التجمع الثالث لطالبات { كـلـيـة الـحـقـوق ] جامعة الكويت . حياكم الله

[أبتسامة]

بنات شكله السستم لاعب فينا كلنا
انا حتى خطة التسجيل مو راضية تتبطل معاي
والجدول ياربيي مليت كل مانضبط لنا جدول يردون
يعفسون الشعب ماباجي شي مادري متى بيرسون
ع جدول ثابت

افوكات

شعبة محمد سامي الساعة جم صارت ؟ ومشعل حياة متى اوقات محاضراته ؟

وشعبة مشاري العيفان اي يوم ؟

 

[أبتسامة]

بنات شرايكم بعبد الستار الملا قاعة بحث ؟؟

 

[Lays BL.ketchup]

بنات هالكلام من تويتر :

(توفر جمعية القانون الجدول الدراسي الجديد للعام 2011-2012 لكافة الفرق الدراسية غدا بالكلية في تمام الساعة 3 عصرا وحتى 6 مساء)


مادري اذا هذا الجدول اللي تقصدونه ولا انا داشه عرض :krkrkr:

 

[Lays BL.ketchup]

بنــات هذه هديه بمناسبه
بدايه العام الدراسي بكليه الحقوق
عشــان تستانسون .. وتتشجعون على الدراسه

ملاحظه : الاشكال مقدمه من الاخت (gala q8 ) الله يجزاها خيـــر
اطبعوها على ورق ستيكر وحطوها على فايلاتكم ..

استمتعووووووو

يعطيج الف الف الف عافيه حبيبتي حقوق :eh_s(9):
وتسلم ايدين غلا على هالتصاميم :eh_s(7):

بنات شرايكم بعبد الستار الملا قاعة بحث ؟؟

انا كنت ماخذه عنده مرافعات - ادري صدمه هههههههههه :krkrkr:

بصراحه ماعندي فكره عنه بقاعة بحث - بس الدكتور وايد متساهل لكن شرحه عادي والدرجات على حسب اذا يعرفج وتحضرين ولا لا

 

[شوق والدمعه]

ليز حبيتي اخرجي مافي جعبتك عن دكاتره سنه ٤ لووووول
عقب ٣ خلاااااااااص الواحد بيموت طقت جبده

 

[الحـــلوه]

السلااام عليكم

شلووونكم بنات؟

شلونج حبيبتي لوير؟

لوير والبنات ماتدرون متى تكميلي عقود تطلع؟

كنت تكميلي دولي خاص وتكميلي تنفيذ الحمممدالله يارب تجحت

بس عقود عندي بعد وطالع يمها للحين mm يعني للحين ماطلعت؟ ومتى تطلع ؟

 

[شوق والدمعه]

اعتقد كحد اقصي الدرجات لي باجر وان شاءالله يارب تنجحين
انا بعد انطر مرافعاات!!

 

[Lays BL.ketchup]

ليز حبيتي اخرجي مافي جعبتك عن دكاتره سنه ٤ لووووول
عقب ٣ خلاااااااااص الواحد بيموت طقت جبده

هذي الجعبه وطلعنا اللي فيها

:krkrkr:





مقدمه :

احلى سنه بالكليه كانت سنه رابعه - المواد معقوله وفيها فهم اكثر من الحفظ - والدكاتره كانوا زينين

سنة رفع معدل وبالنسبه لي كانت اسهل من سنه اولى
بس واللي يعافيكم لا تراكمون الدروس :rgewrg:

دولي خاص - راح تصير بالنسبه لج مااي اذا خذيتيها عند د.الجارالله - يحب الحضور ويحاسب على الغياب اذا زاد عن حده - يشرح ويعيد ويزيد يخليج غصب طيب تطلعين من المحاضره صامه الدرس - يعطيج فرصه بالكوزات والمدتيرمات والمشاركه - دخلنا الفاينل واحنا دارسين الكميه كللللللللللها


تجاري 2 - اخذيها عند د.مراد او د.اياد - انا خذيتها عند د.اياد خوش دكتور بس الصراحه بالشرح كنت اعتمد على الكتاب - ايده خفيييييييفه وامتحاناته مباشره ويعطي واجب واحد اخر السنه عليه 10 درجات - المهم انج تبينين له انج فعلا قريتي السؤال والواجب وحليتيه على فهم

قانون مدني - على حسب اللي يدرسون اذا كان د.عبدالرسول منزلها اخذيها عنده - صج صوته واطي وشرحه مثل الكتاب بس طيب بالدرجات والحضور والامتحانات يحطها لكم نفس طريقة الدكاتره الثانين عشان ما تنصدمون بالفاينل

اجراءات - اخذيها عند د.النويبت او د.العيفان - انا شخصيا خذيتها عند العيفان خوش دكتور

تنفيذ - محتكرها د.الصليلي لكن الصراحه خوش دكتور - شرحه مبسط ومباشر ومفهوم - بس لازم اتنوتون معاه - يمكن ثلاثة ارباع الدفعه كانت تدرس من نوت المحاضره

بحري - عندج د.الرشود بس ما يحضر وايد واسئلته معيوده - د.اسيل تحب المشاركه والمجابل ودقيقه - ومثل ماقالت لوير الماده المفروض سخيفه - بس حزت الفاينل تستوعبين انها متروسه تفاصيل :eh_s(4):


