عطوني حل .. ما يبنا وأحنا نبيه ..

[الى متى حالى]

السلام عليكم ..

بنات قبل شهر تقريبا طلعت من بيت زوجي .. بعد ما مد ايدها وغلط في حقى وحق أهلى ..

وعلى فكره الى صار والله العظيم .. انه مشكله سخيفه .. على اساسها مد ايده ولسانه

المهم .. انا طلعت لاني كنت صج بنفجر .. لو قعدت يوم واااحد ..

اللحين انا اعصابي هدت ووصرت هااااااااديه وادور الهدوء والسلام..

هو ما سأل عنا .. ومعطينا طاااااااااف .. تحرشت فيه طرشت مسجات عتب ..

وعيالك يبووون جذيه .. وتعال ود بنتك الطبيب .. الخ...

عل وعسى .. قلبه يحن علينا ويكلمنى وارجع .. لكن لا حياة لمن تنادي ..

والمسجات الى توصلنى منها كلها ..


1- انت مهمله في عيالج (( وهو يدري انه مو صج )) بس لان بنتى طاحت من الديرفه الفجر وانكسرت ايدها .. وكنت اظنها رضه .. وخليتها لي بالليل .. ووداها الطبيب وطلع فيها كسر شعر ..

2- تعالى جمعي اغراضج ..مابي اشوف لج شي في البيت .. وورقتج بتوصلج

3- يحلف انه ماعدت اشكله اى اهميه ..وانه حالى حال اى حرمه بالشارع ..

4- واخر مسج وصلنى .. عيالج انا مالى شغل فيهم دبرى نفسج ..( ليش ان بنتى الكبيره تدرس في مدرسه بمنطقتهم .. كنت اوصلها الصبح وأهو يطلعها نهاية الدوام..)


المسجات الى توصلنى منه بس اشوف اسمه طلع ع شاشة الموبايل أقول الله يكفنا شره..

وصار يطرش مسجات بالدوام عشان يغثنى .. ويصير يومي كله نكد من اوله لاخره ..وتخنقنى العبره..

اسال نفسى ليش الى يصير ومسرع ما انكر الحياه الى كانت بينا بحلوها ومرها وعيالنا ..وأحلامنا ..وو..وو..وو..
حاولت ادق واكلمه ... طبعا ما يرد ؟

ليش جذيه ؟ ما أدرى .. صار يمر بالى مية فكره وفكره ...


والله يابناااااااااااااااااااات الحلال انى العبره اخنقتنى .. مو متصوره اعيش بدونه .. ولا عيالي ..

بس ما ادرى شسوى .. ما قلت لاحد عن مسجاته الى توصلنى ..مابى المشكله تكبر وماأحب احد يعرف عن تفاصيل حياتي ..

ساعدوني ... والله العظيم انا في حيرة ما أدرى وين أروح..

ومابي ارجع البيت من دون ما يرجعنى .. أهو بنفسه ..

اللهم أبعد كل شر وهم وفقر وبؤس وأبعد الذنوب عنا واجعلنا من أحسن عبادك.. امييين

 

[ام فواازي]

دامج انتي تبينه جان مسكتي نفسج وماطلعتي الحين صعبه تردين من نفسج شوفي احد يكون وسيط بينكم او ابوج يكلمه يصلح بينكم وتردين بكرامتج
او في حل ثاني تروحين له وتقابلينه و تتفاهمون وان شاءالله خير
وربي حبيبي يصلح بينكم ويجمعكم

 

[فوفو22]

قانوني

اللي تطلع من بيتها

ترجع بروحها لبيتها

بدون مسجااات وغيره

وقصه طق زوجج لج

انا متاكده ان السالفه ناقصة

لانه لكل فعل ردة فعل

انتي وكل البنات

لا تحسبون اذا زعلتوا ببيت اهلكم

ان العيال بتصير نقطة ضعف لهم

حبيبتي

نصيحتي

رجعي بيتج وتنازلي عن كبريائج

ايام وربحي العمر كله

فوفو

 

[ســتارز]

2- تعالى جمعي اغراضج ..مابي اشوف لج شي في البيت .. وورقتج بتوصلج

طالما وصلت لهالمواصيل الافضل ترجعين لبيتج وتواصلين حياتج والله يكتب اللي فيه الخير

اما العيال ترى مايهمونهم لان الامومة لنا فقط

موفقة

 

[ترجمة احساس]

انا مع فوفو

 

[masoo 511]

اخذي اليهال وردي البيت واذا قال ليش رديتي قولي بيتي وزوجي والعيال عيالك موبس عيالي انت تتحمل مسؤوليتهم موبس انا واهلي مايربون عيال الناس واذا ماتبيني اروح بيتنا بروحي عيالك لك ترى الريال مايحب يتحمل العيال لو كل ام تخلي الابو يتحمل عياله وتهدهم له ولاهله جان فكرالف مرة قبل لا يطلق ردي احسن لج والبيت بيت العيال

 

[زوجي توأم روحي]

المفروض لو شنو يصير ما تطلعين من بيتج
لو كلش كلش اهوا يطلع وتظلين انتى وعيالج بالبيت

 

[هذا مزاجي]

الله يسخره لج

 

[منو انت]

الله يسخره لج ولعيالج

 

[La t7atini]

غلطتج بانج طلعتي !!

