السلام عليكم ورحمة الله وبركاته
تعليقاتي على جراحتي اللي كانت من سنه و 4 اشهر
قال لي دكتوري بيصير لج خدود توقعت فعلا بتطلع لي خدود بس للاسف ماكو
الخشم فارش واللي تقول بيرجع نفس اول حدج متفائله اللي خشمها سلة سيف وبتسوي الفك اللي فوق وعندها القدره انها بس تسوي اللي تحت لحاله افضل انها تسوي اللي تحت لا يقص عليج يقول بيبرز الوجه وخدود جذب بجذب الا اذا تفتخي او متنتي بشكل كبير
خشمي فارش سويت اول جراحه ماتعدل ابد الفرشه فيه كرهت الابتسامه بسبتها .. ومفكره اسويه مره ثانيه
واللي تقول الفك اصعب من الخشم غلطاااااااااانه الفك اموره سهله وكل شي بخطه وقياسات الخشم حظ ونصيب
قبل وجهي لما انام واصحى مايكون وارم حتى خشمي
الحين لي فتره طويله من العمليه وجهي لما اقعد من النوم جني تافخته وخشمي حيل متفوخ وصلب بشكل مو طبيعي
وشفايفي بعد حيل وارمه بشكل لا يوصف لدرجة صرت اخاف اتزوج انام عند زوجي اصحى شكلي ×
خشمي كذلك صاير دهني حيل من بعد جراحة الفكين ومن بعد لا اسوي العمليه لخشمي
اسناني اللي فوق بقياسات العمليه مو مخليهم سيده مسويهم مايلين لجدام كان بامكانه يعدل بقياسات الفكين ويكون رسمت الوجه والابتسامه احلى بس مع هذا زينين ومفكره بالتقويم ابي اسناني نازلين حتى اللثه ماتبين لما ابتسم الا لما اشق الابتسامه حيل
لما اسكر اسناني على بعض اسناني اللي تحت تطق الاسنان اللي فوق الاماميات من ورى فهمتوا الفكره كانهم جذيه \| اللي فوق مايلين واللي تحت سيده فاحس هالشي يخليهم يجدمون لجدام يعني كان بالامكان تكون الابتسامه افضل
بس اللي صج اخذت فيهم مقلب من الدكتورين عماد و اشرف قالوا خدود وماكو خدود وجهي مصفوق حتى لما زاد وزني نفس الشي ماكو خدود ثانيا الخشم قالوا بسيط وللاسف جراحة الفكين عندي اسهل من الخشم اللي تكون النتيجه فيه امسح واربح!!
اعذروني على عدم المتابعه كل شي ذكرته بالتفصيل .. دققوا على كل التفاصيل وقت الجراحه واللي عندها تقدم بالفك السفلي تسويه فقط ولا تتليقف وتسوي اللي فوق على كلام الدكاتره انه احلى عالاقل تسلمين بخشمج اهم شي الخشششم مركز الوجه
بس ابي رد البنات منو اللي نفس حالتي لما تقعد من النوم الوجه وارم حيل بشكل لا يطاق !! مو تفخ طبيعي لا اوفر خاصه الخشم
العفو بنات بس ماراح اكون قادره اتابع التعليقات والردود لاني بس حبيت اذكر تجربتي وابي تجارب البنات على سؤالي
شكرا لكم والله يكتب لنا ولكم الصحه والعافيه وكل خير
احب امي
أول شي الحمدلله على سلامتج
بهالعمليه بالذااااااات لاااااااازم تختارين دكتور بيرفكت وعنده خبره
دكتور عماد ودكتور أشرف .. أنا بنفسي رحتلهم بداية مشواري حق العمليه .. صليت استخاره وأبداااااااااااااا ما ارتحت .. حتى تعاملهم مع المريض مادري شلون > كاتبه تجربتي معاهم قبل
دكتور عماد استهوته عمليات التجميل ( أنف .. تكبير صدر وأرداف .. شفط ... إلخ) واهو تخصصه الرئيسي تجميل لكن عنده بورد استرالي بجراحة الفك
