&&* تجــــمع مـــراجــعات مسـتشفـــى المـــــواســاه *&&

[ناني سيكرتس]

اختي ولدت فيه قبل يومين
بكتب لكم تجربتها وعند منو
لاحقاا باذن الله

ناطرين تجربة اختج بولادتها ... مبروك ماياكم ويتربى بعزكم ان شاء الله ..

 

[ناني سيكرتس]

المستشفي حيييل متغير للاسؤ طبعا احسن ماعندهم حيان ماشاءالله عليه ولا لينا خواره بغت تذبحني وفرجينيا ماكو خبره تقولج شي وانتي فيج شي ثاني مجرد نصيحه لا اكثرر

اتصدقسن انا خايفة من المستشفى, مع ان دكتوري وايد زين, بس المستشفى لوع جبدي يوم سويت تنضيفات, بصراح خاروه علي وايد, بس تحملت علشان الدكتور زين. الحين لما حملت حلفت على دكتوري اذا ييت طوارء للمستشفى وبهذلوني ماراح اراجع عندك مع انك شاطر, بروح الهادي احسن لي وابرك, بس اهو طمني عالاخر وعطاني رقمه وقالي اذا فيج شي اتصلي علي على طول وانا اضبطج... الله كريم

 

[Violetta]

اشلون خواره اشسوو فيج ؟

 

[ناني سيكرتس]

سويت دخول وقعدت وكل شي اوكي, جان تييني النيرس ما ادري شنو جنسيتها وتمسك ايدي بالغصب الا بتحط الدرب بالمكان الغلط, واقعد اتناجر وياها مو اهني ماكو عرج واهي الا اهني, جان اترفز عليها , واتيي وحده ثانيه وتركب الدرب بكل سهاله, سكت وقعدت انطر ليما يوا وخذوني غرفة العمليات سوت التنضيفات وخلصت وطلعوني من الافاقه وردوني مكان العمليات الصغرى وقالتلي النيرس عالساعه 4 العصر راح نبدي نعطيج عصير علشان نشوفج من عقب البنج, قلت لها اوكي, طبعا انا كنت صايمه من الساعه 8 الصبح وعمليتي صارت عالساعه 1 وطلعت من العمليات جنه عالساعه 3, المهم يه ريلي وقعدنا وصارت الساعه 4 ومحد يه يشوفي ولا احد درا عني, وانا ناطره , صارت 4 ونص وانا عطشانه حيل جان اناديهم واسالهم شنو وضعي الحين انا تعبت وعطشانه, قالتلي لا كا الحين اييبون العصير ليش مايابوه لج للحين, وقالتلي الدكتور بعد بيي علشان يشوفج وتطلعين, قلت اوكي, وطاف خلوني اولي واطحن لي الساعه 7 والمشكله انهم يجذبون علي يقولون الطبيب عنده عمليه, ومره قالواالطبيب بالعياده عنده مراجعات ولازم يخلصهم, اهني عااد جان البس هدوم واطلع لهم بالممر وازفهم زف انتوا اتجذبون على منو وليش للحين انا اهني وانتو على شنو احسن مستشفى واحسن رعايه وقمت اصارخ عليهم وكلهم ساكتين الجذابين, ما وعيت الا دكتوري يايني يركض ويقولي انا اسف بس والله كان عندي عمليه بس انا معطيهم التعليمات وانتي ليش للحين اهني ما رحتي البيت, تخيلي جان ارد ازفهم عالخفيف واقوله الي صار بصوت عالي علشان الكل يسمع, واثاري مو انا بس جذيه حتي المريضه الي يمي بعد, قلت له هالسسترات امخلين المرضى يولون وقاعدين يسولوفون ويضحكون ويجذبون عالمرض ومو قاعدين يسوون شي اصلا, اشوه اني مو والده اهني جان والله ما ادفع ولا فلس على هالرعايه الخرطي, قام الدكتور يهديني ويقولي والله اسف وهذول انا لي شغل ثاني وياهم. هذا اول موقف.

