من صجهم ممنوع ؟؟؟

[PuPa^^SWeeT]

السلام عليكم شلووونكم بنات



بسالكم


هل صج انه ممنوع اللاب توب عندكم بالمدارس يعني ممنوع اتييبونه



الا اذا حق درس


انا بالمدرسة اللي طافت اييبه وياي بس جذي بس اذا عندي احتياط الهي نفسي فيه ؟؟؟


بهالمدرسة اليديدة يقولون ممنووووووووووووووووووووع لاتيبينه الا اذا عندج درس فيه ؟؟؟؟



شكووو ؟؟؟؟؟؟




هل هالكلام باكثر من مدرسة ولا زميلاتي يخوفوني ؟؟؟


لأنه المدرسة الاولى قالتلي مالج شغل فيهم بس هذيل قاعدين وحدة يمين ووحدة يسار


ممنوع جذي ممنوع جذاك ممنوع هناك ممنوع اهني ؟؟؟

 

[asoomkha]

بما انج اول من رد علي موضوعي أنا بعد اول من يرد علي موضوعج ههههه
اي أكيد ممنوع لان اهما حادين ببالهم انج معاج ايقو او شي عرفتي

 

[asoomkha]

حاطين *

 

[PuPa^^SWeeT]

واذا معاي ايقوو ؟؟؟ قصدج وصلة نت ؟؟؟


واذا

 

[فطووومة]

حبيبتي حسب الادارة

فيه يسمحون وفيه لا

بس حتى لو مسموح وعادي ديري بالج تاخذينه الصف
بتصير لج سالفه

خلي الاحتياط للتحضير
حضري فيه او صححي دفاتر احسن

مادام رئيسة القسم اسمحت لج ما عليج من الباجي

والله يوفقج

 

[ليش يادنيا93]

بصراحه انا اللي اعرفه انه ممنوع اييبونه الا اذا كان حق درس
استغربت لانه انتي مدرستج الاولى عادي ايبون اللاب
بس انتي احسن لا تاخذينه

 

[Dewdrops]

شكو بس قراراتهم على المدرسات واذا معاج لابج شنو المشكله

باجر بلبسونا ينيفورم موحد

 

[توتا الكتكوته]

اي صح والله معاهم حق هذا مقر عمل شلج باللاب توب وشغل المدرسات كله على التحضير وحصص ودوام من س 7

لي س 2 خلينا نقول ،،، طيب قبل اذكر على ايام ما كنت طالبه بالمتوسط كانت مدرستنا مادة ديكور يعني غير اساسيه

وتخاف لي بغت تتكلم بالتلفون تنخش ورا وبسرعه بسرعه يقولون ممنوع لنا ههه احنا طالبات وندري

ما ادري اذا الحين قوانين تغيرت ولا لا؟؟

وبعدين الحين الاي فون نفس اللاب توب ويصير تعرفينه باول ما تشترينه على لاب توبج وتكونين مرتاحه ،،،

 

[منال القلب]

امبي من صجهم ممنوع الاب توب!!
وديه وياج عادي بس لا تدخلينه الصف يعني بس على مكتبج..
ودام سمعتي " يقولون " ماعليج وديه

 

[PuPa^^SWeeT]

انا صراحة مستغربة توا اتقولي علشان وصلة الايقو

ما الحين الايفون كله نت و صور و افلام

الللاب اكييد لشغل سؤاء للمدرسة ولا غيره

بس ماعاد اللاب للعب مثل اول ؟؟؟؟



والله انا مستغربة من منطقة حولي قبل مبارك الكبير يحلييلها والله اتهبل وطيبيين و اللي تبينه بالاحتياط سوييه لووول المهم مسكي البنات


اهني لاتدخلين موبايلج لاتدخلين لابج لاتدخلين شغلج لاتسوين لاتسوين ؟؟؟؟

 

[catt]

نعمممممممممممممممم وين قاعدين اييب لابتوبي وكيفي واللي موعاجبه اييبلي قرار يمنع اللاب توب والايقو

احنا نييب اللاب توب والايقو بعد

وين قاعدين ممنوووووووووع هذا اللي ناقص بعد

اخذيه مالج شغل فيهم

 

[Eva-SS]

داخل الصف ممنوع بس برا الصف كيفج


انتي شلج بعوار الراس .. لا تجيبينه الا اذا عندج شغل فيه

وهم معاهم حق مايصير تشبكين بالصف

بروضتي لو تمر المشرفة وتشوف معاي اي فوني سوت لي سالفة ممنوع لانه يلهيج عن شغلج

 

[معلمة_منكوبة]

لا شالإدارة البدائية اشلون تسوين شغلج عيل !! اذا قالتلج ممنوع قوليلها شغلي كله

على اللاب توب !! وبعدين اتحداها اذا في نشره بهالشي !!!

 

[PuPa^^SWeeT]

مافيه نشرة انه اللاب توب ممنوع

انا ما اقول اني باييبه كل يوم و اهمل شغلي و حصصي


بس لو باييبه مايصير اتحاسب عليه


هذا اللي اقوووله

 

[مشغوله و محتاسه]

بمدرستي مو ممنوع ..


و عادي عيل شلون نخلص شغلنا ؟؟



و على قولتج المفروض ما تتحاسبين عليه

 

[طالبة1990]

شدددددعوووه

الحين مناهج الطلبة فلاش ميموري

وهذول مانعين المعلمات من اللاب توب

حتى بالاحتياط عادي

شذنب اللي تحضيرها وشغلها عليه

مالج شغل وين الوزير عنهم!!


انا اللي اعرفه ممنوع الطالبات يجيبونه

اما المعلمات لا عااادي جدااا



ودام رئيسة قسمج قالت عادي شعليييج من الباجي

هي تعتبر رئيسج المباشر

 

[جـمـان]

هوو لا مو ممنــوع
أنـا صـارلي 3 ســنين ايــب الاب تـوب مـعاي
و حتى الايـقو ايـــبــه ,
أنــا تحـضيــري بالكمبـيوتـر ما يمنــع احضـر فيه و حتى اذا فاضيه اشـبك شووي ما كو مشكله
تــوني ادري منج انه ممنوع , شــدعووه عليهم يعني اذا ماعندنا حصص شنسـووووي ؟

 

[شقاوتي غير]

اممم بالعكس انا اشوف المدرسات الاب توب مايفارقهم بس داخل الصف ممنوع

 

[Miss dreams]

لامو ممنوع

انا وحده اخذ اللابتوب معاى كل يوم عيل شلوون نخلص شغلنا

بس قصدهم ممنوع تاخذينه معاج بحصة الاحتياط

 

[بولندية]

واااي على كثر ما اسمع شكاوي المدرسات و البنات تغيرو وجذي بس لي يومج هذا اتمنى اكون مدرسة مع اني مرتاحة بدوامي الحمدالله