أقووولج شي .. أنا لما رحتله ما عرف حق حالتي >> ماااااا أحس عنده الخبره الكاااااافيه بالعمليه
دكتور عماد ليلحين يستخدم الطريقه القديمه بالعمليه اللي انا أسميها طريقة العذاب .. على قولة دكتور عادل العصفور هالطريقه الأجانب كانوا يستخدمونها من 15 سنه وأكثر .. ويضحكون علينا لما يعرفون إنه احنا ليلحين نستخدمها >> اللي اهي طريقة كسر الفك أثناء العمليه وطريقة قفل الفك بعد العمليه
أنا نسيت حالتج انتي بالضبط .. بس أذكر دانتيلا الله يذكرها بالخير كانت مسويه عنده وذكرت تجربتها ومعاناتها .. عدت الثلاثة أشهر وليلحين الفك مقفل ما تقدر تاكل .. وحتى ما تقدر تتكلم .. كانت يايبه سبوره وقلم وتكتب .. لانه الفم مقفل تماااااااااما .. الأكل طبعا مهروس حيييييييييييييل تاكله بمصاص وبالغصب تدخل المصاص من كثر ما الفك مربط .. وبغت تشرق جم مره مسكينه مع اختناق .. وصار عندها التهاب باللثه >> اكيييييييد يصير التهاب الفم مقفل تماما و مع الأكل فبالتالي بيئة الفم تكون مناسبه جداااا لتكاثر البكتيريا والجراثيم
وبعدين أذكرها طولت بالعمليه 8 ساعات او أكثر .. الحين يسوونها ب 5 ساعات او أقل .. تمكنوا من العمليه دكاترتنا .. طبعا انا اتكلم عن الدكاتره اللي تخصصهم الرئيسي جراحة وجه وفكين .. وعملياتهم كلها بجراحة الوجه والفكين .. مثل دكتور عادل العصفور أستاذ بكلية طب الأسنان جامعة الكويت ودكتور نائل الهزيم .. ما يمر شهر إلا مسوين العمليه اكثر من مره ويروحون مؤتمرات أجنبيه باستمرار علشان يلاحقون آخر التطورات بالمجال .. و دكتور عادل إذا ما عرف حق الحاله يستشير دكاترته اللي درس على ايدهم بأمريكا .. أذكر خذا اوراقي وصوري وأشعتي مؤتمر بجنوب افريقيا علشان يستشيرهم بخطة العلاج والحمدلله اكدوا عليه صحة الخطه
تقربا 5 بنات أو اكثر معانا بالمنتدى مسوين العمليه عندهم وقابلت 3 منهم وجها لوجه.. الصراحه النتيجه رووووووووووعه
بصراااااحه الطريقه القديمه .. عذااااااااااااب مو تعب
بس الحمدلله على كل حال تعب دانتيلا ما راح سدى .. عاجبتها النتيجه ومرتاااااحه منها .. قالت ضحكتي تغيرت وايد للأفضل وطلعلي وجنتين .. والحمدلله الحين تزوجت .. الله يوفقها ويسعدها ساعدتنا وااااااااااااايد
المؤتمرات اللي يروحها دكتور عماد حاليا كلها تختص بعمليات التجميل والحقن .. وما شاء الله عليه تبارك الرحمن يسوي هالعمليات بشكل يومي
بس بالنسبه لجراحة الفك ماااااااااااا يسويها واااااااايد ترى .. ومو قاعد يشوف آخر التطورات بالنسبه للعمليه
والخشم تتخيط اطرافه وقت العمليه علشان ما يفرش .. وهالشي دكتور عماد ما سواه لج لا انتي ولا دانتيلا
يعني ما اعتبره دكتور مناسب حق عمليه جراحة الفك لانها عمليه دقييييقه وخطره شوي .. والحق ينقال وعلشان ما أظلمه هو شاطر بعمليات ثانيه
بالنسبه لحالتج انتي ونسبة رضاج عن العمليه
