سالفه المصرووووف ,,, ابي رايكم يالمزيوونات ....

[معلمة الاجيال]

حبيبتي اول شي فترة الملجه ماله داعي تتشرهين عليه وتطالبين بالفلوس ... لان فترة الملجه طلعات وتعارف ووناسه لازم تعرفينه ويعرفج اكثر وتكسبين قلبه وهو كذلك ............


ثانيا الاسلوب الي ييتي فيه غلط .. مفروض ماتقولين لامج وتكلمه !!!!

لا تدخلين امج بهالسوالف .. حلي مشاكلكم بينكم اثنيناتكم =)
وانتي احرجتيه جدام امج من جذي قالها انشالله ..... وهالسالفه ماتسوى حيلللللللللللللللل ... ياما تمر ايام عليكم بسوء وتفاهم لكن كل شي بالسياسة ينحل .. انتي لازم تكسبينه

 

[Moim]

اصلا انا بايام الملجه كنت استحي اييب طاري الفلوس عنده حتى لما يعطيني احس منحرجه ان عطاني معنه زوجي فشلون انتي بطلتي وياه الموضوع ؟ لا والله انا اقول كلميه لا ياخذ فكره غلط ترى هالفتره حساسه لا ياخذ فكره ان انتي همج الفلس

 

[shams2008]

يعني اهو وقفها علي 20 تحسين بخل ولاعشان امج قالتله ؟
واشفيكم قلبتو علي البنت 80 ماتكفي حق شهر
كلميه انتي بعد فتره وليني راسه

 

[أم حسيب]

حصل خير المهم انج عرفتي بالكلمة الطيبة تكسبيه

 

[اه ع قلبي]

نصيحه لا تدخلين اي احد بينكم لو شنو توصل ما يسوى عالفلوس

 

[أم توتو]

من الحين الله يهداج تقولين له على المصروف الحين شيبي يفكر انج انسانه ماديه ولا وبعد جايبه امها من الحين خلاص بياخذ عنج فكره ان كل شي تقولين حق امج ابدي حياتج وغيري وجه نظره لج لاتخلينه يمسك عليج شي نعمه الحمد الله ال80عندنا بالسعودي الف ريال انا ريلي يعطيني 500 والحمد الله الله مبارك لي فيها لاني قنوعه متى مالله رزقه بيزيدني خليج قنوعه اختي وكسبي زوجج الفلوس تروح وتجي الله يوفقج يارب

 

[freakiya]

انتي الغلطانه دخلتي امج و ذليتي زوجج احرجتيه جدام امج على 20 و بعدين انتي بفتره ملجه مو فالبيت عنده طيب منه معطيج !
نصيحه دزيله مسج و لا تكبرين الموضوع اعتذري منه كسبي ريلج

 

[love u 4ever]

لووووووول انا استحي واتحرج وتطلع روحي لي طلبت من ريلي فلوووس


شلون انتي اللي مملجه بسسس وهوشتكم على فلووس ؟!


راضيه بسرعه كلها 20 شهر مالها هذاك التأثير تطير بيووم :xd

 

[زين ودلال]

انا مصروفي 80 وبعض المرات يعطيني 100 واذا ابي شي اهو اييبلي واذا طلعت معاه وابي شي اهو يدفع يعني الحمدالله مايقصر وانا الحين تخرجت من المعهد يعني لا اعانه ولا شي غير مصروفي منه والحمدالله عايشه طبيعي

لا تكدرين حياتج عشان 20 ترى ماتسوى والله

انتي شوفي اذا يعطيج ال80 واذا طلعتوا اهو يشتريلج زين على زين بس اذا لا ماكو شي غير ال80 وانتي دبري حالج حاولي تناقشينه بهدووووء

 

[زين ودلال]

اهااا توني استوعب انج املجه مو عنده

والله مادري

انا عن نفسي لما كان يعطيني بالملجه كنت استحيييييييييييي حدي اني اخذهم ويهي يصير احمرررررررررررررررررررررررر

وحتى اول ماتزوجنا امبيه ماكنت اطلب فلوس ولا اييب طاري الفلوس وكان يقولي تبين فلوس اقوله لا عندي حتى لو ماعندي

بس الحين عقب سنتين لا عادي اطلب منه واقوله

وحبيبتي قولي الحمدالله والله في حريم عندهم عيال ومصاريف وااايد وريلها مايعطيها حتى نص دينار

انتي حاولي تأقلمين نفسج باللي عندج وان شاء الله باجر تتوظفين وماتحتاجين فلوس من احد ان شاء الله

 

[ضحاوي الديره]

غلطاااااااااااااااانه دخلتي امج والسبب المصروف
وبعدين دامجمالجه وببيت اهلج اهو مو مطالب يصرف عليج حتى لو بالجامعه !!
لي صرتي عنده يصير خير ودامه قالج 80 كثرررررررررر الله خيره