الموقف الثاني عقب الاجهاض حملت مره ثانيه وصارت معاي صخونه داخليه باول شهر, وطيران عالمواساة ورحت الطواري مالهم وانا ميته من البرد وكان شهر 6 يعني بعز الحر, انا ميته من البرد وعلي لحافي ولابسه دلاغات, تخيلوا غربلوني على ما ودوني طوارء نساء والاولاده, وهناك اقول حق النيرس فيني صخونه سويلي شي انا حامل, تقلوي بكل برود ما اقدر اسوي شي جدامج 10 مرضى نطري, قلت لها انزين اخذ حرارتي ودقي على دكتوري لا يصير معاي اجهاض والله راح احملكم المسئوليه, ما اهتمت وخلتني ومشت, اي شي بصراحه, قمت ادعي يا ربي شنو هالخواره, ولا اشوف دكتوري ياي كان عنده ولاده وشافني, عطاني تعليما وقالي قومي روحي بيتكم هذول ماراح يسوون لج شي بالمره, روحي لا تخسرين فلوس زياده, قالي اذا صارلج شي تعاليلي باجر العياده, عاد رحتله باجر قلت له شنو صار معاي وقلت والله مره ثانيه بروح مستشفى هادي احسن لي, عالاقل الي هناك يحسون اكثر من الي اهني, قالي لا تروحين وعطاني رقمه وقالي شوفي اي شي يصير لج بس دقي علي وانا اضبطج قبل لا تيين الطواري التعيس مالهم. قالي لا تروحين مكان ثاني انتي مريضتي وابي راحتج.

يا ربي الي بالمستشفى جذابين بس والله دكتوري شاطر وفاهم وهذا الي امخليني اراجع عنده. الحين قاعده افكر ارد على دكتورتي واولد بالهادي بس اهو والله كله يطمني ويقولي ترا سسترات قسم الولاده كلهم زينين لانه احسن قسم بالرعايه اهني, لا تخافين ولا تحاتين. واذا انتي مو مرتاحه ميخالف سوي الي تبينه المهم راحتج, بس انا اظمن لج انج راح تكونين بايدي امينه معاي.

الدكتور صادق بكل كلمه معاي والكل يمدحه ويمدح ولادته وخياطته, بس انا المستشفى ملوعه جبدي لانهم يجذبون وانا موتي ولا الجذب. عاد اتصدقون ان اختي سوت عمليتين هناك وتمدحهم حيل بالرعايه, وانا قبل 9 سنين لما ولدي كان مريض دخلته عندهم وللامانه كانت الرعايه فوق الممتازه, بس يمكن حظي مو شي معاهم. قاعده اقول السهاله من الله يومكن من الحين لي الولاده يتغير كل شي.

 

[اللولو الغالي]

عاشقة الكاكاو الله يسلمج ويبارك فيج
هههههه لا تجربتها حلوه لا تخافين


ناني الله يسلمج ويبارك فيج



قصتها اهي انها كانت تراجع برويال حياة لين وصلت السادس بعدين ما ارتاحت لهم عقب راحت للموساه على اساس تراجع عند وحده اسمها اماني
راحت لها موعدين بس
ولما وصلت الشهر الثامن جاها طلوق بس كنا نهديها ونقولها ريحي لان الثامن طبيعي تجي فيه طلوق خفيفه يسمونها اذا ما خاب ضني سلوف
بس ذاك اليوم تبطل الماي معاها وهي نايمه من غير عوار ولا طلق ولاا شي
راحت للمواساة واهي كانت متردده باماني وانا كنت مادحه لها دكتوره الطورائ منال تهببببل مولدتني اخر مره
سبحان الله اهي اللي كانت مناوبه
قالت لها اختي ابيج انتي تولديني قالت ما يصير حالتج تستدعي انيكون دكتورج استشاري منو تبين
فقالت خلاص ابي الحيان لان سامعين عليه مدح كثييير
وفعلا ما شاء الله سمح وصبور نطر اختي ٣ ايم واهي تطلق والبيبي كان مرتفع مو نازل الحوض والطلق شغال
سبحان الله حط لها تحاميل تفتح الرحم وطلق صناعي ورابع يوم الفجر ولدت
والله لو دكتور ثاني جان سوى لها عمليه
وخياطه الى الان مو واضح بس يكفي انها مرتاحه وما يعورها لا قاما وقعدت ما شاااء الله
وهم اهتموا بولدها حييييل ماشاء الله عليهم حطوه بالحضانه يومين وكان فيه بوصفار فسوي له تحاليل عشان يتأكدون ان ما دخل له مكروب من ماي الولاده اللي نزل مبجر
عنايتهم حلوه كالعاده
بس اللب اشتكت منه اختي ان النيرس مزعجات وقرقه ويحشون باختي على بالهم ما تفهم انجليزي