وحاليا سوي الي يقوله لعاد ادقين ولعاد دزين مسجات
واهتمي بعيالج بدون مساعدته يعني اعتمدي ع نفسج
وخلج قوية .

ودوريلج عذر تردين فيه البيت ولاتحسسين عيالج بشي
يعني خل يرد الوضع طبيعي نفس قبل شوي شوي

والله يهدي النفوس ويصلح حالكم

 

[غرقانه]

اللهم يارافع السماء بغير عمد وخالق الخلائق بغير عدد ياودود ياذا العرش المجيد يافعال لما تريد أسألك بعزك الذي لا يرام وملكك الذي لايضام ونورك ونور وجهك الذي ملاء أركان عرشك ياحي ياقيوم يا ودود ياودود ياودود يامبدي يا معيد أسألك بقدرتك التي قدرت بها على جميع خلقك وبرحمتك التي وسعت كل شيء لا إله إلا أنت الأحد الصمد الذي لم يلد ولم يولد ولم يكن له كفواً أحد أن تشرح صدر زوجي للإيمان اللهم أرزقه الهداية والصلاح اللهم أره الحق حقاً وارزقه إتباعه واره الباطل باطلاً وارزقه إجتنابه اللهم ابعد عنه رفقاء السوء اللهم جنبه الفواحش والمعاصي اللهم طهر قلبه واغفر ذنبه وحصن فلرجه اللهم سخره لي وسخرني له اللهم جملني في نظره وجمله في نظري اللهم لا تفرق بيني وبينه اللهم احفظه من كل سوء اللهم اجعله في عين نفسه صغيرا وفي أعين الناس كبيرا اللهم زده قربا إليك اللهم اجعله من الصابرين الشاكرين القانتين العابدين الذاكرين الصالحين اللهم اقنع قلبه من الدنيا وحب المال وارزقه الرزق الحلال اللهم احفظ له عقله ودينه اللهم أحفظه من الفتن ما ظهرمنها وما بطن اللهم احفظه من فتنة النساء اللهم اجعله رجلاً مؤمنا صادقا صدوقا كريما جوادا اللهم زده حبا لي وصراحة معي ونطقا بي اللهم ظل عمره في طاعتك اللهم اكتب لي الصلاح معه انك قادراً على ذلك.وصلى الله على سيدنا محمد وعلى آله وصحبه وسلم..
1-اللهم اني اسالك باسمك الحبيب الكافي ان تكفيني كل اموري مع زوجي مما يشوش خاطري ويسهر ناظري اللهم الف بين قلبي وقلبه كما الفت بين قلوب عبادك اللهم سخره لي كما سخرت البحر لموسى.

2-اللهم اظهر محاسني لزوجي واظهر محاسنه لي واستر عيوبي عنه واستر عيوبه عني.
3-اللهم سخر لي زوجي وسخرني له وباركه فيني وباك لي فيه.
4-اللهم كما سخرت الريح لسليمان وكما سخرت البحر لموسى وكما سخرت جبريل لسيدنا محمد سخر لي زوجي تسخير العبد لسيده اللهم كما صرفت نساء العالمين عن يوسف اصرف نساء الكون عن زوجي اللهم اقذف حبي في قلب زوجي كما قذفت حب عائشة في قلب النبي صلى الله عليه وسلم اللهم جملني في عينه واجعله سكنا لي واجعلني سكن له واجعل بيننا مودة ورحمة انك على كل شيء قدير .
5-ياودود ياودود يا ودود ياذا العرش المجيد يا فعال لما تريد اسالك يامن قريت عين ام موسى بابنها وحفظته لها ان تقر عيني برجوع زوجي ورده لي ردا جميلا كي نسبحك كثيرا ونذكرك كثيرا انك كنت بنا بصيرا .
6- يالطيف يالطيف يالطيف اسالك بلطفك الخفي وبنورك الذي ملاء اركان عرشك ان تسخر لي من هو اقوى منب وتجعلني سكنا لزوجي وهو سكن لي (واطلبي حاجتك من العظيم المنان).
الهم اني ادعوك باسمك الاجل الاعز وادعوك اللهم باسمك الاحد الصمد وادعوك اللهم باسمك العظيم الوتر وادعوك اللهم باسمك الكبير المتعالي الذي ملأ اركان عرشك،، واسألك بقدرتك التي قدرت بها على جميع خلقك ،، واسألك برحمتك التي وسعت كل شئ ،، ان تيسر لي جميع اموري لأنال مرادي وتغفر لنا وتوفقنا لما تحب وترضى