نصيحه اعتذري منه وبيني له انج ندمانه وغلطانه لا ياخذ فكره عنج انج ماديه وراعية طلايب

 

[زوجة عزيز]

انا مع بدويه وايد

 

[سكوتي بذوقي]

الموضوع بينك وبينه

غلط تدخلين امك

بعدين هو مو مسئول عنك ألحين

انتي مو في بيته

لما تصيرين معاه في بيت واحد لك كل الحقوق

أما ألحين قولي الحمد لله هو من نفسه يعطيكِ

لما تصيرين معاه وتصير بينكم مشاكل بتعلمين امك بعد ؟

هذا غلط ياختي كل الأسرار تكون بين الزوجين بس علشان ماتصير مشاكل كبيره بسبب امور صغيره

الله يوفقك ويسعدك اختي

 

[Doll*FaCe]

100 دينار يعني 1000 ريال قطري؟
ما اعرف للدينار :$
بس اذا كانت 1000 ريال .. احسها ولا شي :s
ولا يمكن احنا بالدوحه ماتسوي عندنا شيء..
شخصياً.. اقل شيء مصروفي من زوجي يكون 5000 ريال وبعد ماتكفي
لهدرجة المعيشة بالكويت ارخص من الدوحة

 

[^^المهره^^]

صراحه انا الي مستغربه منه سالفة مصروف!!!!!!!!!
شنو يعني يحددلج مصروف شهري ؟؟
انتي مرته وبذمته ملزوم يدفع كل احتياجاتج بدون تحديد
متى ماصرتي تشتغلين عنده ذيك الساع يحددلج مصروف شهري بس انتي مرته وفي ذمته لي يحدد
يمكن اييج شهر ماتصرفين فيه حتى 50 وساعات اييج شهر مصاريفج تزيد مثلا عندج متاسبه ولا تبين تهدين احد ولا احتجتي تشترين شي ضروري ولا ولا والاسباب وايد
شلون يعني اذا خلصتي مصروفج مايعطيج مثلا؟؟؟
اللي اعرفه ان الريال ملزوم يصرف على مرته من الايه تو زد اكيد طبعا بحدود طاقته و ماترهقه
بس مايحددلي جني خدامه عنده!!

مادري هذا رايي!

 

[Model Look]

حبيبتي واللي يقولج لما ملجت ولا فلس عطاني !!!!

ولما صرت عنده يقط علي الفلوس قط ومايخلي بخاطري ولا شي فديته

وانا صرت استحي اصلا اطلب منه من كرمه وكله اقوله مشكور وماتقصر وعسا الله يطول عمرك

الحين ملجه وتتهارشين علا عشرين !!!!!!

انا حزه الملجه كله ابين له انه اهلي عازيني ومو ناقصني شي ولا بحاجته اصلا

غلطانه دششتي امج بالسالفه كلش مالا داعي

ترا اذا صرتي عنده غير وهالله هالله بالكلام الطيب

 

[ام دليار]

يعني انتي عايشة بيت أبوكي ولابيت زوجك

اذا بعدك ماتزوجتي كيف بتتطلبي منه مصروف

قبل لااتزوج حاول زوجي يعطيني مصروف رفضت وزعلت منه
قلتله ليش وين أبوي وأخواتي اني مش محتاجة شي
بس اصير عندك اعطيني على كيفك
تخيلي أترجاه مشان يزيد شوية مصاري

أنتي لزم بس يعطيكي ترفضي حتى يعرف أن نفسك عزيزة

 

[صادقة بكلمتي]

انا ما بلومج لني ما اعرف شنو وضعك وظروفج حبيبتي بس اعتذري منه وجيبيه بالطيب لا تحسيسنه شنو ما كانت حاجتج انج مادية وقوليله انت سندي الحين دامني صرت على اسمك وباجر لا خلصت دراسة ورفعت اسمك واسم اهلي وتوظفت بعينك مثل ما عنتني بحاجتي وبخفف عليك مصرفي والله يسخره لج وخل الوالده حق المهم والكبير لا ادخلينها على شي ما يسوي حبيبتي وتخلينه تترجى يعطيج او تطلبه لاي سبب حتى لو كانت تدريبموقفه معاج لاي موضوع بالمستقبل

 

[pusy cat]

ملجه ويصرف عليج !!!

دام انج فبيت اهلج مو مكلوف فيج لي صرتي فبيته ذيج الساع يصير خير

بعدين وين اعانتج وانتي متزوجه المفروض يزيدون اعانتج

لا ومدخله امج بالسالفه

انا اقول ابلعي العافيه لا الرجال يعافج مره وحده ويتكنسل الزواج

 

[أحبك أمي]

غريبه بيت اهلها ويصرف عليها