*

 

[ناني سيكرتس]

عاشقة الكاكاو الله يسلمج ويبارك فيج
هههههه لا تجربتها حلوه لا تخافين


ناني الله يسلمج ويبارك فيج



قصتها اهي انها كانت تراجع برويال حياة لين وصلت السادس بعدين ما ارتاحت لهم عقب راحت للموساه على اساس تراجع عند وحده اسمها اماني
راحت لها موعدين بس
ولما وصلت الشهر الثامن جاها طلوق بس كنا نهديها ونقولها ريحي لان الثامن طبيعي تجي فيه طلوق خفيفه يسمونها اذا ما خاب ضني سلوف
بس ذاك اليوم تبطل الماي معاها وهي نايمه من غير عوار ولا طلق ولاا شي
راحت للمواساة واهي كانت متردده باماني وانا كنت مادحه لها دكتوره الطورائ منال تهببببل مولدتني اخر مره
سبحان الله اهي اللي كانت مناوبه
قالت لها اختي ابيج انتي تولديني قالت ما يصير حالتج تستدعي انيكون دكتورج استشاري منو تبين
فقالت خلاص ابي الحيان لان سامعين عليه مدح كثييير
وفعلا ما شاء الله سمح وصبور نطر اختي ٣ ايم واهي تطلق والبيبي كان مرتفع مو نازل الحوض والطلق شغال
سبحان الله حط لها تحاميل تفتح الرحم وطلق صناعي ورابع يوم الفجر ولدت
والله لو دكتور ثاني جان سوى لها عمليه
وخياطه الى الان مو واضح بس يكفي انها مرتاحه وما يعورها لا قاما وقعدت ما شاااء الله
وهم اهتموا بولدها حييييل ماشاء الله عليهم حطوه بالحضانه يومين وكان فيه بوصفار فسوي له تحاليل عشان يتأكدون ان ما دخل له مكروب من ماي الولاده اللي نزل مبجر
عنايتهم حلوه كالعاده
بس اللب اشتكت منه اختي ان النيرس مزعجات وقرقه ويحشون باختي على بالهم ما تفهم انجليزي

*

الحمد لله على سلامة اختج حبيبتي ومبروك ماياها, صج دكتور حيان يهبل ويبرد الجبد, صبور لابد حد وما يلجا للقيصري الا اذا مشكله معينه, يعني ما يهمهان يولد قيصري علشان يربح المستشفى, كله حاط اباله ان راحة المريضه فوق كل اعتبار.
واذا على السسترات صج يلوعون الجبد وبايخين وعبالهم ان الكل ما يفهم لهم, الله يعينا عليهم .

 

[مس لوتس]

قصتي بهالمستشفي اني اراجع طول الوقت عندهم وكل شي اوكيه المهم عديت وقتي وماي البيبي قل فقالوا لازم ولاده واستعجلوا علي دشيت الولاده 4سم وعطوني طلق مدته ساعه بس المهم تجي الحقيره لينا مالها خلق تولدني قالت حولوها عمليات وانا ابجي مابي عمليه قالت حوضج صغير وكنت ابجي قالت اشفيج تري عادي تجبين سته بس كان اسلوبها وطريقه حجيها ارف انا ماهمني جم اجيب همني ابي طبيعي ودشيت العمليات طبعا غير مراجعتها اللي قبل خواره المهم جبت بنتي عمليه وشغلها اي شي ولما راجعت عشان خياطي كانت مسافره ولا ادش عند حيان قالتله تري وقت الولاده حاشني انهيار ونفسيتي نعبت بعرف ليش عمليه ولا يشيك ع ملفي قالي بس البيبي تعب قلتله وشلون لينا قالت حوضي صغير قال حوضج طبيعي وحتي انصدم قلت انا اراجع عندها من اول حملي ماقالت شي بعدها حسيت انها ماديه والمستشفي بالمراجعات الكل يدش تقولين واقفين عند خباز ماكو احترام للارقام ارف وربي تووووبه اجيهم حاطه عليه اكسسسسس

