيعي لا تحاتين


ادعي ربج

 

[قره عيني صلاتي]

الله يسهل عليج ولادتج وتولدين بسلامه خليها علئ ربج سبحانه بس كثري مشي

 

[@ام يوسف@]

الله يهون عليج وتولدين بالسلامه

 

[Violetta]

لمشي و انتي تمشي دوسي بريولج حيل و كثري من شرب الدارسين والله يسهل عليج و علينا

 

[do0o0o0de]

اختي نسيتي شيء مهم فيه ورد من القران سور وآيات معينة تقرائيها على بطنك من بداية التاسع وان شاءالله ربي يسهل ولادتك ويكون طلقك بردا وسلاما عليك تكتبيها في قوقل وتطلع
والشيء الثاني المشي لانه يسهل نزول الجنين في الحوض
وسمعت عن الحلتيته تلاقيها عند العطار شميها وتبخري فيها من تحت تفتح الرحم
وطمنينا عليك

 

[*غزاله*]

اشربي الدارسين وكثري من الجماع يفتح الرحم :# والله يسهل عليج

 

[ToOoT"Q8]

كثري استغفار

 

[مرحب الساع]

وعليكم السلام ورحمة الله وبركاته
اخي التساهيل من رب العالمين على قولتج ماخليتي شي ماجربيته خليها على ربج والله يسهل عليج وعلينا يارب

اخ يالغاليه ادري والله التساهيل من رب العالمين بس الواحد ياخذ بالاسباب
تعبت مب قادره ارقد افكر في حجمه ><

 

[مرحب الساع]

الله يسهل عليج واهم شي السلامه حبيبتي وبشرينه انشالله

الله يسلمج الغنااااااااااااااه ..

وان شاء الله ابشركم بولادتي

ماتوقعت هالردود ماشاء الله 13 رد وانا مب يديده صح بس ماحدر وايد^^

يعلكم الخير ^^

 

[مرحب الساع]

الله يسهل عليج
بس حبيبتي انا سامعه
مو زين تشربين خروع اذا ما كان الرحم مفتوح كلش
ديري بالج

وانا بعد سامعه
بس قريت كذا رد الوحده شربته بس الحمدلله ولدت

ويمكن على حسب كميه الخروع
خاطري اعرف شو الكميه الصح اللي نشربها للخروع ؟

 

[غرور الشوق]

انا نفسج بس انا وزن البيبي بالاسبوع ٣٦كان ٣٤٠٠كيلو والحين انا علي نهاية الاسبوع ٣٧اتوقع انه بعد راح يمبر وللحين مافي بوادر ولاده ولاشي مجرد عوار خفيف وبس وسويت كل شي والباقي علي سبحانه متي ماااااأراد ...وبعدين عادي اذا عديتي الاسبوع ٣٧تقدرين تطلبين من دكتورج انه يولدج بطلق صناعي مايضر انا سويتهاا بنتي الاخيره اذا كل شي تمام عندج والخميس عندي موعد وبشوف شنو يقولي واحتمال اطلب منه يولدني لان هم انااا البيبي كبير ومابيه يكبر اكثر من جذي

 

[مرحب الساع]

الله يهون عليج وتولدين طبيعي

اذا الله اذن له ينزل ويطله بيطلع كله بوقته

والله يعطيج على قد نيتج

مشكوره ع الدعوه الطيبه الشيخه

يارب يسهلها عليه وعلي كل حامل ويرزق كل محروم ..