أقولج شي بس ما تزعلين .. انتي من البداااايه وطووول الوقت كنتي متشائمه واستعيلتي إنج رحتي سوريا سويتي عملية تجميل حق خشمج .. وهم ما عجبتج النتيجه وتذمرتي بداية فترة العمليه ( الحين مادري عنج )
إذا انتي نظرتج سلبيه حق نفسج .. وهالشي انا ملاحظته فيج .. كل شي تسوينه تشوفينه بنظره سلبيه ومتشائمه .. وهالشي غلط
شووووووفي الامور بنظره إيجابيه وصدقيني راح تتفائلين
لاااااااااا تدققين بالميللي عالأشياء .. بأمور الحياة ككل مو بس بجراحة الفك >> علشان تعيشين مرتاحه
انتي الوحيده اللي قلتي إنه النتيجه مو عاجبتني
أغلب البنات اللي أعرفهم واللي شفتهم بعيني واللي كتبوا تجاربهم بالمنتدى سواء من الكويت او من خارج الكويت >> عااااااااااجبتهم النتيجه ومرتاااااااااحين الحمدلله :rerrerek:
غلط إنج تعممين النتيجه
مثلا عندج غلاااه >> شوفي ردها بالنسبه لخشمها .. قالت عاجبني وتغير للأفضل .. علما بأنها مسويه فك علوي
Miss L>> كتبت إنه التغير بسسيييييط وغير ملحوظ وهم مسويه فك علوي
وغيييرهم وغيييرهم وغييييييييره م .. شوفي البنات اللي مسوين العمليه بالقائمه الحديديه كللللللللللللهم ولله الحمد من غير استثناء عاجبتهم النتيجه .. وعندج jnona مسويتها عند دكتور عماد وعاجبتها النتيجه >> بس طبعا عااااااااااانت وااااااااااايد مسكينه
ياااااااا تصيب ياااااااااا تخيب .. الأغلبيه صااااااااابت الحمدلله .. بالنسبه لج أنا مادري هل خابت أو نظرتج السلبيه حق نفسج اهي اللي معطتج هالتصور
إذا كل مره بتقولين عمليتي فاشله عمليتي فاشله وتغرسينه ببالج .. هالشي يعطي إشارات للمخ وبالفعل تظهر امور سلبيه بنتيجة العمليه وبنظرتج حق نفسج بعد
بقولج دراسه سووها مؤخرا على أشخاص محكوم عليهم بالاعدام .. خذوا أحد الأشخاص وهيؤوه نفسيا إنه هالأسبوع موعد الإعدام .. طبعا النفسيه كانت زفت >> المهم لما صار وقت الاعدام طبعا غطوا عيونه ووقفوه على منصة الاعدام وحطوا السكين على رقبته .. وكانوا حاطين مثل تسجيل فيه صوت قطرات الدم مع صوت السكين وقت النحر >> خلال 5 ثواني توفى هذا الشخص .. علما بأنه ما نزلت منه ولااااااااااا قطرة دم >> هذي كلها كانت مجرد تهيؤات
اللي أبي اوصله لج شووووفي النفسيه شلون تلعب بالشخص .. الرجل توفى بمجرد إنه حاط بباله إنه راح يموت .. لأنه فعلا فيه إشارات تنرسل حق المخ وتعيشيج بالتفكير اللي انتي فيه
علشان جذي أقولج لااااااااااااا تقولين عمليتي فاااااشله وتغيرت للأسوأ ومن هالكلام المتشائل
نصييييييحتي لج
تفائلي و شيلي هالوسواس من بالج .. وتعايشي مع الوضع والشكل اللي انتي فيه حاليا
وسواسج هذا راح يخليج تعيشين بدوامة العمليات الجراحيه .. راح يخليج تلجئين لعمليات تجميل ثانيه مثل ما استعيلتي و سويتي خشمج
أهلج وصديقاتج والناس اللي حواليج شرايهم بالعمليه ؟؟؟
هل نظرتهم نفس نظرتج ؟؟ أو عاجبتهم النتيجه ؟؟ بصراااااحه
>> لي الله