اختياري - على حسب اختيارج - اخذي الماده اللي دكتورها متساهل

تدريب عملي - مايفرق لانج تختارين دكتور لكن بعد التسجيل يغيرونه - انا اشوف البلديه او الفتوى اسهل من المحكمه

اصول فقه - محتكرها الطاهر الخذيري وانصح فيه

:eh_s(7):

 

[شوق والدمعه]

ليز:

هههههههههههههههههههه فدييييييتج والله وفديت جعبتج صج صج ضحكتيني الله يسعدج علي هالصوره هههههههههه
مااقصرتي حتبيبي ربي يوفقج ان شاءالله بلوضيفه الي تبينها يارب

بس في عندي سوال صغيرون
تنفيذ منزلها مساعد والصليلي مادري سامعه بمساعد؟؟
وبالنسبه لاجراءات قالولي العيفان دقيق ؟ والي منزل العيفان ونويبت وهيئه تدريسيه؟

وارد مره ثانيه واقولج مشكوووووووره حبيتي وايد

 

[~.ąvȍƈaȚ.~]

ابتسامة

شعبة د.محمد سامي الساعه 8 الصبح

و شعب د.مشعل حياة الساعة 2 و الثانية الساعه 11


و جزاء العيفان يوم الاحد و الثلاثاء

 

[فز^الخفوق]

اب



اب

 

[B.Law]

السلااام عليكم ياااا حقوقياااات شلوونكم انشالله بخير

أنا اللحين برووح سنة ثااانية انشالله ونزل الجدول ومووعارفة منوو اختاار اذا مااعليكم
أمر ابيكم تسااعدوني لاني حييل محتاارة ومووعارفة أختار منوو

مااابي أتوهق نفس سنة أولى :eh_s(2):

ألتزاماات : محمد عبدالصادق هيثم الاثري أنور الفزيع موسى رزيق

اداري : عبدالله الرميضي محمد العتيبي

مالية : ابراهيم الحمود فاطمة دشتي فيصل الفهد

دولي : ثقل العجمي شاهين الشاهين خالد الياقوت رشيد العنزي

أحوال : اقبال المطوع ناصر الشمري

جزاء : العيفان بوزبر منصور العتيبي مبارك النويبت

وقااعة بحث في دكااترة وااايد بس منوو احسن واااحد ماادري

ادري طولت بس بلييييييز ابي اعرف أحسن واحد وشنوو نظاامه :yaaaaaarb:

وانتوووو كريمين وانا استاااااهل :eh_s(9):مصدقة عمري :wqedqw:

مساء النور حبيبتي ..

آنـآ بعطيج احسن دكاتره وخذيت عندهم بعد والحمدالله يبت فيهم درجات حلوة عندهم ..

نبدي بالتزامات

اذا لقيتي عند محمد سامي لاتفرطين فيه احسن دكتور بالتزامات

اداري
عندج عبدالله الرميضي وايد زين نوتي معاه وانتبهي وكل شي تمااام واذا لقيتي عند محمد العتيبي هم زين على زين

ماليه

احسن واحد يدرس مالية فيصل الفهد

احوال شخصيه

والله مااقدر افيدج لانه احنا كنا غير عنكم

جزاء

انا كنت عند العفيان وايد زين

وقاعه بحث

كنت عند خالد زغلول بس اهو موجود ،، بس انتي اختاري دكتور زين لانكم بتكونون اول كورس بتستلمكم معيدات

وان شاءالله فدتج

 

[B.Law]

بنات سنه ثالثة ..
بسالكم عن دكاتره وابي رد تفصيلي لو تكرمتوا يعني ..

مرافعـآت ..
عبيد المطيري ولا عبدالستار الملا

قانون اداري 2 ..
عبدالمنعم عبدالغني ولا محمد المعاطي

وشكراً لكم :eh_s(17)::eh_s(17):

 

[أغلى الأثمان]

عبدالستااااااااااااااار

وعبدالمنعم انحاشي عن المعاطي

 

[أحلى زمان]

بنات بسال عن ماده اداري 2

يبيلها شرح و فهم من الدكتور و لا اقدر افهمها بروحي

و شنو الافضل لماده اداري

بين عبد المنعم و ابراهيم الحمود ؟

 

[B.Law]

احلى زمان اكيد مو الحمود لانه الحمود يسولف مايشرح :s

بس المشكله هل عبدالمنعم زين ولالا

 

[أغلى الأثمان]

الي يعرف عن سنة رابعة شي ونظامها يتكلم عنها بالتفصيل وشكرا

 

[أحلى زمان]

B.law

مو انا قلت جذي الحمود مو حق شرح

بس كدرجات يعجبني P;

اذا الماده ما يبيلها شرح نقدر ناخذها عند الحمود

و عبد المنعم ما يندرا عن نظامه

موجود بعد بدر المطيري وايد زين حق اداري

بس ابي اقارن بين الحمود و عبد المنعم

 

[B.Law]

انا بيني وبينج

مستحيل اخذ عند الحمود بايعه عمري والله بروحه اهو خواره

بس انا سمعت انه الماده سهله وشارحه نفسها يعني بالكتاب واضح مايبيله شي

 

[أحلى زمان]

و الي يضمن عنده ال40 حرام يرفس النعمه يا وخيتي p:

الموضوع يبيله مقارنه قويه اذا فيها 40 p:

بس انا مجربه بدر المطيري وايد زين من ناحيه شرح و درجات

و امتحاناته متوسطه مو صعبه و لا سهله و يعطي بونص

بس يبي حضور و مشاركه