 

[غرقانه]

اللهم يافارج الهم ياكاشف الغم ياربنا ورب كل شئ ومليكه سبحانك تباركت وتعاليت اللهم اني عبدك وابن عبدك وابن امتك ناصيتي بيدك ماض في حكمك عدل في قضاؤك اسألك بكل اسم هو لك سميت به نفسك او انزلته في كتابك او علمته احد من خلقك او استأثرت به في علم الغيب عندك ان تجعل القرآن العظيم ربيع قلبي ونور بصري وجلاء حزني وذهاب همي

 

[غرقانه]

اختي عليج بدعاء واستخيري واللي يرتاح له قلبك سويه

يمكن خيره لك انصحك بدعاء والاستخارة

 

[اللؤلؤ المتناثر]

الله يهديه ويسخره لج
خلي أحد يدخل بينكم يمكن يطخ
موفقه ياقلبي

​

 

[قهرني]

غرقانه جزاج اله خير ع الادعية انا استفدت منها

وصاحبة الموضوع (الى متى حالي) والله العظيم كانج اتكلمين عني وانا اكثر ابوة مايبيني فالبيت ومشاكل وايد والله شليت اغراضي واعيالي ورجعت بيتي ع فكرة انا ساكنة مع حمولتي وتقريبا شبه يوميا اهواش بينة وبين زوجي وصابرة ومتحمله ماابي اعيالي ينحرمون من ابوهم ( وانا مااحب كلمة مطلقه ) وانا اصرف علي وع اعيالي يعني وجوده والعدم واحد بس ماانكر استحا ع ويهه وقام يمشي لنا مصروف والله الغني نار زوجي ولاجنة اهلي

 

[يَ ربححه فيني]

الاسلام كرم المرأه وعزز مكانتها بالمجتمع
وما توصل المواصيل ل الضرب والشتم لج ولاهلج ولو شو كان السبب
حبيبتي فهمي عدل الانسان لازم تكون نظرته لجددددام
عيالج باجر كلن بيرزقه وبيتوفقون بإذن الله وبيروح وتقعدين إنتي معاااه ...؟؟
وإذا هذآ أسلوبه ( ذذذذل ) هديد ولاتفكرين فيه
حبيتبي إنتي كأي أم بالدنيا تضحي بمصلحتها عشان عيالها لاآآآ إياج وهالشي
عيالج بيعيشون حالهم حال غيرهم من الاوادم والله عندي إختين وحده مطلقه والثانيه للحينه مع رجلها
الاولى عيالها مو قاصرهم شي من مدارس ولبس وكشخه والثانية الي على رجلها حالتها حاله ورربي
أنا اقول عيشي حياتج قبل مماتج ولا تضيعين عمرج بيدين شخص ما يبيج
وكلام بعض العضوات روحي لبيت ريلج لاااا شنو هالكلام
الاسسلام عزز المراه وكرمها وحط لها حقوق وهو غصبن عليه راح يسوس حقوقه ل عياله ولج إنتي بعد
لو انا منج مابيني وبينه الاالمحكمه ورقة طلاقي منه أول أولوياتي
ثم تالي الحد بيني وبينه عياله بسسس .؟؟
ومن عافنا عفناه ومن باعنا برخخخيص بتراب ينباع
والله إحتريت يوم قريت موضوعج وأحتريت أكثر من الردود
اللله يوفقج ويكتب لج الي فيه الخير

 

[ام زهقانه]

خل ابوك يكلمه

 

[om 7sony]

حبيبتي
الريال ما راح يقولج تعالي خاصه انج طلعتي من كيفج
بس اكييد اكيييد من داخله مشتاق لج ولعيالج و حسكم باليبت
اذا تبين نصيحتي ..... ردي بيتج انتي بروحج وحاولي تقربين منه ,,, لا تكلمينه بالموضوع بس رجعي راضيه وتفاهموا بعدين
اذا صدج وما عطاج ويه..,, حاولي مره ثانيه وثالثه ورابعه وان شاء الله النفوس تهدا وكل شي يرجع مثل اول واحسن

 

[دلوعه ززوجي]

اسمعي ياحلو ردي بيتج انتي واعيالج باليل قولي اعيالي يبون بيتهم كله يبجون هناك ولا تعلمينه انج بترجعين ونومي اعيالج واقعدي بروحج واذا جا روحي حيل ضميه وبعدين فهمه بسياسه*

 

[! بــدويه وآآيــد !]

،


ردي بيتج وقولي اهلي تضايقوا منهم محد يستحمل العيال الا بيت ابوهم
واذا ماتبيني نام وعيش بروحك على راحتك
الله يريح بالج