 

[مس لوتس]

ناني اي والله شاطر خليج عنده والله يسهل عليج حبيبتي

 

[Violetta]

حيان شاطر بس. شسوي ريلي مايرضا
والله يسهل و يسخرهم لنا يارب

 

[Violetta]

رد: تجمع مراجعات مستشفى _-_-_المواساة_-_-_

الظاهر يفرق من جسم لي جسم

 

[بيرلا ستور]

رد: تجمع مراجعات مستشفى _-_-_المواساة_-_-_

لا كمامهم خفيييييييييييييييييييييييييف فعلا
حسيت بكل شي مع انه ولادتي الاولى ماحسيت كانت براشد

وهذة قصة ولادتي بس دكتوري ما عليه كلام والحمد لله على كل شي

http://www.q8yat.com/showthread.php?p=26764021#post26764021

 

[Violetta]

رد: تجمع مراجعات مستشفى _-_-_المواساة_-_-_

انا مجربتهم قبل سنه كان تمام
بس بقول حق الدكتوره عن الكمام

 

[بيرلا ستور]

رد: تجمع مراجعات مستشفى _-_-_المواساة_-_-_

ايه قولي للدكتورة انا بس جا دكتوري عدلي الكمام
كنت موصيته

 

[Violetta]

رد: تجمع مراجعات مستشفى _-_-_المواساة_-_-_

اهم الظاهر يخفون عليه عشان الناس تطلب ابره الظهر

 

[ناني سيكرتس]

رد: تجمع مراجعات مستشفى _-_-_المواساة_-_-_

لا مو خوش تجربه, انا من جذيه خايفه منهم وما ارتاح لما ادش المستشفى, مع اني جم مره اروح اشوف الغرف وغرفة الولاده بس سبحان الله ما ارتاح ...
وكا ما ادش الهادي اييني شي مريح, عموما كلها شهرين واقرر عدل...

 

[عاشقة الككاو]

صباح الورد
حلوة القصص
بس السهالة من الله
لانه تلاقين بكل مكان ناس تمدح وطيرهم فووووق
وناس اعوذ بالله يخلونج تكرهينه وتخافين توطوطين صوبة بس !!

 

[ناني سيكرتس]

ناني اي والله شاطر خليج عنده والله يسهل عليج حبيبتي

اي والله السهاله من الله, عموما انا موعدي عقب باجر وياه وراح انقل له كل شكوكي وبشوف شنو يقولي ...

 

[Laymo0ona]

الله يعينكم بنات
انا تجربتي معاهم حلوه والسسترات كانوا يهبلون
بس صج الطوارئ خواااره ودكاترتهم طايح حظهم بس حدهم درب مغذي وامشي

 

[ناني سيكرتس]

الله يعينكم بنات
انا تجربتي معاهم حلوه والسسترات كانوا يهبلون
بس صج الطوارئ خواااره ودكاترتهم طايح حظهم بس حدهم درب مغذي وامشي

طواريهم حد الخواره, عاد الطواري العادي ممتازين, بس ملوت الحوامل خواره حدهم. اشوف دكتوري يقولي لا تيين الطواري, اي شي تبين دقي علي, لا تيين وتدفعين فلوس عالفاضي, لا وياخذون ساعات 50 دينار عالسونار وفوق هذا بس يعطونج درب, اي شي ...

 

[Laymo0ona]

طواريهم حد الخواره, عاد الطواري العادي ممتازين, بس ملوت الحوامل خواره حدهم. اشوف دكتوري يقولي لا تيين الطواري, اي شي تبين دقي علي, لا تيين وتدفعين فلوس عالفاضي, لا وياخذون ساعات 50 دينار عالسونار وفوق هذا بس يعطونج درب, اي شي ...

نفس الكلام قاله لي الدكتور لا تيين الطوارئ مره ثانيه تعالي العيادات احسن
انزين اذا الواحد تعب نص الليل شيسوي المفروض خاص عنايه اكثر مو بس درب واللي بعدو
ماكو الا نروح طوارئ الحكومه